Naalagaaffinngornissaq - Kalaallit salliutillugit - Oqaatsivut kinaassuserpullu - Immitsinnut aallaavigaluta - Sineriapput tamakkerlugu
Nunatsinni susoqarpa? ;-)
Danmarkimi Naalakkersuisunngortoqalerpoq.
02/06/2026
๐ฌ๐ฑ ๐๐ฆ๐๐ช๐ช๐ฎ๐ญ๐๐๐ฉ ๐ฆ๐๐ง๐ง๐ข๐ข๐ง๐ข๐ค ๐ค๐๐ญ๐๐ซ๐ฌ๐ข๐ฌ๐๐ซ๐ง๐๐ช ๐ฉ๐ข๐ฅ๐ฅ๐ฎ๐ ๐ฎ ๐ฌ๐ฎ๐ฆ๐ข๐ข๐๐๐ข๐ง๐ง๐ข ๐ญ๐ฎ๐ฌ๐๐ซ๐ง๐ข๐๐๐ง๐ข๐ฌ๐ฌ๐๐ฆ๐ฎ๐ญ ๐๐๐ง๐ฌ ๐๐๐ฉ๐ฬ๐ญ๐จฬ๐-๐ฉ ๐ฌ๐ข๐ฎ๐ง๐ง๐๐ซ๐ฌ๐ฎ๐ฎ๐ญ๐๐ ๐ญ๐๐ฉ๐๐ซ๐ฌ๐๐ซ๐ฌ๐จ๐ซ๐ง๐๐ช๐๐ซ๐ฅ๐ฎ๐๐ซ๐ฉ๐จ๐ช ๐ฌ๐ฑ
Naleqqamiit nuannaarutigaarput Jens NapรฃtรดK-p imeqqutaallat manniinik katersisarneq pillugu malittarisassat pillugit sumiiffinni innuttaasunik tusarniaanissamut siunnersuutaa tapersersorneqarluarammat, maannalu ataatsimiititaliamut suliarineqartussanngorlugu ingerlateqqinneqarmat.
Siunnersuutip siunertaraa malittarisassat sumiiffinni pissutsinut, kulturitsinnut, silap pissusaata allanngoriartorneranut kiisalu imminut pilersornerulernissamik kissaateqarnermut naleqqussarneqarnissaat.
Pingaaruteqarpoq innuttaasut pineqartut tusarneqarnissaat, aammalu malittarisassat sumiiffinni ilisimasat tunngavigalugit kiisalu timmissat amerlassusiisa piujuartinneqarnissaat mianeralugu aalajangersarneqarnissaat.
Alloriarneq pingaarutilik eqqortumik sammiveqartoq.
Naleqqamiit pinngortitarput pillugu aalajangiinerit aamma pinngortitamut qaninnerpaamik inuusut aallaavigalugit ingerlanneqartarnissaat sulissutigiuassavarput.
๐๐ฟ๐ป๐ถ๐ป๐ฒ๐ฟ๐บ๐๐ ๐ฎ๐๐ฎ๐๐ถ๐น๐น๐๐ด๐ ๐๐๐น๐ถ๐ป๐ป๐ด๐ถ๐ณ๐ณ๐ฒ๐พ๐ฎ๐ฟ๐ป๐ฒ๐ฟ๐๐ฝ ๐ฝ๐ถ๐๐๐ฎ๐ฎ๐ป๐ฒ๐ฟ๐๐น๐ฒ๐ฟ๐ป๐ถ๐๐๐ฎ๐ฎ๐ป๐ถ๐ธ ๐ฎ๐น๐น๐ผ๐ฟ๐ถ๐ฎ๐ฟ๐ป๐ฒ๐พ ๐ฝ๐ถ๐ป๐ด๐ฎ๐ฎ๐ฟ๐๐๐ถ๐น๐ถ๐ธ
Ullumikkut Inatsisartut tamarmik Jens NapรฃtรดK' Naleqqamiit erninermut atatillugu sulinngiffeqarnerup pitsaanerulernissaanik naligiinnerulernissaanillu siunnersuutaanut ataatsimiititaliap innersuussutaa akuersissutigaat.
Kiisami pisoqarpoq.
Naalakkersuisut maanna peqquneqarput minnerpaamik pingasunik erninermut atatillugu ullormusianik pitsanngorsaanissamut siunnersuuteqassasut, angajoqqaajusut suliffigisaat apeqqutaatinnagit.Ikinnerpaamik ataaseq minnerpaaffiup qaffannissaanut tunngassuteqartariaqarpoq, siunnersuutillu 2026-p naannginnerani saqqummiunneqassapput kingusinnerpaamillu EM2027-mi erninermut atatillugu ullormusianut inatsisip nutarternissaa siunertaralugu.
Tamanna alloriarneruvoq ajunngitsoq, nunami tamarmi ilaqutariit naligiinnerulernissaannut, toqqissisimanerulernissaannut atugarissaarnerulernissaannullu alloriarneruvoq.
Naleqqamiit meeqqat, ilaqutariit sivisuallaamillu iliuuseqarfiginaveersaarneqartut illersorniarlugit sorsuuteqartuassaaq.
28/05/2026
Isumaqatigiinniarnerit oqaluttuarisaanermi aatsaat taamak sivisutigigaluartut, matumuuna oqarsinnaavugut isumaqatigiinniarnerit ingerlalluartut.
Qujavugut, naapeqqissaagullu.
Kalaallit Nunarput pillugu ๐ฌ๐ฑ
Naleqqamiit sineriapput tamaat, isorliunerusut ilanngullugit pitsaanerusumik atugassaqarnissaat sukataarutigiuarparput - taamaattumillu Naalakkersuisut tuniniaanissamik nittarsaassisarneq aamma nalunaaqutsersuisarneq pillugu inatsit akerlerinngikkaluarlugu uniuinerujussua Junop oqaasertalerpaa.
25/05/2026
"๐๐๐๐ฅ๐๐ ๐๐๐๐๐ข๐ฌ๐ฌ๐ฎ๐ฎ๐ฉ ๐๐ข๐ญ๐จ๐ซ๐ง๐๐ข" ๐ฆ๐๐๐ง๐ง๐ ๐ญ๐ฎ๐ง๐ง๐ข๐ฎ๐ฌ๐ฌ๐ข๐ฆ๐๐ฅ๐๐ซ๐ฉ๐๐ซ๐ฉ๐ฎ๐ญ ๐๐ฎ๐ง๐๐ญ๐ญ๐ ๐๐ญ๐ฎ๐๐ ๐๐๐ญ๐๐ช๐๐ซ๐๐ข๐-๐ง๐ฎ๐ญ.
Tallimanngormat Naleraq atuakkanik tunniusseqqippoq.
Maanna Nunatta Atuagaateqarfia-nut tunniussilluta.
Kissaatigigatsigu atuagaq inuiaqatititsinnit ajornannginnerusumik atuarneqarsinnaassasoq paasisassarsiorfigineqarlunilu.
Neriuppugut atuakkanik atorniartarfinni saqqummiunneqarpata soqutigineqarluarlutillu paarilluarneqarumaartut.
Atuakkat tunniussagut Nunatta Atuagaateqarfia nammineq sineriammut agguaassuukkumaarpai.
Qujavugut Nunatta Atuagaateqarfia akuersilluni piumammat.
21/05/2026
***Naqqitaq***
(Qujanaq kukkunermut naqqiummut โค๏ธ๐ฌ๐ฑ)
๐๐ฎ๐๐ง๐ง๐๐๐ซ๐ฎ๐ญ๐ข๐ ๐๐ฅ๐ฎ๐ ๐ฎ ๐ง๐๐ฅ๐ฎ๐ง๐๐๐ซ๐ฎ๐ญ๐ข๐ ๐๐ซ๐ฎ๐ฌ๐ฎ๐ฉ๐ฉ๐๐ซ๐ฉ๐ฎ๐ญ, ๐๐๐ฅ๐๐ซ๐๐ช ๐๐ญ๐ฎ๐๐ค๐ค๐๐ง๐ข๐ค ๐๐ฅ๐ข๐ฌ๐ข๐ฆ๐๐ญ๐ฎ๐ฌ๐๐ซ๐๐ข๐ฆ๐ฆ๐ฎ๐ญ ๐ญ๐ฎ๐ง๐ข๐ฌ๐ข๐ฆ๐ฆ๐๐ญ.
Atuagaq Anne Kirstine Hermann atuakkiaa "Imperiets Bรธrn" kalaallisuunngortitaq, Naleqqamut tunniunnikuusai "Naalagaaffissuup Qitornai", maanna Ilinniarfissuarmi ilinniartunut tunissutigaarput.
Inuiaqatigiilerinermi Ilisimatusartunut aamma Inatsisilerituutut ilisimatusartunut agguaassivugut, atuakkat 110 tunissutigalugit.
Neriulluta atuakkat ilinniartunik atorneqarluarumaartut ilinniutaalluarlutillu. Oqaluttuarisaanermimmi pingaarutilittut nalitummat, ilisimatusarnermi ilinniartut tunissuteqarfigaavut.
20/05/2026
Naleqqap allaffiani suleqatitaannguarput Markus ullumi inuuissiorpoq ๐ฌ๐ฑ Nuummilu silagingaarami, sineriammimmi?
Ullorsiorluarnissaanik kissaatingaarparput ๐๐๐ผ๐ฅณ
๐๐ข๐ง๐ ๐๐๐ซ๐ญ๐ข๐ฅ๐ฅ๐ฎ๐ ๐ฎ ๐ค๐ข๐๐๐๐๐ง๐ง๐ ๐ข๐ฌ๐ฌ๐ฎ๐ฌ๐๐ช๐๐ซ๐ง๐๐ช โ ๐๐ข๐ง๐ง๐ ๐ข๐ญ๐ฌ๐๐๐ฅ๐ข๐ข๐ฌ๐ฌ๐ฎ๐ฆ๐ฆ๐ข๐ค ๐ฉ๐๐ง๐ฌ๐ข๐จ๐ง๐ข๐ฌ๐ข๐๐ฌ๐ฌ๐๐ง๐ฎ๐ญ ๐ข๐ฅ๐๐ช๐ช๐๐๐ซ๐ญ๐ข๐ญ๐ฌ๐ข๐ง๐๐ช ๐ฎ๐ง๐ข๐ญ๐ฌ๐ข๐ฅ๐ฅ๐ข
Naleqqamiit isumaqarpugut, inuit namminneq aningaasarsiatik pillugit aalajangiisussaatitaasariaqartut. Pinngitsaaliissummik soraarnerussutisiassanik ileqqaartitsisarneq aallaqqaataaniilli akerlerilluinnarparput.
Sunaana anguniarneqartoq? Akissarsiat ilungersuullugit sulissutigisat, inuuniarnermut atorneqartussaagaluit, maanna "aningaasartuutitut" akiliissutigineqartarput. Tamatuma kingunerisaanik innuttaasut namminneq pisuussutiginngisamik, pilersitamik pissakinnerulernerat pilersinneqarpoq. Inuit ulluinnarni inuuniarnermut, nerisassanut akiligassanullu akissaqarnissaat maanna ajornakusooreersoq suli artukkerneqaqqissapput.
Soraarnerussutisiaqalernissamut katersineq nammineq piumassuseq aallaavigalugu pisariaqarpoq, pinngitsaaliissutaanani. Innuttaasut aningaasaqarnerat eqqorneqassanngilaq. Namminermi suliffeqarnitsinni tamanna pigineqareerpoq, sooq taava qaavatigut allamik ilaneqassappat?
Naleraq taamaammat pinngitsaaliilluni katersititaanermut akerliujuassaaq. Innuttaasut kiffaanngissuseqarnissaat, atugarissaarnissaat namminerlu aalajangiisinnaatitaanerat sorsuukkatsigu.
Taamaammat Naleraq tapersersoruk โ inuit namminneq pisinnaatitaaffii siulliutillugit.
19/05/2026
| Mandag | 10:00 - 14:00 |
| Tirsdag | 10:00 - 14:00 |
| Onsdag | 10:00 - 14:00 |
| Torsdag | 10:00 - 14:00 |
| Fredag | 10:00 - 14:00 |