賽馬會樹木再造青年共創企劃Jockey Club "Tree Upcycling" Youth Co-creation Project

【呢樹睇 | 賽馬會「樹木再造」青年共創企劃 – 計劃回顧】

話咁快，賽馬會「樹木再造」青年共創企劃終於到咗尾聲，衷心感謝大家嘅支持！

賽馬會「樹木再造」青年共創企劃由香港知專設計學院社會設計工作室主辦、香港賽馬會慈善信託基金捐助，係一個為期三年，鼓勵青年共同創造嘅樹木升級再造及可持續發展計劃，我哋希望透過融合社會創新設計同木工工藝，讓本地樹木資源重生，推動「人樹共融」社會理念。🌳

為期三年嘅「樹木再造」企劃每年都會舉辦一系列嘅教育同社區活動，涵蓋三大範疇 – 認識本地樹木、轉化再造木資源及鼓勵社會共創。🙌🏻🙌🏻 而家，不如一齊去片了解吓我哋企劃嘅成果及精彩片段啦！📽️▶️

#賽馬會樹木再造青年共創企劃 #香港賽馬會慈善信託基金 #香港知專設計學院社會設計工作室 #環保 #人樹共融 #升級再造 #樹木 #永續發展

賽馬會「樹木再造」青年共創企劃 – 計劃回顧 賽馬會「樹木再造」青年共創企劃由香港知專設計學院社會設計工作室主辦、香港賽馬會慈善信託基金贊助，是一個鼓勵青年共同創造的樹木升級再造及可持續發展計劃，旨在融合社會創新設計和工藝，讓本地的樹資源重生，推...

【 #活動回顧 | 「人樹共融・永續社區」專題講座及分享會暨木作品捐贈儀式】

賽馬會「樹木再造」青年共創企劃本年度嘅「人樹共融・永續社區」專題講座及分享會暨木作品捐贈儀式已於10月30日圓滿舉行。我哋好開心受惠社福機構嘅代表能夠親臨現場出席木作品捐贈儀式，並分享佢哋對木作品捐贈嘅感想。此外，我哋亦有幸邀請了3位演講嘉賓為我哋分享佢哋喺木材及廢棄資源升級再造嘅知識同經驗，以及如何將永續發展嘅環保理念融入到社區發展及建設中♻️。而家，等我哋一齊去片睇吓當日嘅活動盛況啦！👇🏻

#賽馬會樹木再造青年共創企劃 #香港賽馬會慈善信託基金 #香港知專設計學院社會設計工作室 #分享會 #講座 #人樹共融 #永續社區 #升級再造 #城市綠化 #樹木 #永續發展

賽馬會「樹木再造」青年共創企劃 - 2024「人樹共融・永續社區」專題講座及分享會暨木作品捐贈儀式 - 活動花絮 2024年的專題講座及分享會暨木作品捐贈儀式已於10月30日在香港知專設計學院舉行，很感謝受惠社福機構的代表親臨現場出席木作品捐贈儀式，並分享了對木作品捐贈的感想。另外，我們亦很高興邀請了3位在永續發展項目方面經...

【活動回顧 | #樹遊香港】

「樹遊香港」最後一團 #馬灣公園綠色導賞團 已經喺11月尾順利完成 !

今次導賞團好多謝香港知專設計學院 HKDI - Hong Kong Design Institute HKDI Landscape Architecture 園境建築高級文憑講師Vega Shang及香港中文大學和聲書院通識科老師左治強擔任導賞員，帶領一眾參加者深入馬灣大自然公園，探索園內唔同嘅樹木品種及自然生態 。另外，我哋亦好開心得到馬灣公園同事Kenny嘅幫忙，特別為我哋參加者介紹園內嘅食用菇菌培植室🍄，透過生動有趣嘅講解，令參加者對菇菌有更多嘅了解！參加者都大讚導賞員們講解得非常專業，令佢哋認識更多香港嘅植物，日後會更加愛護大自然！

#賽馬會樹木再造青年共創企劃 #香港賽馬會慈善信託基金 #香港知專設計學院社會設計工作室 #香港樹木 #生態遊 #綠色導賞團 #馬灣公園 #馬灣大自然公園 #樹木浴

【呢樹睇 | 2024「升級再造青年木工班」 - 活動花絮】

我哋企劃每年均會舉辦嘅「升級再造青年木工班」一直都好受歡迎，由2022年首次開班至今已有超過400名青年學員參加，一眾青年學員都有好多得著。😆除咗加深學員們對傳統木藝同升級再造嘅認識，由學員們製作嘅木製品仲會全數捐畀本地社福機構，幫助基層人士，連繫工藝、環保與愛心 。💚

唔講咁多，大家一齊去片聽吓今年木工班嘅學員點講啦!📽▶

#賽馬會樹木再造青年共創企劃 #香港賽馬會慈善信託基金 #香港知專設計學院社會設計工作室 #環保 #木工 #社福機構

賽馬會「樹木再造」青年共創企劃 – 2024「升級再造青年木工班」 - 活動花絮 賽馬會「樹木再造」青年共創企劃由香港知專設計學院社會設計工作室主辦、香港賽馬會慈善信託基金贊助，是一個鼓勵青年共同創造的樹木升級再造及可持續發展計劃，旨在融合社會創新設計和工藝，讓本地的樹資源重生，推...

【活動回顧 | #作品捐贈】

#木工進階班 Class WA2嘅學員為 和悅會 Woopie Club 製作咗摺疊式工作枱，較早前呢批木作品已由我哋企劃嘅同事代表捐贈💚，並將會送贈到佢哋服務嘅人士手上。

#賽馬會樹木再造青年共創企劃 #香港賽馬會慈善信託基金 #香港知專設計學院社會設計工作室 #環保 #木工 #社福機構 #工作坊 #木匠 #傳統木工工藝 #榫卯

【活動回顧 | #作品捐贈】

#木工基礎班 Class W5 嘅同學們為 CFSC 基督教家庭服務中心 製作實用而精美嘅回收紅酒箱木製收納盒及木凳，較早前已由我哋企劃嘅同事代表捐贈予基督教家庭服務中心，並將會送贈到有需要嘅人士手上，希望佢哋會鍾意啦🤎

#賽馬會樹木再造青年共創企劃 #香港賽馬會慈善信託基金 #香港知專設計學院社會設計工作室 #環保 #木工 #社福機構 #樹木再造

【活動回顧 | #樹遊香港】

「樹遊香港」 #馬灣公園綠色導賞團 第三團已經喺11月中順利完成 !

今團好多謝香港中文大學和聲書院通識科老師左治強及植物專家小燕擔任導賞員，帶領一眾參加者深入馬灣大自然公園，探索園內唔同嘅樹木品種及自然生態 。另外，我哋亦好開心得到馬灣公園高級公園經理 Edmond Wong嘅大力支持，特別為我哋參加者介紹園內嘅食用菇菌培植室🍄，令大家大開眼界、獲益良多！參加者們都非常投入同興奮，仲話嚟緊嘅秋冬季節佢哋都要再去行下山，欣賞一下本地嘅自然生態！

#賽馬會樹木再造青年共創企劃 #香港賽馬會慈善信託基金 #香港知專設計學院社會設計工作室 #香港樹木 #生態遊 #綠色導賞團 #馬灣公園 #馬灣大自然公園 #樹木浴

【活動回顧│ #木工基礎班 Class W5】

「升級再造青年木工班」— 木工基礎班Class W5完成啦！多謝 Faculty of Craft 手作館 嘅導師李Sir擔任我哋木工班嘅導師👏🏻，教導同學們各種木工基礎技術，包括工具使用、材料選擇以及基本木工技巧。同學仔都表示除咗學習到木工技巧外，仲訓練到佢哋嘅專注度同耐性，真係得著很多。👍🏻

#賽馬會樹木再造青年共創企劃 #香港賽馬會慈善信託基金 #香港知專設計學院社會設計工作室 #環保 #木工 #社福機構 #工作坊 #木工工藝 #慈善捐贈

【活動回顧 | #作品捐贈】

#木藝基礎班 Class C3及C4嘅學員為 和悅會 Woopie Club 製作咗益智好玩嘅魯班鎖及紙飛機發射器，較早前呢批木作品已由我哋企劃嘅同事代表捐贈💚，並將會送贈到佢哋服務嘅人士手上。

#賽馬會樹木再造青年共創企劃 #香港賽馬會慈善信託基金 #香港知專設計學院社會設計工作室 #環保 #木工 #社福機構 #工作坊 #木匠 #傳統木工工藝 #榫卯

【呢樹睇 | 2024年輕木工體驗工作坊 - 活動花絮】

「樹木再造」企劃嘅輕木工體驗工作坊一直都深受大小朋友喜愛！由我哋HKDI校友「環保爸爸」Norman擔任導師，指導參加者利用回收木材製作不同嘅創意小玩意，例如風力車🚗、一弦結他🎸、迴力船⛵及十字劍球等，你睇下參加者幾投入、幾開心！ 🎉

輕木工體驗工作坊不單止讓大家明白到木材升級再造嘅價值，仲畀大家親身體驗到創意設計嘅無窮樂趣💡🌳 ﹗我哋希望大家唔好停落嚟，可以將環保設計及升級再造融入日常生活中，一起為地球出一分力！

#賽馬會樹木再造青年共創企劃 #香港賽馬會慈善信託基金 #香港知專設計學院社會設計工作室 #木工 #工作坊 #體驗工作坊 #升級再造 #輕木工 #青年

賽馬會「樹木再造」青年共創企劃 – 2024年輕木工體驗工作坊 - 活動花絮 賽馬會「樹木再造」青年共創企劃由香港知專設計學院社會設計工作室主辦、香港賽馬會慈善信託基金贊助，是一個鼓勵青年共同創造的樹木升級再造及可持續發展計劃，旨在融合社會創新設計和工藝，讓本地的樹資源重生，推...

【活動回顧| #中小學校園願木計劃】

本企劃嘅中小學校園「願・木」計劃已經圓滿結束，呢三年間一共有154間參與中小學參與我哋嘅計劃，我哋總共送出咗45,000份「願・木」Wood Kit材料包，真係非常感謝各學校嘅參與同支持！

另外，特別鳴謝有份參與本企劃年度展覽嘅學校，喺展覽中展出同學們嘅創意木作品，等參觀者可以欣賞到同學們如何運用創意設計做出既環保又美觀嘅小作品，賦予回收木二次價值。👍🏻

最後，我哋希望透過呢個「願・木」計劃，同學們都可以認識及學習到如何善用回收物料，繼續喺日常生活中實踐可持續理念 。

#賽馬會樹木再造青年共創企劃 #香港賽馬會慈善信託基金 #香港知專設計學院社會設計工作室 #中小學 #願木計劃 #升級再造 #環保 #可持續發展 #視藝科 #回收木 #設計思維

【呢樹讀 | 2024年「樹木再造」成果展 — 設計師分享】

👏🏻 2024年「樹木再造」成果展設計師 — Bobby

2024年度「人樹共融」 -「樹木再造」成果展已經圓滿結束啦，我哋希望透過今次展覽可以讓參觀者對本地樹木、升級再造及可持續發展概念有更多認識。

今次展覽由香港知專設計學院室內設計課程嘅學生Bobby設計，佢啱啱完成咗相關高級文憑課程，而家正就讀室內設計學位課程。唔好睇Bobby年紀輕輕，佢嘅設計真係心思、創意兼備㗎！🤩佢嘅設計理念正好貫徹本企劃推動環保及升級再造嘅宗旨，喺選用嘅物料上主要係回收或可重用木材，例如運輸常用嘅卡板及運輸木箱等，希望展覽結束後，木材能夠循環再用，減少浪費。而喺各個展區中，佢特別鍾意中小學校園「願˙木」計劃嘅展區，因為呢區嘅展櫃設計就係利用卡板組合而成，再加上展櫃內展示嘅中、小學生回收木小作品，完美地展示咗如何將創意設計同環保理念互相融合。

Bobby亦希望透過今次展覽為參觀者提供互動體驗，因此佢特別設計咗一個遊戲空間，讓參觀者可以親身體驗回收木作品帶嚟嘅樂趣，例如利用回收木製一弦結他彈奏一曲，又或者挑戰一下玩十字劍球等。而且佢仲刻意預留充足嘅空間畀木作品展示區，讓參觀者可以近距離駐足欣賞「升級再造青年木工班」嘅各款木作品，例如多功能手提電腦折疊木支架、摺疊式工作枱、百寶箱等。Bobby話佢設計嘅最終目的係希望讓參觀者明白，只要大家花多一點心思，好多物料都可以循環再用，廢物都可以升級再造為有用嘅物品，為環保出一分力就係可以咁簡單。

#賽馬會樹木再造青年共創企劃 #香港賽馬會慈善信託基金 #香港知專設計學院社會設計工作室 #環保 #木工 #升級再造 #可持續發展 #木工工藝師 #展覽 #人樹共融