南區青年團

【優秀青年匯南區｜嘉許・音樂・分享會2026】🎉

活動已於1月24日在海洋公園怡慶坊圓滿舉行！🎊
現場充滿掌聲、音樂與正能量，再次衷心恭喜所有得獎者！🏆

南區青年團將會繼續努力，為大家帶來更多新奇、有趣又有意義的活動！🚀

陪伴每一位南區青年，一起學習和成長！💪

自問影得一手靚相嘅你記得唔好錯過😎‼️

南區民政處、南區青年團同埋南區青年發展及公民教育委員會現正舉辦緊「和諧穩定•美好當下」南區青少年手機攝影比賽📸，希望鼓勵南區青少年透過手機鏡頭捕捉日常生活中令人感恩、會心微笑的時刻🥰。

活動詳情如下：
參賽組別：小學組、中學組及青年組
提交方法：可將參賽作品WhatsApp至5394 4725或電郵至[email protected]
提交日期：2026年1月16日至2026年3月1日
獎項：每個組別均設有冠、亞、季軍各1名及優異獎5名；以及入圍作品各40名

就住更多比賽詳情，大家可以睇返我哋嘅活動海報同埋掃返海報上嘅QR Code🤳🏻

如果有任何查詢，歡迎致電2814 5701同南區民政處袁小姐聯絡☎️

「優秀青年匯南區 嘉許·音樂·分享會」今年再度譽滿歸來‼️

南區民政事務處將會聯同南區學校聯會、南區青年團、南青鋒、香港仔坊會同埋南區青年發展及公民教育委員會喺2026年1月24日(星期六)喺海洋公園怡慶坊舉辦「優秀青年匯南區 嘉許·音樂·分享會2026」，透過音樂同分享等參加者度過一個愉快的晚上！同場我哋仲會嘉許埋一眾南區嘅傑出領袖😎！我哋仲邀請到鄧小巧同埋一眾歌手到場表演同分享🎤，等大家舒緩一下日常壓力，為大家打氣🎶！

日期：2026年1月24日 (星期六)
時間：晚上7時正至9時正
地點：海洋公園怡慶坊

嚟緊2026年1月19日(下星期一)起，我地會喺香港仔社區中心同埋香港仔坊會賽馬會綜合服務處公開派發門票，每人限取2️⃣張，先到先得，送完即止。
(門票只適用於入場參加「優秀青年匯南區 嘉許·音樂·分享會」)

詳情可以睇返下面嘅海報！有興趣參加嘅朋友就記得唔好錯過依個咁好嘅機會啦😆😆

【🐼南區聖誕🎄光影之旅 💫暖心動人🥰】

今年南區民政處喺香港仔、鴨脷洲同赤柱都有特色聖誕布置，希望帶畀街坊同遊人温暖嘅節日氣氛！

🏠香港仔海傍「歐陸聖誕小屋」同🐼 熊貓造型嘅聖誕樹都非常吸睛👀👀！

🎄赤柱 10米高巨型聖誕樹造型又得意又搶眼🎁，仲有海傍嘅「心心走廊」，大家快啲去感受一下既熱鬧又浪漫嘅赤柱🎉💖 我哋感謝香港南區各界聯會、香港南區各界慶典委員會特別贊助赤柱嘅節日布置🌟。

另外，領展舉辦嘅赤柱「夠薑過聖誕」市集去到12月28日！超過100個特色單位聚集喺赤柱廣場、美利樓同海濱一帶，等緊大家！

#南區民政處 #節日燈飾 #處處熊貓處處愛 #南區打卡點

【2025年立法會換屆選舉🗳️ 南區宣傳 全城起動📣】

12月7日 投入選舉 共創未來‼️

南區民政處由1/11起會喺多處設置街站，呼籲各位市民喺12月7日一齊履行公民責任✅，踴躍投票💪🏻！

1️⃣青年宣傳街站
尋日(1/11)早上，南區民政處同香港菁英會，再孖住南區青年發展及公民教育委員會、南區青年社區建設委員會同南區青年團分別喺香港仔中心及黃竹坑地鐵設置立法會選舉宣傳街站🌟。財政司司長陳茂波同南區民政專員Sandy特意到場為一班充滿朝氣嘅年青人打氣👦🏻👧🏻，齊齊呼籲市民踴躍投票。街坊見到司長都好開心😊，仲話會記得12月7日一定投票🔆

2️⃣地區三會宣傳街站
同日下午，Sandy 專員聯同撲滅罪行委員會、防火委員會、分區委員會一班委員，同心繼續宣傳選舉日💕

黎緊南區喺唔同地點會繼續有不同嘅宣傳，呼籲市民參與選出能代表市民聲音嘅立法會議員，共建美好香港。

#南區民政處 #地區三會 #南區青年發展及公民教育委員會 #南區青年社區建設委員會 #南區青年團 #香港菁英會 #2025年立法會換屆選舉 #12月7日 #踴躍投票共創未來

【南區夏日興趣研究所☀️展現青年無限可能✌️】

南區民政處、南區青年團同南區青年發展及公民教育委員會舉辦咗為期兩個月嘅「慶祝香港回歸祖國28周年：夏日興趣研究所🔍」。呢個夏日研究所節目非常豐富，活動包括匹克球初體驗🎾、室內無人機工作坊🎮、果膠手繪體驗班✒️、手匠創藝DIY🪚、塗鴉藝術創意班🎨、狼人殺大賽🐺、劇本殺體驗班🎭、青年樂隊訓練🎸等，簡直應有盡有😍，同學仔可以喺課餘時發掘更多五花八門嘅新興趣，創造無限可能🥰！

除咗興趣班，活動仲特意加插社區服務環節，增強同學仔對社區嘅歸屬感，養成回饋社會嘅好習慣💕！例如青年樂隊經專業導師培訓後，隨即為街坊演出🤘🏻👨🏻‍🎤；匹克球初體驗同室內無人機工作坊嘅參加者亦化身小導師👨🏼‍🏫👩🏻‍🏫，向街坊介紹坊間新興玩意；果膠手繪體驗班同手匠創藝DIY嘅同學仔亦協助導師教街坊製作出屬於自己嘅工藝品🛠️。雖然參加者年紀輕輕，但係講解起上嚟都一樣有板有眼㗎😎！

南區民政處未來會為青年提供更多富有創意嘅平台，畀青少年繼續裝備同認識自己，把握機遇，喺唔同嘅崗位及領域方面貢獻社會💯！

【走進成都🎍重溫抗戰歷史・沉浸巴蜀文化@南區】

3️⃣0️⃣位南區青年喺8️⃣月2️⃣0️⃣至2️⃣4️⃣日參加咗由南區民政處舉辦嘅前往成都，親身感受祖國巴蜀文化、學習抗戰歷史、再探訪活潑精靈嘅國寶大熊貓🐼😍。

⭐愛國情懷
適逢抗戰勝利80周年，參加者先後到訪建川博物館同埋川軍抗日陣亡將士紀念碑，好好了解中國抗戰時期嘅艱辛🕊️；又去咗5.12汶川特大地震紀念館，踏上大地震遺址，了解災後大型救援及重建工作🫶🏻。交流團仲有幸獲中國商飛領導親自接待，帶領遊覽科普館✈️，了解C919國產大飛機嘅製造過程⚒️，親身體驗1:1模擬駕駛艙、又用各種控制桿嘗試起飛同降落💪🏻！

⭐歷史文化
一行人到訪咗金沙遺址，其中一鎮館之寶嘅「太陽神鳥金飾☀️」原來被國家文物局選為中國文化遺產標誌😍！除此之外，佢哋仲先後參觀咗灌縣古鎮、都江堰水利工程、武侯祠等歷史文化名勝📷✨。

⭐自然保育
喺熊貓護理員導講下，交流團走遍成個臥龍中華大熊貓苑神樹坪基地🐼探訪20隻大熊貓，深入了解基地多年野化培訓同放歸大熊貓嘅成功同努力。團員仲親力親為，發揮無限創意💭幫大熊貓製作唔同形狀嘅主食「窩窩頭」🍴🤣！

短短一場成都之旅，希望青年人增值自己、擴闊眼界之餘，亦加深對國家文化寶蘊嘅愛、堅定為國未來發展作有意義嘅貢獻❣️

【全城同賀🥳🎉！加加得得一歲喇 生日派對】

我哋嘅港產大熊貓孖寶加加、得得喺8️⃣月1️⃣5️⃣日過咗一歲生日🎊！南區民政處為佢哋舉辦咗盛大嘅生日會🥰🥰

南區青年團亦有幸參與其中，聯同多位南區小朋友同少數族裔青年即場製作「暖心熊貓月餅🥮」，仲「新鮮滾熱辣」送畀區内小朋友同老友記👧🏻👦🏻💗，同大家分享熊貓小孖寶一周歲嘅喜悅😊🎉！

錯過咗活動嘅朋友都唔好失望😏，大家可以喺8️⃣月1️⃣8️⃣日起於辦公時間内去到南區各區議員辦事處（https://www.districtcouncils.gov.hk/south/tc_chi/members/info/files/DC_Member_ContactDirectory_6_2025.pdf）或南區民政諮詢中心拎到限量版熊貓貼紙🙌🏻。貼紙數量有限，派完就無㗎喇‼️

【全民國家安全教育日 南區青年硬筆書法比賽🖊️】

為咗提高青年對國家安全嘅意識，促進社區穩定發展，南區民政事務處聯同香港南區各界聯會、南區撲滅罪行委員會、南區青年發展及公民教育委員會、香港南區青年發展聯會、南區建設力量同埋南區青年團合辦「全民國家安全教育日 南區青年硬筆書法比賽✍🏻」，比賽更獲得南區區議會嘅支持以及民政事務總署贊助！比賽將會以「全民國家安全教育日徽號🔒」為主題，分小學組同中學組進行評選！

對象：於南區居住或就讀嘅小學及中學學生
獎項：各組別設冠亞季軍各一名及優異獎五名；另外入圍作品(128個名額)將獲贈書劵
(我仲偷偷聽到，獲得冠亞季軍嘅得獎者仲會獲得神秘禮物㊙️)

如果自問寫得一手好字，咁就唔好錯過依個咁有意義嘅比賽啦‼️記得記得記得，截止報名日期係2025年3月7日(星期五)😁

如果有任何查詢☎️，歡迎致電2814 5818(黃小姐)或2814 5704(梁先生)聯絡！

「優秀青年匯南區 嘉許·音樂·分享會」已經完滿結束啦🔥🔥🔥喺依度再次恭喜各位得獎青年‼️

南區青年團會繼續推出更多新奇又有趣嘅活動，繼續陪伴南區青年一同成長✌🏻✌🏻

啱啱放完新年假🎆，唔知大家調節好要返工返學嘅心情未呢🤣

如果悶悶地要搵娛樂節目，我地南區青年團就有好介紹啦😎🥳‼️

南區民政事務處將會聯同南區學校聯會、南區青年團、南青鋒、香港仔坊會同埋南區青年發展及公民教育委員會喺2025年2月16日(星期日)喺海洋公園怡慶坊舉辦「優秀青年匯南區 嘉許·音樂·分享會💪🏻」，透過音樂同講座等參加者度過一個愉快的晚上，同場我哋仲會嘉許埋一眾南區嘅傑出領袖😎！我哋仲邀請到Gin Lee😍同埋一眾歌手🎤到場表演同玩遊戲，等大家舒緩一下日常壓力，為大家打氣🎶！

日期：2025年2月16日 (星期日)
時間：晚上6時30分至9時正
地點：海洋公園怡慶坊

嚟緊2025年2月10日(下星期一)起，我地會喺香港仔社區中心同埋香港仔坊會賽馬會綜合服務處公開派發門票，每人限取2️⃣張，先到先得，送完即止。
(門票只適用於入場參加「優秀青年匯南區 嘉許·音樂·分享會」)

詳情可以睇返下面嘅海報！有興趣參加嘅朋友就記得唔好錯過依個咁好嘅機會啦😆😆

『慶祝中華人民共和國成立七十五周年之「好客南區」標語創作比賽🏆』

「好客南區」標語創作比賽嘅比賽結果已經正式出爐啦🥳❗我哋已經喺上星期向學校公佈咗有關結果，而獎項同書劵將會喺2025年2月舉辦嘅「聯合青年嘉許禮暨音樂分享會@南區」一併頒發🥇🥈🥉。南區青年團屆時將會透過學校邀請得獎學生同埋家長一齊出席活動💖！

喺度再次多謝大家對活動嘅支持！嚟緊我哋都會推出同類型比賽，如果你哋有興趣，就記得要留意住我哋南區青年團嘅Facebook啦🔥🔥