თბილსერვის ჯგუფი

დედამიწის დღესთან დაკავშირებით შპს „თბილსერვის ჯგუფმა“, დედაქალაქის საკრებულოს სპორტისა და ახალგაზრდულ საქმეთა კომისიის ჩართულობით, თბილისის ზღვის მიმდებარე ტერიტორიაზე დასუფთავების აქცია გამართა.

აღნიშნული ტერიტორია საყოფაცხოვრებო და სამშენებლო ნარჩენებისგან გაიწმინდა. დასუფთავების აქციაში „თბილსერვის ჯგუფის“ დირექტორმა, გიორგი პაპავამ მიიღო მონაწილეობა. პროცესში ჩართულები იყვნენ კომპანიის თანამშრომლები ოჯახის წევრებთან ერთად, ასევე, საკრებულოს სპორტისა და ახალგაზრდულ საქმეთა კომისიის თავმჯდომარე შალვა სუთიაშვილი და ამავე კომისიის წევრები.

აქციას შეუერთდნენ სტუდენტები და საქართველოს 18-წლამდელ მორაგბეთა ნაკრების წევრები. ადგილზე სამუშაოების შეუფერხებლად შესრულებისთვის მობილიზებული იყო შესაბამისი სპეცტექნიკა.

აქციის მთავარი მიზანი იყო საზოგადოებაში ეკოლოგიური პასუხისმგებლობის ამაღლება და ბუნებრივი რესურსების გაფრთხილების მნიშვნელობაზე ხაზგასმა.

„თბილსერვის ჯგუფი“ დედაქალაქის მასშტაბით ყოველდღიურად, ინტენსიურ რეჟიმში ზრუნავს ქალაქის სისუფთავესა და მოვლა-პატრონობაზე. მსგავსი აქტივობები კიდევ ერთხელ ადასტურებს ორგანიზაციის მნიშვნელოვან როლს გარემოს დაცვისა და საზოგადოებრივი ცნობიერების ამაღლების პროცესში.

ვაკის რაიონში, ვაჟა-ფშაველას გამზირზე, lII შესახვევში 16 აპრილის 23:00 საათიდან 17 აპრილის 06:00 საათამდე საავტომობილო მოძრაობა დროებით სრულად შეიზღუდება.

აღნიშნულ მისამართზე ამორტიზებული სანიაღვრე ჭების შეკეთებას შპს „თბილსერვის ჯგუფი“ უზრუნველყოფს.

ავტომობილებისთვის მოძრაობა შესაძლებელი იქნება პარალელური ქუჩების გავლით. უსაფრთხოების მიზნით სამუშაო არეალი აღჭურვილი იქნება შესაბამისი საგზაო-გამაფრთხილებელი ნიშნებით.

თბილისის მერია ბოდიშს გიხდით შექმნილი დისკომფორტისთვის!

გლდანის რაიონში, ხიზანიშვილის, ვეკუას, გობრონიძისა და სარაჯიშვილის ქუჩებზე შპს „თბილსერვის ჯგუფის“ თანამშრომლებმა გეგმიური მორეცხვის სამუშაოები ჩაატარეს.

სპეციალური ტექნიკის საშუალებით სრულად მოირეცხა გზის სავალი ნაწილი, მუნიციპალური ტრანსპორტის გაჩერებები და ნარჩენებისთვის განკუთვნილი კონტეინერები.

აღნიშნული სამუშაოები დედაქალაქის მასშტაბით, ათივე რაიონში რეგულარულად ხორციელდება.

მთაწმინდის რაიონში, მტკვრის მარჯვენა სანაპიროზე, თამარ მეფის ხიდიდან „ლაგუნა ვერეს“ მიმართულებით (გმირთა მოედნის პანდუსთან) 16 აპრილს, 01:00 საათიდან 06:00 საათამდე საავტომობილო მოძრაობა დროებით სრულად შეიზღუდება.

აღნიშნულ მისამართზე ამორტიზებული სანიაღვრე ჭების შეკეთებას შპს „თბილსერვის ჯგუფი“ უზრუნველყოფს.

უსაფრთხოების მიზნით, სამუშაო პერიმეტრზე განთავსდება შესაბამისი საგზაო-გამაფრთხილებელი ნიშნები.

თბილისის მერია ბოდიშს გიხდით შექმნილი დისკომფორტისთვის!

მთაწმინდის რაიონში, გ. ახვლედიანის ქუჩა N6, N12 და N16-ის მიმდებარედ, 15 აპრილს, 01:00-დან 06:00 საათამდე საავტომობილო მოძრაობა დროებით სრულად შეიზღუდება.

აღნიშნულ მონაკვეთში თბილისის მერიის შპს „თბილსერვის ჯგუფის“ მიერ დაგეგმილია ამორტიზებული სანიაღვრე ჭების შეკეთებისა და ასფალტის საფარის აღდგენის სამუშაოები.

შეზღუდვის პერიოდში გადაადგილება შესაძლებელი იქნება ლეო ქიაჩელისა და მერაბ კოსტავას ქუჩების გავლით. უსაფრთხოების უზრუნველყოფის მიზნით, სამუშაოების არეალი აღჭურვილი იქნება შესაბამისი საგზაო-გამაფრთხილებელი ნიშნებით.

თბილისის მერია ბოდიშს გიხდით შექმნილი დისკომფორტის გამო!