United Water Supply Company • წყალმომარაგების კომპანია

26 მაისი ახალციხეში

„ვულოცავ მთელ საქართველოს დამოუკიდებლობის დღეს. ძალიან კარგად მახსოვს ის დღე, როდესაც საქართველომ დამოუკიდებლობა მოიპოვა - ეს იყო მართლაც განსაკუთრებული ემოცია, რომელიც რამდენი წელიც არ უნდა გავიდეს, ადამიანს არასდროს გაუნელდება.
თუმცა, დამოუკიდებლობა არ არის ერთჯერადი აქტი, რომლის შემდეგაც ყველაფერი სრულდება. პირიქით - სწორედ აქედან იწყება პასუხისმგებლობა და თითოეული დღე ჩვენი ქვეყნისთვის დამოუკიდებლობის განმტკიცებისა და გაძლიერების დღეა.
ჩემი წარმოდგენით, სამშობლოს სიყვარული სწორედ ეს არის - როდესაც ყოველდღიური შრომით კიდევ უფრო აძლიერებ საკუთარ ქვეყანას. ვფიქრობ, ბოლო წლებში ჩვენი ქვეყნის წინსვლა და ეკონომიკური გაძლიერება, მათ შორის, ჩვენი დამოუკიდებლობის გამტკიცების გამოხატულებაა. თითოეული ახალი ინფრასტრუქტურული პროექტი წინ გადადგმული ნაბიჯია ქვეყნის განვითარების, დამოუკიდებლობისა და სუვერენიტეტის განმტკიცების გზაზე.
ამ ყველაფრისთვის კი განსაკუთრებით მნიშვნელოვანია ერთიანობა და მინდა, რომ ამ დღეს საქართველოს ყველა მოქალაქე ერთად ვზეიმობდეთ ჩვენი ქვეყნის დამოუკიდებლობას.“ - აღნიშნა ინფრასტრუქტურის მინისტრმა რევაზ სოხაძემ

26 მაისი - ეს დღე ჩვენია !