გურჯაანის მუნიციპალიტეტის საკრებულო / Gurjaani City Assembly

🔹ნინოობის დღესასწაულთან დაკავშირებით, გურჯაანის მუნიციპალიტეტის საკრებულოს თავმჯდომარე, ვანო ბერიძიშვილი, მერი გიორგი მაჭავარიანი და დელეგატის ბიუროს უფროსი ზაზა შოშიაშვილი ქალაქ გურჯაანის წმინდა სამების საკათედრო ტაძარში სადღესასწაულო წირვას დაესწრნენ.

🔹საქართველოში ქრისტიანობის სახელმწიფო რელიგიად გამოცხადების 1700 წლისთავთან დაკავშირებით, გურჯაანი - ველისციხის ეპარქიაში შემავალი ქალაქი და სოფლები იკურთხება, ამიტომ წირვის დასრულების შემდეგ ქ.გურჯაანისა და მიმდებარე სოფლების კურთხევა გაიმართა.

🔹გურჯაანის სპორტული გაერთიანების სპორტსმენებმა საქართველოს ჩემპიონატზე ძალოსნობაში 3 ოქროს, 5 ვერცხლისა და 1 ბრინჯაოს მედალი მოიპოვეს, ხოლო გურჯაანის ძალოსანთა გუნდმა გუნდურ ჩათვლაში III ადგილი დაიკავა.

🔹გურჯაანის მუნიციპალიტეტის საკრებულოს თავმჯდომარე, ვანო ბერიძიშვილი და მერი, გიორგი მაჭავარიანი ჩემპიონატის გამარჯვებულებს მწვრთნელებთან ერთად შეხვდნენ, მიღწეული გამარჯვება მიულოცეს და წარმატებები უსურვეს.

1 ივნისს, ქალაქ გურჯაანში, ბავშვთა დაცვის საერთაშორისო დღე აღინიშნება.

ღონისძიებები “პაპას ბაღში”, 15:00 საათზე, ფერების ფესტივალით და ანიმაციური გმირების მონაწილეობით დაიწყება. გაიმართება სხვადასხვა სახალისო საბავშვო აქტივობა.

16:30 საათზე გაიმართება კონცერტი ა(ა)იპ სამუსიკო სკოლების გაერთიანების მოსწავლეების მონაწილეობით.

ბავშვთა დაცვის დღე, 18:00 საათზე “ბასტი-ბუბუს” კონცერტით დასრულდება.

გელით, თქვენს პატარებთან ერთად!

🔹საქართველოს დამოუკიდებლობის დღის აღსანიშნავად გურჯაანში, კულტურისა და დასვენების ცენტრალურ პარკში, ღონისძიება გაიმართა, რომლის ფარგლებშიც წარმოდგენილი იყო ფოტოგამოფენა თემაზე - „ძველი გურჯაანი“, „გურჯაანელი გენერლები“ და „დამოუკიდებელი საქართველო“.

🔹პარკში ასევე მოეწყო ბავშვთა ნახატების გამოფენა და საქართველოს დროშის ხატვის მასტერკლასი.

🔹ა(ა)იპ სამუსიკო სკოლების გაერთიანების მოსწავლეების მონაწილეობით გაიმართა თეატრალური მსვლელობა და კონცერტი.

🔹ა(ა)იპ საბიბლიოთეკო და სამუზეუმო გაერთიანების მიერ, ჯონ მალხაზ შალიკაშვილის მუზეუმში მოეწყო გამოფენა, რომლის ფარგლებშიც წარმოდგენილი იყო გენერალ ჯონ მალხაზ შალიკაშვილის პირადი ნივთები და საინტერესო, ინფორმაციული ვიზუალური მასალა პირველი რესპუბლიკის შესახებ.

🔹საქართველოს დამოუკიდებლობის დღის აღნიშვნა კონცერტით დასრულდა, რომელშიც ანსამბლი “ხარება”, "თბილისური კვარტეტი" , მომღერლები - ანიტა აბგარიანი, ანდრია ფუტკარაძე, ლიზა დარასელია, ბენდი “პოზიტივი” და ბენდი “Visioners” მონაწილეობდნენ.

🔹ღონისძიებას ადგილობრივებთან ერთად, გურჯაანის მუნიციპალიტეტის მერი გიორგი მაჭავარიანი, მერის მოადგილეები - კონსტანტინე ბერიძიშვილი, ვაჟა ბენაშვილი და დელეგატის ბიუროს უფროსი ზაზა შოშიაშვილი დაესწრნენ.