სივრცითი და ქალაქთმშენებლობითი განვითარების სააგენტო • Suda

სივრცითი და ქალაქთმშენებლობითი განვითარების სააგენტომ მსოფლიო ურბანულ ფორუმში მიიღო მონაწილეობა

ეკონომიკისა და მდგრადი განვითარების სამინისტროს სივრცითი და ქალაქთმშენებლობითი განვითარების სააგენტოს უფროსის პირველმა მოადგილემ თინათინ ყოლბაიამ მონაწილეობა მიიღო ბაქოში მიმდინარე მსოფლიო ურბანული ფორუმის (WUF 13) ფარგლებში გამართულ თემატურ სესიებში. თავის მოხსენებაში თინათინ ყოლბაიამ საქართველოში მიმდინარე ინსტიტუციურ რეფორმებზე ისაუბრა და ყურადღება გაამახვილა ურბანული განვითარების რეგიონულ ხედვასთან დაკავშირებულ საკითხებზე.

ფორუმის ფარგლებში სივრცითი და ქალაქთმშენებლობითი განვითარების სააგენტომ საქართველოს ეროვნული პავილიონი მოაწყო, სადაც დამთვალიერებლებს შესაძლებლობა ჰქონდათ, ინტერაქტიული ციფრული რუკის პლატფორმის საშუალებით დეტალურად გაცნობოდნენ სივრცითი მონაცემების სტრუქტურას, ვიზუალიზაციასა და პრაქტიკულ გამოყენებას.

გამოფენის ფარგლებში ასევე გაიმართა თემატური პრეზენტაციები, სადაც მონაწილეები პრაქტიკულად განიხილავდნენ, თუ როგორ გამოიყენება ელექტრონული პლატფორმები დაგეგმარებისა და გადაწყვეტილებების მიღების პროცესში.

#სივრცითიგანვითარება #ქალაქთმშენებლობა

ქვეყნის მდგრადი განვითარებისთვის!

საქართველოს ურბანიზაციის ტენდენციები და საბინაო სექტორის განვითარება სერბეთის ეროვნულ ურბანულ ფორუმზე განიხილეს, სადაც პრეზენტაცია ეკონომიკისა და მდგრადი განვითარების სამინისტროს სივრცითი და ქალაქთმშენებლობითი განვითარების სააგენტომ წარადგინა. ფორუმის მონაწილეებმა დეტალური ინფორმაცია მოისმინეს სივრცითი და ქალაქთმშენებლობითი დაგეგმვის სფეროს მოწესრიგების, მონაცემთა ბაზების დახვეწისა და სხვადასხვა უწყების აქტიური ჩართულობის უზრუნველსაყოფად განხორციელებული სამუშაოების შესახებ.

სააგენტოს პრეზენტაციაში განსაკუთრებული აქცენტი გაკეთდა ურბანიზაციის პროცესში საბინაო სექტორის მნიშვნელობაზე, ასევე საქართველოს მთავრობის თანმიმდევრული პოლიტიკის შედეგად ეკონომიკის ზრდასა და მასში მშენებლობის ხვედრით წილზე.

#სივრცითიგანვითარება #ქალაქთმშენებლობა

ქვეყნის მდგრადი განვითარებისთვის!