სსიპ საგანმანათლებლო და სამეცნიერო ინფრასტრუქტურის განვითარების სააგენტო

📌 გურჯაანში ორი ახლად რეაბილიტირებული საჯარო სკოლა ფუნქციონირებს

🏣 საქართველოს განათლების, მეცნიერებისა და ახალგაზრდობის მინისტრმა ალექსანდრე წულაძემ, საგანმანათლებლო და სამეცნიერო ინფრასტრუქტურის განვითარების სააგენტოს დირექტორთან ირაკლი კუპრავასთან ერთად, კახეთის რეგიონში ახლად რეაბილიტირებული სკოლები დაათვალიერა და მოსწავლეებს და მასწავლებლებს სასწავლო პროცესის განახლებულ გარემოში გაგრძელება მიულოცა.

🔹 გურჯაანის მუნიციპალიტეტის სოფლების არაშენდის და ბაკურციხის საჯარო სკოლებში განხორციელებულ მასშტაბურ პროექტს ასევე გაეცნენ: საქართველოს განათლების, მეცნიერებისა და ახალგაზრდულ საქმეთა კომიტეტის თავმჯდომარე გივი მიქანაძე, სოფლის მეურნეობის მინისტრ დავით სონღულაშვილი, კახეთის მხარეში სახელმწიფო რწმუნებული გიორგი ალადაშვილი და ადგილობრივი ხელისუფლების სხვა წარმომადგენლები.

🏗 სკოლების რეაბილიტაციისა და აღჭურვის პროექტი სსიპ საგანმანათლებლო და სამეცნიერო სააგენტომ განახორციელა, რომლის ჯამური ღირებულება 11 მილიონ ლარამდეა.

📚ევროსტანდარტების შესაბამის სკოლებში ყოველწლიურად 1000-მდე მოსწავლე შეძლებს განათლების მიღებას.

📌 ქვემო ქართლის რეგიონში ორი ახლად რეაბილიტირებული საჯარო სკოლა გაიხსნა.

🏣 ლევან დევდარიანის სახელობის ქალაქ გარდაბნის №1 და მარნეულის მუნიციპალიტეტის სოფელ ბაიდარის საჯარო სკოლებში დასრულებულ სამუშაოებსა და მიმდინარე სასწავლო პროცესს საქართველოს განათლების, მეცნიერებისა და ახალგაზრდობის მინისტრი ალექსანდრე წულაძე და საგანმანათლებლო და სამეცნიერო ინფრასტრუქტურის განვითარების სააგენტოს დირექტორი ირაკლი კუპრავა, ადგილობრივი ხელისუფლების წარმომადგენლებთან ერთად გაეცნო.

🏗 📚სკოლების რეაბილიტაციისა და აღჭურვის პროექტი სსიპ საგანმანათლებლო და სამეცნიერო სააგენტომ განახორციელა, რომლის ჯამური ღირებულება 8,5 მილიონ ლარზე მეტია.

📚 ევროსტანდარტების შესაბამის სკოლებში ყოველწლიურად 1400-მდე მოსწავლე შეძლებს თანამედროვე განათლების მიღებას.