Contact information, map and directions, contact form, opening hours, services, ratings, photos, videos and announcements from ზეზვა ნაცვლიშვილი, Political organisation, Tbilisi.
ზეზვა ნაცვლიშვილის ბიოგრაფია
„ჩემი ცხოვრება მთლიანად უკავშირდება ჩემს უბანს- სანზონას, სადაც დავიბადე და გავიზარდე. ამიტომ სასიამოვნოა იმის განცდა,რომ დღეს მე მიწევს წავრსდგე ჩემი ბავშვობის მეგობრების, მეზობლების და ნაცნობების წინაშე ჩემთვის ახალ ამპლუაში, მაჟორიტარობის კანდიდატად, რამეთუ მე ერთ-ერთი მათთგანი ვარ“.
ბავშვობა
ზეზვა ნაცვლიშვილი 1970 წელს ქალაქ თბილისში დაიბადა. მისი მამა, ომარ
ნაცვლიშვილი საქართველოს თევზის მრეწველობისა და მეურნეობის დარგის ცნობილი წარმომადგენელია. დედა, ლეილა ნაცვლიშვილი მუსიკათმცოდნე-პედაგოგი. ძმა, ბერდია ნაცვლიშვილი განათლების, პროფესიული განვითარების, საინფორმაციო ტექნოლოგიებისა და სამოქალაქო საზოგადოების გაძლიერების საკუითხებზე მომუშავე საერთაშორისო ორგანიზაციის დირექტორი, მიწვეული ლექტორი სხვადასხვა უნივერსიტეტებში და კომუნიკაციებისა და მედია კომპანიის დამფუძნებელი. მთელი ბავშვობა მან სანზონაში გაატარა. აქ შეიძინა ის ადამიანები რომლებთანაც დღესაც მეგობრობს.
ზაფხულობით არდადაგებს ის ძირითადად ქალაქ ფოთში ატარებდა,სადაც მისი მასპინძელი იყო ბაბუა, პიმენ ნაცვლიშვილი: ფოთის განათლების განყოფილების გამგე და ღვაწლმოსილი ქართული ენისა და ლიტერატურის პედაგოგი. მისი ბიძა, ცნობილი ექიმ-ტრამვატოლოგია და დღემდე ამ მიმართულებით ფოთის საქალაქო სავადმყოფოში მუშაობს. ბავშვობაში, ნაცვლიშვილების ოჯახში, ფოთში უამრავი ადამიანი იყრიდა თავს საქართველოს სხვადასხვა კუთხიდან, ამიტომ, ზეზვას მოგონებები, არამარტო ამ ქალაქთან, არამედ განსაკუთრებულ ურთიერთობებთან, მეგობრობასთან და ქვეყნის სიყვარულთან არის დაკავშირებული.
სკოლა და უნივერსიტეტი
ზეზვა 132-ე საშუალო სკოლაში სწავლობდა, რომელიც მისი სიტყვებით ერთ-ერთი საუკეთესო იყო ქალაქში. იმ დროისათვის ამ სკოლაში საუკეთესო პედაგოგები მოღვაწეობდნენ. სიყვარულით იხსენებს სკოლის დირექტორს, ბატონ ოთარ თეთვაძეს, რომელიც თუმცა მკაცრი, მაგრამ სამართლიანი და პროფესიონალი პედაგოგი გახლდათ. ასევე მისი კლასის დამრიგებელს, ქალბატონ ნელი ჭელიძეს, რომელიც დღესაც მოღვაწეობს იმავე სკოლაში და რომლის მიმართაც ყველა მის აღზრდილს განსაკუთრებული გრძნობები გააჩნია. ზეზვა გატაცებული იყო კალათბურთით. ის ჯერ სკოლის ნაკრებში თამაშობდა, შემდეგ კი ,,ლოკომოტივში’’. 1985 წელს იგი სასწავლებლად გადადის ფოთში, სადაც 1986 წელს ვერცხლის მედალზე ამთავრებს სკოლას. 1989 წელს ზეზვამ თბილისის სამედიცინო ინსტიტუში ჩააბარა. მისი სტუდენტობის პერიოდი ისევე როგორც მთელი მისი თაობისთვის უმძიმესი აღმოჩნდა სამოქალაქო დაპირისპირებისა და ომების გამო.
კარიერა
ზეზვას პირველი სამუშაო გამოცდილება მის უბანს, სანზონას უკავშირდება, როდესაც ის 1987 წელს მუშაობას იწყებს მე-8 საავადმყოფოში სანიტრად. პარალელურად ის აქტიურად ემზადებოდა გამოცდებისათვის. 1995 წელს, უნივერსიტეტის დამთავრებისთანავე ის 5 წლის განმალობაში მუშაობდა ჯერ რესპუბლიკურ საავადმყოფოში, ექიმ-სუბორდინატორად და შემდგომ ექიმ-ინტერნად, ხოლო მოგვიანებით თბილისის საოჯახო მედიცინის ცენტრში ექიმ-უროლოგად. 2001 წლიდან ის საქმიანობას აგრძელებს საერთაშორისო და ადგილობრივ ორგანიზაციებში, რომლებიც საქართველოში შიდსის პრევენციიის მიმართულებით მუშობდნენ. კერძოდ:,, სოციალური მარკეტინგის ასოციაცია’’-ში, რომლის ერთ-ერთი დაფმუძნებელიც ზეზვაა, რამოდენიმე წლის მანძილზე ის აქტიურად იყო ჩართული რეპროდუქციული ჯანმრთელობისა და შიდსის პრევენციის პროგრამების განხორციელებაში. მანამდე კი იგივე პროფილით ის მუშობდა საერთაშორისო არასამთავრობო ორგანიზაცია,, Population Services International – PSI’’(,,მოსახლეობის საერთაშორისო მომსახურება’’)-ში, რომელიც სხვადასხვა საერთაშორისო დონორი ორგანიზაციების დაფინანსებით ამ მიმართულებით, მრავალ სასარგებლო პროგრამას ახორციელებდა საქართველოში. „მიხარია რომ თუ დღეს საქართველოს შიდსის გავრცელების მიხედვით ერთ-ერთი საუკეთესო შედეგი აქვს რეგიონში, ამაში მეც, ჩემს ყველა კოლეგას და ჩვენს პარტნიორებს მოკრძალებული წვლილი გვაქვს შეტანილი“, ამბობს ზეზვა. მოგვიანებით, ის მეგობრებთან ერთად აფუძნებს კომპანიას ,,ახალი ქართული პროდუქტი’’ და იწყებს სამეწარმეო საქმიანობას.
საზოგადოებრივ-პოლიტიკური საქმიანობა
2011 წელს, ზეზვა უერთდება მოქალქეთა პოლიტიკურ გაერთიანება „თავისუფალ დემოკრატებს“ და დღემდე ერთგული რჩება ამ პარტიის იდეოლოგიისა და ღირებულებების. 2012 წელს ის აქტიურად მონაწილეობდა საპარლამენტო არჩევნებში კოალიცია ,,ქართული ოცნება-დემოკრატიული საქართველო“- ს სასარგებლოდ, რომლის დროსაც, კოალიციამ დამაჯერებელი გამარჯვება მოიპოვა. ის ამ დროს, სანზონის N 54 საარჩევნო უბნის უფროსი იყო. ზეზვას სიტყვებით 2012 წლის 1 ოქტომბერი ერთ-ერთი მნიშვნელოვანი დღეა მის ცხოვრებაში, რადგანაც მისი აზრით ამ დღეს მოქალაქეებმა მოახერხეს საპროტესო განწყობის ორგანიზებული გამოხატვა და ხელისფულების სამართლიანი ცვლილება. ზეზვა ბოლო პერიოდში არის მპგ,,თავისუფალი დემოკრატები’’-ს ნაძალადევის ორგანიზაციის გამგეობის წევრი.
ოჯახი
ზეზვას ჰყავს მეუღლე, ეკა ქიტიაშვილი. ის პროფესიით იურისტია, ეწევა წარმატებულ ბიზნეს საქმიანობას. ზეზვას ჰყავს ორი ქალიშვილი, 12 წლის გვანცა და 9 წლის ნუცა. გვანცა მე-7 კლაისის მოსწავლეა. სურს, რომ მამის პროფესიას გაჰყვეს და გახდეს ექიმი. ნუცა კი მე-5კლასის მოსწავლეა და ის გატაცებულია მუსიკით.
