Wounded Warrior Support Foundation - დაჭრილ მებრძოლთა თანადგომის ფონდი

„დაჭრილ მებრძოლთა თანადგომის ფონდმა“ 2025 წლის საქმიანობა შეაჯამა.

2025 წელს ფონდის ჩართულობით დახმარება გაეწია 160 ბენეფიციარს. წლის მანძილზე 1 150 000 ლარი მოხმარდა დაჭრილ-დაშავებული სამხედროების გადაუდებელ ოპერაციებს, კვლევებს, პროთეზირებასა და სხვა აუცილებელ სამედიცინო სერვისებს. ფონდი ასევე ზრუნავდა ბენეფიციართა მეუღლეებსა და მათ არასრულწლოვან შვილებზე.

"დაჭრილ მებრძოლთა თანადგომის ფონდი" 2018 წელს სილქნეტის მხარდაჭერით დაარსდა და მას შემდეგ, კომპანიამ ფონდში 2 381 000 ლარის დონაცია განახორციელა.

„დაჭრილ მებრძოლთა თანადგომის ფონდი“ გულწრფელ მადლობას უხდის ყველა დონორსა და ქველმოქმედს, რომელთა მხარდაჭერით შესაძლებელი გახდა ჩვენი გმირების და მათი ოჯახების გაძლიერება.

👉 ფონდს მუდამ გვერდში უდგანან მეგობრები და მხარდამჭერები. მათ შორის გამორჩეულია დავით ბეჟუაშვილის განათლების ფონდი, რომლის ინიციატივით მანგლისში ოფიციალურად გაიხსნა Sabado - საბადო Leadership Academy - ადგილი, სადაც მოზარდებს ლიდერობის უნარები პრაქტიკული გამოცდილების ფონზე ეძლევათ.

დავით ბეჟუაშვილის განათლების ფონდის მეშვეობით „საბადოში“ გამართული საგანმანათლებლო აქტივობები ხელმისაწვდომი იქნება „დაჭრილ მებრძოლთა თანადგომის ფონდის“ ბენეფიციარების არასრულწლოვანი შვილებისთვის.

💛 ფონდი დიდ მადლობას უხდის აკადემიასა და ბატონ დავით ბეჟუაშვილს! მსგავსი ინიციატივებით ერთად ვაჩვენებთ, როგორ ვდგავართ ჩვენი გმირების გვერდით.

For English Scroll Down:

13 სექტემბერს ლისის ტბაზე მესამე ყოველწლიური საქველმოქმედო გარბენი გაიმართა დაჭრილ მებრძოლთა მხარდასაჭერად. გარბენი სილქნეტის, საქართველოს თავდაცვის სამინისტროს და საქართველოს თავდაცვის ძალების, თბილისის სამხედრო ატაშეთა ასოციაციისა და „დაჭრილ მებრძოლთა თანადგომის ფონდის“ ორგანიზებით ჩატარდა. წელს ღონისძიება, წინა წლებთან შედარებით, გამორჩეულად მასშტაბური იყო. საქველმოქმედო აქტივობის შედეგად 13 750 ლარი შეგროვდა, რაც სრულად მოხმარდება დაჭრილ მებრძოლთა თანადგომის ფონდის ბენეფიციარებს. განსაკუთრებული მადლობა ორგანიზატორებს, მონაწილეებსა და მხარდამჭერებს.

On September 13th the third annual charity run was held to honor Georgian wounded warriors. The event was supported by Silknet, The Ministry of Defense of Georgia and Georgian Defense Forces, along with the Tbilisi Defense Attaché Association (TDAA) and Wounded Warrior Support Foundation (WWSF). This year’s charity run had a significantly larger scale in compare to the ones held in previous years. 13 750 GEL was raised as a result of this charity activity and will be entirely spent for supporting the beneficiaries of Wounded Warriors Support Foundation. Special thanks to the organizers, participants and supporters.

წეროვანში, მარო მაყაშვილის სარეაბილიტაციო ცენტრში დაჭრილ მებრძოლთა კვირეული ჩატარდა. კვირეულის მონაწილე დაჭრილი სამხედრო მოსამსახურეები „დაჭრილ მებრძოლთა თანადგომის ფონდის“ მხარდაჭერაზე საუბრობენ. ფონდი დაჭრილთა ჯანმრთელობასა და ადაპტაციასთან ერთად მათ საზოგადოებაში აქტიურ ინტეგრაციაზეც ზრუნავს სხვადასხვა პროფესიული გადამზადების კურსების დაფინანსებით.