მსჯავრდებულთა პროფესიული მომზადებისა და გადამზადების ცენტრი

🔷N2 პენიტენციურ დაწესებულებაში მსჯავრდებულებისთვის მენეჯმენტის საფუძვლების შესახებ ტრენინგი ჩატარდა

🔹იუსტიციის სამინისტროს სსიპ „მსჯავრდებულთა პროფესიული მომზადებისა და გადამზადების ცენტრი“ პროფესიულ კოლეჯებთან თანამშრომლობას აგრძელებს. ურთიერთთანამშრომლობის მემორანდუმის ფარგლებში, N2 პენიტენციურ დაწესებულებაში მყოფი მსჯავრდებულებისთვის მენეჯმენტის საფუძვლების შესახებ ტრენინგი ჩატარდა.

🔹უსაფრთხოების აკადემიის პროფესიული კოლეჯის დირექტორმა, დავით მაზმიშვილმა მსჯავრდებულებს დეტალური ინფორმაცია მიაწოდა კოლეჯის საქმიანობის, შრომის უსაფრთხოების მნიშვნელობისა და იმ მოკლევადიანი კურსების შესახებ, რომელთა განხორციელებაც პენიტენციურ დაწესებულებაშია შესაძლებელი.

🔹სამომავლოდ, სსიპ „მსჯავრდებულთა პროფესიული მომზადებისა და გადამზადების ცენტრისა“ და უსაფრთხოების აკადემიის ხელშეწყობით, მსჯავრდებულებისთვის „მიკროკლიმატისა და ფიზიკური ფაქტორების გაზომვის“ შესახებ პროფესიული მომზადების მოკლევადიანი პროგრამა განხორციელდება.

🇬🇪 საქართველოს დამოუკიდებლობის დღე იუსტიციის სამინისტრომ ზუგდიდში აღნიშნა

🔷 საზეიმო ღონისძიების ფარგლებში მოქალაქეებს შესაძლებლობა ჰქონდათ, დაეთვალიერებინათ თავდაცვის ძალების შეიარაღების, სპეციალური პენიტენციური სამსახურისა და საჯარო რეესტრის სპეცტექნიკის გამოფენები, ეროვნული არქივის ინსტალაციები; გადაეღოთ სამახსოვრო ფოტოები სპეციალურად მოწყობილ სივრცეებში; მიეღოთ სიმბოლური პასპორტები; დაბადებისა და ქორწინების მოწმობები.

🔷 ღონისძიებაზე წარმოდგენილი იყო მსჯავრდებულთა ნამუშევრებისა და „რე-მარკეტის“ გამოფენა-გაყიდვა.

🔷 17:10 საათზე, საქართველოს დამოუკიდებლობის გამოცხადების დროს, სიმბოლურად აჟღერდა საქართველოს ეროვნული ჰიმნი, ღონისძიება კი, გრანდიოზული გალა კონცერტით დასრულდა.

🇬🇪 იუსტიციის სამინისტრო კიდევ ერთხელ გილოცავთ საქართველოს
დამოუკიდებლობის დღეს!

1700 წელია რწმენა გვაძლიერებს, სიყვარული გვაერთიანებს!
ეს დღე ჩვენია!

🇬🇪 საქართველოს დამოუკიდებლობის დღეს იუსტიციის სამინისტრო ზუგდიდში აღნიშნავს

ზუგდიდის მთავარ მოედანზე მთელი დღის განმავლობაში გაიმართება კულტურული, სპორტული, საბავშვო თუ გასართობ-შემეცნებით ღონისძიებები:

მოქალაქეებს შესაძლებლობა ექნებათ:
🔹 დაათვალიერონ თავდაცვის ძალების შეიარაღება და ტექნიკა;
🔹 სპეციალური პენიტენციური სამსახურისა და საჯარო რეესტრის სპეცტექნიკის გამოფენა;
🔹 ეროვნული არქივის ინსტალაციები: „1700 წელი საქართველოს გაქრისტიანებიდან“; „საქართველოს პირველი რესპუბლიკა / დამოუკიდებლობის აღდგენა“; „სამეგრელო“;
🔹 გადაიღონ სამახსოვრო ფოტოები გიგანტურ პასპორტთან, ID ბარათისა და ქორწინების სივრცეებში;
🔹 მიიღონ სიმბოლური პასპორტი; დაბადებისა და ქორწინების მოწმობები.
🔹 ღონისძიებაზე წარმოდგენილი იქნება მსჯავრდებულთა ნამუშევრების გამოფენა, „რე-მარკეტის” პროდუქციის გამოფენა-გაყიდვა.
🔹 განსაკუთრებული სანახაობა, გასართობი პროგრამები, აქტივობები, ვიქტორინები და სხვადასხვა სიურპრიზი ელის ბავშვებს.
🔹 მოეწყობა კულინარიის მასტერკლასები და ადგილობრივი მეწარმეების პროდუქციის გამოფენა-გაყიდვა; აგრეთვე, კონცერტი საბავშვო ანსამბლის მონაწილეობით.
🔹 17:10 სთ-ზე აჟღერდება საქართველოს ეროვნული ჰიმნი, ღონისძიებას კი, გრანდიოზული გალა კონცერტი დაასრულებს.

🇬🇪 ერთად აღვნიშნოთ 26 მაისი!
1700 წელია რწმენა გვაძლიერებს, სიყვარული გვაერთიანებს!
ეს დღე ჩვენია!

🇬🇪 26 მაისს დამოუკიდებლობის დღისადმი მიძღვნილ ღონისძიებაზე საქართველოს იუსტიციის სამინისტრო ქ. ზუგდიდში გიმასპინძლებთ.

ღონისძიების ფარგლებში, ზუგდიდის მთავარ მოედანზე სტუმრები შეძლებენ ⤵

🔹 იხილონ საქართველოს ეროვნული არქივის ინსტალაცია – საქართველოს გაქრისტიანებიდან 1700 წელი, ასევე, ინსტალაცია სამეგრელოს შესახებ;
🔹 შეავსონ საპასპორტო მონაცემები, ადგილზე გადაიღონ სურათი, რის შემდეგაც დაუმზადდებათ 26 მაისის ლოგოთი დაბრენდილი, იმიტირებული სამახსოვრო პასპორტები;
🔹 მიიღონ სამართლებრივი კონსულტაციები მათთვის საინტერესო სანოტარო სერვისების შესახებ;
🔹 დაათვალიერონ და შეიძინონ მსჯავრდებულების მიერ დამზადებული ხელნაკეთი ნივთები: ტყავის, ხის, თექისა და სხვადასხვა მასალისგან შექმნილი ნამუშევრები;
🔹 ისარგებლონ გიფერით და გადაიღონ სამახსოვრო ფოტოები;
🔹 ბავშვებთან ერთად უფროსებიც ჩაერთონ სხვადასხვა თამაშში;
🔹 პატარა სტუმრებისთვის მოეწყობა სპეციალური სივრცეები, სადაც შეძლებენ სახის მოხატვას, ფაზლების აწყობას; ჩაუტარდებათ ძერწვის ვორქშოფი; დახვდებათ მხიარული ჰულა-ჰუპები; მონაწილეობას მიიღებენ სახალისო თამაშებსა და შეჯიბრებებში; ასევე, დახვდებათ ჯამბაზები, ოჩოფეხები და მოსიარულე ორკესტრი, ფერადი ბამბის ნაყინი და ბატიბუტი;
🔹 ბავშვები ხატვისა და ანიმაციის მასტერკლასშიც მიიღებენ მონაწილეობას – საკუთარი ფანტაზიით დახატავენ ნახატებს, რომელთაც შემდეგ მოძრავ ანიმაციად გარდაქმნიან;
🔹 მოეწყობა ციფრული ტექნოლოგიების სივრცე – კიბერთამაშები და შემეცნებითი ქვიზები;
🔹 ღონისძიება დასრულდება კონცერტით და ლამაზი სანახაობით.

მაშ, ასე: 26 მაისს შევხვდებით ქალაქ ზუგდიდში.
🇬🇪 ერთად ვიზეიმოთ საქართველოს დამოუკიდებლობის დღე!