扶康會

[《心靈畫卷 . 綻放色彩》藝術作品展]

今年扶康會再次同Beyond Coffee & Bar合作，舉辦《心靈畫卷 . 綻放色彩》藝術作品展。

十一位精神復元人士以畫筆為伴，喺創作中重新找回興趣、自信同生命嘅色彩。每一幅作品都係心靈嘅畫卷。畫布上嘅線條同色彩，以及創作過程中嘅堅持同勇氣，都映照住佢哋努力綻放嘅身影，既真實又動人。

展覽🖼️
日期：即日至6月21日（日）
時間：9:30 - 18:00
場地：Beyond Coffee & Bar (銅鑼灣耀華街25號丹納中心地下1號舖)

共融市集🛍️
日期：即日至5月29日（至15:00）
慈善展銷物品：Fu Hong Art Hub 文創精品同、由殘疾人士製作嘅手工藝品、康姨餅房出品嘅曲奇…
「度」 Beyond Coffee & Bar 會將顧客消費金額10% 捐贈予扶康會❤️

期待你嘅光臨！

【「陶瓷傳統文化傳承 - 青花瓷與社區共融」】
本會衷心感謝華人廟宇委員會（華人慈善基金）嘅慷慨撥款資助，令「陶瓷傳統文化傳承—青花瓷與社區共融」項目得以順利推展。呢個項目希望透過傳統青花瓷創作，引導參與者打開內心世界，將對社區嘅歸屬感、對家庭嘅依戀，同埋對美好生活嘅期盼，細細描繪喺素坯之上。

展覽
日期：22026年5月23日至29日
地點：油麻地上海街304號PRECEDEE (24小時櫥窗藝廊)
亮點：生活與藝術的七道風景

今次展覽精心呈現一系列共7款由服務使用者親手打造嘅青花瓷藝作品，將傳統美學融入日常器物之中，展現多元創作張力：
凝聚社區的藝術：象徵齊心協力嘅【拼畫】同【瓷磚】，一筆一畫拼湊出社區嘅集體記憶。
品味生活的溫度：承載日常暖意嘅【茶杯】同【咖啡杯】，令藝術走入生活步調。
裝點家園的期盼：展現生命力嘅【花樽】同貼近日常點滴嘅【冰箱貼】，寄託對美好生活嘅祝願。

今次成果展覽旨在完整呈現服務使用者們嘅藝術心血，我哋誠邀街坊、陶藝愛好者同廣大市民蒞臨參觀，一齊透過呢片澄淨嘅青藍，見證社區共融嘅凝聚力，感受生命綻放嘅美好溫度。

「每一筆青藍，都是對生活最真摯的期盼。」

#扶康會 #自主藝術 #陶瓷 #青花瓷 #華人廟宇委員會 #華人慈善基金

【炮台山循道衛理中學 到訪交流】
扶康會喺2026年5月15日到訪炮台山循道衛理中學，進行咗一次好有意義嘅交流參觀。本會代表同校監及校長舉行會議，深入了解學校多元化嘅訓練同發展項目，呢啲計劃對學生成長帶嚟正面而積極嘅影響。本會亦分享咗正籌備嘅初階段合作方向，主要係以提供實習訓練為核心，希望透過實際學習機會，擴闊學生嘅技能範疇，進一步提升佢哋嘅競爭力。今次交流為未來合作打好咗良好基礎，雙方都好期待可以攜手推動學生全面發展。

#扶康會 #炮台山循道衛理中學 #實習訓練 #交流參觀

【粵港澳大灣區社區共融公益展能市集】
澳門扶康會早前喺澳門祐漢公園舉辦「2026年全國助殘日—粵港澳大灣區社區共融公益展能市集」，現場超過二十七個慈善義賣攤位，涵蓋文創手作同特色飲食，扶康會亦一同參展，慈善義賣由工場出品嘅手工陶瓷杯，以及Fu Hong Art Hub各式文創精品。澳門社會工作局局長韓衛先生亦有光臨扶康會攤位，慷慨解囊支持本會殘疾人士就業，活動氣氛熱烈且踴躍。

#扶康會 #粵港澳大灣區社區共融公益展能市集 #2026年全國助殘日 #澳門扶康會

【「自主‧藝術 i Create」藝術畫展 -「愛的花束」】
世傑嘅作品以簡單嘅三原色畫成花束，色彩直接而純粹，表達出最真摯嘅愛。黃色花朵象徵溫暖嘅祝福，藍色花瓶俾人可靠穩定嘅感覺，紅色桌面就襯托出滿滿心意。作品雖然冇任何繁複裝飾，卻正好展現出「簡單就是愛」嘅理念，係一份送俾媽媽嘅母親節禮物，都係一份純真嘅感謝，並預祝大家母親節快樂！

#扶康會 #自主藝術 #母親節 #世傑

【上李屋成人訓練中心三十周年】
位於長沙灣嘅上李屋成人訓練中心今年正式踏入三十周年，早前中心特別舉辦三十周年誌慶活動，邀請服務使用者同入場嘉賓一同見證呢個重要時刻。當日除咗舉行慶典儀式外，更展示咗上李屋成人訓練中心過往嘅珍貴舊相片，令大家共同回顧歲月裡嘅點滴同回憶。活動亦安排嘉賓以印手指模的方式共同創作三十周年紀念藝術作品，並參與舒壓球工作坊，令每位參與者都能投入其中，分享呢份喜悅。

#扶康會 #上李屋成人訓練中心 #上李屋成人訓練中心三十周年 #誌慶活動

【理大 – 扶康會共融創新中心 開幕典禮】
扶康會同理工大學合作成立亞洲首個「共融創新中心」，並喺過去嘅星期五舉行揭幕儀式。活動當日邀請勞工及福利局副局長何啟明先生擔任主禮嘉賓，並聯同會長葉恩明醫生、理大協理副校長（大學發展）羅璇博士、理大工商管理學院副院長（學務統籌）、物流及航運學系暫任系主任兼航運及物流講座教授黎基雄教授，以及扶康會主席錢國強先生，主持揭幕儀式及簽署合作備忘錄。

理大 – 扶康會共融創新中心獲理大工商管理學院研究資金配對及 SF Family Foundation Limited 撥款支持，以「研究、創新與服務轉化」為核心，致力將理大嘅跨學科創新科研成果，落實喺社福界嘅實際應用方案，服務社會，推動香港喺促進社會共融發展方面擔當亞洲區領導角色。

「共融創新中心」嘅獨特性在於理大與扶康會嘅深度合作模式：扶康會嘅員工同服務使用者會參與研究過程，並同理大共同資助成立中心，體現了學界與社福界的緊密聯動。

#扶康會 #香港理工大學 #理大扶康會共融創新中心

［綠色星期一］為推動健康同綠色飲食，扶康會康復中心推行「Green Monday輕鬆素食午餐計劃」，每逢星期一都會以多元蔬菜、豆類、菇類等食材煮出美味又營養嘅綠色菜式。多食蔬菜除咗有助長度健康，仲可以降低心臟病同三高風險；減少肉類攝取更加可以降低碳排放，為環境出一分力。

計劃開始嘅第一個星期一，主廚Billy就準備咗「香甜南瓜湯搭配自家製純素漢堡包」，呢款素肉用咗鷹嘴豆同紅米等食材製成，大家都食得開心，仲大讚好味！

#扶康會 #綠色星期一 #環保 #素食