ნაძალადევის რაიონის გამგეობა

✅ ზღვისუბნის მე-3 მრ, მე-4 კვ, N66 კორპუსთან ასფალტის საფარი დაიგო

ნაძალადევის რაიონში საგზაო ინფრასტრუქტურული სამუშაოები აქტიურად მიმდინარეობს.

↘️ ამჯერად, ზღვისუბნის მე-3 მრ, მე-4 კვ, 66-ე კორპუსთან 700 კვ.მ ფართობზე ასფალტის საფარი დაიგო. მოწესრიგდა ეზო და მოეწყო ბორდიურები. საგზაო სამუშაოებამდე მისამართზე მოეწყო სადრენაჟე სისტემა, მანამდე კი შეიცვალა წყალარინების ქსელი.

🔸 საგზაო სამუშაოები ნაძალადევის რაიონის გამგეობის დაფინანსებით განხორციელდა, რისთვისაც ბიუჯეტიდან 70 000 ლარი დაიხარჯა.

✅ ნაძალადევის რაიონში საცხოვრებელი კორპუსის სახურავი და წყალსაწრეტი მილები კიდევ ექვს მისამართზე შეიცვალა

🔗 ნაძალადევის რაიონში საცხოვრებელი კორპუსების კეთილმოწყობის სამუშაოები აქტიურად მიმდინარეობს.

,,ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში, საცხოვრებელი კორპუსის სახურავი და წყალსაწრეტი მილები ექვს მისამართზე შეიცვალა.

🔸 წყალსაწრეტი მილების დამონტაჟების ბოლო ეტაპი, ასევე უკვე შესრულებული სამუშაოები ნაძალადევის რაიონის გამგებელმა ირაკლი ანდღულაძემ, მაჟორიტარ დეპუტატ შალვა მაისურაძესთან და ადგილობრივ მოსახლეობასთან ერთად, დაათვალიერა.

სამუშაოები შემდეგ მისამართებზე ჩატარდა:

📍 ზესტაფონის ქუჩის N18, კორპუსი N2 - 650 კვ.მ ბრტყელი სახურავი, ღირებულება - 28 373 ლარი; 150 გრძივი მეტრი წყალსაწრეტი მილები, ღირებულება - 7 985 ლარი;

📍 ჭყონდიდელის ქუჩის N20, კორპუსი N1 - ბრტყელი სახურავი 625 კვადრატულ მეტრზე, ღირებულება - 27 310 ლარი. წყალსაწრეტი მილები - 105 გრძივი მეტრი, ღირებულება - 7 768 ლარი;

📍 ზღვისუბნის დასახლება, მე-11 მ/რ, მე-2 კვ, კორპუსი N22ა - 750 კვ. მ ბრტყელი სახურავი, ღირებულება - 34 730 ლარი. 120 გრძივი მეტრი წყალსაწრეტი მილები, ღირებულება - 8 227 ლარი;

📍 ზღვისუბნის დასახლება, მე-3 მ/რ, მე-5 კვ, კორპუსი N6 - ბრტყელი სახურავი 350 კვადრატულ მეტრზე, ღირებულება - 15 687 ლარი. წყალსაწრეტი მილები 65 გრძივი მეტრი, ღირებულება - 4 418 ლარი;

📍 ზღვისუბნის დასახლება, მე-3 მ/რ, მე-5 კვ, კორპუსი N19 - ბრტყელი სახურავი 525 კვადრატულ მეტრზე, ღირებულება - 23 192 ლარი. წყალსაწრეტი მილები 105 გრძივი მეტრი, ღირებულება - 6 780 ლარი;

📍 ზღვისუბნის დასახლება, მე-3 მ/რ, მე-5 კვ, კორპუსი N21 - 500 კვ.მ ბრტყელი სახურავი, ღირებულება - 22 281 ლარი;

🖇️ სამუშაოები ნაძალადევის რაიონის გამგეობის დაფინანსებით განხორციელდა, რისთვისაც ადგილობრივი ბიუჯეტიდან 187 000 ლარი გამოიყო.

✅ ჩარგლის ქუჩის N48-თან წყალარინების ქსელი იცვლება

🚜 ნაძალადევის რაიონში, ჩარგლის ქუჩის N48 საცხოვრებელ კორპუსში წყალარინების ქსელი იცვლება.

🚸 ,,ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში, განახლდება 185 გრძივი მეტრი გაყვანილობა და დამონტაჟდება სამი საკანალიზაციო ჭა.

⚠️ მიწისქვეშა კომუნიკაციების შეცვლის შემდეგ, რაიონის გამგეობა აღნიშნულ მისამართზე საგზაო ინფრასტრუქტურას მოაწესრიგებს.

პროექტის განსახორციელებლად ადგილობრივ ბიუჯეტში 34 755 ლარია გათვალისწინებული.

✅ ბოთერაშვილის ქუჩაზე ასფალტის ორფენიანი საფარი იგება

ნაძალადევის რაიონში საგზაო ინფრასტრუქტურული სამუშაოები გრძელდება.

⏹️ ზღვისუბნის დასახლება, მე-4 მიკრორაიონი, ბოთერაშვილის ქუჩაზე 2 300 კვ.მ. ფართობზე ასფალტის ორფენიანი საფარის დაგების სამუშაოები მიმდინარეობს. უკვე მოწესრიგდა მიმდებარე ტერიტორია და მოეწყო ბორდიურები.

🚜 საგზაო სამუშაოებამდე, მისამართზე კომპანია GWP-იმ აღადგინა დაზიანებული მიწისქვეშა კომუნიკაციები.

⚠️ მიმდინარე სამუშაო პროცესს ნაძალადევის რაიონის გამგებელი ირაკლი ანდღულაძე, პარლამენტის დელეგატი ირაკლი ხელაძე და ზღვისუბნის მაჟორიტარი დეპუტატი ირაკლი ბენდელიანი ადგილობრივ მოსახლეობასთან ერთად გაეცნენ.

↖️ პროექტის განსახორციელებლად ნაძალადევის რაიონის გამგეობის ბიუჯეტში 230 000 ლარია გათვალისწინებული.