HKPA 香港遊樂場協會

【 #活動花絮 | 「遊協」會員一家大細玩轉香港海洋公園🎢🐼】

有咩地方集齊無敵海景纜車🚠、超得意動物🐼🐳同刺激機動遊戲🎢，無論係一家大細定係成班 Friend 去，都可以玩到唔捨得走🤔？梗係大家都咁鍾意嘅香港海洋公園啦🥳！

好開心得到香港海洋公園 送贈入場門票🎟️！我哋超過 2,000 位會員，喺復活節假期🐣齊齊入公園，盡情放電玩到盡！入公園唔單止係「玩」咁簡單💡，大家仲順便學到好多嘢㗎！

大家平時忙住返工讀書，生活壓力又大！愈嚟愈少機會一家大細或者同朋友去主題樂園玩。所以今次絕對係一個超難得嘅機會🎊，畀大家真正唞吓氣、叉吓電💆🏻‍♂️！大家仲可以近距離👀探吓動物朋友仔，好似大熊貓🐼、企鵝🐧、鯊魚🦈同海豚🐬等，等大小朋友都更加識得點樣保護大自然🌍，玩得開心之餘仲長知識💯！

再次感謝香港海洋公園嘅支持🙏🏻，為大家帶嚟咁難忘嘅假期！我哋遊協仲有好多唔同類型嘅精彩活動同服務㗎😎，想參加或者了解多啲，記得緊貼留意我哋 同埋各區中心嘅最新消息喇📣！

#香港遊樂場協會 #香港海洋公園 #青少年服務 #放鬆心情 #親子活動

【 #活動花絮｜「Chill想放鬆祭 2026」大受歡迎🎉 多謝大家一齊嚟「發吽哣」☁️！】

平時生活咁趕頭趕命，你又有幾耐未試過停一停好好發吓吽哣😆？

由「遊協」主辦、喺 5月16至17日一連兩日舉行嘅年度盛事 —「Chill想放鬆祭 2026」早前已於南豐紗廠順利舉行🎊！非常開心見到活動期間人頭湧湧，好多大小朋友專程過嚟參與，同我哋一齊名正言順「發吓吽哣」✨！第二屆嘅放鬆祭同樣想帶出「精神健康」有幾重要！希望大家明白，有時「放空」吓絕對唔係一件無意義嘅事，相反佢仲可以幫我哋有效紓緩壓力同焦慮添🧠！

講到全場最矚目嘅，一定係「發吽哣大賽」🚶🏻！一眾參賽者為咗贏走 Chill 級巨獎，真係使盡渾身解數喺「Chill Hea地墊」上面「乜都唔做」🤣，有啲朋友仲著埋精心準備嘅創意戰衣出戰，場面搞笑得嚟又超級放鬆！

除咗發吽哣，大家亦好投入參與各個精神健康手作工作坊🎨，喺創作過程中放慢腳步、梳理思緒，完美展現到今屆「重塑・織聚」嘅主題🧶。現場仲設有互動主題攤位、主題展覽同開放式攤唞區，等唔少朋友可以盡情放空，透過豐富嘅資訊同遊戲，重新學習點樣察覺同接納自己嘅情緒🫂。

放鬆祭雖然完咗，但希望大家可以將呢份「Chill」嘅態度帶返去日常生活入面🌿。記住覺得好大壓力好焦慮嘅時候，畀自己停一停，就係最好嘅精神叉電方法！

📸 活動當日嘅精彩靚相已經出爐啦！大家快啲去我哋嘅 Facebook 專頁睇吓搵唔搵到你嘅身影啦🤩！順便留言同我哋分享你當日最鍾意邊個環節👇🏻！

🔗 相片連結 或 前往專頁相簿瀏覽：
5月16日 | 發吽哣大賽：https://shorturl.at/fQ3ZF
5月17日 | 主題題位、工作坊及精神健康資訊展覽：https://shorturl.at/eftrV

🥳想緊貼更多「遊協」嘅精彩活動同精神健康資訊，記得要 Follow我哋呀！

#香港遊樂場協會 #發吽哣大賽 #精神健康 #情緒健康

【 #專題訪問 | HOY TV《一線搜查》專訪🎙️拆解 Gen Z 網絡欺凌危機📱】

時下後生仔女機不離手📱，社交媒體已經係生活嘅一部分，但隨之而來嘅「網絡欺凌」同「社交焦慮」問題亦愈嚟愈嚴重⚠️。點解會發生欺凌🤔？有時可能純粹缺乏同理心；加上青春期階段好需要建立朋輩關係🤝，有啲人會透過欺凌行為去確立自己嘅權力，想令人覺得自己係「大哥」、「大家姐」😐。再配合網絡嘅「匿名性」🎭，令人覺得唔需要為言論負責，就更加容易衍生出惡意攻擊，對當事人造成好大嘅傷害💥。

早前我哋機構【FEEL3 青少年網絡危機支援服務】嘅社工葉姑娘，獲邀接受 HOY TV 77台《一線搜查》訪問🎙️，傾吓校園同網絡欺凌問題，仲教大家實用嘅應對方法👇🏻：

🛑 欺凌其實分 4 大類：
1️⃣ 言語欺凌：改花名、粗俗說話侮辱🗣️
2️⃣ 行為欺凌：拳打腳踢等身體暴力👊🏻
3️⃣ 間接欺凌：惡意杯葛、孤立排斥對方🙅🏻‍♀️
4️⃣ 網絡欺凌：網上惡意留言、改圖騷擾💻

🛡️ 面對網絡欺凌，必學「ABCS」四部曲：
🏃🏻 Avoid（避開）
🚫 Block（封鎖）
🗣️ Consult（諮詢）
📸 Save（保留）

如果你或者身邊嘅朋友遇到類似嘅問題，要記住身邊仲有好多人願意支持同陪伴你哋。有心事或者覺得困擾，唔好獨自承受，隨時搵我哋「FEEL3」團隊傾吓啦！我哋專門協助後生仔女應對網絡危機，陪大家一齊度過難關！

💡即刻重溫 HOY TV《一線搜查》精彩訪問內容：
🔗 https://shorturl.at/Ob3qg

🖐🏻想了解更多預防網絡欺凌嘅資訊或者尋求支援？即刻 Follow 或聯絡我哋「FEEL3」 .hkpa 啦！

#香港遊樂場協會 #一線搜查 #網絡欺凌 #社交焦慮 #青少年服務

【 #青年發展 | 勇奪《獅子會禁毒先鋒隊青春不毒行 禁毒歌曲唱作大賽 2026》公開組及中學組冠軍🏆】

講起禁毒宣傳，你係咪即刻諗起啲好悶嘅口號先？一班後生仔女就用實力話你知，禁毒訊息一樣可以 Rap 得超有型😎🔥！

我哋油尖旺區青少年外展社會工作隊為期三年嘅《放低麻煩・躍動未來》服務計劃畀一班鍾意 Hip Hop 嘅後生仔女由零學起，其中組合「兩個忍」之前就原創咗首歌《Say No To the Etomidate》🎼，用歌詞提醒大家：🎤「世界好多嘢值得玩，千祈咪挑戰底線」，正面呼籲大眾遠離「依托咪酯」嘅禍害🚫！

最近佢哋出戰由國際獅子會中國港澳303區主辦嘅《獅子會禁毒先鋒隊青春不毒行 禁毒歌曲唱作大賽 2026》，我哋嘅兩隊青年組合 —「Boundary Defender」同「兩個忍」憑出色表現喺40支隊伍入面大放異彩✨，分別勇奪公開組及中學組冠軍🏆👏🏻！當中「Boundary Defender」喺得獎歌曲《Trust myself》入面寫道：🎤「當信念大於誘惑，所有邪念必會倒塌」，用最決絕嘅態度打動咗全場評判！好犀利啊💯！

希望佢哋繼續 Keep 住呢團火，用音樂將正能量感染更多人🔥！

🥳想緊貼更多「遊協」油尖旺區青少年外展社會工作隊嘅精彩活動，同埋聽吓後生仔女嘅作品？快啲 Follow 同 ！ (以上標註為IG帳號）

---

「遊協」油尖旺區青少年外展社會工作隊

👥一班事無大小都關心你、喺油尖旺區經常出沒嘅社工
☀️服務對象：6-24歲青少年
📍地址：九龍旺角上海街557號旺角綜合大樓2樓
☎️查詢電話：2575 1547

#香港遊樂場協會 #放低麻煩躍動未來 #禁毒預防 #禁毒訊息 #青少年服務 #青年發展

【 #運動體驗 | SPORTS EXPO 體育互動體驗館 🕹️電子閃避球體驗☄️】

有冇諗過玩體驗班，都可以成為「被選中嘅細路」😎勇奪全港公開賽冠軍🏆？兼有機會代表香港參加「HADO 世界盃」？

大家都知電子閃避球愈嚟愈 Hit 🔥！呢項結合運動與科技嘅 3v3 對抗賽🥽，玩家要發出攻擊☄️、開盾防守🛡️兼靈活閃避，短短 80 秒一局爆汗又刺激💦，更考驗團隊戰術🧠！

我哋協會一班年青人同親子組合，參加咗 SPORTS EXPO 體育互動體驗館 嘅「電子閃避球體驗班」，由試玩心態玩到夾出神級默契✅，當中有四隊持續參與訓練嘅組合仲代表我哋出戰「香港 HADO 公開賽 2026」。其中「Yaw the Way」組合過關斬將💪🏻，勇奪公開組冠軍🏆！佢哋仲乘勝追擊，喺另一項賽事「SPORTS EXPO 電子閃避球盃 2026」再度封王👑，超犀利啊💯！

呢隊冠軍人馬由體驗班打到上公開賽冠軍💫，我哋真係戥佢哋勁開心！一班表現出色嘅選手，更有機會喺之後嘅「香港 HADO 選拔賽」脫穎而出🎊，參加喺上海舉行嘅「HADO 世界盃」添 ✈️！

你都想玩埋一份😎？ 即刻 Follow 👀 SPORTS EXPO 體育互動體驗館 留意最新資訊啦！

#香港遊樂場協會 #電子閃避球 #電子運動 #運動競技

【 #專題訪問 | 香港電台第一台《港識生活館》🎙️訪問】

細細個去 Camp🏕️，最正梗係可以攞正牌「唔使返屋企瞓」，同成班 Friend 玩通宵！但大家有無諗過，搞咁多嘢去個 Camp 嘅真正意義係咩呢🤔？

協會文化及體藝部副總幹事兼亞太營地協會（APCA）主席饒奕明（Edmond）早前獲邀接受香港電台第一台《港識生活館》節目嘅訪問🎙️。Edmond 帶大家由青澀嘅入 Camp 回憶出發，傾到時下新興嘅營地文化，仲深入探討咗歷奇教育嘅真正意義，同埋分享令人大開眼界嘅國際營地體驗🗺️，一齊睇吓講咗啲咩👇🏻：

➡️歷奇意義🧗‍♂️：去 Camp 嘅重點係跳出 Comfort Zone，喺挑戰過程中建立團隊默契同歸屬感💪🏻兼突破自我，透過 Debriefing 獲得反思與啟發💡

➡️推動全民參與💪🏻：業界持續推出各種新興主題同多元化活動，無論咩年紀同體力，透過度身訂造嘅體驗及專業導師帶領，鼓勵大家參與🌈

➡️國際營地新奇體驗🤯：例如用電子卡計分制去換取食材🥩培養自理能力、學習騎馬🏇🏻跨越唔同營地去解難、甚至有「直升機落水🚁」嘅模擬體驗，全面激發參加者嘅潛能

➡️香港營地優勢✅：香港郊野具極高便利性🌲，亦擁有各具特色嘅營地，涵蓋不同宗教背景同歷奇活動，近年「豪華露營」（Glamping）亦十分流行，體驗絕對超一流✨

💡即刻重溫精彩節目內容，了解去 Camp 嘅意義👇🏻
🎙️第1集：https://shorturl.at/EWBnU
🎙️第2集：https://shorturl.at/gfvri
🎙️第3集：https://shorturl.at/sSYVm

再次感謝香港電台第一台《港識生活館》邀請💕！去 Camp 唔止係玩，更係一堂寶貴嘅人生課堂🧭。聽完 Edmond 分享心郁郁想即刻出發？「遊協」東涌營🏕️同賽馬會銀礦灣營🏕️可以俾大家遠離煩囂，加上完善設施、專業導師同多元歷奇活動，包保大家玩得安全又開心！想緊貼最新最正嘅營地活動或者住宿服務👀？即刻 Follow「遊協」營舍部 .camp 啦！

#香港遊樂場協會 #營地體驗 #營地教育 #歷奇活動 #營舍服務

【 #有獎遊戲 |「遊協」送你「香港拉丁狂歡節」入場門票🎁】

心思思想飛轉南美感受異國風情✈️，但又抽唔到時間去旅行？嚟「香港拉丁狂歡節」一樣可以感受最地道嘅🇧🇷南美狂歡氣氛🔥！5月23至24日（星期六至日）中環海濱活動空間將會化身成狂歡派對，精彩亮點包羅萬有：

💃 拉丁歌舞大匯演：由南美騷靈樂隊聯乘冠軍森巴學校，呈獻森巴、雷鬼、Salsa 同 Funk 澎湃音樂🥁！仲有專業舞者配上螢光彩繪同獨特舞衣，視覺效果一流✨！
🪩 拉丁 DJ 狂歡派對：配合特別打造嘅「LED發光重力感應互動舞池」同埋「LED互動感應舞牆」，大家可以跟住 DJ 嘅節拍盡情投入跳舞狂歡🪩！
📸 必影打卡位：超吸睛嘅百米夜光打卡花園，加上巨型發光裝置，充滿濃厚嘅熱帶南美氛圍🌴！
🌮 拉丁美酒佳餚：現場提供多款地道美食同特飲，俾大家邊食邊歎🥂！

「遊協」為大家成功爭取‼️ 而家只要完成以下遊戲步驟，最快完成嘅240名參加者，即可贏取「香港拉丁狂歡節」入場證2張！記得 Tag 埋鍾意飲酒跳舞嘅屋企人同朋友一齊參加啦👫！

溫馨提示💕，記得要完成所有遊戲步驟兼Follow晒各個專頁，先有機會贏到獎品㗎！

🌟遊戲玩法👇🏻：
1️⃣【追蹤】HKPA 香港遊樂場協會 Facebook 及 Instagram 專頁
2️⃣【追蹤】Extravaganza Brazil Instagram 專頁
3️⃣【讚好及分享】此活動帖文
4️⃣【留言】於留言tag 3位朋友

🎁獎品：「香港拉丁狂歡節」一般入場證（只包括入場）*
📍得獎名額：240名（每位得獎者可獲一般入場證兩張）🔥先到先得！
📍地點：中環海濱活動空間 (入口近添馬公園)
📍門票使用日期：2026年5月23日 或 5月24日，門票將隨機發放
*有獎遊戲將於Facebook及Instagram同步進行

活動截止日期︰2026年5月19日晚上11時59分
結果公佈日期：2026年5月21日
活動條款及細則：https://shorturl.at/OLd0W

*此活動所獲得門票之使用日期一律不可更改

#香港遊樂場協會 #香港拉丁狂歡節

【 #有獎遊戲 |「遊協」送你香港海洋公園水上樂園🏖️入場門票🎁】

炎炎夏日熱辣辣☀️，大家諗好去邊度玩水消暑未💦？去香港海洋公園水上樂園🏖️就最啱啦！樂園齊集27個室內同室外設施🗺️，必玩推介包括：感受極速激流同強勁離心力嘅「急流漩渦」🌪️、瞬間向下高速俯衝嘅「八彩天梯」🌈同坐喺水泡上Chill住放鬆嘅「漂流探秘」🌊等等！

「遊協」為大家成功爭取‼️ 而家只要完成以下遊戲步驟，最快完成嘅140名參加者，即可贏取香港海洋公園水上樂園💦入場門票兩張🎊！記得Tag埋朋友同屋企人一齊參加啦👫！先到先得📣！

溫馨提示💕，記得要完成所有遊戲步驟兼Follow晒各個專頁，先有機會贏到獎品架！

🕹️遊戲玩法：
1.【追蹤】 HKPA 香港遊樂場協會 Facebook 及 Instagram 專頁
2.【追蹤】香港海洋公園 Ocean Park Hong Kong Facebook 及 Instagram 專頁
3.【讚好及分享】此活動帖文
4.【留言】於留言tag 3位朋友

🎁獎品：香港海洋公園水上樂園入場門票 (成人贈劵)*
📍得獎名額：140名【每位得獎者可獲香港海洋公園水上樂園入場門票 (成人贈劵) 兩張】🔥先到先得！
📍地點：香港海洋公園水上樂園
📍門票使用日期：有效期由2026年5月23日至6月12日，並以場地之營業日子及時段為準
*有獎遊戲將於Facebook及Instagram同步進行

活動截止日期︰2026年5月19日晚上11時59分
結果公佈日期：2026年5月22日
活動條款及細則：https://shorturl.at/ymiEs

*此活動所獲得之門票有機會受場地營業日子及時段影響，得獎者前往體驗前須自行了解有關詳情。
*是次送出之門票為成人贈券，小童亦可憑此券入場使用。
*每張門票只限一人使用並不可轉讓、退款或轉售。
*得獎者可需於指定期間到香港遊樂場協會灣仔總辦事處領取實體門票贈劵。

#香港遊樂場協會 #香港海洋公園 #水上樂園 #夏天好去處