14/11/2026
Par kadrih od čera. Uzvodno od Kukujanih, Ričina uz su svoju veličinu ne zgjeda ni opasno ni zastrašujuće. Razliva se z svojga korita i baš radi tega razlivanja ne stvara se nikakova opasnost niti šteta. Baš suprotno, razlivanje ima koristi za zemju ku natopi. Naselja i kuće su se od davnine delale na sigurnemu, kadi Ričina ne dosiže ni kad je najveća (a verujte more bit i veća od ovega). Ali judi ki dojdu i ki ju ne poznaju, neretko delaju razni objekti i nastambe tamo kadi će se ona prije ili kasnije zilet. Nima opasnosti od poplave, samo kad ju se stišće va zidi pa kad voda nima kamo i kad ju se ubrza tuliko da ruši se pred sobun. Kad ju se ne stavja va razne regulacije pod izgovoron opasnosti od poplav i pusti da more zić van korita, onda je najpitomija i ne nosi nikakovu opasnost.