გარემოსდაცვითი ინფორმაციისა და განათლების ცენტრი

✅ პროექტის „შესაძლებლობების გაძლიერება საქართველოს ეროვნული ადაპტაციის გეგმის პროცესის მხარდასაჭერად“ ფარგლებში საქართველოში კლიმატის ცვლილებასთან ადაპტაციის პირველი ეროვნული გეგმის (NAP) შემუშავების პროცესი იწყება. პროექტის მმართველი კომიტეტის შეხვედრაზე ოფიციალურად წარადგინეს ინიციატივის მიზნები და მომდევნო ექვსი თვის სამუშაო გეგმა.

🔸პროექტის მმართველი კომიტეტის თავმჯდომარისა და გარემოს დაცვისა და სოფლის მეურნეობის მინისტრის პირველი მოადგილის, ნინო თანდილაშვილის განცხადებით, კლიმატის ცვლილების პირობებში ქვეყნისთვის განსაკუთრებით მნიშვნელოვანია ადაპტაციის შესაძლებლობების გაძლიერება და სხვადასხვა სექტორში გრძელვადიანი ხედვის ჩამოყალიბება.

👤„საქართველო კლიმატის ცვლილების მიმართ მოწყვლადი ქვეყანაა. ბოლო წლებში გახშირებული ბუნებრივი საფრთხეები მნიშვნელოვან გავლენას ახდენს როგორც მოსახლეობაზე, ისე ეკონომიკის სხვადასხვა სექტორზე. სწორედ ამიტომ, აუცილებელია გვქონდეს მკაფიო ხედვა და ეფექტიანი მექანიზმები, რომლებიც კლიმატის ცვლილების შედეგებთან ადაპტირებაში დაგვეხმარება“, - განაცხადა ნინო თანდილაშვილმა.

➡️ https://mepa.gov.ge/Ge/News/Details/26459

#გარემოსდაცვა2026
#მთავრობა2026

გარემოსდაცვითი ინფორმაციისა და განათლების ცენტრმა, პროექტის „კლიმატის ცვლილებით გამოწვეული კატასტროფების რისკის შემცირება საქართველოში“ ფარგლებში, საქართველოს სხვადასხვა მუნიციპალიტეტში VII-XII კლასის მოსწავლეებისთვის ფართომასშტაბიანი საინფორმაციო-საგანმანათლებლო შეხვედრები ჩაატარა.

აპრილი-მაისის პერიოდში პროექტის ფარგლებში 44 ტრენინგი გაიმართა, რომელშიც მონაწილეობა 900-ზე მეტმა მოსწავლემ მიიღო.

პროექტის ფარგლებში განსაკუთრებული ყურადღება დაეთმო მაღალმთიან და საზღვრისპირა მუნიციპალიტეტებსა და თემებს, სადაც კლიმატის ცვლილებისა და ბუნებრივი საფრთხეების გავლენა განსაკუთრებით საგრძნობია.

პროექტი „კლიმატის ცვლილებით გამოწვეული კატასტროფების რისკის შემცირება საქართველოში“ საქართველოს მთავრობის, კლიმატის მწვანე ფონდის (GCF), შვეიცარიის მთავრობისა და გაეროს განვითარების პროგრამის (UNDP) მხარდაჭერით უკვე შვიდი წელია ხორციელდება. ინიციატივა მიზნად ისახავს კლიმატის ცვლილების მიმართ საზოგადოების მდგრადობის გაძლიერებას, კატასტროფების რისკების შემცირებასა და გარემოსდაცვითი ცნობიერების ამაღლებას.

გარემოსდაცვითი ინფორმაციისა და განათლების ცენტრს სამუშაო ვიზიტით გაეროს გარემოსდაცვითი პროგრამის (UNEP) წარმომადგენლები ეწვივნენ.

ვიზიტის ფარგლებში გამართულ შეხვედრაზე მხარეებმა განიხილეს ცენტრის მიმდინარე საქმიანობა და თანამშრომლობის პრიორიტეტული მიმართულებები.

აღინიშნა, რომ გარემოსდაცვითი ინფორმაციისა და განათლების ცენტრი UNEP-ისა და კლიმატის მწვანე ფონდის (GCF) მხარდაჭერით ახორციელებს პროექტს - „შესაძლებლობების გაძლიერება საქართველოს ადაპტაციის ეროვნული გეგმის (NAP) პროცესის მხარდასაჭერად“.

🌳 იმერული მუხა საქართველოს ენდემური მცენარეა. მისი სიმაღლე 30 მ-მდეა.

👉 იზრდება მთის ქვედა სარტყელში 300-400 მ სიმაღლეზე, ჭარბტენიან, ეწერ, თიხნარ, წითელმიწა, ტორფიან ნიადაგებზე. იმერული მუხა ხშირად ორ რკოს ისხამს ერთ ყუნწზე.

იმერული მუხა ჩრდილის ამტანი და ტენის მოყვარული ხეა. შეტანილია საქართველოს „წითელ ნუსხაში“ სტატუსით - მოწყვლადი (VU).