ღვინის ეროვნული სააგენტო / National Wine Agency of Georgia

#8მაისს საქართველოში ღვინის ეროვნული დღე აღინიშნება
🍷საქართველოს გარემოს დაცვისა და სოფლის მეურნეობის სამინისტროს ღვინის ეროვნული სააგენტოს ინიციატივითა და საქართველოს მთავრობის გადაწყვეტილებით, ქართული ღვინის, როგორც ქვეყნის იდენტობისა და უმნიშვნელოვანესი კულტურული მემკვიდრეობის, მრავალსაუკუნოვანი ისტორიისა და მასთან დაკავშირებული ტრადიციების წარმოჩენის მიზნით, ყოველწლიურად 8 მაისს ღვინის ეროვნული დღე აღინიშნება.
🍷ღვინის ეროვნული დღის ფარგლებში გაიმართება კონფერენცია, რომელშიც მონაწილეობას მიიღებენ საქართველოს ღვინის ინდუსტრიისა და სამეცნიერო წრის წარმომადგენლები, ასევე ღვინის სექტორში მოღვაწე უცხოელი პროფესიონალები. სპეციალურად ამ დღისთვის საქართველოს ვაზისა და ღვინის საერთაშორისო ორგანიზაციის (OIV) გენერალური დირექტორი ჯონ ბარკერი ეწვევა.
🍷კონფერენციაზე განხილული იქნება „ქართული ვაზისა და ღვინის კულტურის კვლევის“ სამეცნიერო პროექტის მიღწევები და მიმდინარე საქმიანობა. ასევე, სხვადასხვა ქვეყნის სპიკერები ისაუბრებენ გლობალური ღვინის ბაზრის მდგომარეობაზე, ახალ გამოწვევებზე, საექსპორტო ბაზრების სპეციფიკებსა და ამ ბაზრებზე დამკვიდრების შესაძლებლობებზე.
🍷ღვინის ეროვნული დღის ფარგლებში გუდიაშვილის მოედანზე მოეწყობა ღვინის დეგუსტაციები, ასევე 8 000-წლიანი ღვინის ისტორიის თემაზე შემეცნებითი და გასართობი აქტივობები. ღონისძიება დასრულდება თბილისის ოპერისა და ბალეტის თეატრში, სადაც მუსიკალურ-თეატრალური წარმოდგენა გაიმართება.
🍷საქართველო მსოფლიოში აღიარებულია, როგორც ღვინის სამშობლო, სადაც მევენახეობა-მეღვინეობის უწყვეტი ისტორია 8 000 წელს ითვლის. არქეოლოგიური აღმოჩენები, ქვევრის ღვინის დაყენების უნიკალური მეთოდი და ღვინის განსაკუთრებული ადგილი ქართულ კულტურაში ერთობლიობაში ქმნის საფუძველს, რომ ქართული ღვინო ქვეყნის ერთ-ერთ უმნიშვნელოვანეს ეროვნულ ღირებულებად ითვლება.
#ღვინისეროვნულიდღე #იყოარისდაიქნება #ღვინისეროვნულისააგენტო

🍷ღვინის ეროვნული სააგენტოს „ქართული ვაზისა და ღვინის კულტურის კვლევის სამეცნიერო პროგრამის“ ფარგლებში ლ. ჯორჯაძის ისტორიული ნაშრომი წიგნად გამოიცა.

🍇ნაშრომი „მევენახეობა და ღვინის დაყენება, კეთება და გაუმჯობესობა ხელთმძღვანელობისათვის კახური ღვინის მაყენებლებისა“ წარმოადგენს 1876 წელს გამოცემული ისტორიული ტექსტის რედაქტირებულ და თანამედროვე მკითხველისთვის ადაპტირებულ ვერსიას.

🍷წიგნში განხილულია მევენახეობა-მეღვინეობის მრავალფეროვანი საკითხები, მათ შორის ისტორიული და სტატისტიკური ცნობები, მევენახეობის რეგიონების კლიმატი, სავენახე ნიადაგები, მარნის მოწყობა, რთველი, ღვინის დაავადებები და ზადები, ქვევრების მომზადება და სხვა მნიშვნელოვანი თემები.

➡️სრული ინფორმაცია იხილეთ ბმულზე: https://wine.gov.ge/Ge/News/39428

#ღვინისეროვნულისააგენტო #სოფლისმეურნეობა2026

#რეფორმა #ხარისხი #ქართულიღვინო
#ერთადვიზრუნოთღვინისხარისხზე

🍷"ოდესღაც ეს ნაბიჯი უნდა გადადგმულიყო, რომ საბოლო ჯამში საქართველოში გაშენდეს ხარისხიანი ვაზის ჯიში, ხარისხიანი ნამყენი. სახელმწიფო მეუბნება, რომ ჩავატარო ჩემი ნიადაგის ანალიზი, ამაში ცუდს ვერ ვხედავ. “ - გიორგი ბარისაშვილი, "ბარისაშვილის ღვინის მარანი".

🍷„ვაზისა და ღვინის შესახებ კანონში“ შესული ცვლილებებით, 2026 წლის 1 მაისიდან, სამეწარმეო ვენახის გაშენება შესაძლებელი იქნება მხოლოდ ღვინის ეროვნული სააგენტოს თანხმობის საფუძველზე.