鄰舍輔導會 - 「智」緊要有「里」友善社區計劃

［認知障礙症資訊分享］
香港科技大學最近推出一個為期五年嘅「長者護腦社區計劃」，會同社福機構合作，為6,000名60至75歲嘅居家長者提供免費早期檢測，及早了解有冇阿爾茲海默症或者輕度認知障礙嘅徵兆。

今次計劃好有意義，因為越早發現、越早跟進，就越有機會延緩病情，亦可以及早得到適切支援。對長者、家人同照顧者嚟講，都係一個好消息。👨‍👩‍👧‍👦

護腦同護身一樣重要，平日保持規律作息、多動腦筋、同親友多交流，都有助保持腦部健康。
如果身邊有長者朋友，不妨多啲關心佢哋，一齊守護腦健康。

資料來源：

科大推五年長者護腦社區計劃　為6千長者檢測阿爾茲海默症 - 有線寬頻 i-CABLE 【有線新聞】科大推出五年「長者護腦社區計劃」，為6,000名居家長者進行檢測，及早識別阿爾茲海默症早期患者，讓

［社區設施分享］
除左麥當勞旁邊升降機外
於兆康商場地下（酒樓門外）L43
亦有另一部升降機
呢部升降機除左通往商場一樓外
亦可以通往商場二樓幼稚園
平日返學放學時間會比較多人

［社區設施分享］
兆康商場內設有唔同嘅升降機
唔知大家清唔清楚邊部打部呢？
以下分享少少資訊希望幫到大家
於兆康商場地下（麥當勞旁邊）L44
係可以上到商場二樓萬寧對出
需要去百佳或者萬寧買嘢
可以選用呢到升降機

［社區設施分享］
於兆健閣對出有一個羽毛球場
每個星期總有一日朝早會見到
一班老友記耍太極
有時又會有小朋友打羽毛球
各位老友記可以利用呢個空間
做一D伸展運動
或者陪孫仔孫女打下羽毛球！！

［社區設施分享］
之前分享過兆康苑第三、四期嘅健身設施
其實第一、二都一樣有長者健身設施
位於兆華閣背後
有一個幽靜嘅休憩公園
同樣設有幾款長者健身設施
平日聽到老友記每朝都會去做運動
大家有興趣不坊去個到做下運動啦！

［無障礙設施分享］
相信唔少兆康苑街坊
日常都會到附近嘅欣田邨食嘢買嘢
唔知大家平日係點行過去嘅呢？？

最常用嘅通道會係兆康苑第三、四期
水池對面嘅小路
當然個到係最快嘅道路選擇
但小路相當窄
如果人多經過甚至要行出馬路 十分危險
平日老友記要慢慢行又唔係行得好穩嘅話
不如行以下路線啦～

老友記可以選用兆樂閣另一邊通道（第三、四期管理處旁）
雖然要行多少少
但相對會安全好多
通道除左比較闊外又相對平坦
平日唔趕時間嘅不坊試下行呢到啦！！

［義工分享］（續）

［義工分享］