友里共享@皇后山 - 皇后山邨社區支援計劃

友里共享@皇后山 - 皇后山邨社區支援計劃

Share

香港路德會社會服務處獲社區投資共享基金(CIIF)資助「友里共享@皇后山」,從2021年起推行為期四年新屋邨社區支援計劃,本計劃旨在連繫不同的社區團體及各界協作夥伴,協助新入伙居民儘快適應新社區的生活。

社區投資共享基金簡介
  社區投資共享基金於2002年由香港特別行政區政府成立,在社區推行多元化的社會資本發展計劃,推動市民及社會各界發揮凹凸互補精神,齊心建立跨界別協作平台及社會支援網絡,從而建立互助互信、守望相助、社區凝聚力等社會資本,讓個人、家庭及組織互相支援,令社區能力得以提升。
「社區動起來 到處人情在」!

免責聲明:
「本交流平台的一切留言及言論,只代表留言者個人意見,並不代表香港路德會社會服務處、社區投資共享基金及香港特區政府的立場。對於因交流平台所載的任何資料或言論而引起的任何損失或損害,香港路德會社會服務處、社區投資共享基金及香港特區政府並不承擔責任。」

20/12/2025

各位街坊,我哋路德會「友里共享@皇后山」計劃將會喺2025年12月31日正式結束,而從12月22日起社工隊的工作電話號碼(66031374、66547478)以及計劃Facebook專頁就會交返比 路德會皇后山綜合服務中心 職員接手繼續使用喇📲

好開心可以喺皇后山與大家同苦同樂,由2021年10月喺馬鞍山欣安邨嘅預配支援街站開始,到終於能夠踏進皇后山提供入伙支援,同大家一齊經歷裝修搬遷過程,以及在皇樂樓活動室和五樓中心舉辦不同社區活動,轉眼之間四年多的服務已經到達終點啦😢

在這裡我哋一同見證住街坊鄰里之間發生的點滴故事,一同迎接新生命的誕生、睇住小朋友們逐漸長大、街坊們的生活步上軌道,好多謝大家願意同我哋分享生活趣事,亦感謝大家主動參與不同的社區活動和義工服務!祝願各位未來在皇后山社區的生活開心順利、身體健康,街坊鄰里間繼續互助共聚,一齊建立充滿人情味嘅家園🥰

雖然社工隊的服務將會結束,但位於皇后山社區綜合大樓五樓的「路德會皇后山綜合服務中心」同工仍然會為區內6-24歲的兒童、青少年及其家庭成員提供服務,希望大家未來繼續關心社區、參與中心的服務💪🏻💪🏻

路德會胡姑娘✍🏻

--------------------------------------------

各位街坊: 我哋友里共享@皇后山計劃即將係12月31號正式完結啦👊🏻而今日亦都會係胡姑娘同林sir既最後一個工作天啦, 衷心感謝各位街坊呢幾年既參與同指教,你哋嘅付出對於皇后山邨嘅建立十分重要!社工隊退場之後, 都請大家繼續保持社區參與嘅熱度👊🏻一個美好,熱鬧既社區係需要每一個人既付出先能夠做到的👊🏻祝願各位街坊能夠可以係呢個地方扎根,繼續作別人既好鄰舍,一齊建立有人情味既社區!🫡

路德會林豐✍🏻

Photos from 友里共享@皇后山 - 皇后山邨社區支援計劃's post 15/12/2025

計劃服務來到尾聲,我們製作的一系列紀念品將會繼續於 路德會皇后山綜合服務中心 (皇后山綜合服務大樓5樓) 開放時間內派給各位街坊自由領取,先到先得、送完即止!
希望大家每次見到都能想起參與社區活動的回憶,在未來的日常生活中繼續參與社區活動、關愛身邊鄰里社群、共同建立幸福有愛嘅皇后山!

#有你 #有鄰里 #社區就有人情味

12/12/2025

不經不覺原來社工隊已經同大家在皇后山渡過第五個聖誕節了!計劃服務來到尾聲,我們特別製作了一系列紀念品派比各位街坊,希望大家每次見到都能想起參與社區活動的回憶,在未來的日常生活中繼續參與社區活動、關愛身邊鄰里社群、共同建立幸福有愛嘅皇后山!同場亦設有聖誕熱縮膠手工攤位,並會派發計劃義工DIY成品,記得預留時間上來五樓中心參加啦!

日期:13/12/2025(星期六)
時間:上午10:00至下午1:00
地點:新界粉嶺皇后山社區綜合大樓5樓

⚠️數量有限,先到先得⚠️

27/11/2025

如各位街坊有認識親友有需要,可聯絡以下服務單位了解詳情🙏🏻

【🤲🏻為宏福苑火災祈禱】

📢路德會大埔宏福苑緊急支援行動

烈火無常,人間有愛,香港路德會社會服務處緊急調配機構資源,為宏福苑居民及受影響市民提供緊急援助

我哋位於大埔富善邨善群樓地下嘅路德會賽馬會富善綜合服務中心,會即時提供以下安排:

1. 中心11月27日-11月30日(星期四至日)延長開放時間:上午9時至晚上10時
2. 社工/臨床心理學家提供情緒支援及輔導,歡迎親臨中心或致電熱線:6587 0881
3. 為宏福苑居民/本處服務使用者提供緊急援助金,渡過時艱。歡迎親臨中心或致電:2661 4883
4. 本處轄下過渡性房屋「路德會七星薈」及「路德會雙魚薈」合共提供200個緊急支援單位,入住熱線:七星薈 9644 4038/雙魚薈 9299 9412
5. 緊急課餘託管服務,為大埔及粉嶺居民提供服務,查詢:2661 3880(大埔區)/8490 0667(粉嶺區)
6. 為受影響長者提供安老院舍緊急宿位,查詢熱線:2505 3683

最後亦請各位一同為宏福苑火災祈禱,願逝去的居民及消防員安息,亦祈求失去聯絡的居民平安🙏🏻

22/11/2025

「友里共享@皇后山」計劃服務即將結束,今日亦會係路德會社工隊最後一次在皇樂樓活動舉辦與你共享物資轉贈活動,時間為今日下午3:00-4:30,誠意邀請各位街坊前來揀選心儀物品,除了少量家居生活用品亦有大量圖書和lego供街坊領取!
同場加映派發北區民政事務處送出的大掛曆200份,每人限取一件,先到先得,送完即止!

*物資數量有限派完即止*

11/11/2025

🤩突發消息🤩
明日下午4:00-5:00皇樂樓活動室將會舉辦 串珠掛飾製作活動 ,邀請各位街坊同小朋友在考試前夕放鬆一下精神,過嚟靜心串下珠仔,製作出專屬自己的掛飾!無須報名,現場登記參與,先到先得!放咗學之後記得過來玩,唔好錯過啦!

01/11/2025

各位街坊:
先前10月4日晚上舉行之中秋晚會取消後,改期至今天下午4時至6時於皇后山羅馬廣場舉行,陣間會有唔同嘅攤位俾大家一齊玩,有禮物換!呢一個活動將會係我哋路德會同女青社工隊最後一次搞既聯合活動,希望大家到時踴躍參與!期待見到大家!同埋將呢個信息分享埋比你身邊既朋友!

28/10/2025

[特別活動宣傳]
天氣開始轉涼,最啱出嚟社區行下!11月初我哋將會同「古洞北及粉嶺北新發展區發展第一階段工程」以及「街坊帶路」合作舉辦社區導賞團,同大家認識粉嶺龍躍頭一帶鄉村文化。名額有限,有興趣嘅街坊和家庭記得報名參與喇!

*6-17歲之人士需由成人陪同參與

網上報名表:https://forms.gle/7uP8SH4ZFRpHBqRV7

25/10/2025

各位街坊: 與你共享活動將於現在開始至四時半於皇樂樓活動室舉行🙌🏻🙌🏻 歡迎大家到場參與 手快有手慢無 期望見到大家🙌🏻🙌🏻有唔同既家品 有書比大家領取亦有街坊自製紅薯燕麥餅乾 ✌🏻唔好錯過啦🤣

03/10/2025

【4/10中秋晚會取消公告】
各位街坊,由於天文台已預告明日下午會考慮改發三號強風信號,為保障參加者、義工及表演團體安全,我們與女青社工隊一致決定 *取消* 原定於明天晚上舉行的「中秋晚會2025」活動,並會於稍後時間公佈改期安排。不便之處,敬請見諒。

【10月4日12:20】改發三號強風信號

最新天氣消息:https://www.hko.gov.hk

【10月3日19:40】一號戒備信號現正生效
The Standby Signal No. 1 is in force.

注意離岸海域可能有強風。
Beware that strong winds may occur over offshore waters.

#一號戒備信號 #防風措施 #熱帶氣旋 #麥德姆

Photos from 友里共享@皇后山 - 皇后山邨社區支援計劃's post 30/09/2025

🌿2025年10月活動🌿
10月重點推介既活動就係有好熱鬧既中秋晚會!呢個中秋晚會將會係我哋皇后山社工隊最後一次同大家歡慶中秋啦~鼓勵大家踴躍參與, 有唔同嘅攤位玩,有表演睇,仲有禮物換領✌🏻
我哋亦依然都有唔同既活動小組比大家參與, 把握一齊玩一齊歡樂既時間!最後, 想邀請大家一齊做義工, 將自己喺呢幾年學過嘅嘢同身邊已認識或者未認識嘅朋友分享!

有興趣的大家記得進行網上報名!
報名連結:
https://forms.gle/771SiPwBQPzRkemr6

23/09/2025

樺加沙即將殺到,預計未來兩天天氣持續惡劣,本計劃活動亦會因應惡劣天氣情況作出相應安排,敬請各位街坊留意中心「惡劣天氣安排」,並密切留意天文台最新消息,盡早做好防風準備,一齊留在安全地方平安渡過。

祝各位街坊屋企同我們中心、皇樂活動室一齊頂住個風,冇穿冇爛冇水浸🥹🙏

[超前部署😎]
踏入暑假,大風大雨隨時打到埋黎!
想知小朋友參與左嘅活動會唔會受影響?
請各位家長都留意番我地「惡劣天氣安排」!敬請各家長留意📅

Want your business to be the top-listed Government Service in Hong Kong?

Click here to claim your Sponsored Listing.

Location

Category

Telephone

Website

Address


新界粉嶺皇后山邨皇樂樓地下
Hong Kong

Opening Hours

Monday 14:00 - 17:15
Tuesday 10:00 - 17:15
Wednesday 10:00 - 17:15
Thursday 14:00 - 21:15
Friday 14:00 - 21:15
Saturday 10:00 - 17:15