歡迎瀏覽香港懲教署 Facebook 官方專頁
Welcome to the official page of the Hong Kong Correctional Services This page is open to the public.
本專頁由懲教署管理，主要發放有關署方的消息和資訊。
本專頁為開放平台，歡迎留言但我們未必會逐一回應。任何涉嫌觸犯法例或違反Facebook條款及政策的內容，包括但不限於涉及人身攻擊、辱罵、粗言穢語、誹謗、淫褻、重複相同意見、侵犯知識產權、商業推廣、無事實根據的陳述或指稱等留言將可能被刪除，不會事先通知。
本專頁並非查詢或投訴渠道。如有查詢，請電郵至[email protected]。
除非另作說明，本專頁的內容及資料（包括但不限於所有影片、文本、圖片、照片或數據）版權均屬懲教署所有。如欲轉載，只限作非商業用途，並須註明出處，且不得涉及任何不法或不當行為，否則本署保留法律追究的權利。
懲教署不會就本專頁任何錯誤、遺漏、或錯誤陳述或失實陳述承擔任何責任。對任何因使用或不當使用或依據本專頁所載的資料而引致或所涉及的損失、毀壞或損害，懲教署概不承擔任何義務、責任或法律責任。
This p
08/06/2026
【 #社區教育 | 智勇雙全快而準．國安問答比賽盡展青年風采 】
喺啱啱過去嘅週末，懲教署青少年制服團隊 #懲教先鋒領袖（CSPL）派出大專生代表，出戰由 #保安局 及 #香港善德基金會 合辦嘅「 #保安局青少年制服團隊國安問答比賽暨頒獎典禮2026」大學及大專組隊際賽，最終憑住優秀表現勇奪亞軍🏆👏🏻！
由初賽到決賽，一班智勇雙全嘅 CSPL 喺台上每分每秒都全神貫注、沉著應戰！今次比賽對一班青年嚟講，絕對係一次極之寶貴嘅歷練，亦充分展現出新一代青年領袖積極進取、團結協作嘅精神😎💪🏻！
______
〖 〗
懲教署青少年制服團隊，透過多元化訓練及活動，宣揚「愛護家國、奉公守法、遠離毒品、支持更生」信息，培育青年領袖人才。
立即加入CSPL．成就不一樣未來：
https://bit.ly/3KAGg1S
______
#懲教署
#青少年制服團隊
#懲教先鋒領袖
#智勇雙全
#搶答快而準
#盡展青年風采
06/06/2026
【 #更生同行 | 前警務處「一哥」蕭澤頤．勉勵在囚青年拚搏勿躺平 】
今次 #壁屋懲教所 嘅「青少年廣播計劃」《淺談更生》(Shall We Talk) 節目，請嚟咗一位重量級嘉賓——前警務處處長 #蕭澤頤！
去年光榮退休、卸下處長職務嘅蕭Sir，今次特別到訪院所，接受一班擔任「小記者」嘅在囚青少年訪問💬🎙️。喺訪談之中，蕭Sir除咗分享自己嘅人生經歷同奮鬥故事之外，更勉勵一班在囚青少年，正因為而家好多年青人選擇「躺平」，大家更要加把勁「突圍而出」！佢又用打拳比喻人生，就算中途被擊倒，最緊要嘅係有企返起身繼續前行嘅勇氣。
正如蕭Sir話齋：「生活因拚搏而精彩，人生因奮鬥而無憾！」只要大家肯拚、肯改過，喺呢條更生路上，我哋一定會同大家並肩同行💪！
_____________________________
「 #青少年廣播計劃」《淺談更生》(Shall We Talk)
首個由在囚青少年製作嘅廣播節目，透過訪問社會名人賢達及學習節目製作，讓在囚青少年建立自信及正確價值觀，為更生之路帶嚟正能量。
_____________________________
#懲教署
#壁屋懲教所
#青少年廣播計劃
#前警務處一哥蕭澤頤
#身邊人愈躺平
#你愈要加把勁
05/06/2026
【 #更生同行 | 特色渠蓋杯墊盲盒登場．將環保與美學帶入屋 】
今日係 #世界環境日！大家有冇諗過，每日行過街頭見到嘅渠蓋，都可以加入環保同美學元素，創作成家居小品融入我哋嘅生活日常？
今次 #徵心製造 聯乘 #渠務署，將「好蓋有您」渠務署特色渠蓋設計比賽嘅得獎作品，變身成「 #咖啡渣渠蓋杯墊盲盒（港島區系列）」，等大家可以將呢份香港地嘅 #街道美學 帶返屋企！
每件產品都由在囚人士親手製作，每一件都承載住佢哋嘅蛻變同埋對重投社會嘅盼望。透過呢個系列嘅生活小品，希望帶大家重新認識香港街道美學，同時支持環保同更生工作🫶。
留言話我哋知：你最想抽中邊款圖案嘅杯墊？（小編私心想要南區熊貓款🐼🥰）
______________________
#立即入手
🛒咖啡渣渠蓋杯墊盲盒（港島區系列）
https://bit.ly/3RXdSP9
______________________
#選購更多徵品
「徵心製造」慈善網上禮品銷售平台
www.made-in-prison.hk
______________________
#懲教署
#渠務署
#徵心製造
#一件產品多重意義
#特色渠蓋杯墊盲盒
#又靚又環保
#香港街道美學
03/06/2026
【 #紀律部隊盃賽 | 捕捉凌空瞬間．懲教籃兒躍動全場勇奪佳績 】
喺早前舉行嘅 #紀律部隊盃三人籃球賽 決賽之中， #懲教署籃球隊 喺場上傾盡全力躍動全場，留下咗無數熱血澎湃嘅凌空瞬間之外📸，亦分別勇奪男子先進組季軍🥉，以及男子公開組冠軍🥇🤩🎉！其中懲教主任黃子謙更奪得男子公開組全場最有價值球員獎𠻹🏀🏆！
小編恭喜一眾籃球隊健兒！每張跳躍定格都讓大家感受到爆發力爆燈，希望大家可以 keep 住呢團火，將呢份「遇強愈強、跳出新高度」嘅突破精神喺工作崗位上延續， #全懲起動，一齊向更高嘅目標進發💪！
#懲教署
#紀律部隊盃三人籃球賽
#懲教署體育會
#懲教署籃球隊
#躍動全場
#凌空瞬間
【 #更生同行 | 破困局共前行．為破碎家庭重燃生命希望 】
「父在囚，母猝死，三歲女伴屍四日……」女童伴屍事件轟動一時，亦令到無數人痛心落淚，而呢份震撼同心酸，同樣深深觸動到我哋懲教人員嘅心。
當時身處 #赤柱監獄 嘅在囚人士阿清（化名），正正係事件中女童嘅爸爸。面對突如其來嘅噩耗同家庭巨變，阿清整個人陷入咗崩潰同絕望嘅邊緣。幸好當時院所嘅懲教人員及時察覺到佢嘅異樣，主動關懷及了解情況，並即時作出跟進。
為咗幫阿清喺絕望中重拾曙光，多個單位瞬即展開緊急協調，全力協助處理外出許可，令阿清最後得以出席喪禮，送別太太最後一程；同時透過 #更生伙伴 #善導會 喺院所舉辦嘅「 #藍巴士賽馬會結伴成長計劃」，幫呢對父女重建破碎嘅家，讓阿清得以重新負起做爸爸嘅責任，一點一滴咁去修補同女兒嘅關係，為彼此嘅生命重新點燃希望之餘，亦大大強化阿清改過自新嘅決心💝✨。
「喺獄中見返個女，聽到佢叫我一聲：『爸爸』，彷彿令我由十八層地獄上返嚟地面。我好珍惜每次見面嘅機會，每一下擁抱，每一次睇住佢笑，都係得來不易。女女係我心中嘅太陽。」
今次小編團隊特別走訪咗多個協作單位及人員，仲有阿清，並將呢個真實故事攝製成片，趁住今日 #六一國際兒童節 同大家分享，希望令更多人關注兒童嘅福祉，同埋了解當中呢份「 #亦懲亦教」嘅關愛：「我哋一直秉持以生命改變生命，及時伸出援手，或許能夠改變一個人嘅下半生、佢哋嘅家庭，甚至下一代。當在囚人士感受到你真誠嘅協助，佢哋就會有動力去改過，從善如流，去愛惜自己同身邊嘅人。」
📲立即觀看影片，感受呢份雙向奔赴嘅改變力量🫶。
#懲教署
#更生同行
#赤柱監獄
#更生事務組
#六一國際兒童節
#心中太陽
【 #更生同行 | 真人真事紀錄片．《破困局共前行》即將上線 】
「一名女子倒臥屋內，遺下三歲女兒獨自生活數天，而爸爸正在獄中服刑……」呢宗轟動一時嘅「 #女童伴屍」悲劇，原來背後仲有一段「微光後續」。當時身處 #赤柱監獄 嘅在囚爸爸阿清（化名），面對妻子猝逝一度陷入絕望。到底懲教人員點樣及時伸出援手，與更生伙伴緊密協調，一步步幫呢對被圍牆分隔嘅父女重建破碎嘅家，喺困境中搵到出路？
小編團隊今次特別走訪咗多個協作單位以及主角阿清，將呢個真實故事紀錄落嚟。《 #破困局共前行》將會喺六一國際兒童節正式上線，等我哋一齊透過鏡頭，睇下懲教人員點樣用愛同行動去「破困局」，為呢對父女帶嚟希望💝！
________________
🌟第二屆「更生伙伴」嘉許計劃頒獎典禮．即將舉行
________________
#懲教署
#更生同行
#赤柱監獄
#更生事務組
#真實故事
#破困局共前行
#即將上線
27/05/2026
【 #更生同行 | 國家脫貧攻堅成就．啟發更生青年砥礪前行 】
懲教署早前特別為一班曾經喺院所內參與「沿途有『理』」計劃嘅 #受監管青年，舉辦咗一場「 #近年國家脫貧攻堅成就」講座，請嚟港區全國人大代表、懲教署社區參與助更生委員會主席 #徐莉，深入淺出咁講解國家脫貧攻堅取得嘅重大成果，以提升一眾青年對國情嘅認知及國民身分認同。
一班 #受監管青年 都聽得非常投入，仲喺互動環節積極發問，了解國家扶貧政策點樣做到「精準到位」。國家脫貧攻堅之所以成功，有賴一份永不放棄、迎難而上嘅決心。徐莉亦趁機會勉勵呢班青年，將呢份不畏艱難嘅精神轉化為自強不息嘅動力，喺更生路上砥礪前行，成為熱愛國家、貢獻社會嘅有為青年💪🏻✨。
#懲教署
#更生同行
#沿途有理計劃
#國情教育
#脫貧攻堅
#砥礪前行
26/05/2026
【 #社區教育 | 跨代探訪青銀共融．CSPL & 老友記樂也融融 】
懲教署青少年制服團隊 #懲教先鋒領袖（CSPL）早前去到 #保良局癸未年樂頤居暨耆安長者日間護理中心 探訪，實行將年青人嘅無窮活力，化作最真摯嘅關懷❤️！
一班 CSPL 先同長者大玩團體遊戲破冰，拉近彼此距離。佢哋除咗貼心伴讀之外，仲親手繪製咗心意卡送俾長者做紀念💌✍️。喺傾談之間，CSPL 更變身最佳聆聽者，細聽長者分享昔日嘅人生故事。
喺活動壓軸環節中， CSPL 以一首首經典金曲同老友記大合唱，用歌聲傳遞歡樂。老友記個個笑逐顏開，成個護理中心瞬間被歡笑聲同溫馨感「洗版」。呢份跨越年齡嘅互動，唔單只讓長者感受到關懷，亦讓年輕一代學習到尊重與聆聽，促進青銀共融，真正做到用愛心連繫社區🥰🫰。
______________
〖 〗
懲教署青少年制服團隊，透過多元化訓練及活動，宣揚「愛護家國、奉公守法、遠離毒品、支持更生」信息，培育青年領袖人才。
立即加入CSPL．成就不一樣未來：
https://bit.ly/3KAGg1S
________________
#懲教署
#青少年制服團隊
#懲教先鋒領袖
#青銀共融
#樂也融融
24/05/2026
【 #更生同行 | 浴佛洗滌心靈．正念重啟人生 】
今日係 #佛誕日，早前 #赤柱監獄、 #石壁監獄 及 #荔枝角收押所，分別喺院所舉辦咗 #浴佛法會，由法師主持同帶領浴佛儀式，讓在囚人士透過浴佛淨心，洗滌心靈、重拾正念🙏✨。
懲教署積極與社會各界攜手推動更生工作，其中包括透過喺院所舉辦唔同嘅 #宗教活動，幫助在囚人士走過心靈重建嘅旅程。感謝各佛教團體一直以嚟嘅無私付出，與懲教署並肩同行，用愛與智慧引領在囚人士改過自新，一步步走向光明嘅更生路🌟💪。
_____________________________
重溫【 #細說懲史 | 圍牆內與佛結緣 】
https://bit.ly/3ELxi3m
_____________________________
#懲教署
#佛誕日
#正念重啟人生
#浴佛淨心
#心向光明
20/05/2026
【 #關懷社群 | 520 我愛你．熱血表達愛 】
喺今日 5 月 20 日「 #網絡情人節」，大家除咗浪漫放閃，仲可以點樣表達愛？ #香港懲教學院 今日就舉辦咗一場意義非凡嘅捐血活動！一眾教職員同受訓學員紛紛響應，踴躍參與🅰️🅱️🆎🅾️。對受訓學員嚟講，捐血唔單只係愛，更係身為懲教人員嘅「 #熱血承諾」，將守護社會嘅使命植根心中。小編再次感謝每一位參與者，用行動實踐無私奉獻嘅精神，將呢份愛心傳遞俾每一位有需要嘅市民🌟。
要表達對社會嘅關愛，除咗捐血，仲可以履行我哋嘅公民責任 ——「 #2026年選民登記運動」經已展開，踴躍登記做選民，克盡公民責任，以另一方式延續熱血使命。
________________
📲重溫【 #星星傳懲 | 熱血男兒．讓愛～流動 】
https://youtu.be/RbQs9zw-Hb0
________________
【 #立即行動 捐血助人 】
www.ha.org.hk/rcbts
________________
#懲教署
#香港紅十字會輸血服務中心
#捐血助人
#讓愛流動
#懲教生力軍
#熱血承諾
#520我愛你
Blood for Life 熱血使命 (HK Red Cross BTS 香港紅十字會輸血服務中心)