28/10/2026
జిల్లా పోలీస్ కార్యాలయం,
డా. బి. ఆర్. అంబేద్కర్ కోనసీమ జిల్లా,
అమలాపురం.
తేదీ: 28.10.2026
డాక్టర్ బి.ఆర్. అంబేద్కర్ కోనసీమ జిల్లాలో ‘ఆర్నబ్’ తుఫాన్ సృష్టించిన బీభత్సం వల్ల అనేక ప్రాంతాల్లో రహదారులు విరిగిన చెట్లతో నిండిపోయి, రవాణాకు తీవ్ర అంతరాయం ఏర్పడింది.
ప్రజలకు ఇబ్బందులు కలగకుండా ఉండేందుకు మరియు అత్యవసర సేవలకు మార్గం సుగమం చేయడానికి రాజోలు సర్కిల్ ఇన్స్పెక్టర్ (CI) గారు మరియు వారి పోలీస్ సిబ్బంది వెంటనే రంగంలోకి దిగారు. రహదారిపై అడ్డంకులుగా మారిన భారీ వృక్షాలను, విరిగిన కొమ్మలను సిబ్బందితో కలిసి వారు స్వయంగా శ్రమించి, త్వరితగతిన తొలగించారు. అనంతరం వాహనాల రాకపోకలను పునరుద్ధరించి రహదారిని పూర్తిగా తెరిచారు.
తుఫాన్ వంటి విపత్కర పరిస్థితుల్లో ప్రాణాలకు తెగించి, ప్రజల భద్రత కోసం తక్షణమే స్పందించిన రాజోలు సర్కిల్ ఇన్స్పెక్టర్ మరియు పోలీస్ సిబ్బంది సమయస్ఫూర్తిని, నిబద్ధతను స్థానిక ప్రజలు అభినందిస్తున్నారు.