Mizoram State Legal Services Authority

HON’BLE Mr. JUSTICE ASHUTOSH KUMAR, CHIEF JUSTICE, GAUHATI HIGH COURT-IN MULTI UTILITY VAN A VAILIAM
Vawiin November ni 3, 2025(Thawhtanni) hian Mr. Justice Ashutosh K*mar, Chief Justice of Gauhati High Court leh Patron-in-Chief Mizoram State Legal Services Authority ni bawk chuan Mizoram State Legal Services Authority leh District Legal Services Authority-te tan Multi Utility Vehicle a vailiam (Flag Off) a, he programme leh motor hlanna hun hi Gauhati High Court, Aizawl Bench-ah hman a ni.
He hunah hian Justice Michael Zothankhuma, Judge, Gauhati High Court leh Justice Nelson Sailo, Judge, Gauhati High Court leh Executive Chairman, Mizoram State Legal Authority ni bawk chuan an hmanpui a. Justice Nelson Sailo chuan kalkhawmte hnenah lawmthu sawiin, Legal Services Authority ten Mizoram khaw hrang hrang leh hmun hrang hranga Awareness Programme neihna atan te, Outreach neihna atan te leh Mobile Lok Adalat neihna atan te motor an mamawhna asan zia thu a sawi bawk.
Chief Justice chuan heng Legal Service programme hrang hrang neihna atana motor thar neih a ni hi lawmawm a tih thu sawiin Multi Utility Vehicle hi mipui mimir a tam thei ang berin an dikna chanvo mahni kawtkai ngeia (Justice at the door step) an hmuh theihna nan leh an hamthatna an hmuh zel theihna atan tangkai taka hman anih ngei theih nan Legal Services Authority-te a chah.
K*m 2020 - 2025 chhung hian Mizoram SLSA leh District Legal Services Authority-ten Awareness hi hmun 960 ah neiin mi 397484-in hamthatna an lo dawng tawh a, Outreach hi vawi 764 neiin mi 85161 ten hamthatna an dawng a. Mobile Lok Adalat hi vawi 9 neih niin mi 711-in hamthatna an hmu bawk. Multi Utility Vehicle hi District Legal Services Authority Secretary theuhte k*tah hlan a ni.

Office hnathawh zawh lamah rilru leh taksa in lak fitna hun kan hmang ve e

Dt 25th July 2025 hian BDO Conference Hall, Reiek ah State Legal Services Authority (SLSA) leh Women & Child Development (WCD) te tangkawpin, Training of Nyaya Sakhis on Laws Related to Women buatsaih a ni a, he hun hi Pi Betty Lalrinfeli MCS, BDO Reiek chuan a hmanpui a ni. Reiek Block chhunga khaw pathum (3) - Reiek, Rawpuichhip leh Kanghmun khuaa, Nari Adalat (Women’s Court) hnuaia Nyaya Sakhis te training pek an ni.

Nari Adalat-in a tum ber chu hmeichhiate’n an harsatna tawh hrang hrangte, Court leh rorelna sang zawk thleng kher lo a, Gram Panchayat /Village Council level-a inbiakna, inremsiamna, rang tak leh man tlawm zawk lo siam sak/ lo neihpui hi a ni. Hmeichhiate puala pawl awm te dikna, chanvo, khawtlang nun siam thatna leh Bana kaih (Handholding) Policy chungchanga Awareness platform atan pawh hman theih a ni.

Nari Adalat hi Aspirational District ah bul tan phawt tura ruahman niin, Mizoram ah chuan Mamit District-a Block 3, Reiek, West Phaileng leh Zawlnuam Block atanga thlanchhuah khaw 10 ah din phawt a ni. Reiek Block ah hian Training neih hmasak ber niin, khaw thlanchhuah pathum atanga Nari Adalat member ruatte hi Nyaya Sakhis vuah an ni a, khaw thlan chhuahte atang hian mi pasarih (7), VC member, NGO hruaitu, khawtlanga mi hmingtha, zirtirtu leh SHG lama hruaitute atangin thlan chhuah an ni.

He hunah hian WCD hnuaia Hmeichhiate hamthatna tur leh humhalhna Scheme hrang hrang awm te in hrilhhriatna hun neih a nih bakah Dan hnuaia Hmeichhiate dikna chanvo in hrilh hriatna hun neih a ni bawk a. Nari Adalat chungchang, an hnathawh tur leh an thuneih dan chin tur in zirtirna bakah tihchhin (practical) na hunte hman a ni a, Nyaya Sakhi te lehkha pawimawh vawn dan leh File enkawl dan te zirtirna hun neih a ni bawk a, sawihona leh zawhna hunte hmangin, he hun hi khar a ni ta a ni.

Launching Programme of SOP for Dealing Cases under ND&PS Act
-cum-
Training of Trainers neih a ni

July 3, 2025 khan Mizoram State Legal Services Authority bul tumin Bi- lingual Standard Operating Procedure and Flowchart under the ND&PS Act, 1985 tlangzarhna hun an hmang.

He hun hi Justice Michael Zothankhuma, Judge, Gauhati High Court & Executive Chairman, Mizoram SLSA, Justice Nelson Sailo, Judge, Gauhati High Court & Chairman, High Court Legal Services Committee, Gauhati High Court, Aizawl Bench leh Justice Marli Vankung, Judge, Gauhati High Court ten an hmanpui.

He hunah hian Pu Vincent Lalrokima, MJS, Member Secretary, Mizoram State Legal Services Authority chuan kalkhawmte hnenah he programme hman chhan anih leh thil tumte a sawiin dan kengkawhtuten ruihhlo laka pawikhawihtute an manin dan ang taka hrem an nih theih nan SOP leh Flow Chart hi buatsaih a nih thu a sawi a.

Pu Lalngaihmawia Zote, MJS, Addl. District & Sessions Judge, Aizawl chuan ND&PS Act anga mante chungchanga hmalak dan tur - SOP leh Flowchart buatsaih a nih dan leh a thu keng tlangpuite a sawifiah.

Justice Marli Vankung chuan ND&PS case tamna chhan chu kan duham vang a nih thu a sawi a, hei hian mihring leh khawtlang nun a tihchhiat thu a sawi bawk.

Justice Michael Zothankhuma chuan kan ramah ruihhlo a tamzia te, Jail-ah a leng tur zat aia tam indah luh a nih thu te, kan velah ruihtheihthil hmuh theih maia a awm tam tawhzia te sawiin hetiang renga kan ram hi a kal a nih chuan kan ram hian chhiatna nasa tak a hmachhawn dawn thu te leh ruihhlo man a nih a, thil tisualtute dan ang taka hrem a nih theihna tura SOP duangtute an fakawm thute a sawi a. SOP hi tangkai taka hman a nih ngei a beisei thu a sawi bawk.

SOP tlangzarhna hun hman a nih hnuah Pu Lalrinpuia Varte, SP, Narcotics leh Pu Peter Zohmingthanga, Joint Commissioner, Excise & Narcotics Department kaihhruaina hnuaia Training of Trainers neih niin, he Training of Trainers hunah hian Pu. HT Lalmawizuala, Civil Judge-Cum- JMFC in zirtirna hun a pe bawk.

He programme-ah hian Mizoram Judicial Services, Mizoram Bar Association, Police Department, Excise and Narcotics Department, Custom Department atangin mi thahnem tak an tel.

Observance of International day of Yoga

Yoga for one Earth, One Health

Zanin dar 8 ah Zonet Bawhbel ah leh LPS-10 ah en theih a ni dawn e

26.3.2025 : Vawiin khan Mizoram State Legal Services Authority leh Women and Child Development tangkawpin Dawrpui Multipurpose Hall, Aizawl-ah Training of Trainers for ICC, LCC, District and Nodal Officers under PoSH Act, 2013 an buatsaih a, he hunah hian Hon’ble Mr. Justice Nelson Sailo, Judge, Gauhati High Court and Chairman, High Court Legal Services Committee, Gauhati High Court, Aizawl Bench chu Khuallian a ni.
Justice Nelson Sailo chuan, “Hmeichhia leh naupangte tana himna leh tihchakna chungchang hi mi zawng zawng nghawngtu a ni a, sorkar pawl, dan lama thuneitute, civil society, leh stake holder zawng zawngte thawhhona a ngai a. POSH Act leh thawhhona tha tak takte hi kawng dik zawh tura hmalakna pawimawh tak a ni a, mahse inthlak danglamna siam tur chuan fimkhur reng a ngai tih hi kan hloh tur a ni lo. Nodal Officer, Local & Internal Complaint Committee (LCC) member-te, hnathawh tur tha zawk hlenchhuah theihna tura thiamna leh hriatna mamawh te kan tihchak hian khawtlang chak zawk leh chhe thei lo zawk siam dawn a ni.
Pu Vincent Lalrokima, MJS, Member Secretary, Mizoram State Legal Services Authority chuan “Mizoram State Legal Services Authority chuan mi zawng zawngin dikna chanvo a neih theih nan, a bik takin harsatna tawk berte tan pawh rorelna dik a awm theih hi a tum tlat a ni. Legal Services Authority hnathawhna kawng pawimawh tak pakhat chu hmeichhia leh naupangte humhalhna atana dan siam—POSH Act ang chi—te chu level tina hriatthiam, zah leh tihpuitlin a nih theih nan hmalak hi a ni a.
Training-ah hian Aizawl District chhunga Department hrang hrang Office atang te, Zirna In leh Pawl hrang hrang atangin aiawh mi engemaw zat an tel.
Training hi Pi Zonunpari. Jt. Director, Women and Child Development-in a kaihruai a, Resource Persons – Pi Lalfamkimi, Advocate, Pu T. Lalnunsiama, Advocate leh Pi Flora Laltanpuii, DD(W) & SNO (PoSH Act) ten Training an pe.

February 13, 2025 khan Mizoram State Legal Services Authority leh Legal Cell, Govt. Aizawl College- te tangkawpin Special Campaign on Public Education on Environment Protection & Conservation Laws, Climate Change & Sustainable Practice tih thupui hmangin hun hman a ni.

He hunah hian Pu Lalbiakzuala, Principal, Govt. Aizawl College in a kaihruai a, Justice Michael Zothankhuma, Judge, Gauhati High Court leh Executive Chairman, Mizoram State Legal Services Authority ni bawk chu khuallian niin he hun hi a hmanpui.
Khuallian Justice Michael Zothankhuma’n thusawina hun neiin kan s*k leh sa danglam chak lutuk hi nungcha, thing leh mau tih chereu nasat vang ani tih leh ramngaw tih chhiat nasat anih tawh zia te a sawi a, kan leilung humhalh a hmala zel turin Mizoram mipuite kan pawimawh zia leh zirlaite hian thing leh mau leh ramngaw humhalh chungchang a tam thei ang ber ke pen a thehdarh turin a ngen bawk.

He huna atan Resource Person, Pu Vanlalhrima, General Secretary, MENCO chuan Concept of Environment Protection tih thupui hmangin khuallian thusawite chhunzawmin zirtirna hun a hmang.

Pu Vanlalhrima hian thing leh mau chereu nasat avanga nungcha mai bakah boruak inthlak danglam chungchangah nghawng a neih nasat zia sawiin kan leilungte humhalh anih loh chuan Mizoram mipuiten tui in tur lakna kawngah kan la tuar dawn chauh ani ati. Kan ramngaw humhalh kawngah hian mitin ten mawhphurhna kan nei theuh ani ati bawk.

Zawhna leh chhanna hun hman zawh a nih hnu in, Pu Vincent Lalrokima, MJS, Member Secretary, Mizoram SLSA chuan zirlai leh zirtirtu kalkhawmte hnenah lawmthu sawiin hun hi tih tawp a ni.

National Voters’ Day : National Voter’s Day January ni 25, 2025 hi Inrinni anih avangin Voters Day hi vawiin ni 27.01.2025 (Thawhtanni) hian Mizoram State Legal Services Authority leh Department of Political Science and Legal & Counselling Cell, Govt. Aizawl North College tangkawp chuan Aizawl North College Conference Hall-ah hun an hmang.

He hun hi Pi C. Lalnunpuii, Associate Professor chuan kaihruaiin, Professor S. Haukhanlian Mate, Principal, Govt. Aizawl North College chuan kalkhawmte lawmna thu a sawi. Pu Vincent Lalrokima, MJS, Member Secretary, Mizoram State Legal Services Authority chuan legal services authority kalphung leh hnathawh tlangpuite sawiin, Legal Services Authorities Act, 1987 angin India ram State leh UT zawng zawngah Legal Services Authority hi din a nih thu te, Legal Services Authority hian harsatna avanga Ukil ruai thei lote tan Ukil a rawihsak thin thu te, awlsam zawka thubuai chinfel a nih theih nan Lok Adalat a buatsaih thin thu te, mipuiten dan an hriat theih nan awareness programme a buatsaih thin thute sawiin tanpui ngaite tan Legal Services Authority Office hi pan theih reng a nih thu a sawi bawk.
Resource Person Pu T. Lalnunsiama, Advocate chuan Legal Obligation for Youth Toward the Nation tih thupuia hmangin thu a sawi a, Resource person in thu a sawi zawh hian zawhna leh chhanna hun hlawk taka hman a ni a, Dr. H. Laldinmawia, Associate Professor-in Vote of Thanks sawiin he hun hi tihtawp a ni.

January 11, 2025 khan Hon’ble Justice Vijay Bishnoy, Chief Justice of Gauhati High Court, leh Patron-in -Chief, Mizoram State Legal Services Authority (SLSA) nibawk chuan District Jail Lawngtlai tlawhin ‘ Special Campaign for Old Prisoners & Terminally Ill Prisoners & Skill Development’ a hmanpui a.

Justice Michael Zothankhuma, Judge, Gauhati High Court, leh Executive Chairman, Mizoram State Legal Services Authority (SLSA) nibawk chuan Chief Justice hi a tawiawm.

Hon’ble Justice Vijay Bishnoy chuan mitin tana rorelna dik awm turin National, State leh District -a Legal Services Authority ten kawng hrang hranga hma an lak thin thu sawiin, Legal Aid Program - chu a laimu leh pawimawh ber zing a mi a ni, a ti. Chief Justice chuan India rama Jail zawng zawngah ‘Skill Development and Enhancement Programme’ kalpui a nih tawh thu tarlangin, hei hian a tum ber chu Jail tangten eizawnna tlak thiamna an neih bakah Jail atanga an chhuah hun a, nunphung pangai a an khawsak theihna tur a ni, a ti. Mizoramah he campaign tha leh fel fai taka kalpui a nih avanga Jail tang mek leh chhuak tawh ten hlawkna tam tak an hmuh kawngah Mizoram SLSA leh DLSA hnathawh fakawm a tih thu a tarlang.

Justice Michael Zothankhuma, Judge, Gauhati High Court, leh Executive Chairman, Mizoram State Legal Services Authority (SLSA) nibawk chuan thu tawi sawina a nei a. Mizoram chhunga Jail hrang hrangah inenkawlna felfai tak kalpui a ni, a ti a. Jail tangten k*t themthiamna an neih theihna tura program chi hrang hrang kalpui thin a nih thu a tarlang. A bik takin Central Jail, Aizawlah Huan/thlai enkawl, vawk leh Ar vulh, Sam meh, Carpentry, Computer zirna leh a dangte kalpui mek a ni tiin, Skill Development chu chak zawk a kalpui zel a nih tur thu a sawi.
‘Special Campaign for Old Prisoners & Terminally Ill Prisoners & Skill Development’ District Jail, Lawngtlaia neih ah hian Pu Cheemala Siva Gopal Reddy, IAS, District bawrhsap chuan kalkhawmte lawmna thu sawiin, sawrkar Head of Department -te an tel kim tha hle a. Pu Vincent Lalrokima, Member Secretary, Mizoram State Legal Services Authority, chuan lawmthu sawina neiin hun a khar

HOME TLAWH

21.12.2024 : Vawiin khan Hon’ble Mr. Justice Michael Zothankhuma, Judge, Gauhati High Court and Executive Chairman, Mizoram State Legal Services Authority chuan TNT, Muanna Veng a tlawh.

He programme hi National Legal Services Authority Scheme pahnih NALSA (Child Friendly Legal Services to Children and their Protection)Scheme, 2024 leh NALSA (Legal Services to Senior Citizens) Scheme, 2016 angin neih a ni a.

Justice Michael Zothankhuma chuan TNT-a ward hrang hrang fang kualin TNT-a awm mekte hnenah an dikna chanvo te leh an tana hamthatna awm thei chungchangte hrilhin; tanpui an ngaih hun apiangah Legal Services Authority chu anmahni tanpui turin a inpeih reng thu a sawi

Krismas Chibai bukna atan Mizoram SLSA chuan thilpek a hlan a. Justice Michael Zothankhuma hi Mizoram State Legal Services Authority Member Secretary leh thawktu dangten an tawiawm.