房協長者通

認識骨質疏鬆🦴　中醫助你骨骼健康

老友記🧓有冇試過腰酸背痛、行路容易攰，甚至發現自己好似「矮咗」？呢啲都有可能係骨質疏鬆嘅警號🚨！

骨質疏鬆係一種隱性疾病，初期未必有明顯症狀，好多時去到出現骨折，慢性痛楚、駝背甚至行動不便時先發現，所以及早預防同保養真係好重要💪。

中醫認為透過補腎、健脾同活血，可以幫助強化骨骼，減少骨質流失。當然，日常亦要配合適量運動🏃‍♀️、均衡飲食🥗，以及攝取足夠鈣質同維生素D，加上避免煙酒🚭同做好防跌措施，就可以由內到外，守護骨骼健康！

想了解更多中醫護骨方法、常見症狀同實用貼士？即刻睇下文章👇

#骨質疏鬆 #中醫調理 #護骨貼士 #長者健康 #健康生活

認識骨質疏鬆症　中醫助你骨骼健康 - 房協長者安居資源中心 2026-06-05 認識骨質疏鬆症　中醫助你骨骼健康 Bookmark 「骨質疏鬆症」是一種隱性疾病，早期無明顯症狀，多半等到骨折發生後，才發現罹患「骨質疏鬆症」；一旦察覺有症狀，如慢性疼痛、腰酸背痛、行動不便、駝背和身高變矮...

【 #防騙提醒】⚠️小心假冒證券商短訊🎣投資騙局

穾然收到短訊話你嘅證券帳戶有問題，仲附上連結要你即刻更新資料？小心！呢啲好大機會係騙徒設下嘅陷阱🪤

騙徒會假冒證券平台發送訊息，誘使你登入假網站，輸入帳戶號碼、交易密碼甚至驗證碼🔑。一旦中招，對方就可以盜用你嘅投資戶口，將股票變賣，再進行高買低放📉，最終造成金錢損失💸。

💡防騙重點要記住：
1. 一般官方短訊會有 # 號，無 # 號就唔好撳
2. 千祈唔好撳陌生短訊或電郵內嘅連結
3. 唔好向任何人透露帳戶資料、密碼或驗證碼
4. 投資帳戶有問題，應該直接去官方渠道查詢
真正證券機構一般唔會透過短訊或電話索取敏感資料。如有懷疑，記得即刻打「防騙易熱線 18222」查詢啦 📞。

#守網者 #防騙貼士 #銀髮族安全 #投資騙局

【 #最新活動】「抗熱急症工作坊」免費講座

天氣炎熱又潮濕☀️，大家記得要多飲水，幫助身體排汗散熱💦。由於長者排汗能力較弱，需要多加留意身體狀況，及早預防熱衰竭同中暑。

今次我哋邀請到 #香港紅十字會 嘅註冊護士，同大家講解酷熱天氣可能會引致嘅健康狀況，以及遇到熱衰竭同中暑時嘅應對方法。現場仲會展示適合家居及外出嘅抗熱物資🕶️🪭，並提供免費健康檢查，包括量血壓同血糖。

立即按以下連結報名啦！名額有限，額滿即止！
📝 免費報名：https://erc.hkhs.com/event/view/tc-47

#免費講座 #酷熱天氣 #熱衰竭 #中暑 #長者健康 #長者照顧

【 #電視節目】杏林在線 - 整腸有方 (I): 長者便秘

早前， #杏林在線 採訪咗 #房協長者安居資源中心 嘅職業治療師，分享長者夜間如廁嘅實用建議✨。

唔少長者喺夜晚起身去廁所時，因為剛剛瞓醒😴，平衡力同肌力未完全恢復，容易增加跌倒風險⚠️；亦有長者擔心半夜如廁會打擾屋企人，而刻意減少飲食🚫🍽️，影響健康。

職業治療師指出，善用樂齡科技同合適嘅家居配套🏠，有助支援長者維持日常活動能力及自主生活，並促進整體生活質素😊。

如果長者有夜間如廁需要，而家居照明不足💡，建議可以：
• 喺睡房至洗手間嘅通道加裝扶手
• 改善整體照明，例如安裝感應式夜燈
• 使用高對比度嘅座廁燈🚽，方便夜間辨識

📺想了解更多實用建議？即睇 #杏林在線 節目片段👇或瀏覽網站： https://erc.hkhs.com/

#房協 #房協長者安居資源中心 #樂齡科技 #感應式夜燈 #便廁椅

杏林在線 | 第518集 | 整腸有方 (I): 長者便秘 | ViuTV 《杏林在線》採訪團隊每星期走訪各醫院的手術室及實驗室，深度探討不同的醫學問題，以及介紹各種醫療新科技，請來專家剖析和真實個案分享。我們的醫學顧問每集亦會為觀眾解答疑難。

【 #防騙提醒】2026人口普查📋

各位老友記注意，2026年人口普查已經開始咗，而且會做足全年㗎！

為免受騙，大家記得留意以下官方資訊：

☑️📬只有收到政府統計處寄出嘅「紫色信封」住戶，先係被抽中參與人口普查
📲政府統計處發出嘅短訊，發送人名稱一定係 # C&SD
📞人口普查熱線電話號碼只會係18 2026
🙅政府統計處唔會要求你提交密碼，亦唔會要求提供身份證、銀行戶口或信用卡資料

如果遇到有懷疑嘅情況，記得先停一停、諗一諗，核實清楚先🔍

2026年人口普查：做個精明的受訪者免受騙 www.census2026.gov.hk

【 #情繫萬家分享會】星級嘉賓：關心妍🎬

由歌手🎤、香港十大傑出青年，到創立「妍亮生命慈善基金」，無論做老婆、做媽媽，定係工作同服務社會，關心妍都一樣咁用心💝，成果大家都有目共睹。👏

想聽關心妍分享點樣做到「從心開始」，以正面態度面對人生唔同階段？咁就唔好錯過5月21號嘅直播喇～

**活動將以網上直播形式進行。無需報名，活動開始時登入房協長者通Facebook專頁就可以收睇喇！**

#房協 #長者 #安老服務 #院舍服務