US Embassy Tbilisi, Georgia

გამოცხადდა ვაკანსია აშშ-ის საელჩოში ინჟინრის პოზიციაზე.

დეტალური ინფორმაცია იხილეთ ბმულზე: https://ge.usembassy.gov/ka/jobs/

სახელმწიფო მდივან მარკო რუბიოს განცხადება საქართველოს დამოუკიდებლობის დღესთან დაკავშირებით

ამერიკის შეერთებული შტატების სახელით, საქართველოს ხალხს გილოცავთ თქვენს ეროვნულ დღესასწაულს.

ეს წელი ახალ შესაძლებლობებს იძლევა ამერიკელ და ქართველ ხალხებს შორის მეგობრული კავშირების კიდევ უფრო გასაღრმავებლად და ჩვენი ორი ქვეყნის უსაფრთხოებისა და კეთილდღეობის ხელშესაწყობად.

შეერთებული შტატები კვლავაც მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში. ჩვენ ქართველი ხალხის გვერდით ვდგავართ მათი მდგრადი უსაფრთხოების, თავისუფლებისა და დამოუკიდებლობისკენ სწრაფვაში. ამერიკის შეერთებული შტატები ერთგულია პარტნიორობისა, რომელიც შეესაბამება საქართველოს მისწრაფებებს უსაფრთხო და წარმატებული მომავლისკენ.

1992 წლის 25 მაისი ისტორიული დღე იყო აშშ-სა და საქართველოს ურთიერთობებში. შეერთებული შტატების მიერ საქართველოს დამოუკიდებლობის აღიარებისა და ჩვენ ორ ქვეყანას შორის დიპლომატიური ურთიერთობების დამყარებიდან რამდენიმე თვეში, საქართველოს პირველად ეწვია მაღალი რანგის ამერიკელი ოფიციალური პირი. აშშ-ის მაშინდელი სახელმწიფო მდივანი ჯეიმს ბეიკერი საქართველოს 1992 წლის 25-26 მაისს სტუმრობდა.

სერგო ედიშერაშვილის ფოტო

სისხლის დონაციას სიცოცხლის გადარჩენა შეუძლია. წელიწადში ორჯერ, აშშ-ის საელჩოში თანამშრომლები მონაწილეობენ სისხლის დონაციის აქციაში, რომელიც დღეს საქართველოს სისხლის შეგროვების ცენტრთან პარტნიორობით ჩატარდა.

თუ თქვენც გსურთ დონაცია, საქართველოს წამყვან კლინიკებსა და სპეციალიზებულ ცენტრებში მრავალი სისხლის ბანკი ფუნქციონირებს.

დონაციის პუნქტების შესახებ დამატებითი ინფორმაციის მისაღებად და ვიზიტის დასაგეგმად ეწვიეთ დაავადებათა კონტროლის ეროვნული ცენტრის პლატფორმას: https://donori.ncdc.ge/bloodbanks/

საქართველო უკვე მეოთხედ მასპინძლობს „ტროას ნაკვალევს," აშშ-ის სპეციალური ოპერაციების ძალების ხელმძღვანელობით ევროპაში მიმდინარე ყველაზე მასშტაბურ სამხედრო სწავლებას, რომელიც გასულ კვირას გაიხსნა.

ამ მრავალეროვნული სამხედრო სწავლების მიზანი პარტნიორ ქვეყნებთან თანამშრომლობის გაძლიერება, ნატოსთან თავსებადობის გამტკიცება და რეგიონული უსაფრთხოების მხარდასაჭერად ერთობლივი მზადყოფნის გაუმჯობესებაა.

2026 წლის სწავლებაში მონაწილეობს დაახლოებით 1 000 ამერიკელი სამხედრო მოსამსახურე და ნატო-ს მოკავშირე და პარტნიორი ქვეყნების 2 000 სამხედრო მოსამსახურე.

აშშ-ის მთავრობა წარმოადგენს შეერთებული შტატების სავიზო განაცხადებთან დაკავშირებული ინფორმაციის ოფიციალურ წყაროს. ნებისმიერი ინფორმაცია, რომელიც არ მოდის აშშ-ის მთავრობის ოფიციალური წყაროდან, საჭიროებს გადამოწმებას. ხშირად დასმული კითხვებისთვის, გთხოვთ, ეწვიოთ ჩვენს ვებგვერდებს: https://ge.usembassy.gov/visas/ და www.travel.state.gov.

გსმენიათ 66-ე გზატკეცილის შესახებ?

1926 წელს აშშ-ის უდიდესი ნაწილი, აღმოსავლეთ-დასავლეთის 4 000-მდე კილომეტრი ერთმანეთს სწორედ ამ გზით დაუკავშირდა. მას ჯონ სტაინბეკი გზატკეცილების დედასაც უწოდებდა. ამ გზამ საფუძველი ჩაუყარა ამერიკაში ავტომობილების, როგორც შეუზღუდავი გადაადგილების საშუალების აღმასვლას და ქვეყნის იდენტობის ნაწილადაც იქცა. მიუხედავად იმისა, რომ ათწლეულების შემდეგ ის მე-80 მაგისტრალმა ჩაანაცვლა, 66-ე გზატკეცილი ამერიკული პოპულარული კულტურის განუყოფელ და ბევრისთვის სენტიმენტალურ ნაწილად დარჩა.

წელს 66-ე გზატკეცილის 100 წლისთავი განსაკუთრებით აღინიშნება. მათ, ვისაც ამ გზატკეცილზე მოგზაურობის საშუალება არ აქვთ, თანამედროვე ტექნოლოგიების მეშვეობით შეუძლიათ ვირტუალურად იმოგზაურონ. მათ შორისაა Google-ის ინტერაქციული გზამკვლევი, რომელიც დამთვალიერებელს ყველა ღირსშესანიშნავ გაჩერებას კლასიკური ამერიკული ავტომობილით მოატარებს. თუ გსურთ დათვალიერება, იხილეთ ბმული კომენტარებში 👇

გამოცხადდა ვაკანსია აშშ-ის საელჩოში ეკონომიკის სპეციალისტის პოზიციაზე.

დეტალური ინფორმაცია იხილეთ ბმულზე: https://ge.usembassy.gov/ka/jobs/

შეერთებული შტატები მსოფლიოში პირდაპირი უცხოური ინვესტიციების მთავარი ადგილია და ჩვენ მზად ვართ თანამშრომლობისთვის.

გასულ კვირას, 12 ქართულ კომპანიას სიამაყით ვუმასპინძლეთ 2026 წლის SelectUSA საინვესტიციო სამიტზე, სადაც ისინი ახალ საინვესტიციო შესაძლებლობებს გაეცნენ, ტექნოლოგიური პარტნიორობები დაამყარეს და აშშ-საქართველოს შორის კომერციული კავშირები განამტკიცეს. 🤝🌍

როგორც პირდაპირი უცხოური ინვესტიციების მოსაზიდი მთავარი ამერიკული ღონისძიება, წელს განსაკუთრებულ მნიშვნელობას ატარებდა, რადგან ამერიკის შეერთებული შტატების 250-ე იუბილეს დაემთხვა. ეს მნიშვნელოვანი თარიღი ჩვენი ქვეყნის ინოვაციების, სიმტკიცისა და შესაძლებლობების სულისკვეთებას ზეიმობს.
ხელოვნური ინტელექტიდან წარმოებამდე, ქართულმა კომპანიებმა საკუთარი გამოცდილება წარმოაჩინეს, ამერიკელ პარტნიორებთან დაამყარეს კავშირები და ამერიკელი კოლეგებისგან ინფორმაცია მიიღეს.

ეს მნიშვნელოვანი ღონისძიება ხელს შეუწყობს შეერთებულ შტატებსა და საქართველოს შორის ეკონომიკური კავშირების გაღრმავებას და ახალი თაობის ბიზნესპარტნიორობების მხარდაჭერას.

ამერიკის შეერთებული შტატები გულითადად ულოცავს საქართველოს მართლმადიდებელ ეკლესიასა და მის მრევლს მისი უწმინდესობისა და უნეტარესობის შიო III-ის არჩევას სრულიად საქართველოს კათოლიკოს-პატრიარქად.

საქართველოს დამოუკიდებლობის აღდგენის შემდეგ, პატრიარქის პირველად არჩევა ისტორიული მოვლენაა. მას დიდ წარმატებას ვუსურვებთ და ველით საქართველოს მართლმადიდებელ ეკლესიასთან–მსოფლიოს ერთ-ერთ უძველეს ქრისტიანულ კონფესიასთან–ჩვენი საერთო კულტურული და ცივილიზაციური მიზნებისთვის თანამშრომლობას.

The United States extends its most heartfelt congratulations to the Georgian Orthodox Church and its faithful on the election of His Holiness and Beatitude Shio III as Catholicos-Patriarch of All Georgia. This is a historic occasion as the first election of a Patriarch since Georgia regained its independence. We wish him great success and look forward to engaging the Georgian Orthodox Church—one of the world’s oldest Christian denominations—on the advancement of our shared cultural and civilizational objectives.

გამოცხადდა აშშ-ის სოფლის მეურნეობის დეპარტამენტის გაცვლითი პროგრამა მეფრინველეობის სფეროში დასაქმებული კერძო სექტორის წარმომადგენლებისთვის.

მონაწილეებს ექნებათ შესაძლებლობა, გაეცნონ აშშ-ის მეფრინველეობის ინდუსტრიას, სურსათის უვნებლობის სტანდარტებსა და მიწოდების ჯაჭვის მართვას.

განაცხადების მიღების ბოლო ვადაა 2026 წლის 1 ივნისი.

სრულ ინფორმაციას გაეცანით ბმულზე: https://ge.usembassy.gov/cadi/