規劃署 Planning Department

【空置校舍嘅活用📌 #9 青衣公立學校(長康)】

你有冇諗過，一間小學可以搖身一變，成為全港最全面嘅職業安全健康訓練基地？💡

位於青衣長康邨旁邊嘅前青衣公立學校（長康）停辦後，成功轉型為「職業安全健康局職安健學院」，並早喺2011年正式啟用。🏗️

呢座樓高6️⃣層、面積約5,000平方米嘅學院，設有多個互動教室、模擬實習場地同先進訓練設施，模擬唔同行業嘅工作環境，例如高空作業、密閉空間作業等，提供多元的職安健訓練課程⚙️，理論同實習並重，學習點樣應對職場潛在風險，提升安全意識。💪🏻

學院唔單止係訓練中心，仲係推廣職安健文化嘅平台。除咗為業界提供專業課程，亦歡迎中學、大專學生參觀體驗👀，例如使用VR虛擬現實及沉浸式科技，喺仿真度高嘅工作環境下進行任務，將安全教育由校園延伸至社區。👨‍🏫

呢個項目正正體現咗空間活用嘅價值：由一所服務社區多年嘅小學🏫，改裝為守護打工仔女安全健康嘅訓練基地，延續教育使命之餘🎓，亦回應社會對職安健培訓日益增加嘅需求。想知道更多空置校舍嘅前世今生，記住繼續留意我哋，同埋like & follow 我哋FB/ IG啦！

#規劃署 #前青衣公立學校 #職業安全健康局職安健學院 #善用土地資源 #空置校舍 #青衣

【發展局及規劃署代表團到訪深圳國際紅樹林中心】

應深圳市規劃和自然資源局邀請，發展局常任秘書長（規劃及地政）何珮玲及規劃署署長葉子季於5月20日率團前往深圳，到訪國際紅樹林中心和福田紅樹林自然保護區，了解《濕地公約》框架下全球首個紅樹林保育合作的政府間國際組織。

代表團首先到訪正興建中的國際紅樹林中心(下稱「中心」)秘書處大樓和紅樹林濕地博物館，了解中心的工作和最新發展。國家主席習近平於2022年《濕地公約》第十四屆締約方大會開幕式上倡議在深圳建立中心，推動全球紅樹林保護、修復與可持續利用的合作，目前已有20個國家簽署成為中心成員國。

其後，代表團走訪福田紅樹林保護區，了解紅樹林生態保育規劃，並與深方代表就后海灣區域協同推進生態保育與平衡城市發展作經驗交流。

下午，規劃署代表團前往南山區的后海中心區進行實地考察，參觀了深圳灣文化廣場與大沙河生態長廊，聆聽了南山區規劃部門及相關開發公司代表的介紹，了解后海中心區的發展歷程、規劃理念與實踐經驗。

透過今次考察及專業交流，代表團深入了解深圳市在推動生態保育與發展並行、片區開發統籌和規劃宜居、宜業、宜遊的可持續社區等的經驗。這些實踐案例，可以作為香港推展同類項目的參考。

#發展局 #規劃署 #深圳市規劃和自然資源局 #國際紅樹林中心 #濕地公約 #生態保育與發展並行

【城市散步－港燈「光影與傳承」之旅】✨

唔知大家平時有冇喺城市中散步，觀察吓街道上嘅「得意嘢」👀，尋找當中嘅歷史同回憶？

港燈為慶祝135周年，推出咗「光影與傳承」之旅，帶參加者喺港島散步，了解港島發電歷史，細味香港規劃發展的重要篇章：電力供應⚡️。

規劃署嘅同事喺早前周末跟港燈導賞團參觀咗港燈歷史展示廊🏛️、灣仔發電廠舊址────日、月、星街☀️🌙⭐️等地方，仲去咗展城館出面尋寶🧭，欣賞愛丁堡廣場上重現歷代經典設計的街燈💡。透過呢個散步之旅，一齊了解電力如何推動香港邁向可持續發展🌱🌍。

如果大家都有興趣散散步，可以參考港燈「光影與傳承」之旅路線📍:https://www.hkelectric.com/documents/zh/MediaResources/Documents/HK%20Electric%20Heritage%20Tour_Factsheet.pdf

#規劃署 #港燈 #展城館

規劃署恆常透過校園外展計劃及流動展覽車，加深學生們對城市規劃的認識，包括北部都會區的發展，以推動年輕一代參與，共建這個香港未來發展的新引擎。

【 第3站｜大角咀海輝道公園】

今次呢一站為大家介紹大角咀海輝道公園！

8️⃣0️⃣年代初，海港填海及市區發展研究報告首次將西九龍填海計劃提出討論，研究認為發展西九龍除咗可為機場核心工程✈️嘅交通設施提供土地外，亦可為市民提供更多休憩🌳、文娱🎭同社會服務設施🏫。所以喺規劃西九龍填海區時，規劃署已經喺大角咀同奧運一帶預留空間作休憩用地，以配合未來計劃人口嘅需求，並用作各種動態或靜態康樂用途嘅發展。

🌳 公園規劃背景
沿住浪澄灣同一號銀海以西嘅海濱🌊早於9️⃣0️⃣年代初被劃作「休憩用地」。海濱長廊多年嚟透過唔同模式逐步發展，包括由私人發展商發展相關住宅地段時一併發展嘅海濱段落，同埋由政府部門興建嘅公園同遊樂設施（如海輝道公園）。呢啲設施為油尖旺區嘅街坊同全港市民提供多元戶外公共空間🌳，適合進行各種動態或靜態嘅康樂用途。同時，新油麻地公眾貨物裝卸區一帶嘅行人路🚶‍♀️預計於2026年內完成，屆時將進一步打通西九文化區至大角咀嘅步行網絡。🚶

🌳 公園亮點
海輝道公園嘅設計靈感來自奧林匹克運動會，園內設施多元化，例如有緩跑徑🏃同智能健體設施，適合唔同年齡層做運動。亦都有繩網陣、滑梯同沙池等共融遊樂設施，適合俾小朋友放電。而公園旁邊嘅海輝道遊樂空間仲係寵物友善，市民可以一邊玩樂、健身，一邊同毛孩🐶共享悠閒時光！

大家估吓， 下一站會帶大家去邊度Chill呢？記得繼續留意 #規劃署 嘅 Facebook 同 IG！

#規劃署 #城市設計 #園境規劃 #公共空間 #海輝道公園 #九龍西 #油尖旺 #大角咀

【 🌱「做個青蔥規劃師 — 規劃宜居新社區」比賽2026 — 最受歡迎獎 🏆】

本屆比賽共收到57份來自不同中學的參賽作品，就皇后山附近地區的規劃作出分析並提出創新建議。參賽作品整體質素相當高。感謝各校師生踴躍參與👏👏！

大會經過仔細考慮後挑選出9份入圍作品，會邀請入圍隊伍於7月11日親身作出匯報，專業評審團會即場選出優勝者，並頒發獎項。

比賽亦特設「最受歡迎獎」 ，由公眾投票選出心水作品，獲得最多Facebook 「讚好(like)👍」數的作品將會獲得該獎！大家請即踴躍投票支持你喜歡的作品！所有得獎名單將於7月11日公布 。投票安排如下：

對象👨🏻👩🏻👧🏻🧒🏻：所有公眾人士透過本Facebook帖參與投票 🗳️
時間📅🕰️：即日起到2026年6月22日（一）正午12時
作品展示✨：請點擊連結，瀏覽各入圍作品👀。同時，本帖亦附有相片展示9個入圍作品的基本資料。🖼️
https://www.pland.gov.hk/file/outreach/teen_town_planner/competition/2026/shortlisted/index.html

投票方式 🗳️：請在心儀作品的相片上點擊「讚好（Like）👍」（可對多份作品點讚）。計票僅依據 Facebook 「讚好 👍」數，其他表情反應將不予計算。(如有任何爭議，規劃署保留最終決定權。)

以下是9份入圍隊伍（按隊伍號碼排列）:
- 第6隊 - 保良局羅傑承（一九八三）中學
- 第10隊 - 香港真光書院
- 第13隊 - 東華三院甲寅年總理中學
- 第23隊 - 沙田循道衞理中學
- 第47隊 - 真光女書院
- 第48隊 - 德望學校
- 第53隊 - 順德聯誼總會梁銶琚中學
- 第54隊 - 順德聯誼總會梁銶琚中學
- 第60隊 - 聖言中學

🌟提提大家，記住like & follow 規劃署FB&IG，留意最新消息！

#規劃署 #做個青蔥規劃師 #青蔥規劃師 #北部都會區 #皇后山

【空置校舍嘅重生📌 #8 上水石湖墟田料米業商會公立學校】

空置校舍除咗可以活化成文化藝術空間🎨，仲可以成為守護市民健康嘅新據點！💪🏻 位於上水太平邨附近嘅前上水石湖墟田料米業商會公立學校🏫，曾經係區內小朋友學習同成長📖嘅地方。

為善用土地資源，政府將呢個空置校舍用地重新規劃，於2024年建成全新嘅「北區社區健康中心大樓」🏥。原有兩層校舍已經拆卸，換上現代化設施，為北區居民提供更全面嘅基層醫療服務。👩🏻‍⚕️

⭐設計特色及設施：
▪️ 新建成嘅北區社區健康中心大樓，樓高1️⃣0️⃣層，喺設計同空間佈局上考慮到可持續性同使用者舒適度，例如自然採光☀️ 同埋節能幕牆等。因此，大樓榮獲綠建環評（新建築物）鉑金級認證。
▪️ 設施方面，大樓設有一站式公營基層醫療服務，同時亦提供相關社區福利設施，為居民服務。💙

北區社區健康中心大樓以提升公共基層醫療同社區支援服務作為宗旨，唔單只提升咗地區醫療配套，仲為原本空置嘅校舍用地注入新生命，回應社區實際需要。👏

由此可見，善用空置校舍騰出土地，可以為社區創造價值。記得繼續留意我哋，like & follow 我哋FB/IG，一齊見證更多空間重生嘅故事！💪

#規劃署 #前上水石湖墟田料米業商會公立學校 #北區社區健康中心大樓 #善用土地資源 #空置校舍 #上水

【規劃署署長與四川省人民政府副省長於展城館交流城市規劃及北部都會區發展事宜】

規劃署署長葉子季昨日（5月14日）在展城館接待四川省人民政府副省長、南充市委書記張冬雲率領的南充市代表團。發展局副秘書長（規劃及地政）翁佩雲及署理規劃署副署長鄭韻瑩亦有出席是次會面。

代表團透過展品導賞深入了解香港城市規劃理念及長遠發展藍圖，包括北部都會區發展策略，以及建設宜居城市的規劃工作。參觀期間，雙方就兩地城市規劃及北部都會區發展進行深入交流，分享在城市建設與管理方面經驗。

是次會面充分展現香港與內地城市在城市規劃與建設領域積極深化交流合作，有助香港融入國家發展大局。規劃署感謝代表團蒞臨展城館及提出寶貴意見，並將繼續與內地各省市保持緊密聯繫，推動可持續發展，共建創新、宜居、美麗的城市。

#規劃署 #展城館 #北部都會區 #四川 #南充 #城市規劃 #建香港見未來