თელავის საოლქო საარჩევნო კომისია / Telavi DEC

✅ არჩევნების საერთაშორისო დღესთან დაკავშირებით საარჩევნო ადმინისტრაციამ ახალგაზრდებთან შეხვედრები გამართა.

✅ ცენტრალურ საარჩევნო კომისიაში დამამთავრებელი კლასების მოსწავლეებს და ახალგაზრდული პარლამენტის წარმომადგენლებს ცესკოს თავმჯდომარე გიორგი კალანდარიშვილი შეხვდა. ხოლო ბათუმის და თელავის საოლქო საარჩევნო კომისიების თავმჯდომარეებმა ბათუმის შოთა რუსთაველის სახელმწიფო უნივერსიტეტის და თელავის იაკობ გოგებაშვილის სახელმწიფო უნივერსიტეტის სტუდენტებთან გამართეს შეხვედრები.

✅ როგორც ცესკოს თავმჯდომარე გიორგი კალანდარიშვილმა ახალგაზრდებთან შეხვედრისას აღნიშნა, არჩევნების საერთაშორისო დღის ერთ-ერთი მიზანი არჩევნების მნიშვნელობის შესახებ საზოგადოების მაქსიმალური ინფორმირება და ყველა იმ სიახლისა და მოვლენის შესახებ საზოგადოების ცნობიერების ამაღლებაა, რომელიც არჩევნებს უკავშირდება. მან განსაკუთრებული ყურადღება გაამახვილა საარჩევნო პროცესში ახალგაზრდობის ჩართულობის მნიშვნელობაზე. მან ასევე დეტალურად ისაუბრა, 2024-2025 წლებში გამართულ საერთო არჩევნებზე, ელექტრონული საარჩევნო ტექნოლოგიების დანერგვის მიმართულებით არსებულ სიახლეებზე, საარჩევნო პროცესთან დაკავშირებით გავრცელებულ დეზინფორმაციაზე და უწყების წინაშე არსებულ გამოწვევებზე. გიორგი კალანდარიშვილმა ასევე გაამახვილა ყურადღება საგანმანათლებლო პროექტებზე, მათ შორის სასკოლო პროგრამებსა და საინფორმაციო კამპანიებზე, რომლებიც ორიენტირებულია ახალგაზრდებში საარჩევნო კულტურის გაძლიერებაზე.

✅ ახალგაზრდებთან შეხვედრები გამართეს საოლქო საარჩევნო კომისიების ხელმძღვანელმა პირებმაც თელავის იაკობ გოგებაშვილის სახელობის სახელმწიფო უნივერსიტეტსა და ბათუმის შოთა რუსთაველის სახელმწიფო უნივერსიტეტში.

✅ ბათუმისა და თელავის საოლქო საარჩევნო კომისიების ხელმძღვანელებმა ზვიად სურმანიძემ და გიორგი ფარადაშვილმა სტუდენტებს ასევე დეტალურად გააცნეს საარჩევნო ადმინისტრაციის საქმიანობის ანგარიში და საარჩევნო ტექნოლოგიების დანერგვის პროცესზე მიაწოდეს ინფორმაცია.

✅ თითოეულ შეხვედრაზე გაიმართა დისკუსია საარჩევნო ადმინისტრატორებსა და ახალგაზრდებს შორის და აღინიშნა, რომ ასეთი ღონისძიებები მათ საარჩევნო პროცესის უკეთ გაცნობის შესაძლებლობას აძლევს. არჩევნების საერთაშორისო დღე 2005 წლიდან ყოველ წელიწადს, თებერვლის პირველ ხუთშაბათს აღინიშნება.

#ცესკო #არჩევნებისაერთაშორისოდღე #შეხვედრაახალგაზრდებთან

თელავის მუნიციპალიტეტის 2025 წლის მოწვევის საკრებულოს პირველი სხდომა თელავის საოლქო საარჩევნო კომისიის თავმჯდომარე გიორგი ფარადაშვილმა გახსნა.

მან დეპუტატებს 2025 წლის ადგილობრივი თვითმმართველობის არჩევნების შედეგები წარუდგინა.

✅⬇️ საარჩევნო პროცესს უბნების გახსნის მომენტიდან აკვირდებიან უცხოელი კოლეგები, რომლებიც საერთაშორისო დამკვირვებლის სტატუსით საქართველოს #4ოქტომბრის არჩევნებზე დაკვირვების მიზნით ესტუმრნენ.

#ცესკო #არჩევნები2025 #არჩევნებისაერთოსაქმეა