Y PARK 林 區

【🌿「尋香・延續」— 回收物變身芳香容器，讓永續生活在城市中發芽🌱】
環境保護署參與2026年「香港花卉展」，以園林造景傳遞減廢回收、循環再造的理念，並有幸榮獲「最具環保意念獎」及「最佳設計優異獎」兩項殊榮！
今年展區呼應大會主題「花語尋『香』—細味城市特色」，以「尋香・延續」為核心理念，將園林廢物與回收物化作滿載花香的植物容器。透過「轉廢為材」的藝術設計，颱風下的塌樹成了駿馬原木雕刻和流水桌；回收的洗衣機門及內膽、電飯煲膽、舊紅酒箱、卡板木等，化成了一個個盛花的器皿，讓每一株植物都承載著可持續的故事；再結合芳香植物，展現香港珍貴的生物多樣性，帶領大家從感官「尋香」走進「延續」的綠色生活。歡迎市民親臨環保署展區，親身感受回收物與花香交織的驚喜！
在此感謝東華三院環保村的綠化義工參與設計與種植，讓社區攜手共創這份自然之美🌍✨
#2026香港花卉展 #尋香延續 #花語尋香 #轉廢為材 #生物多樣性 #可持續發展 #環保署 #東華三院環保村 #環保園 #綠色生活

Y PARK 免費再生產品申請流程:
想攞免費再生木產品，其實只係兩步，跟住做就得：

一、先登記做會員
開電郵程式，寫電郵去：[email protected]。
​電郵內寫低：
1) 個人／政府部門／機構／公司名稱
2) 單位／項目名稱
3) 是否政府項目
4) 聯絡人姓名、電話、電郵。
之後等大約五個工作天內，你會收到回覆電郵，同時有會員編號。之前做過「園林廢物生產者」會員就唔使再登記，可以直接用原本個編號。
​

二、用會員編號申請再生產品
可以免費申請嘅再生產品好齊全：有適合做家具、層架嘅原木板，有方便做結構、手作嘅木方，有可以用作凳仔、裝飾嘅原木樹頭，仲有可以做園藝覆蓋物、步道同遊樂區地面用嘅木碎等，全部都係本地回收再造，用得其所又環保。

先去網頁睇產品目錄：
https://www.ypark.hk/upload/files/1/file/66a062f07675b.pdf
​
再開電郵寫去：[email protected]，內容包括：
1) 會員編號（例如：A01234）
2) 聯絡人姓名、電話、電郵
3) 想申請嘅再生產品名稱同所需數量
4) 預計提取日期（注意輪候大約8–10星期起，木碎除外）
5) 再生產品用途。
​
提交後，大約五個工作天內會有電郵通知你申請結果及取貨安排。
由於申請人數非常多, 交貨期預算最小8星期以上
​
所有詳情同資料，都可以喺Y Park網站找到：https://www.ypark.hk/zh-hant/

最簡單又好玩的樹頭椅，自己都做到！黎Y PARK申請樹頭就可以DIY一張專屬「森林小板凳」，擺屋企又自然又實用。只要登記成為Y PARK會員，就可以免費申請樹頭，多拎幾件返去親子創作都得～
製作法好簡單：
1️⃣ 申請一件樹頭。
2️⃣ 用砂紙打磨到滑滑哋。
3️⃣ 用畫筆畫上卡通、公仔、姓名或祝福字句
4️⃣ 塗上光油，木紋即刻靚晒。
咁就完成你哋專屬嘅「森林小板凳」，擺客廳、房間或者陽台都超有格調！快啲同埋小朋友同木愛好者，一齊嚟玩木、打卡、留住木香味～🌳🪵🎨

#環保署 #親子活動 #免費木材 #木椅製作 #木工體驗 #環保升級再造 #家庭樂 #手作時光 #木愛好者

今日年初四，不如我哋一齊認識下係農曆新年香港家庭最受歡迎嘅吉祥植物發財樹。發財樹（學名：Pachira macrocarpa），原產南美洲熱帶雨林，後傳入亞洲成為「搖錢樹」代名詞。呢棵植物因樹幹常被編織成三股、五股或九股，象徵「五福臨門」或「長命富貴」，葉片翠綠圓潤寓意錢財滾滾，係傳統風水學中招財進寶嘅代表。香港過年習俗中，常用紅繩綁樹幹、掛金幣或利是封，擺放客廳或門口，寓意新一年事業順利、家庭和睦。

發財樹不僅係文化符號，更具實際生態價值，能吸收二氧化碳、淨化室內空氣，促進健康生活。喺香港狹窄居所特別適合，提醒我哋珍惜自然資源、實幹致富。歷史上，清朝已引入中國，民間流傳「養樹發財」典故，至今旺角花市熱賣，見證華人文化融合。希望大家透過發財樹，學習勤奮與環保並重，開啟綠色新年！🧧🌳

#環保署 #香港過年 #發財樹 #搖錢樹寓意 #綠色生活 #農曆新年 #植物知識

為鼓勵社會各界回收及循環再造園林棄置物，減少棄置堆填區，環境保護署（環保署）於今年農曆新年假期後，透過Y‧PARK [林‧區]承辦商在指定地點回收桃花，並將當中合適的桃花循環再造成再生產品，轉廢為材。有關2026桃花回收計劃的安排如下：

收集日期：2026年2月27日至3月8日(共10天)

收集地點：位於屯門Y．PARK [林．區]的中央收集站及55個分布全港的地區收集站。

市民可於開放時間內將桃花運往Y·PARK [林·區]或地區收集站回收，而工商機構則只可將桃花直接運往Y·PARK [林·區]回收。如市民及工商機構於2026年3月9日至14日期間仍需要回收桃花，請於辦公時間內（星期一至星期六，上午九時至下午六時，公眾假期除外）將桃花直接送往Y·PARK [林·區]回收。請注意，地區收集站不會接收兩米以上及工商機構棄置的桃花。

凡於Y·PARK [林·區]或回收環保站回收桃花的參與者，均可得到電子版本證書一張。而將桃花運往回收環保站回收的參與者更可獲得小禮物一份，數量有限，送完即止。

詳情: https://www.wastereduction.gov.hk/zh-hk/article/2026-peach-blossom-trees-recycling-programme

今年過年寫揮春唔使再用即棄紅紙，嚟試下用我哋嘅原木自製揮春，齊齊環保大升呢！Y PARK的原木, 每塊都係本地回收廢木再造，寫上「福」、「財源廣進」、「步步高升」等祝福語，用環保紅金漆同天然麻繩裝飾，掛响門口即刻中西合璧，CNY氣氛爆棚又低碳永續！

DIY超簡單：1.揀塊WOODLOG圓盤；2.用筆寫上吉祥語；3.刻字或上漆；4.綁麻繩掛起！一家大細齊齊做，唔單止減塑減廢，仲支持香港綠色生活，過年拜年更有環保心意。舖頭、公司、屋企全啱用，財運滾滾來啦！今年同原木一齊「綠色升呢」！🧧🌳♻️

#環保署 #香港過年 #木揮春 #原木揮春 #環保揮春 #再造木材 #循環經濟 #零碳揮春 #新年裝飾 #可持續發展 #香港綠色生活 #減廢行動 #節日環保

🌲 樹木大變身！木碎免費攞！🌳

來自不同界別嘅朋友，聽住！想令花園、地盤更加靚同有層次？快嚟申請我哋新鮮製作嘅木碎，用嚟覆蓋物或裝飾都得，效果自然又養眼～🍃🪵

林區免費畀各行業試用，但記住呀—係需要申請之後，親自嚟我哋工廠自取㗎！（暫時未設送貨，千祈唔好搞錯🙈）

木碎有咩好處？
天然環保：我哋嘅木碎由回收樹木製成，百分百天然，唔會傷害環境。

美化景觀：鋪喺花槽、園徑、樹壇，即刻令空間變得靚靚地，仲可以遮蓋泥土、減少雜草生長。

保濕保溫：木碎可以鎖住泥土水分，減少澆水次數，同時幫植物根部保溫，好適合香港四季變化。

氣味清新：新鮮木碎散發淡淡木香，令園景空間更加舒適宜人。

用我哋嘅木碎，植物夠晒滋潤💧，土壤減少雜草又保濕，仲有回收減碳加分♻️！唔少園林設計師都話靚同易用！👏

快啲whatsapp / 打電話 / email我哋登記申請，齊齊支持綠色園藝！😉

🌱回收有道 綠化由你🌱

而家喺Y·PARK[林·區]訂免費原木🪵仲可以喺環保園(EcoPark)攞？咁環保咁方便得唔得架🤩？
係呀！而家喺Y·PARK訂原木再生產品，唔駛一定要入去Y·PARK攞貨喇。為左方便熱愛環保♻️嘅你可以更方便咁攞到心愛嘅再生產品，我地喺EcoPark新增左自提點📍，星期一至五，上午9點至下午6點都可以攞貨📦。
最近，超強颱風樺加沙🌀吹襲之後，Y·PARK接收咗大量原木🪵，啲木咁靚，梗係唔好浪費，同大家開心share啦🥳！仲唔快啲向我哋申請?📝📧📞☎️

唔好以為原木淨係可以堆疊喎！其實佢仲有好多用途㗎！唔信？睇下Y·PARK教你點樣用啦：

最簡單方法就係保留佢本身嘅外形🪵，稍微處理後，就變咗一件木櫈！
用木頭打造花園同露台🏡或者劃分空間嘅欄杆，實用又好睇✨！
將原木切成薄片🪓，用喺戶外空間裝飾，令環境更宜人又保護草地~🍀
有其他諗法💭或者需要幫手？一齊傾下啦😉！

想知多啲？快啲聯絡我哋啦📞！

電話: 5743 9221

電郵: [email protected]

辦公時間🕘🕕: 週一至週六 9am~6pm (公眾假期除外)🗓️

*請留意，暫時冇送貨服務㗎，申請到原木之後，記得自行安排運送🚚。

【營運公告】
因應颱風「樺加沙」的來襲，天文台已宣布將於今日下午 2 時 20 分懸掛八號烈風或暴風信號。為保障公眾及員工安全，Y- PARK 已於今日中午 12 時 20 分起暫停開放。

有關恢復開放的時間，請留意稍後的最新安排，並可隨時到 Y- PARK 官方網站查詢最新消息。

請各位注意安全，避免外出。

【歡迎申請再生木碎】

🌿 再生木碎——讓樹木重獲新生！ 🌿

大家好！我是Y·PARK [林·區]園林廢物回收中心的吉祥物，山竹仔🌱！你知道嗎？經修剪或移除的樹木、枝葉，其實可以變成珍貴的再生木碎！這些木碎可用於園藝覆蓋、土壤保護，甚至減少雜草生長，真正做到資源循環再利用！

現在，我們誠邀市民免費申請再生木碎，為您的庭園添上一份綠意，也為環境出一份力！🌍 快來參與，一起為可持續發展出力！

📩 立即申請 ： https://www.ypark.hk/zh-hant/
* 點擊再生產品使用者
* 先申請成為會員
* 再申請木碎

另外，我哋Y·PARK [林·區] 現時已經搬咗去「屯門龍鼓上灘」喇，嚟攞木碎或者送園林廢物俾我哋之前記得唔好嚟錯啊💚！

Y·PARK [林·區]
開放日子：星期一至六
開放時間：上午9時至下午6時 (公眾假期除外)
查詢電郵：[email protected]
查詢電話：57439221

♻️園林再生，轉廢為材♻️

#再生木碎 #園林廢物 #再生產品 #碳中和 #林區 #環保 #環保生活