ბოლნისის გენდერული თანასწორობის საბჭო/Gender Council of bolnisi

გილოცავთ ქალთა საერთაშორისო დღეს!

🔬 11 თებერვალი – ქალებისა და გოგოების საერთაშორისო დღეა მეცნიერებაში!

📌 STEM (მეცნიერება, ტექნოლოგია, ინჟინერია და მათემატიკა) სფეროებში ქალების ჩართულობა გადამწყვეტია ინოვაციისა და პროგრესისთვის, მაგრამ სტატისტიკა გვიჩვენებს, რომ ჯერ კიდევ ბევრი გამოწვევაა:

📊 ტექნოლოგიურ სექტორში დასაქმებულთა მხოლოდ 20%-ია ქალი
📊 უმაღლეს განათლებაში სტუდენტთა 38.6% ქალია საბაკალავრო პროგრამებზე, 43.4% – სამაგისტროზე, ხოლო პროფესიულ განათლებაში –20.6%

👩‍🔬 ქალების უფრო აქტიური ჩართულობა მეცნიერებასა და ტექნოლოგიებში ნიშნავს ძლიერ ეკონომიკასა და საზოგადოებას!

📌 მოვუსმინოთ, გავაძლიეროთ და მხარი დავუჭიროთ მომავალ მეცნიერ ქალებს!

🟠ბოლნისის მუნიციპალიტეტის გენდერული საბჭოს ინიციატივით , გენდერული ძალადობის წინაარმდეგ 16 დღიანი კამპანიის ფარგლებში ქალაქის შემოსასვლელში მცირე პერფორმანსი მოეწყო .

🟠მუნიციპალიტეტის გენდერული საბჭო, ქალთა და გოგონათა ძალადობის წინააღმდეგ კამპანიას ყოველწლიურად უერთდება.კამპანიის ფარგლებში სხვადსხვა უწყებების ჩართულობით არაერთი აქტივობაა დაგეგმილი.

🟠აღსანიშნავია, რომ მსოფლიო მასშტაბით გენდერული ძალადობის წინააღმდეგ ბრძოლის 16 დღიანი კამპანია 1991 წლიდან, 25 ნოემბრიდან 10 დეკემბრის ჩათვლით, ყოველწლიურად აღინიშნება. მისი მიზანი ქალთა მიმართ და ოჯახში ძალადობის აღმოსაფრხვრელად საზოგადოების ცნობიერების ამაღლებაა.

📣 11 ოქტომბერი გოგოების საერთაშორისო დღეა. 2024 წლის თემაა - “გოგოების ხედვა მომავლის შესახებ!”

📣 11 ოქტომბერი გოგოების საერთაშორისო დღეა. 2024 წლის თემაა - “გოგოების ხედვა მომავლის შესახებ!”

📝 ბოლნისის მუნიციპალიტეტის გენდერული თანასწორობის საბჭოს მიერ განიხილება შემდეგი პროექტი - ,, ქალთა ეკონომიკური გაძლიერება“ . შპს „ საერთაშორისო ტრენინგ ცენტრი გენეზისი“ ფორმალური განათლების ფარგლებში ახორციელებს შემდეგ პროგრამებს :
🔸 დერმოპიგმენტაცია
🔸 ესთეტიკური კოსმეტოლოგია
🔸 ლაზერული ეპილაცია

🔶 თითოეული მონაწილე გაივლის სწავლებას და გადაეცემა სახელმწიფოს მიერ აღიარებული სერტიფიკატი

🟣მიმდინარე წლის 13 აგვისტოს, ბოლნისის მუნიციპალიტეტის გენდერული თანასწორობის საბჭოს მორიგი სხდომა გაიმართა.

🟣სხდომას გენდერული საბჭოს თავმჯდომარის მოადგილე ფერიდე ტვილდიანი ხელმძღვანელობდა.
სხდომაზე, დღის წესრიგით გათვალისწინებული იყო შემდეგი საკითხები:

🟠პროექტი - ,, ქალთა ეკონომიკური გაძლიერება“ . შპს „ საერთაშორისო ტრენინგ ცენტრი გენეზისი“ ფორმალური განათლების ფარგლებში, ახორციელებს შემდეგ პროგრამებს : დერმოპიგმენტაცია , ესთეტიკური კოსმეტოლოგია , ლაზერული ეპილაცია.

🟠პროექტი - ,,უსაფრთხო ონლაინი: ქალთა გაძლიერება ციფრულ ეკონომიკაში’’, რომლის მიზანია ხელი შეუწყოს ინკლუზიურ-ეკონომიკურ ზრდას, ბიზნესში ქალების ონლაინ უსაფრთხოების უზრუნველყოფის გზით.

🟠შშმ პირებზე მორგებული ადაპტირებული მოსაცდელები.

🟣საბჭოს წევრებმა, შეხვედრაზე განხილულ საკითხებზე იმსჯელეს , დასახეს სამომავლო მიზნები , რომელიც უზრუნველყოფს მუნიციპალიტეტში გენდერული თანასწორობის ხელშეწყობას, გენდერულად მგრძნობიარე პოლიტიკის განხორციელებასა და ქალთა ეკონომიკურ გაძლიერებას.

💜ბოლნისის მუნიციპალიტეტის გენდერული თანასწორობის განყოფილებისა და საბჭოს ორგანიზებით გაიმართა ნახატებისა და პოსტერების კონკურსი მოსწავლე-ახალგაზრდებისთვის.

💜კონკურსში ჩართულმა სკოლებმა წარმოადგინეს ნამუშევრები თემაზე ,,ქალები გმირები“-რომელსაც ერთვოდა მცირე სახის ესე, სადაც წარმოჩენილი იყო ავტორის თვალით დანახული გმირი ქალი.

💜ნახატებისა და პოსტერების გამოფენა ბოლნისის მუნიციპალიტეტის კულტურის სახლის ფოიეში გაიმართა.

💜კონკურსში მონაწილე ახალგარზრდა შემოქმედები დაჯილდოვდნენ სიგალებითა და სიმბოლური საჩუქრებით.

💜შეგახსენებთ რომ, გამოფენას სახელწოდებით ,,ქალები გმირები’’, ახორციელებს ჩეხეთის ცენტრი საქართველოში.

"საბაობა 2024"

ბოლნისის მუნიციპალიტეტის მერია 29 ივნისს სოფელ ტანძიაში, სულხან-საბა ორბელიანის ლიტერატურულ მუზეუმში, გიწვევთ ფესტივალზე „საბაობა 2024“.

ფესტივალის განრიგი:

16:00 – მუზეუმის ეზოში მდებარე წმინდა ნიკოლოზის სახელობის ეკლესიაში ჩატარდება სულხან-საბა ორბელიანის სულის მოსახსენებელი პანაშვიდი;

16:20 – ღონისძიების გახსნა;
მოეწყობა ბოლნისის კულტურის ცენტრთან არსებული შემოქმედებითი ჯგუფების ეთნო კუთხეები, ქალაქ ბოლნისის კულტურის სახლთან არსებული სამხატვრო სტუდია „ოპიზარის“ მოსწავლეების ნახატების გამოფენა, ასევე, ადგილობრივი ნაწარმისა და რეწვის ოსტატების ნამუშევრების გამოფენა-გაყიდვა;

16:30 – ბავშვთა და მოზარდთა თეატრ-სტუდიის „საზღაპრეთი 2“ თეატრალური წარმოდგენა;

17:00 – ქართული საბრძოლო ხელოვნების სპექტაკლი „სამეფო ხმლის ამბავი“;

17:30 – შესრულდება ადგილობრივი ფოლკლორული ანსამბლების მუსიკალური ნომრები;

18:00 – გაიმართება 2024 წელს მასწავლებლის ეროვნულ ჯილდოზე წარდგენილი პედაგოგებისა და 2023-2024 სასწავლო წლის წარჩინებული კურსდამთავრებული მოსწავლეების დაჯილდოების ცერემონია;

19:00 – ფესტივალს დახურავს გორის ქალთა გუნდი თეონა ცირამუას ხელმძღვანელობით.

ფესტივალის მხარდამჭერია ბოლნისის მუნიციპალიტეტის მერია, ორგანიზატორი – ბოლნისის მუნიციპალიტეტის კულტურის ცენტრი.

პროექტის პარტნიორია ბოლნისის საგანმანათლებლო რესურსცენტრი, ხოლო ავტორი – ლაშა ნოზაძე.

დასწრება თავისუფალია!

„აქციე ჯანმრთელობა პრიორიტეტად“ - ბოლნისის მუნიციპალიტეტის გენდერული თანასწოირობის საბჭოს ორგანიზებით მორიგი საინფორმაციო შეხვედრა გაიმართა.

საბჭოს ერთ-ერთი მიზანია ქალთა რეპროდუქციული ჯანმრთელობის შესახებ ცნობიერების ამაღლება და მუნიციპალიტეტში მცხოვრები ქალებისა და გოგონებისთვის რეპროდუქციულ ჯანმრთელობის სერვისების ხელმისაწვდომობის უზრუნველყოფის ხელშეწყობა.

შეხვედრაზე, მარნეულის ავერსის კლინიკის მეან-გინეკოლოგმა, ენდოკრინოლოგმა და ონკო მამოლოგმა ქალებს დეტალური ინფორმაცია მიაწოდეს თუ რა ჩივილების დროს უნდა მიმართონ ექიმს, რათა დროულად მოხდეს დაავადების პრევენცია. ასევე, დამსწრე საზოგადოებას მიეწოდა ინფორმაცია სხვადასხვა სახელმწიფო სამედიცინო სერვისებზე.