Labour Employment Skill Development and Entrepreneurship Department

LESDE Department chuan Ni 25, March, 2025 hian ICFAI University nen tang kawpin One Day Skill Developmemt Conclave a buatsaih dawn a. He conclave hi a duh apiang in rawn chhim ve turin kan in sawm e.

#

Labour Employment Skill Development and Entrepreneurship Department

LESDE DEPARTMENT LEH JACEEX VENTURES LLP IN THAWHHONA THUTHLUNG AN ZIAK.

Aizawl, Ni 11, February 2026 : Vawiin chawhnu Dar 3:30 khan Pu John Tanpuia, MCS,Director, LESDE Department pisa ah LESDE Department leh JACEEX Ventures LLP te chuan Mizo thalai Japan leh India ram pawna awlsam zawk a Japanese tawng an zir a hna an hmuh theihna atan thawhhona thuthlung an ziak .

JACEEX Ventures LLP te hi k*m tam tak India thalai te Japanese tawng zirtir a Japan rama hna thawk tur a hlawhtling taka lo tir tawh thin company an ni a. Tunah hian Mizoram sawrkar nen hemi kawng ah hian Mizo thalai Japan leh India ram pawn a hnathawk duh ten hna an hmuh ngei theihna tur in thawhhona thuthlung, Memorandum of Understanding (MoU) an ziak a ni.

He MoU ah hian LESDE Department aiawh in Pu John Tanpuia, MCS, Director, LESDE Department leh Pu Lalmuanpuia Fanai, Deputy Director ten hming sign in, JACEEX aiawh in Pu Rajeev Gupta, Partner & Founder, JACEEX Ventures LLP leh Pu Vanlalruata Ralte ten an sign bawk a ni.

JACEEX te hian kar thar atang in Japanese tawng zir na tur batch thar an tan nghal dawn a. A hre chiang duh te chuan LESDE K*T 2026 hun chhung in Lammual ah a zawh fiah theih nghal anga, Directorate of Labour, Employment,Skill Development& Entrepreneurship, Earth Day Road,MINECO, Khatla , Aizawl ah te leh JACEEX Ventures LLP Office, Lower Zarkawt, Aizawl ah a zawh fiah theih bawk ang.

Labour Employment Skill Development and Entrepreneurship Department

LESDE K*T BUATSAIH ANI DAWN

K*thnathawktute, zirlaite, hnazawng mekte, Entreprenuers te leh central leh state sawrkar scheme hnuaia hamthatna dawn theih chi hrang hrang dawng thei tur a inhrilhfiahna, inkawhhmuhna leh inziahluhna runpui - LESDE K*T, 2026 chu Ni 10 - 14, February, 2026 chhung hian Lammual, Aizawl ah buatsaih ani dawn e.

He hun hi Mizoram Sawrkar LESDE Department buaitsaih ni in, a thil tum ber te chu -

1. Entreprenuers te leh Central leh State Government Agency te indawrtawn theihna tur a remchanna siam sak.

2. Mi tam zawk hriattheih leh hmuhtheih (Market visibility) tur a tualchhung siamchhuah pholan leh tihhmasawn.

3. Production leh supply chain-a thil thar leh technology hmang tangkai tura fuih.

4. Thalai hnazawng mekte tan ram chhung leh ram pawn a hnathawh theihna kawhhmuh leh kaihhruaina pek

5. A mamawhte tan skill training leh job opportunity te market nena inmil, one stop solution pek.

6. K*thnathawktute/ private company a thawkte tana sawrkarin hamthatna siamsakte dawng thei tur a inhrilhriat leh inziahluh hunpui buatsaihsak

te an ni a. He hun hi boruak hlimawm tak hnuaia hman anih theih nan Music Concert, Cosplay , Fashion Show, Flower Show, Food Court leh naupang intihlimmna chi hrang hrang buaitsaih ani dawn bawk ani.

He hunah hian mi zawng zawng lo tel theuh turin LESDE Department chuan a sawm ani.
💥💥💥

INDIA-SKILLS 2025 (NORTH EAST REGION) COMPETITION- AH MIZORAM CHAMPION AN NI

Aizawl, the 23rd January,2026: Ministry of Skill Development & Entreprenuership buatsaih, IndiaSkills 2025-26 Northeast Regional Competition Guwahati neih zawh takah Mizoram team chuan Gold medal 9, Silver medal 3, Bronze medal 3 leh Medallion for Excellence 6 la in hmar chhak state-ah champion nihna an hauh.

Regional Skill Competition ah hian Mizoram Team-te hian trade 20 ah inelna hmachhawnin hlawhtlinna ropui tak an rawn thlen a ni.

He inelna ah hian India hmarchhak state hrang hrangte chu tel kimin, Mizoram team-te hlawhtlinna hian Mizoram thalaite kutchhuak leh thiamna chu hmarchhak state-ah chauh ni lo, ram pum huap pawhin a sang hle tih a entir a ni.

Mizoram aiawhtute hi LESDE Department-in December 8 - 12, 2025 chhunga Mizoram Skills Competition a buatsaih kaltlanga thlan an ni a. Northeast Regional Skills Competition-a winner, Gold leh Silver la te hian India Skills Competition, National Level-ah Northeast Region ai an awh anga, an tih ṭhat dan a zirin ‘World Skills Competition’ leh ‘Asian Skill competition’-ah India ai an awh ang.

Mizoram team hian - Electronics, Fashion technology, Floristry, Hairdressing, Hotel reception, Painting and decorating, Restaurant service, Retail sales leh Visual merchandising ah Gold medal; Floristry, Mobile application leh Software category ah Silver medal; Bakery, Restaurant service leh software ah te bronze medal la in, ‘Medalion for Excellence’ hi Cooking, Beauty therapy, Electronics, Graphics designing, Painting leh Hairdressing ah an la a ni.

LESDE Department chuan lawmman dawngtu te zawng zawngte a lawmpui tak zet ani.

💥💥💥

INVITING ALL ENTREPRENUERS AND INNOVATORS

For more details contact:

98621 69305
96124 66954
81328 32908

INDIA SKILLS COMPETITION, 2025 (North East Region) A MIZORAM AIAWHA TEL TUR FEH CHHUAK

Sawrkar laipui Ministry of Skill Development and Entreprenuership buatsaih - India Skills Competition, 2025 (North East Region), Guwahati, Assam a January Ni 19 - 23 chhunga neih tur a Mizoram aiawh tur Mi 35 te'n vawiin khan Aizawl an chhuahsan.

Regional Level inelna a tel tur te hian District leh State level inelna te lo paltlang tawh in, he inelna a ti tha te chuan National Level Competition an hmachhawn leh anga, chumi zawh-ah Khawvel pum huap inelna - World Skills Olympics ah an tel thei dawn ani.

Mizo thalai te'n India Skills Competition ah hian an ti tha thei hle a, khawvel pum huap inelna ah pawh an lo tel phak tawh thin ani.

Mizoram aiawh a tel tur te hi LESDE DIRECTORATE, Mineco, Khatla ah inthlahna hun hman anih hnuah Pu John Tanpuia, Director, LESDE Department in a vailiam ani.

LESDE Department chuan Mizoram Team te duhsakna sang ber a hlan ani.

🥇🥈🥉🏅🏆🎖💪🏼💪🏼👏🙏🏽🙏🏽