Rustavi city court/რუსთავის საქალაქო სასამართლო

2026 წლის 29 აპრილს, რუსთავის საქალაქო სასამართლომ კიდევ ერთი მადლობის წერილი მიიღო.

მოქალაქე გამოხატავს გულრწფელ პატივისცემას და აღტაცებას, რუსთავის საქალაქო სასამართლოს სამოქალაქო საქმეთა კოლეგიის მოსამართლის, ბატონ რომან კუპატაძის მიმართ და აფასებს მას, როგორც სამართლიან, კომპეტენტურ, პროფესიონალ და დისციპლინირებულ მოსამართლეს.

განმცხადებელი წერილში აღნიშნავს, რომ თვალნათელია მხარეებისადმი მოსამართლის, ბატონ რომან კუპატაძის ღირსეული და კეთილსინდისიერი მოპყრობა. საქმის განხილვისას, მაშინაც კი, როდესაც მხარე სხვაგვარ გადაწყვეტილებას ისურვებდა, აცნობიერებს, რომ მიღებული შედეგი ობიექტური და სამართლიანია.

2026 წელს, ეს უკვე მე-4 შემთხვევაა, როდესაც სასამართლოს მომხმარებელი, წერილობით გამოხატავს მადლიერებას რუსთავის საქალაქო სასამართლოს მოსამართლეებისა და თანამშრომლების მიმართ.

მიუხედავად იმისა, რომ მოქალაქეს მოცემულ შემთხვევაშიც არ დაუმალავს პერსონალური მონაცემები, საზოგადოებას წარმოდგენილ განცხადებას ვთავაზობთ ამ პირის პერსონალური მონაცემების დაფარვით, ვინაიდან, ჩვენ არ შეგვითანხმებია მასთან აღნიშნული განცხადების გასაჯაროების საკითხი.

რუსთავის საქალაქო სასამართლო აქტიურად აგრძელებს თანამშრომლობას ა(ა)იპ „ცენტრალურ სისხლის დაწესებულებასთან“ და სისტემატურად ერთვება დონაციის პროცესში.

სისხლის საჭირო მარაგის შესაქმნელად, 2026 წლის 02 აპრილს, რუსთავის საქალაქო სასამართლოს მოსამართლეებმა და აპარატის თანამშრომლებმა, ა(ა)იპ „ცენტრალურ სისხლის დაწესებულებასთან“ ერთად, კვლავ მიიღეს მონაწილეობა სისხლის უანგარო დონაციის აქციაში - „გაიღე სისხლი, მიეცი იმედი: ერთად ჩვენ გადავარჩენთ სიცოცხლეს“.

რუსთავის საქალაქო სასამართლოს თანამშრომლები ვაცნობიერებთ, რომ:

“ჭეშმარიტად ქველმოქმედნია ისინი, ვინც მოყვასის გადასარჩენად აბარებენ საკუთარ სისხლს. გაჭირვებულისათვის ერთი ჭიქა წყლის მიწოდებაც მადლია ღვთის წინაშე: მითუმეტეს დასაფასებელია ღვაწლი მათი, ვინც სისხლის გაღებით სიცოცხლეს შეუნარჩუნებს განსაცდელში მყოფთ. ღმერთმა დალოცოს ყოველი ადამიანი ამ მადლის მოქმედი“ - სრულიად საქართველოს კათალიკოს პატრიარქი ილია II.

რუსთავის საქალაქო სასამართლოს ახალი სოციალური ინიციატივა „უფასო წიგნები“

რუსთავის საქალაქო სასამართლოში ამოქმედდა პროექტი „უფასო წიგნები“, რომლის მიზანია ახალგაზრდებისთვის წიგნებზე ხელმისაწვდომობის გაზრდა.

პროექტის განხორციელების მიზნით, რუსთავის საქალაქო სასამართლოს შენობის ფასადზე მოეწყო სპეციალური ყუთი, საიდანაც ნებისმიერ მსურველს შეუძლია უფასოდ ისარგებლოს მასში განთავსებული სხვადასხვა წიგნით.

ინიციატივა განსაკუთრებით მნიშვნელოვანია იმ მოქალაქეებისთვის, რომელთაც შეზღუდული აქვთ წვდომა საგანმანათლებლო რესურსებზე.

პროექტი ემსახურება საზოგადოების ცნობიერების ამაღლებასა და განათლებაზე ხელმისაწვდომობის გაფართოებას.

2026 წლის 10 მარტს, რუსთავის საქალაქო სასამართლომ მადლობის წერილი მიიღო.

მოქალაქე, პატივისცემას გამოხატავს, როგორც რუსთავის საქალაქო სასამართლოს სამოქალაქო საქმეთა კოლეგიის მოსამართლის, ქალბატონ დიანა გოგატიშვილის მიმართ და აფასებს მას, როგორც ღირსებულ და საქმისადმი პასუხისმგებლობის მქონე მოსამართლეს, ასევე მისი აპარატის: მოსამართლის თანაშემწის, თამარ ჩიქოვანისა და სხდომის მდივნის, სალომე არევაძის მიმართ.

2026 წელს, ეს უკვე მე-3 შემთხვევაა, როდესაც სასამართლოს მომხმარებელი, წერილობით გამოხატავს მადლიერებას რუსთავის საქალაქო სასამართლოს მოსამართლეებისა და თანამშრომლების მიმართ.

მიუხედავად იმისა, რომ მოქალაქეს მოცემულ შემთხვევაშიც არ დაუმალავს პერსონალური მონაცემები, საზოგადოებას წარმოდგენილ განცხადებას ვთავაზობთ ამ პირის პერსონალური მონაცემების დაფარვით, ვინაიდან, ჩვენ არ შეგვითანხმებია მასთან აღნიშნული განცხადების გასაჯაროების საკითხი.

2026 წლის 05 თებერვალს, რუსთავის საქალაქო სასამართლომ მადლობის წერილი მიიღო.

მოქალაქე, მადლობას უხდის რუსთავის საქალაქო სასამართლოს სისხლის სამართლის საქმეთა კოლეგიის მოსამართლეს, ქალბატონ ქრისტინე კოპალიანს, გამოჩენილი პროფესიონალიზმის, ყურადღებისა და სამართლიანი დამოკიდებულებისთვის.

სასამართლოს მომხმარებელი, მადლიერებას გამოხატავს, ასევე რუსთავის საქალაქო სასამართლოს სხდომის მდივნის - ანანო გოგოლაძის მიმართ და აფასებს მას, როგორც ყურადღებიან, თავაზიან და პასუხისმგებლობის მქონე თანამშრომელს.

საყურადღებოა აღინიშნოს, რომ 2026 წელს, ეს უკვე მე-2 შემთხვევაა, როდესაც სასამართლოს მომხმარებელი, წერილობით გამოხატავს მადლიერებას რუსთავის საქალაქო სასამართლოს მოსამართლეებისა და თანამშრომლების მიმართ.

მიუხედავად იმისა, რომ მოქალაქეს მოცემულ შემთხვევაშიც არ დაუმალავს პერსონალური მონაცემები, საზოგადოებას წარმოდგენილ განცხადებას ვთავაზობთ ამ პირის პერსონალური მონაცმების დაფარვით, ვინაიდან, ჩვენ არ შეგვითანხმებია მასთან აღნიშნული განცხადებას გასაჯაროების საკითხი.

რუსთავის საქალაქო და გარდაბნის მუნიციპალიტეტის მაგისტრატი სასამართლოების 2025 წლის საქმიანობის ანგარიში

სიახლეები - რუსთავის საქალაქო სასამართლო რუსთავის საქალაქო და გარდაბნის მუნიციპალიტეტის მაგისტრატი სასამართლოების 2025 წლის საქმიანობის ანგარიში.

2026 წლის 15 იანვარს, რუსთავის საქალაქო სასამართლომ მადლობის წერილი მიიღო.

მიღებული სერვისით კმაყოფილი ადვოკატი მადლიერებას გამოხატავს რუსთავის საქალაქო სასამართლოს მოსამართლის თანაშემწის - ეკატერინე ბერიძის მიმართ და აფასებს მას როგორც თავაზიან, გულისხმიერ, კომუნიკაბელურ და საქმისადმი პასუხისმგებლიან მოხელედ, რომელიც მას, როგორც ადვოკატს უადვილებს სასამართლოში საქმისწარმოებასთან დაკავშირებულ საადვოკატო საქმიანობას.

მიუხედავად იმისა, რომ განმცხადებელს არ დაუმალავს პერსონალური მონაცემები, საზოგადოებას წარმოდგენილ განცხადებას ვთავაზობთ ამ პირის პერსონალური მონაცემების დაფარვით, ვინაიდან, ჩვენ არ შეგვითანხმებია მასთან აღნიშნული განცხადების გასაჯაროვების საკითხი.