https://ps.keralapolice.gov.in/venmony-ps

Venmony Police Station, Venmony, Alappuzha (2026)

03/10/2026

വെൺമണി സ്വദേശിയുടെ വിലപ്പെട്ട രേഖകളും പണവും അടങ്ങിയ പേഴ്സ് നഷ്ടപ്പെട്ട് മണിക്കൂറുകൾക്കകം കണ്ടെത്തി വെൺമണി പോലീസ്.

03/10/2026

കുറ്റാന്വേഷണ മികവിന് ബഹുമാനപ്പെട്ട ജില്ലാ പോലീസ് മേധാവിയിൽ നിന്നും അപ്രീസിയേഷൻ ലെറ്റർ ലഭിച്ച സഹപ്രവർത്തകർക്ക് ആശംസകൾ

30/09/2026

മികച്ച പ്രവർത്തനം കാഴ്ച വെച്ച് വെൺമണി പോലീസ് സ്റ്റേഷന് അഭിമാനമായ പ്രിയ സഹപ്രവർത്തകർക്ക് അഭിനന്ദനങ്ങൾ

26/09/2026

20 വർഷം കഠിനതടവ്, ജാമ്യത്തിലിറങ്ങി മുങ്ങി; ബുദ്ധിമാന്ദ്യമുള്ള യുവതിയെ പീഡിപ്പിച്ച പ്രതി ഒടുവിൽ വെണ്മണി പോലീസിൻ്റെ പിടിയിൽ

ചെങ്ങന്നൂർ: ബുദ്ധിമാന്ദ്യമുള്ള യുവതിയെ പീഡിപ്പിച്ച കേസിൽ 20 വർഷം കഠിനതടവിന് ശിക്ഷിക്കപ്പെടുകയും പിന്നീട് ജാമ്യത്തിലിറങ്ങി ഒളിവിൽ പോവുകയും ചെയ്ത പ്രതിയെ അതിവിദഗ്ധമായി പിടികൂടി വെണ്മണി പോലീസ്. കണ്ണൂർ പരിയാരം താന്നൂക്കര വീട്ടിൽ മുഹമ്മദ് ഷാഫിയെയാണ് (42) വെൺമണി പോലീസിന്റെ പ്രത്യേക അന്വേഷണ സംഘം കണ്ണൂരിലെ ഒളിത്താവളത്തിൽ നിന്ന് സാഹസികമായി വലയിലാക്കിയത്.
വിവാഹവാഗ്ദാനം നൽകി ക്രൂരത
2017-ലാണ് കേസിനാസ്പദമായ സംഭവം. വെൺമണി സ്വദേശിനിയായ ബുദ്ധിമാന്ദ്യമുള്ള യുവതിയെ വിവാഹവാഗ്ദാനം നൽകി പീഡിപ്പിച്ചതിനാണ് മുഹമ്മദ് ഷാഫിക്കെതിരെ അന്ന് പോലീസ് കേസെടുത്തത്. കുറ്റക്കാരനാണെന്ന് കണ്ടെത്തിയ പ്രതിയെ 2025-ൽ ഹരിപ്പാട് ഫാസ്ട്രാക്ക് കോടതി 20 വർഷത്തെ കഠിനതടവിന് ശിക്ഷിച്ചിരുന്നു.
കനത്ത ശിക്ഷ ലഭിച്ചെങ്കിലും, വിധിക്കെതിരെ അപ്പീൽ നൽകി ഷാഫി ജാമ്യത്തിലിറങ്ങി. എന്നാൽ ജാമ്യവ്യവസ്ഥകൾ കാറ്റിൽപ്പറത്തി ഇയാൾ പെട്ടെന്ന് ഒളിവിൽ പോവുകയായിരുന്നു. പ്രതിയെ കാണാനില്ലെന്ന് വ്യക്തമായതോടെ കോടതി വീണ്ടും ജാമ്യമില്ലാ വാറണ്ട് പുറപ്പെടുവിച്ചു.
തുടർന്ന് ആലപ്പുഴ ജില്ലാ പോലീസ് മേധാവി പ്രതിയെ പിടികൂടാൻ പ്രത്യേക അന്വേഷണ സംഘത്തെ നിയോഗിച്ചു. ചെങ്ങന്നൂർ ഡിവൈഎസ്പി അലക്സ് ബേബി, മാന്നാർ സർക്കിൾ ഇൻസ്പെക്ടർ അജീബ് എന്നിവരുടെ മേൽനോട്ടത്തിൽ വെൺമണി എസ്എച്ച്ഒ അനന്തുവിന്റെ നേതൃത്വത്തിലുള്ള സംഘം നടത്തിയ പഴുതടച്ച അന്വേഷണത്തിലാണ് പ്രതി കുടുങ്ങിയത്. രഹസ്യവിവരത്തിന്റെ അടിസ്ഥാനത്തിൽ കണ്ണൂരിലെ ഒളിത്താവളം വളഞ്ഞാണ് പ്രതിയെ പോലീസ് സംഘം കീഴ്പ്പെടുത്തിയത്.
സിവിൽ പോലീസ് ഓഫീസർമാരായ അനൂപ്, അനസ്ഖാൻ, ഷിഹാബ് സലാം എന്നിവരും അന്വേഷണ സംഘത്തിലുണ്ടായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

25/09/2026

മകനെകുത്തിക്കൊലപ്പെടുത്താൻ ശ്രമം. അച്ഛൻ അറസ്റ്റിൽ.

ചെറിയനാട് ആലക്കോട്ട് കോടംപറമ്പിൽ വീട്ടിൽ ദിനേശ് എന്നയാളാണ് വെൺമണി പോലീസിന്റെ പിടിയിലായത്. ഭാര്യയുമായി വിവാഹ ബന്ധം വേര്‍പെടുത്തി മകനോടൊപ്പം താമസിക്കുകയായിരുന്നു പ്രതി. ബുധനാഴ്ച ഉച്ചയോടെ മകനുമായി വഴക്കു കൂടിയ പ്രതി കയ്യിൽ കരുതിവച്ചിരുന്ന കത്തികൊണ്ട് മകന്റെ ഇടതു വാരിയെല്ലിന് കുത്തുകയായിരുന്നു. സംഭവത്തിന് ശേഷം കടന്നുകളഞ്ഞ പ്രതിയെ മാന്നാര്‍ സര്‍ക്കിൾ ഇൻസ്പക്ടര്‍ അജീബിന്റെ നേതൃത്വത്തിൽ എസ്എച്ച്ഒ അനന്തു ,സീനിയർ സിപിഒ ജയപ്രസാദ്, സിവിൽ പോലീസ് ഓഫീസര്‍മാരായ അനൂപ്, ശരത്ത് ,ഫ്രാൻസിസ് സേവ്യര്‍ , കണ്ണൻ, രാജേഷ് എന്നിവരുൾപ്പെട്ട പ്രത്യേക പോലീസ് സംഘം ഒളിവിൽ കഴിഞ്ഞിരുന്ന ബന്ധുവീട്ടിൽ നിന്നാണ് അറസ്റ്റു ചെയ്തത്. വണ്ടാനം മെഡിക്കൽ കോളേജിൽ തീവ്രപരിചരണ വിഭാഗത്തിൽ കഴിയുന്ന മകൻ അപകടനില തരണം ചെയ്തിട്ടില്ല. ചെങ്ങന്നൂര്‍ മജിസ്ടേറ്റ് കോടതിയിൽ ഹാജരാക്കിയ പ്രതിയെ 14 ദിവസത്തേക്ക് റിമാന്റ് ചെയ്തു.

02/09/2026

പോക്സോ കേസിൽ പാണ്ടനാട് സ്വദേശി പിടിയിൽ: വർഷങ്ങളായി പ്രണയം നടിച്ച് പീഡനം

ചെങ്ങന്നൂർ: വെൺമണി സ്വദേശിയായ പെൺകുട്ടിയെ പ്രണയം നടിച്ച് പീഡിപ്പിച്ച കേസിലെ പ്രതിയെ വെൺമണി പോലീസ് അറസ്റ്റ് ചെയ്തു. പാണ്ടനാട് പടിഞ്ഞാറ് നെടുമാലിൽ വീട്ടിൽ പ്രജീഷ് (21) ആണ് പിടിയിലായത്.

വിവാഹ വാഗ്ദാനം നൽകി നിരവധി തവണ പെൺകുട്ടിയെ പീഡിപ്പിക്കുകയും, പരാതി നൽകിയെന്നറിഞ്ഞ് ഒളിവിൽ പോകുകയും ചെയ്ത പ്രതിയെ മാന്നാർ സർക്കിൾ ഇൻസ്പെക്ടർ അജീബ്.ഇയുടെ നേതൃത്വത്തിലുള്ള സംഘമാണ് പിടികൂടിയത്. പ്രതിയെ മാവേലിക്കര തഴക്കരയിൽ നിന്നാണ് കണ്ടെത്തിയത്.

02/09/2026

2026 വർഷത്തെ വിശിഷ്ട സേവനത്തിനുള്ള ബഹു. കേരള മുഖ്യമന്ത്രിയുടെ പോലീസ് മെഡലിന് അർഹരായ വെണ്മണി പോലീസ് സ്റ്റേഷനിലെ ASI സതീഷ് കുമാർ സാറിനും , SCPO സന്തോഷ് മാത്യു സാറിനും വെൺമണി പോലീസിന്റെ അഭിനന്ദനങ്ങൾ

10/05/2026

മോഷണ കേസിൽ ജാമ്യത്തിൽ ഇറങ്ങിയ പ്രതി വീണ്ടും അറസ്റ്റിൽ

പത്തനംതിട്ട തിരുവല്ല താലൂക്കിൽ തൂവലശ്ശേരിൽ പൂമംഗലം വീട്ടിൽ ശശി മകൻ ശരത് പി. എസ് (40) എന്നയാളാണ് വെൺമണി പോലീസിന്റെ പിടിയിലായത്..

എറണാണാകുളത്ത് സ്ഥിരതാമസമാക്കിയ വെൺമണി സ്വദേശിയായ കല്ലുവിള കളീക്കൽ വീട്ടിൽ ജേക്കബ് ചാക്കോ എന്നയാളുടെ ഉടമസ്ഥതയിലുള്ള വെൺമണി ചെറുവല്ലൂരിലുള്ള അടച്ചിട്ട വീട്ടിൽ നിന്നും ഏകദേശം 100 വർഷം പഴക്കമുള്ള 200 കിലോ തൂക്കം വരുന്ന ചെമ്പുപാത്രവും ടി വീട്ടിലെ തന്നെ സ്റ്റീൽ , പിത്തള ടാപ്പുകളും ഉൾപ്പടെ രണ്ടര ലക്ഷത്തോളം വിലവരുന്ന വസ്തുക്കൾ മോഷണം ചെയ്തതിലേക്കാണ് ഇയാൾ പിടിയിലായത്.മോഷണത്തിന് ശേഷം ഉപയോഗിച്ച സിം കാർഡ് നശിപ്പിച്ചു കളയുന്നതാണ് പ്രതിയുടെ രീതി.ചെങ്ങന്നൂർ ഡെപ്യൂട്ടി പോലീസ് സൂപ്രണ്ട് സന്തോഷ് കുമാർ. ജെ യുടെ മേൽനോട്ടത്തിൽ വെൺമണി പോലീസ് സ്റ്റേഷൻ ഇൻസ്‌പെക്ടർ S. H. O രാജേഷ്. പി യുടെ നേതൃത്വത്തിലുള്ള പ്രത്യേക അന്വേഷണ സംഘം മോഷണം നടന്ന സ്ഥലത്തേയും സമീപ പ്രദേശങ്ങളിലെയും നൂറിൽ പരം CCTV ദൃശ്യങ്ങൾ പരിശോധിച്ച് നടത്തിയ അന്വേഷണത്തിലാണ് ഇയാൾ പിടിയിലായത്.
പത്തനംതിട്ട, ആലപ്പുഴ ജില്ലകളിലെ വിവിധ പോലീസ് സ്റ്റേഷനുകളിൽ നാൽപ്പതോളം
മോഷണ കേസിൽ ഉൾപ്പെട്ട ഇയാൾ ഒക്ടോബർ മാസം പത്തനംതിട്ട ഇലവുംതിട്ട പോലീസ് സ്റ്റേഷനിലെ മോഷണ കേസിൽ കൊട്ടാരക്കര സബ് ജയിലിൽ നിന്നും ജാമ്യത്തിൽ കഴിഞ്ഞു വരികെയായിരുന്നു.
പകൽ സമയങ്ങളിൽ ബൈക്കിൽ കറങ്ങി നടന്ന് ആൾതാമസമില്ലാത്ത വീടുകൾ കണ്ടുവെച്ച് മോഷണം നടത്തുന്നതാണ് ഇയാളുടെ രീതി.വെൺമണി പോലീസ് സ്റ്റേഷൻ സബ് ഇൻസ്‌പെക്ടർ രതീഷ് ബാബു .ഡി, സീനിയർ സിവിൽ പോലീസ് ഓഫീസർ ജയരാജ്‌.വി, സിവിൽ പോലീസ് ഓഫീസർമാരായ പ്രവീൺ എസ് , വിശാഖ് തമ്പി, ആകാശ് ജി കൃഷ്ണൻ, എന്നിവർ ചേർന്ന സംഘമാണ് പത്തനംതിട്ട കുരമ്പാലയിൽ നിന്നും ഇയാളെ അറസ്റ്റ് ചെയ്‌തത്.മോഷണ സാധനങ്ങൾ വിൽപ്പന നടത്തിയ കുരമ്പാലയിലുള്ള ആക്രികടയിൽ നിന്നും മോഷണ മുതലുകൾ വീണ്ടെടുത്തതിന് ശേഷം ചെങ്ങന്നൂർ മജിസ്‌ട്രേറ്റ് കോടതിൽ ഹാജരാക്കിയ പ്രതിയെ കോടതി 14 ദിവസത്തേക്ക് റിമാൻഡ് ചെയ്തു.

01/02/2026

പഴുതടച്ച അന്വേഷണത്തിലൂടെ പ്രതിക്ക് അർഹമായ ശിക്ഷ വാങ്ങിക്കൊടുത്ത ബഹുമാന്യരും പ്രിയപ്പെട്ടവരുമായ വെൺമണി പോലീസ് സ്റ്റേഷൻ SHO.ശ്രീ. അഭിലാഷ്. എം. സി സാറിനും, കണ്ണൂർ ഇക്കണോമിക് ഒഫൻസ് വിങ്ങിൽ ഡീറ്റെക്ടീവ് ഇൻസ്പെക്ടറായ ഡോ. B. അനീഷ് സാറിനും അഭിനന്ദനങ്ങൾ👏👏👏❤️❤️❤️❤️

Venmony Police Station

03/10/2026

03/10/2026

30/09/2026

26/09/2026

25/09/2026

02/09/2026

02/09/2026

10/05/2026

01/02/2026

Address

Telephone

Website

Alerts

Contact The Organization

Shortcuts

Share

Category

Listing takedown request