ქართული ოცნება-სენაკის ახალგაზრდული ორგანიზაცია

„ქართული ოცნების“ ახალგაზრდულ ორგანიზაციასა და უნგრეთის მმართველი პარტიის ახალგაზრდულ ორგანიზაციას „ფიდელიტასი“ შორის თანამშრომლობა განვითარების ახალ ეტაპზე გადადის!

„ქართული ოცნების“ ახალგაზრდული ორგანიზაციის დელეგაცია „ფიდელიტასის“ მიწვევით 13-16 ნოემბერს, უნგრეთის დედაქალაქ ბუდაპეშტს ეწვევა.

ვიზიტის ფარგლებში, ჩვენი ორგანიზაციის წევრები სხვადასხვა პოლიტიკურ და კულტურულ ღონისძიებაში ჩაერთვებიან - 14 ნოემბერს საერთაშორისო ახალგაზრდულ კონფერენციაში ,,ერების სუვერენიტეტის დაცვა” მიიღებენ მონაწილეობას, სადაც პანელურ დისკუსიებზე სიტყვით გამოვლენ.

15 ნოემბერს კი, პარტიის ახალგაზრდული ორგანიზაციის დელეგაცია ,,ფიდელიტასის” კონგრესს დაესწრება. 2026 წელს უნგრეთში დაგეგმილი არჩევნების გათვალისწინებით, წლევანდელ კონგრესს განსაკუთრებული მნიშვნელობა აქვს. ღონისძიებებზე მოწვეული არიან წამყვანი ახალგაზრული ორგანიზაციები ევროპიდან და ამერიკის შეერთებული შტატებიდან.

2025 წლის 17 ივნისს საქართველოსა და უნგრეთის მმართველი პარტიების ახალგაზრდულ ორგანიზაციებს შორის ურთიერთთანამშრომლობის მემორანდუმი გაფორმდა, რომელიც მოიცავს ერთობლივი პროექტების განხორციელებას, გაცვლითი პროგრამების ორგანიზებასა და ახალგაზრდული ინიციატივების ხელშეწყობას განათლების, კულტურის, სპორტისა და მოხალისეობის მიმართულებით.

მემორანდუმის ფარგლებში ჩვენმა ორგანიზაციამ მიმდინარე წლის ზაფხულში უკვე უმასპინძლა ქართულ-უნგრული მეგობრობის ახალგაზრდულ ბანაკსა და სხვადასხვა თემატურ ღონისძიებას.

#ქართულიოცნება
#ახალგაზრდულიორგანიზაცია