CUE Counselling and Education Centre 心橋輔導及教育中心

網絡上超多人會用「討好型人格」
甚至有些專業人士都咁用
前排去大學做workshop
有個學生話
「老師話我係討好型人格」

我好似人生第一次做到反白眼

咩叫討好型人格？

Fawn response
我們叫創傷反應
長期收到壓力下的生存模式

Satir 叫coping stance
面對壓力之下的溝通應對模式

Attachment theory的Disorganised attachment
其中一面是非常渴望愛
我們稱為 style

有些研究people pleasing的學者
大都使用行為模式

去到人格的描述
最容易找到的就是DPD
依賴型人格障礙

Karen Horney
是我暫時找到會用
personality的人

有趣的是
大部份網絡上用討好型人格的人
看來都不太認識她

so…..
如果想要流量
好似MBTI咁玩下無妨
如果你自稱專業人士請小心使用
如果你是老師
請你好好睇書

「我是討好型人格」
vs
「我在壓力下會好易討好他人」

分別好L 大
唔好害人

#社工

昨天導了一場心理劇
回家後一直想著想著
那些腐敗的社福文化
那些坐享其成的人
那些恃強凌弱的人
久久不能入睡

腦中不停閃現
恃住自己係大機構，明目張膽呃你人工
恃住自己係大機構，亂開課程賺錢
恃住自己係高層，向低層的人發脾氣

然後又閃過很多
很多無稽的前線工作者

你做自信心訓練
走去鬧學生？

學生成長於破碎家庭、被人欺凌
你屈佢有暴力傾向？
有ODD？
有精神病？

我曾經有個家暴client
因為情緒不穩被D走
😱😱😱😱
你唔係就係做緊呢個service咩？
你期望一個長期受創既小朋友好聽話？！
有幾多係你自己情緒不穩被trigger？
係因為你發脾氣刺激到小朋友？
你地有自己規矩？
驚佢影響到其他人？
講到啲小朋友十惡不赦
就係為咗證明自己冇做錯

唔好話我偏激先
你睇吓俾籃球教練打嘅學生
喺事件未公開之前
100%係呢個學生錯

唉
可恨可恨
好火好火

慾望，是生命最原始的震動。 它是一份地圖，指引著我們前往想去的地方；也是一面鏡子，映照出我們最真實的匱乏與豐盛。

有時候，我們走得太匆忙，忘了停下來聽聽內心的聲音：

生命的渴求：在日復一日的規律中，那份被壓抑的熱情與嚮往。

真實的呼喚：剝開社會的期待與責任，我究竟想要過怎樣的生活？

關係的投射：在親密與疏離之間，我們到底在渴求什麼樣的連結？

力量的來源：承認自己的「想要」，如何轉化為改變現狀的勇氣。

不需要壓抑，也沒有批判。 在這個工作坊中，我們邀請你直視那股牽動你的力量。在心理劇的舞台上，欲望不再只是抽象的念頭，而是可以對話、可以互動、可以被看見的具體存在。

讓我們透過這兩天的時間，整理那些紛亂的渴望，將它們化為生命的養分，找到自在前行的節奏。

活動詳情
日期：2026年7月19日 (日)、7月26日 (日)
時間：10:00 - 18:00 （中間約 1 小時 15 分鐘午膳）
地址：尖沙咀山林道
人數：12 人
收費：$1600 （非全職工作人士 $1000）

導演
Joannes 利明威（ABEPSGP 認證心理劇導演 CP）
Calvin 陳紹榮（註冊社工，ABEPSGP 認證心理劇時數 358 小時）
Leo Kong（ABEPSGP 認可心理劇 Supervised Practitioner）
Yunice（ABEPSGP 心理劇時數 400 小時）（義務帶領）

我們很容易帶著片面的視角
認為咁樣對你最好
有時係懶或者心急
有時是單純出於好意
有好大機會係未有好好處理
自己嘅成長議題

然後就會有意無意
鼓勵、建議、反對、講道理、辯論
結果往往得到的反應是
「鬼唔知阿媽係女人」
「你根本唔明白我」

唔單止年輕人
有些資深的trainer都會犯呢D錯
「我最清楚你需要什麼」

小心小心

#社工 #輔導

身邊的年輕同事
雖然還未開始接受輔導訓練
但我非常欣喜他們
面對小組已經有很強大的承載能力

面對高強度的憤怒不害怕
只需要確保他不受傷

面對悲傷懂得其珍貴
有人陪伴一起哭最療癒

面對panic不用怕，死不了
慢慢指導他呼吸回歸當下
再連結組員

面對解離很平常
趁機教導組員一起grounding

還記得幾年前一個媽媽組
有一天有位非常動盪的新朋友加入
說了幾句就崩潰、喘氣
組員們自動自覺
一個拖手
一個heart sandwich
一個說話引導她呼吸
一個在旁邊禱告

我……
冇咩補充

我心諗
wah，有條咁專業既team
真係正到不得了

「在被理解的環境裡 情緒很可愛」

學習需要一個安全的環境
可以犯錯，鼓勵犯錯
但要一個學習者真心覺得自己可以犯錯
真係好難
尤其我們都成長於
那些該死的比較、羞辱、情緒勒索文化中
一旦我們稍微感受到批判
抗拒自然而生

自問好打得的我
幾年前讀master時
只因當著同學的面做個案練習
就緊張得僵硬
內心也湧出無數藉口與憤怒
還好最終都能承認
「我好介意被judge
我好驚自己冇料到」

最近帶了一場心理劇
好耐無試過遇上一個trigger到自己的議題
當然做得不盡我意
心入面又出現
「點解又係咁」
「點解依然會做得差」
「好辛苦，好想逃避」

還好現在支援網絡充足
有partner有督導
很快就穩定下來

然後又準備迎接下一個成長關卡
我媽媽的死亡
我一直好奇
一個成年人的
美好的母子關係是如何的呢？
如果我和她關係親密
她死前我會怎樣呢？
my unfinished business

#學習

https://forms.gle/SwbDN3Gek9n7CbPy6

8位參加者，10節小組，每位參加者都會做一場心理劇。
填妥報名表後，我們會在WhatsApp 與你聯絡。

我們希望在這個小組中
梳理那些難以言喻的情緒、無法割捨或忘記的記憶、反覆糾結的關係，以及令人迷惘的未來……
每一次，我們都將陪伴一位參加者，透過心理劇在舞台上Do、Undo、Re-do。讓我們一起卸下包袱，找回真實而自主的自己 (Free to be me)。
*參加者必須盡可能出席每一節活動。

內容：
第一節：團體熱身
第二節至第九節：每人一次心理劇
第十節：Closing
節數：10 節
參加人數：8名

日期：7月23日、7月30日、8月6日、8月13日、8月20日、8月27日、9月3日、9月10日、9月17日、9月24日
時間：7:30pm - 10:30pm
地址：尖沙咀山林道
人數： 8人
收費： $2200 （非全職工作人士$1600）

導演：
Leo（ABEPSGP心理劇Supervised Practitioner）
Yunice（ABEPSGP心理劇時數400小時） （義務帶領）

就算我唔用threads 都會係IG story
見到不斷有呢個討論
也有人話專業之間唔應該互相中傷
作為一個社工
眼見多年來社福界將輔導的資源
大部份比社工
其實都真係幾唔公平
輔導員值得為自己爭取

社工唔識得輔導？
唔知佢自己進修左d乜
單單就一個基礎
社工文憑、學位、碩士訓練
一個註冊社工的確是沒有足夠輔導基礎的
一來社工課程
學生不需要接受輔導
社工也沒有足夠輔導實習經驗及督導
有些學院有比較多輔導理論elective
但一個30 小時的課程
只能算是體驗
遠遠未到應用階段

當然
好多有心有力的社工自己洗錢
學好多輔導理論、技巧
甚至有些自己考個治療師資歷
（唔係幾日嘅證書課程）
咁佢地就會識

可是d 機構大都冇註明
機構督導本身也沒有規定
必須接受過輔導訓練
咁就好出事

#社工 #輔導

隨著每年離婚人數持續上升
我以為這個世界已經足夠理解
但其實係一些人的價值觀
「離婚=家庭失敗=人生失敗」
「神所不喜悅的」
「我離開佢（伴侶）=拋棄佢」
「真心覺得離婚影響子女」

有幾位女士都好坦白
知道自己有擺仔女上枱的成份
甚至聽過子女親口說
不如你地離婚
擔心個仔女之餘
其實自己同樣不知所措

而係我最近幾年接觸的已婚人士
那些已離婚的人
好多都係經歷長年家暴後終於「醒」（自己說）
有很多心中曾經想過離婚
卻有很多顧慮、不捨、害怕、自責
有趣的是
好不少有接受家庭服務的朋友
佢話自己冇同社工講過
或者社工都冇問過佢離婚意願

我們當然不會建議離婚
道理等同我們不會建議堅持
不會建議外遇….

問題是
這些已婚人士的
親密關係、慾望、需要、人生
似乎都冇乜機會同人分享

下次有機會搞個
「殘缺的婚姻，
我可以離婚？外遇？重修舊好？
還是其他？」

唔知有冇人報名
應該好精彩

#社工 #離婚

最近做完了兩個家長組
親子關係複雜無比
是兩個人之間的骨肉相連
是家庭系統中的互補與搏鬥
是家族文化的傳承
是日常生活的情緒出氣袋……

期望、失望、內疚、痛苦、愛
自豪、煩厭、害怕、焦慮、希望…..

欣喜有幾位爸爸出席
很感動他們敢於向子女道歉
很感動她們願意在伴侶失職時
扛起照顧和保護的責任

最後一節小組
我們一起「自我關懷」
看著從前那個無知、倔強、愧疚的我
一步一步走近
由懊悔
「你咁蠢，死左佢啦」
變成心痛
「我感受到你既痛苦、絕望、無助」
變成容許
「你係可以傷心、人係會犯錯」
再到自我關懷
「你值得愛自己多D，你值得被愛」

自責一下子不會消失
脆弱將來也會出現
深呼吸一下
「讓自我關懷的聲音出來」

作為一個社工
和一群照顧者在一起
我發現大家都在學習成為一個
「good enough parent」

足夠好的人的特質是什麼？
不完美、會犯錯

#社工 #家長 #自我關懷