112 Georgia/112 საქართველო

შინაგან საქმეთა სამინისტროს საზოგადოებრივი უსაფრთხოების მართვის ცენტრი „112“-ს, საქართველოში ოფიციალური ვიზიტით მყოფი, სამოქალაქო თავდაცვის საერთაშორისო ორგანიზაციის გენერალური მდივანი არგუჯ კალანტარლი დელეგაციასთან ერთად ეწვია.

112-ის დირექტორმა - ნიკოლოზ ბაჭულაშვილმა, დელეგაციის წევრებს საზოგადოებრივი უსაფრთხოების მართვის ცენტრის საქმიანობის ძირითადი მიმართულებებისა და მუშაობის სპეციფიკის შესახებ მიაწოდა ინფორმაცია.

სტუმრები ადგილზე გაეცნენ გადაუდებელი დახმარების ოპერატიული მართვის, ასევე, საგზაო მოძრაობის უსაფრთხოების უზრუნველყოფისთვის მოქმედი ვიდეომეთვალყურეობის სისტემებს.

შინაგან საქმეთა სამინისტროს საზოგადოებრივი უსაფრთხოების მართვის ცენტრმა ორ მოზარდს „112-ის გმირის“ წოდება მიანიჭა.

მოზარდებმა ყველაზე მძიმე და გადამწყვეტ წუთებში სხვა ადამიანების გადასარჩენად, გადაუდებელი დახმარების ნომერზე დროულად დარეკეს.

„112-ის გმირის“ პროექტის ფარგლებში, ყოველწლიურად ჯილდოვდებიან მოზარდები, რომლებმაც გადაუდებელი შემთხვევების დროს სწორი გადაწყვეტილებები მიიღეს, დროულად დაუკავშირდნენ 112-ს და თავიანთი ქმედებით სხვა ადამიანების სიცოცხლე გადაარჩინეს.

#112საქართველო

#გმირიბავშვები

პოლიციელის დღე

📢 საზოგადოებრივი უსაფრთხოების მართვის ცენტრი „112“ აცხადებს ვაკანსიას ზარის მიმღების პოზიციაზე

✔️ განცხადების ბოლო ვადა: 04.06.2026

➡️ დამატებითი ინფორმაცია იხილეთ ბმულზე: https://112.gov.ge/?p=31255

შინაგან საქმეთა სამინისტრომ, 26 მაისს, საქართველოს დამოუკიდებლობის დღისადმი მიძღვნილი ღონისძიებების ფარგლებში, მოქალაქეებს ქალაქ გორში უმასპინძლა.

საზეიმო ღონისძიებას საქართველოს პრემიერ-მინისტრი ირაკლი კობახიძე, შინაგან საქმეთა მინისტრი სულხან თამაზაშვილი და ვიცე-პრემიერი, სამართალდამცავი ორგანოების კოორდინაციის საკითხებში სახელმწიფო მინისტრი მამუკა მდინარაძე სტუმრობდნენ და ღონისძიების ფარგლებში წარმოდგენილი სივრცეები დაათვალიერეს.

საზოგადოებრივი უსაფრთხოების მართვის ცენტრი „112“-მა მოზარდებს სპეციალურად მათთვის შექმნილ თამაშებში მონაწილეობა შესთავაზა, საიდანაც ბავშვებმა ისწავლეს, თუ როგორ უნდა მოიქცნენ გადაუდებელ შემთხვევებში.

ღონისძიების ფარგლებში, ბავშვებისთვის შექმნილი იყო სივრცე, სადაც „112“-ის წარმომადგენელმა მოზარდებს გადაუდებელი დახმარების ნომრის სწორად გამოყენების წესები გააცნო.

ადგილზე მოსულ სტუმრებს საშუალება ჰქონდათ, „სიცოცხლის ზარის“ სტენდთან, 112-ში შემოსული, რეალური, ზარები მოესმინათ.

შინაგან საქმეთა სამინისტრო დამოუკიდებლობის დღეს გორში აღნიშნავს.

სამინისტროს სხვადასხვა დანაყოფის მიერ ადგილზე წარმოდგენილია საინფორმაციო და საგამოფენო სტენდები.

საზოგადოებრივი უსაფრთხოების მართვის ცენტრი „112“ მოზარდებს სპეციალურად მათთვის შექმნილ თამაშებში მონაწილეობის მიღებას სთავაზობს, საიდანაც ბავშვები სწავლობენ, თუ როგორ უნდა მოიქცნენ გადაუდებელ შემთხვევებში.

#26მაისი
#ესდღეჩვენია