ქუთაისის სააპელაციო სასამართლო - Kutaisi Court of Appeals

„Ipsos France“-ის მნიშვნელოვანი კვლევის შედეგები „Ipsos France“-ის მნიშვნელოვანი კვლევის შედეგები 24 ოქტომბერი 2024 საქართველოს იუსტიციის სამინისტროს დაკვეთით, კონსორციუ.....

ქუთაისის სააპელაციო სასამართლოს დაარსების ისტორია, მისი მუშაობის სპეციფიკა, არასრულწლოვანთა მართლმსაჯულების კოდექსი და მოზარდებისთვის საინტერესო სხვა სამართლებრივი საკითხები - ქუთაისის სააპელაციო სასამართლოს თავმჯდომარე ირაკლი ბონდარენკომ ახალგაზრდული ცენტრის სასწავლო ვიზიტს უმასპინძლა.

ქუთაისის სააპელაციო სასამართლო გილოცავთ დამდეგ ახალ წელს!
ჯანსაღ, წარმატებულ და ბედნიერ მომავალს გისურვებთ თითოეულ თქვენგანსა და სრულიად საქართველოს!

სასამართლოსთან სკოლის მოსწავლეების ინფორმაციულ-შემეცნებითი კონტაქტი მომავალ თაობაში სამოქალაქო თვითშეგნების ამაღლებისთვის მნიშვნელოვანი საქმეა. ქუთაისის სააპელაციო სასამართლო, წლებია, ყურადღებით ეკიდება ამ თემას. ამჯერად, ქუთაისის ნიკო ნიკოლაძის სახელობის სკოლა-კოლეჯის სასწავლო ვიზიტი სასამართლოში სამოქალაქო კვირეულის ფარგლებში შედგა.
ქუთაისის სააპელაციო სასამართლოს შენობაში გაცნობითი ტური და საინტერესო შეხვედრა სასამართლოს თავმჯდომარე ირაკლი ბონდარენკოსთან - ასეთი იყო კიდევ ერთი ღონისძიების დღის წესრიგი. სამომავლოდ, დაიგეგმა სასამართლოს სხდომათა დარბაზში იმიტირებული პროცესის გამართვა, რომლის ორგანიზებაში მოსწავლეთა სამოქალაქო კლუბს პროფესიონალურ დახმარებას პრაქტიკოსი იურისტები გაუწევენ.

ქუთაისის სააპელაციო სასამართლო აგრძელებს შეხვედრებს სასკოლო საგანმანათლებლო პროექტის ფარგლებში. ამჯერად, სასამართლოს სასწავლო ვიზიტით ეწვივნენ ქალაქის 31-ე სკოლის სამოქალაქო განათლების კლუბის წევრი მოსწავლეები. ტურის ფარგლებში, ბავშვები გაეცნენ ქუთაისის სააპელაციო სასამართლოს დაარსების ისტორიას, მისი მუშაობის სპეციფიკას, დაათვალიერეს სხდომათა დარბაზები. შეხვდნენ სასამართლოს თავმჯდომარეს ირაკლი ბონდარენკოს და უშუალოდ მისგან მიიღეს პროფესიონალის პასუხები მათთვის საინტერესო კითხვებზე, მათ შორის, სასამართლო კოლეგიების განსჯადობისა და არასრულწლოვანთა მართლმსაჯულების კოდექსის შესახებ.

სასამართლოს მომხმარებლის მხრიდან საკმაოდ მაღალია სატელეფონო კომუნიკაციის მოთხოვნა. ერთიანი პლატფორმის შექმნის მიზანი კი ინფორმაციის დროული და ეფექტიანი მიწოდების უზრუნველყოფაა.
ქოლ-ცენტრის მომსახურება დაინტერესებულ პირებს დაეხმარება დაზოგონ დრო და მიიღონ მათთვის საჭირო ინფორმაცია.

სასამართლო სისტემაში ერთიანი ქოლ-ცენტრი ამოქმედდა საერთო სასამართლოების საინფორმაციო ცენტრი - ნომერზე 15 45 - მოქალაქეებს გაუმჯობესებულ სატელ

ქუთაისის სააპელაციო სასამართლო ორგანიზაცია „ახალგაზრდა ადვოკატებისგან“ დაწესებულ ნომინაციაში - „ღია სასამართლო ინსტანცია“ - 2021 წლის გამარჯვებულად გამოცხადდა.
,,სასამართლომ აჩვენა ინსტიტუციური და პროფესიული თანამშრომლობის სტანდარტი, - განმარტავს ორგანიზაციის ადმინისტრაცია. - „სასამართლოს მეგობრის“ სტატუსით ქუთაისის სააპელაციო სასამართლოს წარვუდგინეთ გელათის ტაძრის ირგვლივ მიღებულ გადაწყვეტილებებზე სამართლებრივი დასკვნა, რაც სრულად გაიზიარა განმხილველმა შემადგენლობამ. ცალკე აღნიშვნის ღირსია სასამართლოს მენეჯმენტის პროცესის მონაწილე მხარეებთან კომუნიკაციის სტანდარტი, რაც ხორციელდება კარგი თანამშრომლობის პრინციპების გათვალისწინებით.''
ქუთაისის სააპელაციო სასამართლოს სახელით, წლის ტრადიციულ ღონისძიებას დაესწრო სასამართლოს მენეჯერი გიორგი ზარნაძე.
ვულოცავთ სააპელაციო სასამართლოს მთლიან შემადგენლობას ამ აღიარებას და, ჩვენი მხრივ, მადლობას ვუხდით ორგანიზაცია ,,ახალგაზრდა ადვოკატებს'' ნდობისა და თანამშრომლობისთვის.

ქუთაისის სააპელაციო სასამართლომ ამერიკის ფედერალურ მოსამართლეს - ვირჯინია ქოვინგტონს უმასპინძლა. მისი ვიზიტი USAID-ის პროგრამა „კანონის უზენაესობის მხარდაჭერა საქართველოში“ (PROLoG) ფარგლებში მიმდინარეობდა. ვირჯინია ქოვინგტონი შეხვდა და ესაუბრა ქუთაისის სააპელაციო სასამართლოს თავმჯდომარეს ამირან ძაბუნიძესა და მოსამართლეებს, დაესწრო სასამართლო პროცესებს. გაცვლითი ინფორმაციული დიალოგის თემები იყო საქმეთა ეფექტიანი ადმინისტრირება და მენეჯმენტი, მოსამართლეთა დატვირთულობა და მათი რაოდენობის გაზრდის საჭიროება, ადგილობრივი მოსახლეობის ინფორმირება სასამართლოს სერვისების შესახებ, სასამართლოს სხდომებში მონაწილე პირებთან ეფექტიანი კომუნიკაცია და სხვა.
ადამიანის უფლებებისა და მართლმსაჯულების ხელშეწყობის პროგრამასა( PROLoG) და საქართველოს სასამართლოების სისტემას შორის თანამშრომლობა 2015 წლიდან დაიწყო და დღემდე ეფექტურად გრძელდება სამართლიანი სასამართლო პროცესისა და ადამიანის უფლებათა დაცვის უზრუნველყოფისათვის.

ქუთაისის სააპელაციო სასამართლოს განცხადება

ქუთაისის სააპელაციო სასამართლო აცხადებს კონკურსს შემდეგ ვაკანტურ თანამდებობებზე:

საკადრო და საორგანიზაციო საკითხთა განყოფილების მთავარი კონსულტანტი, მოსამართლის თანაშემწე,
მეორადი სტრუქტურული ერთეულის ხელმძღვანელი - 6 საშტატო ერთეული.

მოსამართლის თანაშემწე, პირველი კატეგორიის უფროსი სპეციალისტი - 4 საშტატო ერთეული.

სხდომის მდივანი, მეორე კატეგორიის უფროსი სპეციალისტი - 2 საშტატო ერთეული.

კანცელარიისა და მოქალაქეთა მისაღების (განყოფილება) ადმინისტრაციულ საქმეთა პალატის სექტორის სპეციალისტი, პირველი კატეგორიის უმცროსი სპეციალისტი - 1საშტატო ერთეული.

სააპლიკაციო ფორმა შეგიძლიათ ნახოთ შემდეგ ბმულზე:

HR.gov.ge - სსიპ საჯარო სამსახურის ბიურო საჯარო სამსახურში უზრუნველყოფილია თანაბარი დასაქმების პირობები და დასაქმების მსურველთა განცხადებების განხი.....

საერთო სასამართლოების დეპარტამენტის ხელმძღვანელობამ ქუთაისის სააპელაციო სასამართლოში მიმდინარე სარემონტო- სარეაბილიტაციო სამუშაოები დაათვალიერა და შეაფასა. ამასთან, სასამართლოს თავმჯდომარესა და მენეჯერთან შეთანხმებით, დაიგეგმა ახალი ინფრასტრუქტურული პროექტები და მატერიალურ-ტექნიკური ბაზის განახლება ქუთაისის სააპელაციო სასამართლოში.