Mizo National Front:MNF

MNF DAMPA WEST BLOCK LEADERS' MEET | RESOLUTION

Vawiin May ni 30, 2026-a MNF Dampa Block Leaders' Meet, Phulbial Community Hall, Phuldungsei-a neihah hruaitu kalkhawmte chuan MNF sorkar hun laia Dampa biala hnathawh zawh tawhte leh thawh chhunzawm mekte ṭha an ti a, a hnuaia mi ang hian lungrual takin resolution an pass :

1. West Phaileng Sports Residential School cheng nuai 3200/- chuang man, Pu Zoramthanga leh Pu Robert Romawia Royte-ten an hawng hman.
2. West Phaileng Higher Secondary School cheng nuai 200 chuang man sak zawh tawh, an luah mek.
3. Dr. Thangtea hun laiin West Phaileng Market NEC sum cheng nuai 300 chuang man sak a ni a, tunah sak zawh tep tawh a ni.
4. MNF hun laia bul tan Rawpuichhip to Sabual PMSGY kawng thawh zawh tep a ni.
5. Pukzing to Silsuri kawng, intermediate lane, MNF hun laia lo nawr tawh, tunah thawh tan mek a ni.
6. West Phailengah artificial turf phah a niin, Sports Complex siam zawh a ni.
7. MNF sorkar laia West Phaileng PHC chu CHC-a upgrade, tun sorkarah chhunzawm a ni ta lo hi pawi kan ti.
8. Marpara-ah PHC building tha taka sak puitlin a ni.
9. Phuldungseiah JJM hnuaiah Solar Pumping hmanga tui hnianghnar taka lak a ni.
10. Dampa bial khaw hrang hrangah MNF hun laiin tui hnianghnar pek tura hmalak niin khaw tam tak pek hman a ni.
11. Dampa bial khaw tam takah Basket ball leh valley ball court siam peih a ni.
12. West Phailengah Civil SDO hi a taka hnathawk thei turin sorkar hian min dahsak thuai se kan ti.
13. West Phailengah sorkar department tam tak MNF sorkar khan tha taka function theia dahin tunah thawktu an awm mumal ta lo chu a pawi kan ti hle.
14. West Phaileng leh Phuldungsei PHC-ah Doctor awm mumal lo leh, Marpara PHC, Kanhmun PHC-a thawktu indaihlohna nasa tak hi sorkar hian min chinfelsak thuai se kan ti.
15. K*m 2028 inthlana MNF a sorkar huna thalaite leh mipui mimir hamthatna tur policy and programme pawh duan fel a ni tep tawh hi lawmawm kan ti.
16. Mizote himna ngai pawimawhin, chimralna lakah kan himna turin MNF hian hma kan la zel dawn.
17. Hun kal tawha sorkar ke chheh fel lohnaah Mizoram mipui ngaihdam kan dil a. Rin ngam, hlemhletnain hmun a neih lohna tur rintlak Sorkar din ngei kan tum.
18. Dampa bial MNF mipui hian Dr R. Lalthangliana bialtu MLA hi kan ring tawk a. MNF President Pu Zoramthanga kaihhruai MNF hi kan ring tawkin k*m 2028-ah Pathian leh mipui zarah MNF a sorkar ngei kan ring bawk.

Issued by MNF GHQ Media & Publicity Department, PR No. 490/2026, dated 30th May 2026.

Mizo National Front
General Headquarters
Aizawl : Mizoram

Press Release

MNF DAMPA WEST BLOCK LEADERS' MEET NEIH A NI

May ni 30, 2026 (inrini) hian Dampa MNF West Block Leaders' Meet chu Phulbial Community Hall, Phuldungseiah neih a ni a. He hun hi bialtu MLA Dr. R. Lalthangliana, MNF Senior Vice President chuan a hmanpui. AMC-ah k*m 10 zet (term 2) a zawnin MNF kan sorkar tawh a, mipuiin ko thlak ve riha midang enchhin an duh a. Mizoram puma MNF dinhmun tilangtu a hman theih a ni lo, inenfiah leh inzirna atan tangkai takin kan hmang mek a. Hetih lai hian Dampa bial leh Zoram hmun hrang hrangah MNF zawm thar Pathianin min pek belh zel a ni, a ti.

"Tun hnaia Aizawl khawpui kawng siamna sum kha MNF dik leh huaisen rah a ni a, Contractor hnathawk thalo Court-a MNF sorkarin a khin hnehna penalty sum tlingkhawm cheng vbc 90 leh nuai 60 hmanga siam a ni. Aizawl khawpui kawng siam theihna chhan kha MNF-in Mizoram pawn thlenga huaisen taka court-a a din rah a ni. Chuvângin, Aizawl khawpui kawng thawm that hnaah hian MNF-in ZPM aiin tha kan thawh hnem zawk a, credit pawh 70% chu kan hauh ngam. MNF sorkar sum hlawhchhuah bakah, kawng siamna tur oil man atanga chhiah sang uchuak min khawn ngaihtuah chuan hei aia tha kawng neih hi kan phu hle a ni," Dr R Lalthangliana MLA chuan a ti bawk.

Vawiin hian Phuldungsei veng chung atangin INC voter 4 leh ZPM voter 4, Parvatui - voter 8, W. Phulpui - voter 2, Kawnmawi voter 2, Lallen - voter 7 leh Phuldungsei atangin voter 9, a vaiin voter 36 te chu bialtu MLA hian MNF-ah a lawmlut.

Tun kar chhung khan Dampa East Block atangin voter 43, niminah Dampa South Block atangin voter 67 nen, vawiina lawmluh thar voter 36 nen, a vaiin voter 146 zet tunkar chhung khan lawmluh thar an ni ta a ni.

He hun hi Pu F. Lalthanliana President, Dampa MNF West Block chuan a kaihruai. Hunserh chu Upa Tlangkhuma Phulbialin a hmang. Bialtu MLA Pu Lalrintluanga Sailo sun nan minute 1 ngawi renga din a ni a, MNF hruaitu bik mi 200 chuang zet an kalkhawm.

Sd/-
(R. LALHMANGAIHA)
Secretary
Media & Publicity Dept.
Mizo National Front
Memo No.490/2026
Dt.30.05.2026

Vawiina kalkhawmte hian MNF sorkar hun laia Dampa biala hnathawh zawh tawhte leh thawh thawh chhunzawm mekte tha an ti a, a hnuai a mi ang hian lungrual takin resolution an pass nghal :

1. West Phaileng Sports Residential School cheng nuai 3200/- chuang man, Pu Zoramthanga leh Pu Robert Romawia Royte-ten an hawng hman.
2. West Phaileng Higher Secondary School cheng nuai 200 chuang man sak zawh tawh, an luah mek.
3. Dr. Thangtea hun laiin West Phaileng Market NEC sum cheng nuai 300 chuang man sak a ni a, tunah sak zawh tep tawh a ni.
4. MNF hun laia bul tan Rawpuichhip to Sabual PMSGY kawng thawh zawh tep a ni.
5. Pukzing to Silsuri kawng, intermediate lane, MNF hun laia lo nawr tawh, tunah thawh tan mek a ni.
6. West Phailengah artificial turf phah a niin, Sports Complex siam zawh a ni.
7. MNF sorkar laia West Phaileng PHC chu CHC-a upgrade, tun sorkarah chhunzawm a ni ta lo hi pawi kan ti.
8. Marpara-ah PHC building tha taka sak puitlin a ni.
9. Phuldungseiah JJM hnuaiah Solar Pumping hmanga tui hnianghnar taka lak a ni.
10. Dampa bial khaw hrang hrangah MNF hun laiin tui hnianghnar pek tura hmalak niin khaw tam tak pek hman a ni.
11. Dampa bial khaw tam takah Basket ball leh valley ball court siam peih a ni.
12. West Phailengah Civil SDO hi a taka hnathawk thei turin sorkar hian min dahsak thuai se kan ti.
13. West Phailengah sorkar department tam tak MNF sorkar khan tha taka function theia dahin tunah thawktu an awm mumal ta lo chu a pawi kan ti hle.
14. West Phaileng leh Phuldungsei PHC-ah Doctor awm mumal lo leh, Marpara PHC, Kanhmun PHC-a thawktu indaihlohna nasa tak hi sorkar hian min chinfelsak thuai se kan ti.
15. K*m 2028 inthlana MNF a sorkar huna thalaite leh mipui mimir hamthatna tur policy and programme pawh duan fel a ni tep tawh hi lawmawm kan ti
16. Mizote himna ngai pawimawhin, chimralna lakah kan himna turin MNF hian hma kan la zel dawn.
17. Hun kal tawha sorkar ke chheh fel lohnaah Mizoram mipui ngaihdam kan dil a, rin ngam, hlemhletnain hmun a neih lohna tur rintlak sorkar din ngei kan tum.
18. Dampa bial MNF mipui hian Dr R. Lalthangliana bialtu MLA hi kan ring tawk a. MNF President Pu Zoramthanga kaihhruai MNF hi kan ring tawkin k*m 2028-ah Pathian leh mipui zarah MNF a sorkar ngei kan ring bawk.

"Aizawl khawpui kawng siamna sum - MNF dik leh huaisen rah | MNF Sorkarin Contractor hnathawk thalo Court-a a khin hnehna penalty sum tlingkhawm ₹ vbc 90 leh nuai 60 hmanga siam"

Dr R Lalthangliana
30th May, 2026

"Tun hnaia Aizawl khawpui kawng siamna sum kha MNF dik leh huaisen rah a ni a, Contractor hnathawk thalo MNF sorkarin Court-a a khin hnehna penalty sum tlingkhawm cheng vbc 90 leh nuai 60 hmanga siam a ni."

"Aizawl khawpui kawng siam theihna chhan kha MNF-in Mizoram pawn thlenga huaisen taka court-a a din rah a ni. Chuvângin, Aizawl khawpui kawng thawm that hnaah hian MNF-in ZPM aiin tha kan thawh hnem zawk a, credit pawh 70% chu kan hauh ngam."

"MNF sorkar sum hlawhchhuah bakah, kawng siamna tur oil man atanga chhiah sang uchuak min khawn ngaihtuah chuan hei aia tha kawng neih pawh hi kan phu hle a ni."

Read more PR-490

ZPM LEH INC ATANGA MNF ZAWM THAR VOTER 146 LAWMLUT

Vawiin May ni 30, 2026 hian Phuldungsei veng chung atangin INC voter 4 leh ZPM voter 4, Parvatui - voter 8, W. Phulpui - voter 2, Kawnmawi voter 2, Lallen - voter 7 leh Phuldungsei atangin voter 9, a vaiin voter 36 te chu bialtu MLA Dr. R. Lalthangliana, MNF Sr. Vice President chuan MNF-ah a lawmlut.

Tun kar chhung hian Dampa East Block atangin voter 43, nimin May ni 29, 2026 ah Dampa South Block atangin voter 67; vawiina lawmluh thar voter 36 nen, a vaiin voter 146 zet tunkar chhungin MNF ah lawmluh thar an ni.

'Pathian leh kan ram tan'

"PHC-a Doctor awm lo chu mipui tana thil pawi thlen thei a ni. Mipui hriselna lam hi chu Sorkar pawhin ngaihven rang rawh se"

Dr. R. Lalthangliana
MLA, 2-Dampa A/C

"Marpara PHC, Kanghmun PHC, West Phaileng PHC leh Phuldungsei PHC a thawktu Staff indaihlohna nasa tak awm hi pawi ka ti a. West Phaileng PHC leh Phuldungsei PHC-a Doctor awm lo chu mipui tana thil pawi thlen thei a ni bawk a, mipui hriselna lam hi chu sorkar pawhin ngaihven rang rawh se."

"MNF Sorkar laia Health Clinic 235 zet thingtlang khaw kilkhawra kan din tawh tun Sorkarah a lo tawp ta te hi a pawi em em a. Sorkar pawhin ennawn leh hram rawh se."

MNF PR No. 488
29th May, 2026

Mizo National Front
General Headquarters
Mizoram : Aizawl

Press Release

CBI-IN LENGPUI SCAM AN CHHUI ṬAN MEK: LALCHHANDAMA RALTE

Vawiin May 29, 2026 hian Lungkawlh Community Hall-ah Hrangturzo East Block MNF Conference neih a ni a. Khuallian Pu Lalchhandama Ralte, LoP & MNF Vice President chuan thusawiin, tunhnai inthlan tum li awm tawhah 3-1 kan chak a, 4-0 a nih loh chhan chu kan chapo lohna tura Pathian remruat a ni, a ti a. Hnam party-a rinawm tlat turin kalkhawmte a sawm a ni.

"MNF chuan Zoram pumah block 60 vel kan nei a, opposition ni chunga block conference nei ngam ngat Hrangturzo biala MNF mipui tam tak kan kalkhawm thei hi a ropui hle," a ti a. "Report aṭanga kan ngaihthlak, he bial chhungah party danga min bazar santu an awm lote hi a ropui lehzual a, kan party hian par a la chhuang leh ngei dawn a ni," a ti.

"Kan party hian k*m 65-na kan hmang mek a, harsatna tam tak a paltlang tawh. Thlipuiin min nuai ṭhin, chauh chang nei mah ila, vawiin thlengin Pathianin min hruai a. Mizoramin a chanvo a channa tura beitu hnam martar neitute hian chaw dang ral mai mai um a, hnam party hi chhuahsan lo turin ka sawm che u a ni."

MNF Vice President chuan, AMC inthlanpui result avangin kan lunghnur deuh a ti a. "AMC inthlan (ZPM MLA-te bial vek)-ah khan che ṭha lo angin lang mah ila, mithiam leh chik mite chuan MNF vote share aṭanga tehin hma kan sawn tih an hmu. Tin, tunhnaiah, inthlan lian tham kan neih tawhah 3-1 kan chak a. 4-0 a nih loh chhan chu Pathianin kan chapo a hlauh vang a ni. K*m 2028 MLA inthlanpuia chak ngei turin beka thlantui luang zawih zawihin kan thawk zel ang."

Tun sorkar hotute hi an mu tui lo ṭan mai thei tih sawiin Pu Chhantea chuan, "CBI-ten Lengpui scam chhui turin document an la khawm mek a ni," a ti a. "Unnati loan leh Ekta Mall-te, MZP-te dodal mek pension tawh rawih nawn chungchangte hian ZPM chhungkaw boruak a nghawng hle a. Chapo thei miah lo dinhmuna kan awm hi hrehawm tih nan hman tur a ni lo."

"Kan hotuten policy leh program an duang mek. Tunah hian kuthnathawktu te, thalai te tan programme kan duang mek a, kan la puang chhuak thuai dawn, a ti a. MNF sorkar liam ta khan sikul 180 sorkarah kan senglut (provincialised) a. K*m 2 leh a chanve chhung zirchian nan hun kan hmang an ti a. School 180 zinga 51 chauh Provincialise atan an pawm a. Rilru na takin school 129-te chu dinhmun hniam zawkah an lettir leh a ni. Khawtlang, nu leh pa rilru hliamin an siam tam hle a. Heng School an pawm tak lohte hi kan sorkar leh hunah dinhmun sang zawka kan lo dah tawh angin, hmalak zui kan tum lehnghal ang," a ti.

He hunah hian Pu Lalremruata Chhangte, GS MNF GHQ pawhin thu a sawi a. Pu B. Vanlalfinga, President, Hrangturzo East Block-in a kaihruai a. East Block Secretary Pu Zosangzuala'n report a pe a. Pu B. Lalruatsanga, Block Vice President-in lawmthu sawina hun a hmang bawk.

Pu Chhantea hi MNF GHQ General Secretary, Secretary, Joint Secretary engemaw zatin an tawiawm a. Conference-ah hian Hrangturzo bial chhunga Block, Group, Unit atangin palai tam tak an tel a ni.

Sd/-
(LALṬHAKIMA)
Joint Secretary
Media & Publicity Department
Mizo National Front
Memo No. 489/2026
Dt.29.05.2026

Mizo National Front
General Headquarters
Aizawl : Mizoram

Press Release

ZALENNA SUALTU LEH NUNNA HLANTU MARTAR-TE TUN HNUAH A NEP ZAWNGA SAWI TUM POLITICIAN INTI AN LO CHHUAK MEK : DR. THANGTEA

Vawiin May ni 29, 2026 (Zirtawpni) hian Marpara North Community Hall-ah Dampa MNF South Block intawhkhawmna neih a ni a. Bialtu MLA Dr. R. Lalthangliana chuan he hun hi a hmanpui.

MNF Senior Vice President Dr R. Lalthangliana chuan MNF kalphung leh chet lak dan herrem hret a tul tawh thu sawiin, MNF party inghahna Lungphum 'Mizo Nationalism' erawh a nghing thianglo a, tûnlai finna leh thiamna thar hmanga insawh nghet zel tur an nih thu a sawi.

Hnam tlem leh hnufual kan nih remchanga hmanga min rahbeh tumtute laka zalenna sualtu leh nunna hlu tak hlantu martar-te kha tun hnuah a nep zawnga sawi tum politician inti an lo chhuak mek a, dinhmun tha zawk neia khaw eng kan hmuh theihna tura beihna zo zaite kha thil tullo tawpa chhuah tum ṭalh an awm ta chu pawi a tih thu a sawi. "Hetiang zirtirna diklo leh politics bawlhhlawh hi huaisen taka dovin kan hnualsuat hle tur a ni. Chuvângin, Mizoram Independence puan k*m 60-na pawh kan hmang mek a ni. MNF hi Mizoramah political party upa ber kan ni ta a, hruaitute pawhin tunlai thiamna leh finna nena kan khawsak thiam a pawimawh hle tawh a ni," a ti.

Dr. R. Lalthangliana, Former Health Minister chuan MLA Pu Lalrintluanga Sailo (L) hun lai, MNF sorkar lai atanga an lo nawr tawh, nasa taka hma an lak hnuin, West Phaileng to Marpara inkalpawhna kawng pui tha thawh zawh mek a ni chu lawmawm a ti a, MNF sorkar laia Central lama kan nawr thin, tuna hlawhtling ta Pukzing to Silsuri inkar kawng cheng Vbc 90 lai senna tur pawh tunah thawh tan tura tih a ni chu lawmawm a tih thu a sawi bawk a ni. MNF hun laia sak tan Marpara PHC building tha tak sak zawh a ni chu lawmawm a ti a, chutih rualin Marpara PHC, Kanghmun PHC, West Phaileng PHC leh Phuldungsei PHC a thawktu staffs-te indaihlohna nasa tak awm chu pawi a ti a, West Phaileng PHC leh Phuldungsei PHC-a Doctor awm lo chu mipui tana thil pawi thlen thei a ni bawk a, mipui hriselna lam hi chu sorkar pawhin ngaihven rang se a duh thu a sawi. Dr.Thangtea chuan MNF sorkar laia Health Clinic 235 zet thingtlang khaw kilkhawra an din tawh tun sorkarah a lo tawp ta chu pawi a tih thu leh sorkar pawhin ennawn leh hram se a duh thu a sawi bawk.

Party hrang hrang atangin MNF Senior Vice President chuan Silsuri West atangin voter 30, Hnahva atangin voter 20, Bikabekia atangin voter -7, Marpara North atangin voter 10, a vaiin voter 67 chu MNF-ah a lawmlut nghal bawk.

Vawiin meeting-ah hian Pu Lalhlupuia (65), President MJA, Champhai District, MNF GHQ-a NEM ni bawk, tukina vanduaithlak taka chatuan ram pan ta chu an ui thu an sawi bawk.

Sd/-
(R. LALHMANGAIHA)
Secretary
Media & Publicity Deptt.
Mizo National Front
Memo No.488/2026
Dt.29.05.2026

Mizo National Front
General Headquarters
Mizoram : Aizawl

Press Release

MNF nih hi a nuam ka tiin, ka tuiin, ka nghet tawlh tawlh a ni.
• Prova Chakma, MLA, Adviser, MNF GHQ.

Vawiin ni 29, May 2026, zirtawpni hian Mizo Hnamrunah Chhung Inkhawm neih a ni a, Pi Prova Chakma, MLA chuan thusawiin, MNF nih hi a nuam ka tiin, ka tuiin, ka nghet tawlh tawlh a ni. Theihtawp chhuahin bei zel ila, hnehna kan la chang leh ngei ngei ang, a ti. MNF thawhsa hmanga ZPM hnathawh anga puanzar leh lantir kawngah kan sawrkar hi an tha a chak hle a, mahse mipuiin thudik an hre fiah zel tho a ni, a ti bawk.

ZPM chu thu veivir kawngah nasa taka tan la thin an nih thu sawiin, hmanni lawka a bial, West Tuipui-a MNF Ministry in sum a lo ruahman sa hmanga Damdawi In sak thar hawnnaa Minister a tawiawm pawh ZPM a lut tur anga an sawi duh thu sawiin, hetiang thu veivir hi a tlo lo a, thudik chu a lo lang chhuak leh zel tho a ni, a ti. Rajya Sabha MP thlan turah pawh ZPM chhungkuaah chuan inchuhna a nasa hle niin a lang a, MLA ni lai zinga thenkhat, din inbeisei a hmuh thu sawiin, an chhungkaw boruak hi a hrisello hle nia a hriat thu Pi Prova chuan a sawi bawk.

MNF Adviser, Pi Prova MLA chuan, Mizoram hi "Corridor of Drugs" tia sawi hial a ni tawh a, ruihhloa sumdawng leh ti thinte an hluar em em mai hi a pawi tak zet a, kan rama bu khuar mek tihrem kawnga nasa lehzuala hma la turin kan sawrkar hi ka ngen a ni, a ti bawk.

ZPM sawrkar hi enchhin sawrkar kal mek a ni a, thudiklo leh belhchian dawllo an sawi pawh hi ngaihhnathiamna thui tak mipuiin an la nei niin a lang a, hun a kal zel anga, an term an hman zawh meuh chuan an nihna dik tak hi mipuiin ngaihdan siam nan an hmang tawh anga, duhthlan dang an la nei ngei dawn a ni, a ti bawk.

Chhung inkhawmah hian vawiina boral, Pu Lalhlupuia (1960 - 2026) N.E.M, MNF GHQ & President, MJA, Champhai Distrist sunna hun hman a ni a, amah uizia leh hriat reng nan minute khat ngawi renga din a ni.

Chhung Inkhawm hi Pi Lalhmangaihzuali, General Secretary, MNWF in a kaihruai a, Pi Lalramengi, Secretary, MNWF in hunserh hmangin, Lalramchana'n zaiin kalkhawmte thiam takin a awi a ni.

Sd/-
(LALTHAKIMA)
Joint Secretary
Media & Publicity Deptt.
Mizo National Front
No. 487/2026
Dt.29.05.2026

"CBI te'n Lengpui Scam chhui turin document an lakhawm mek!"

Pu Lalchhandama Ralte
Vice President, MNF

"Tun Sorkar hotute hi an mu tui lo ṭan mai thei. CBI te'n Lengpui Scam chhui turin document an la khawm mek a ni. Unnati Loan leh Ekta Mall te, MZP te dodal mek pension tawh rawih nawn chungchangte hian ZPM chhungkaw boruak a nghawng hle a ni."

29th May, 2026
MNF PR No. 489

"ZPM Sorkarin provincialise tura School an pawm tak loh, dinhmun hniam zawkah rilru na taka an let tir leh te hi MNF Sorkar leh hunah dinhmun sang zawka kan lo dah tawh angin, hmalak zui kan tum lehnghal ang"

LALCHHANDAMA RALTE
Vice President, MNF
29th May, 2026
(MNF PR No. 489)