Gujarat Kisan Sabha

by Gujarat Kisan Sabha, Bhayavdar, Rajkot.

ગુજરાત કિસાન સભાની સાબરકાંઠા જિલ્લા સમિતિ (અખિલ ભારતીય કિસાન સભા સાથે સંલગ્ન) દ્વારા ૧૮ જાન્યુઆરી, ૨૦૨૬ના રોજ ખેડૂત અને ખેત મજૂરોનો જિલ્લા સ્તરીય સંમેલન યોજવામાં આવી રહ્યું છે, જેમાં ખેડૂતોના રાષ્ટ્રીય તેમજ સ્થાનિક મુદ્દાઓ ઉઠાવવામાં આવશે. આ સંમેલન માટે સાબરકાંઠા જિલ્લાના વિવિધ ગામોમાં તૈયારી બેઠકઓ યોજાઈ રહી છે.

The Sabarkantha District Committee of Gujarat Kisan Sabha (affiliated to the All India Kisan Sabha) is organising a District-Level Convention of farmers and farm labourers on 18 January 2026, to raise key national and local issues of farmers. Preparatory meetings for the convention are currently being held in villages across Sabarkantha district.

*અખિલ ભારતીય કિસાન સભા*

૩૬ પંડિત રવિશંકર શુક્લા લેન (કેનિંગ લેન), નવી દિલ્હી-૧૧૦૦૦૧
વેબસાઇટ: kisansabha.org, ઈ-મેલ: [email protected]

*પ્રેસ રિલીઝ* ૨૩.૦૭.૨૦૨૫, નવી દિલ્હી

*સાબરકાંઠા ડેરીમાં ખેડૂતોના સંઘર્ષ દરમિયાન ગુજરાત પોલીસ દ્વારા ટીયરગેસથી માર્યા ગયેલા ડેરી પશુપાલક ખેડૂત અશોક ચૌધરીના પરિવારની AIKS ના પ્રતિનિધિમંડળે મુલાકાત લીધી*

*ગુજરાતના મુખ્યમંત્રીને પત્ર લખીને ન્યાયિક તપાસ અને રૂ. ૧ કરોડનું વળતર, પરિવારને એક રોજગાર આપવાની માંગણી કરી*

*રાજ્ય સરકારને વિનંતી કરી કે ડેરી સહકારી મંડળીઓને તેમનુ સરપ્લસ પશુપાલકોને ડિવિડન્ડ તરીકે વહેંચવા માટે નિર્દેશ આપે*

*ભાજપ દ્વારા નિયંત્રિત દુધ ડેરી સહકારી મંડળીઓમાં ભ્રષ્ટાચાર અને અન્યાયી, રાજકીય પક્ષપાતી ભરતીઓનો અંત લાવો*

ભૂતપૂર્વ ધારાસભ્ય અને ઓલ ઈન્ડિયા કિસાન સભા ના ખજાનચી પી. કૃષ્ણપ્રસાદ, અખિલ ભારતીય સેક્રેટરીએટના સભ્ય પુષ્પેન્દ્ર ત્યાગી, ગુજરાત રાજ્ય કિસાન સભા ના પ્રમુખ ડાયાભાઈ ગજેરા અને મંત્રી પુરુષોત્તમ પરમારનો આ પ્રતિનિધિ મંડળ માં સમાવેશ હતો. AIKS પ્રતિનિધિમંડળ ૧૪ જુલાઈ ૨૦૨૫ ના રોજ સાબરકાંઠા ડેરી સહકારી મંડળીમાં ગુજરાત પોલીસ દ્વારા ટીયરગેસના ગોળીબારમાં માર્યા ગયેલા ડેરી ખેડૂત અશોક ચૌધરીના પરિવારની મુલાકાત લીધી.

આ પ્રતિનિધિમંડળ સાથે સીપીઆઈએમના કેન્દ્રીય સેક્રેટરીએટ ના સભ્ય કો.મુરલીધરન અને ગુજરાત રાજ્ય મંત્રી અને કેન્દ્રીય સમિતિ ના સભ્ય કો.એચઆઈ ભટ પણ હતા. એસ.એફ.આઇ.ના રાજ્ય મંત્રી કો.સત્યેશા લેઉવા, પ્રમુખ હરે કૃષ્ણ,ભૂતપૂર્વ રાજ્ય સચિવ નીતિશ મોહન, કિસાન સભાના રાજ્ય ઉપાધ્યક્ષ દિનેશભાઈ પરમાર, CITUના રાજ્ય ઉપાધ્યક્ષ ડાહ્યાભાઈ પરમાર, AIIEA, પશ્ચિમ ઝોનના ઉપાધ્યક્ષ પ્રકાશ મેકવાન તથા સાબરકાંઠા અને અરવલ્લી જિલ્લાના કિસાનસભા ના હોદેદારો કો.‌દિલાવરસિહ‌ અને કો.‌ભલાભાઈ ખાંટ એ પણ પરિવારની મુલાકાત લીધી‌હતી.

AIKS નું પ્રતિનિધિમંડળ પીડિતાની પત્ની અને ત્રણ બાળકોને મળ્યું અને શહીદને શ્રદ્ધાંજલિ આપી હતી. ૪ ભાઈઓનો પરિવાર સામૂહિક રીતે ૭ એકર જમીન અને ડેરી ફાર્મ ધરાવે છે જે તેમના આજીવિકા માટે છે. પરિવારના જણાવ્યા અનુસાર, અશોક ચૌધરીએ ૧૪ જુલાઈના રોજ સહકારી મંડળીના વાર્ષિક સરપ્લસમાંથી પૂરતા પ્રમાણમાં ડિવિડન્ડની માંગણી સાથે સાબરકાંઠા ડેરી સહકારી મંડળીની સામે પશુપાલકોના સંઘર્ષમાં ભાગ લીધો હતો.

પોલીસ દ્વારા ભારે ટીયરગેસના શેલિંગથી પ્રદર્શનકારીઓ પર હુમલો કર્યો ત્યારે તેઓ ડેરી સહકારી મંડળીના ગેટ સામે પાર્ક કરેલી કારમાં બેઠા હતા. ટીયરગેસનો ધુમાડો વાહનની અંદર ફસાઈ ગયો હતો અને લાઠીચાર્જ પણ ચાલુ હોવાથી તેઓ બહાર નીકળી શક્યા ન હતા. ચૌધરીએ ટીયરગેસના ઝેરી ધુમાડા શ્વાસમાં લીધા અને તેના કારણે તેમનું બ્લડ પ્રેશર ઘટી ગયું. તેમને એક હોસ્પિટલમાં અને પછી બીજી હોસ્પિટલમાં લઈ જવામાં આવ્યા, પરંતુ તેમનો જીવ બચી શક્યો નહીં.

પરિવારના સભ્યોએ જણાવ્યું કે તેમને અત્યાર સુધી પોસ્ટમોર્ટમ રિપોર્ટ મળ્યો નથી અને તાલુકા કચેરી કે જિલ્લા કલેક્ટર કચેરીના કોઈ મહેસૂલ અધિકારીઓએ અત્યાર સુધી તેમની મુલાકાત લીધી નથી.

પ્રતિનિધિમંડળે તેમને ખાતરી આપી કે મૃત ખેડૂતને ન્યાય મળે તે માટે શક્ય તેટલું બધું કરવામાં આવશે અને સ્થાનિક પશુપાલકો ની વાસ્તવિક માંગણીઓ માટે સંઘર્ષને ટેકો આપવામાં આવશે.

AIKS મુખ્યમંત્રી શ્રી ભૂપેન્દ્ર પટેલ પાસે માંગણી કરે છે કે તેઓ રાજ્યના બ્યુરોક્રેસીએ સમજાવે અને પીડિત પરિવારને નકલ આપ્યા વિના અત્યાર સુધી પોસ્ટમોર્ટમ રિપોર્ટ કેમ છુપાવ્યો છે? લોકશાહી નાગરિક સમાજમાં, પરિવાર અને જનતાને પીડિતાના મૃત્યુ પાછળના વાસ્તવિક પરિબળો જાણવાનો અધિકાર છે. નિર્દોષ પશુપાલકની હત્યા માટે જવાબદાર પોલીસ વહીવટને બચાવવા બદલ AIKS ભાજપની આગેવાની હેઠળની રાજ્ય સરકારની સખત નિંદા કરે છે.

AIKS મુખ્યમંત્રી પાસે ખેડૂતની હત્યા, પશુપાલકો ના સંઘર્ષ પર પોલીસ દ્વારા કરવામાં આવેલ અતિશય બળપ્રયોગ અને ખેડૂતોના સંઘર્ષ દરમિયાન ટીયર ગેસના ગોળીબારને કારણે તેનું મૃત્યુ થયું હતું અને એક ખેડૂત શહીદ થયો હતો તે હકીકત જાહેર કરવા માંગ કરે છે. AIKS રાજ્ય સરકાર પાસે ખેડૂત શહીદ પરિવારને રૂ. 1 કરોડનું વળતર અને એક રોજગાર આપવાની ભારપૂર્વક માંગ કરે છે.

મોટાભાગના ખેડૂતોને સરેરાશ ખરીદી કિંમત ગાયના દૂધ માટે પ્રતિ લિટર રૂ. 25-30 અને ભેંસના દૂધ માટે પ્રતિ લિટર રૂ. 40-45 છે. ગ્રાહક ભાવ અને ખરીદી કિંમત વચ્ચેનો તફાવત પ્રતિ લિટર રૂ. 17 છે જેમાંથી સહકારી ડેરી મોટુ સરપ્લસ એકઠુ કરી રહી છે પરંતુ ખેડૂતો સાથે લાભાંશ તરીકે શેર કરવા તૈયાર નથી. પશુપાલકો સરકાર દ્વારા રૂ. ૧૦ સબસિડી આપવા અને પ્રતિ લિટર ૬૦ રૂપિયા ખરીદી કિંમત સુનિશ્ચિત કરવાની માંગ કરી રહ્યા છે.

ખેડૂતોએ ભાજપ દ્વારા નિયંત્રિત ડેરી સહકારી મંડળીઓમાં ઉચ્ચ સ્તરના ભ્રષ્ટાચાર અને રાજકીય પક્ષપાતી અને અન્યાયી ભરતીઓની ફરિયાદ કરી છે. સહકારી મંડળીઓ મોટા પાયે ખર્ચ કરતી હતી અને રાજકીય ઉડાઉ દેખાવ કરતી હતી, જેમાં વડા પ્રધાન અને રાજ્યપાલને પણ આમંત્રણ આપવામાં આવતું હતું, જેથી વધારાના પૈસાનો ઉપયોગ કરી શકાય અને ખેડૂતોને બાકી રહેલો હિસ્સો ન મળી શકે. ખેડૂતો ઉત્પાદન ખર્ચમાં વધારો અને નજીવી ખરીદી કિંમતને કારણે ઓછી આવકને કારણે ભારે મુશ્કેલીનો સામનો કરી રહ્યા છે.

ગુજરાત કિસાન સભા તેમની વાસ્તવિક માંગણીઓના સમર્થનમાં ખેડૂતોના હસ્તાક્ષર એકત્રિત કરશે અને વહેલી તકે મુખ્યમંત્રીને આવેદનપત્ર સુપરત કરશે.

સહી/-

*અશોક ધવલે*

પ્રમુખ

*વિજુ કૃષ્ણન*

મહામંત્રી

ગુજરાત કિસાન સભા ના 15 માં રાજ્ય અધિવેશન રાજકોટ જિલ્લાના ઉપલેટામાં યોજાઈ ગયું આ એ જ કિસાન સભા છે કે જે કિસાન સભાએ દેશની આઝાદીમાં ખેડૂતે તેની જમીન મળવી જોઈએ એવો નારો બુલંદ કર્યો હતો અને દેશ આઝાદ થયા બાદ ખેત સુધારાઓ લાગુ કરવા હાજર જમીનો ખેતી મજૂરો શ્રમિકોને સાથણીમાં ખેડવા માટે આપવી જોઈએ ખેડૂતોને દેવા નાબુદી થવી જોઈએ ખેતીના નિષ્ફળ થતાં પાક ને થતા નુકસાનથી બચાવવા પાક વીમા યોજના શરૂ કરવી જોઈએ રાસાયણિક ખાતરો ખેડૂતોને મળી રહે તે માટે ઘર આંગણે ઉત્પાદન થવા જોઈએ સિંચાઈ વીજળી મનરેગા જેવા અનેક પ્રશ્નો ઉપર સમય અંતરે લડતો કરી છે સૌથી મહત્વનું ખેડૂતો ની થતી આત્મહત્યા રોકવા ની માંગ અંગે સ્વામીનાથન આયોગની રચના કરાવી તેમજ રાષ્ટ્રીય કિસાન આયોગ બનાવવા અને અને ખેડૂતોને ચાર ટકા ના વ્યાજ દરે ખેત ધિરાણ મળવું જોઈએ આ બધી માંગોને લઈને આજ દિવસ સુધી ખેડૂત ના અધિકાર માટે ન્યાય માટે આંદોલનો કરીને ખેડૂતોને હક અધિકાર અપાવ્યા છે ત્રણ કૃષિ કાનૂન હટાવવા દિલ્હીમાં ચાલેલ આંદોલનમાં પાંચ બોર્ડર ઉપર કિસાન સભા ના ખેડૂતો ધરણામાં બેઠા હતા અને આજે પણ ખેડૂતોને એમ એસ પી લઘુત્તમ ટેકાના ભાવ સ્વામીનાથન સમિતિની ભલામણ મુજબ ઉત્પાદન ખર્ચના ડોઢા ભાવ આપવા માટે ગેરેન્ટી કાયદો બનવો જોઈએ ખેડૂતોના દેવાઓ નાબૂદ થવા જોઈએ ખેડૂતોને માસિક 5000 રૂપિયા નું પેન્શન મળવું જોઈએ ખેત મજૂરોને પેન્શન મળવું જોઈએ વગેરે માંગણીને લઈને આંદોલન કરી રહ્યા છીએ ત્યારે ગુજરાતના ખેડૂતોને પોતાના અધિકાર માટે પોતાના હક માટે ન્યાય માટે કિસાન સભા ને મજબૂત બનાવવા જોડાવું જોઈએ એવી વિનંતી હું ગુજરાત કિસાન સભાના પ્રમુખ ડાયાભાઈ ગજેરા કરું છું

ગુજરાત કિસાન સવારના 15 માં રાજ્ય અધિવેશન પ્રસંગે અખિલ ભારતીય કિસાન સભા ના રાષ્ટ્રીય પ્રમુખ ડોક્ટર અશોક ધવલે માર્ગદર્શન આપવા ઉપસ્થિત રહ્યા આપ આ પ્રસંગે ક્રાંતિની વેદી પર શહીદ ભગતસિંહના વિચારો ની પુસ્તિકા નું વિતરણ અધિવેશનના પ્રતિનિધિઓને અર્પણ કરવા માં આવ્યું

Gujarat Kishan Sabha 15th Gujarat State Conference at Upleta, Rajkot... ❤️