Sipmiu - Aizawl

*SIPMIU HNA CHUNGCHANGA HRIATTIRNA LEH NGENNA*

SIPMIU (NERCCDIP) chuan Aizawl khawpui chhung tihhmasawnna turin nasa takin hma a la mek zel a, tunah hian kan Project lian tak pakhat, Aizawl Water Supply Project (Augmentation of Water Supply & Construction of 37 MLD Water Treatment Plant) chu kalpui mek zel a ni. He tui thianghlim lakna hmunpui (Tlawng leh Setlak in finna) atanga Laipuitlang tuizem lian chawm tur hian pipe lian (Rising/Pumping Main) 700 mm dia a lian phum a ngai a. He pipe phum hna hi a tam zawk zawh fel tawh a ni.

*Deputy Commissioner, Aizawl District leh Chanmari West Local Council hriatpuina leh phalnain* vawiin (June 25, 2021, Zirtawpni) atang hian Chanmari West vengchhungah he pipe phum hna hi thawh tan tur a ni a - *Damdiai Meat Shop bula step chhuah atanga Axis Bank, Chanmari panna step tan tir thleng thawh tum a ni*. Aizawl Traffic Police te nen tang hovin kawngpui hi hnathawh chhung a *Full Road Block* buatsaih tur a ruahman a ni bawk.

*Tunlai hrileng vangin kan hnathawkteah “Covid Appropriate Behaviour (CAB)” ken kawh tum a ni a, hemi a nih avang hian vengchhung mipuite pawhin kan hnathawkte lo hnaih lo hram turin kan in ngen e.* Hnathawh hun chhung hian vengchhung mimal leh chhungkua te’n dawhthei taka min lo tawiawm turin kan in ngen a, tin, vengchhung mipuite tana harsatna lian tham thleng lo turin ruahmanna siam a ni bawk e.

Rawlhkhawlhna emaw he hna chungchanga harsatna nei te chuan veng hruaitute biak pawh theih reng an ni a. Tin, a hnuaia phone number tarlanah hian SIPMIU hnathawktute biak pawh theih reng an ni e.

1. C. Hmingthanhawla, Asst. Engineer – 9862580106.
2. K. Ramdinsanga, Junior Engineer – 8259946469.
3. Gracy L. Tochhawng, DSMC –ARE 9863386904.
4. Dorothy Laldinpuii, SDO – 9862538566.
5. Lalramliana Varte, PRO – 8414053105.

Sd/-
Program Director
SIPMIU (NERCCDIP)

Hriattirna: SWM Centre a thawkte Krismas leh Kumthar chawlh tur chungchang.

Aizawl Tleirawl Thianho ten Solid Waste Management Centre, Tuirial a thawk te tan thawmhnaw mawi leh tha tak tak an rawn present a, an chunga kan lawm tak zet zet a ni

AIZAWL KHAWPUI-A TUI SEMDARHNA PIPELINE (DISTRIBUTION NETWORK & FEEDER MAINS) TIH LENNA HNA CHAK TAKIN THAWH MEK ZEL A NI.

Aizawl khawpui-ah mihring kan pung zel a, kan tuilak semdarhna (distribution network & feeder mains)neih sa ten min dawl zo tawh lo hle a, chuvangin SIPMIU chuan veng hrang hrang a cheng ten tui inkhairual taka semdarhna tur project neiin Water Distribution network pipeline phum hna a thawk mek zel a ni.

He distribution network & feeder mains pipe phum project hnuaiah hian Project Tranche 2&3 belhkhawmin 360 kms lai Aizawl khawpui vet chhuak a pipe phum hna thawh mek a ni a, hna hi 90% chuang tunah hian khawih zawh tawh niin, mipui te chhawr theih tura zawh tawh chin te chu PHED hnenah hlanchhawn zel niin hman tangkai nghal zel a ni.

Vawiin 2nd December, 2020 khan Ramhlun North leh College veng ah Public Consultation Meeting neih a ni a, Laipuitang-ah tui lakluhna (pumping main inlet) hnathawh tur en hona neih a ni bawk. SIPMIU chuan veng hrang hrang a mipui te, Local Council te, PHE, PWD, BSNL, Traffic Police tenen khawpui hmasawna tura kan thawhhonaah lawmthu a sawi a ni.

132/33 KV Dedicated Power Supply hnathawh zawh tep tawh a ni

132/33 Kv sub-station, Dihmunzawl hi Aizawl khawpui tuilakna hnar ber Greater Aizawl Water Supply System Phase I&II in (a hranpa a kawlphetha chawmtu) dedicated power supply a neih theihna atan a sak a ni a, tunah hian Dihmunzawla PHED tuilakna hmun hi 33 Kv line Luangmual sub-station atanga chawm mek a niin, mipui chawmtu transformer nen hman pawlh a nih avangin power supply ah harsatna a awm thin a. Chuvangin duh hun hunah tui pump a remchang thin lo a ni, he harsatna sukiang tur hian Sub-station thar sak a Dihmunzawl chauh chawmtu tur neih a lo tul ta a, SIPMIU hnuaia 132/32kv substation Dihmunzawl hi sak a ni ta a ni.

He sub-station sak hna hi sak zawh thawkhat tawh niin, tunah hian transmission line hna khawih mek a ni a. Dihmunzawl a power supply pawh luhna tur hi Luangmual sub-station atanga lak tur ruahman a ni a, a hlat zawng hi 4.3 kms niin transmission power 20 a awm bawk a ni. Tun dinhmun ah transmission tower te phun zawh vek tawh a niin hruipui thlun hna thawh mek a ni a, tunah hian Tower No. 5A-6 inkar thawh hma bak mek a ni.

Hmun awih leh kham tak tak a tam avangin phai ram angin tower te hi phun zung zung theih a ni ve lo a, hemi a nih avang hian transmission tower te hi a hranpa a design manufacture a ni.Transmission line hi 90% zawh tawh a ni a, harsatna a awm loh chuan transmission line hruipui thlun hna hi zawh thuai theih beisei a ni. Aizawl khawpui tan hmasawnna mel lung pawimawh tak a ni dawn a ni.

Invitation for Submission of Expression of Interest (EOI) for Recruitment of Consulting Firm (International) as Project Planning, Design and Management Consultant (PPDMC)

For more details:

Invitation for Submission of Expression of Interest (EOI) for Recruitment of Consulting Firm (International) as Project Planning, Design and Management Consultant (PPDMC) – SIPMIU Invitation for Submission of Expression of Interest (EOI) for Recruitment of Consulting Firm (International) as Project Planning, Design and Management Consultant (PPDMC) Posted on November 28, 2020November 28, 2020 Project Implementation Unit Department, Government of Mizoram (ADB Assisted – PRF ...

Vawiin ni 20.10.2020 (Thawhlehni) khan AMC leh Health Department leh SIPMIU te thawhhonain SWM Centre program pawimawh tak chhawng hnih aruala kalpui a ni a, chungte chu -Garbage Vehicle Driver leh Helper zawng zawng te leh SWM centre a thawktu te leh AMC enkawl Dumping site a thawktu zawng zawng te Medical/Health checkup neih a ni a. RAT neih vek nghal a ni a, result ah hian Covid positive an awm lo a ni. Avaia checkup hi mi 200 bawr vel a ni.

Hemi bakah Aizawla Local Council veng 26 segregation a taka la kalpui ve lo awmchhun te Centre fanpui an ni a. SWM Rules 2016 in a phut anga bawlhhlawh thliarhran a tul dan te, dan kan zawm ngei ngei a ngaih chhan te leh SWM centre inrelbawldan te inhrilh hriat a nih hnuah Centre hmunhma te fan kualpui nghal a ni.

https://youtu.be/sIas14QRfNI

TUIRIALA BAWLHHLAWH PAIH DAN THAR ZORAM KALSIAM: TUIRIALA BAWLHHLAWH PAIH DAN THAR The official youtube channel of Zonet Cable TV Pvt. Ltd. Follow us: Instagram : https://www.instagram.com/zo...

Hripui (Covid-19) in nunphung nasa takin a nghawng mek laiin Aizawl khawpui a Bawlhhlawh te mumal zawk a senghawi leh sawngbawl chhunzawm zel a ngai a. Resource Centre Tuirial a hnathawk ten fimkhur tak in Personal Protective Equipment (PPE) nen khawpui bawlhhlawh te an sawngbawl (manual segregation) thin a ni.