17/10/2026
කාවන්තිස්ස ඇත් රජුට ඇත්තටම මොකද වුණේ?
🐘 කාවන්තිස්ස ඇත් රජුට සාධාරණයක් ඉටුවෙයිද?
"තාම ඇතා මැරුණේ නැද්ද? මැරුණට බය වෙන්න එපා. ලක්ෂ ගානක Antibiotics ගහලා තියෙන්නේ. ඇතා කුණු නොවෙන්න"
ඕගොල්ලන්ටත් මතක ඇති මේ කතාව. භාතිය ඇතා අන්තිම හුස්ම ගන්නකොට වෛද්‍ය කණ්ඩායම කිව්වෙත් මෙහෙම.
කාවන්තිස්ස ඇත් රජු සනීප කරන්නත් වගකීම පැවරිලා තිබුණේ මේ වෛද්‍ය කණ්ඩායමටම තමයි.
දැන් මොකක් හරි දෙයක් වුණොත් වගකීම කාගෙද කියලා අහද්දි,
වෛද්‍ය කණ්ඩායමේ ප්‍රධානියා කියනවා එයාට වගකීමක් බාරගන්න බැහැලු, වගකීම බාරගන්න ඕන දෙපාර්තමේන්තුවලු.
දෙපාර්තමේන්තුව කියනවා ඒක තමන්ගේ වගකීමක් නෙමෙයිලු.
මේ කතාවෙන්ම තේරෙනවා මේ කට්ටිය කොච්චර ආදරයෙන් මේ සතාට සැලකුවද කියලා.
කාවන්තිස්ස කියන්නේ ලංකාවේ හිටපු උසම හස්තියා. අපරාදේ ලස්සන සතෙක්.
ඇතාගේ කකුලේ පොඩි තුවාලයක් තිබිලා තියෙනවා. හැබැයි තුවාලය තිබ්බ කාලෙත් දවසකට කිලෝ 150ක් විතර කෑම කාලා තියෙනවා.
මේ තුවාලය ගැන මුලින්ම දැනගන්නේ සැප්තැම්බර් 22.
ඊට පස්සේ මේ වෛද්‍ය කණ්ඩායම ඇතාව නිර්වින්දනය කරනවා. නිර්වින්දනය කරලා පුළුවන් තරම් බෙහෙත් දෙනවා.
හැබැයි එයාලට කරන්න අමතක වෙන ලොකුම දෙයක් තියෙනවා. ඒ තමයි ඇතාගේ Blood Sample එක ගත්තේ නැති එක.
Blood Sample එකක්වත් නොගෙන, පන්න පන්න Antibiotic ගහලා. ඒ විතරක් නෙමෙයි Overdose එකක් විදිහට.
ඒ නිසාම ඇතාට දරුණු පාචනය හැදෙනවා. පාචනය හැදුනට පස්සේ ඇතා කෑම ගන්න එක සම්පූර්ණයෙන්ම නවත්තනවා. ටික දවසක් යද්දි විජලනය වෙනවා.
අන්තිමට තව අවුරුදු ගාණක් ජීවත් වෙන්න හිටපු කාවන්තිස්ස, ඔක්තෝබර් 16 වෙනිදා අවුරුදු 40න්ම මැරිලා යනවා.
දැන් මේ වෙද්දි ඇතාට ප්‍රතිකාර කරපු වෛද්‍ය කණ්ඩායම තමන්ගේ Facebook Account පවා වහලා දාලා හැංගිලා. කිසිම වගකීමක් ගන්නේ නෑ.
මුළු ලංකාවම "ඇතාට මොකද වුණේ" කියලා අහද්දි, බලධාරීන් බීරන්ට වීණා වයනවා වගේ නෑසූ කන්ව ඉන්නවා.
අපි බලන් ඉමු, කාවන්තිස්ස ඇත් රජුටවත් සාධාරණයක් ඉටු වෙයිද කියලා.
