Rashtrasant Tukdoji Maharaj, Shrikshetra Gurukunj Ashram, Amravati (2026)

18/09/2026

गणेश पूजेचे विडंबन करु नका.
आवाहन द्रष्टा
युगपुरुष राष्ट्रसंत श्री तुकडोजी महाराजांचे.
धर्माच्या नावावर चाललेल्या सर्वच अवडंबराचा निषेध करायलाच पाहिजे.
खोट्या धर्माने मूळ तत्वे लोपवून बाह्य आडंबरासच महत्व दिले जाते. गणोशोत्सवात मोठी आरास, मिरवणुकी लोक काढत असतात, रंगीत-संगीत कार्यक्रम केले जातात. द्रष्टा युगपुरुष राष्ट्रसंत श्री तुकडोजी महाराजांच्या भजनांचे दरवर्षी गणेशोत्सवात खास करून भजनांचे व भाषणांचे प्रबोधनात्मक कार्यक्रम गावोगावी आयोजित केले जायचे. यातून अशा सणोत्सवात राष्ट्रसंत आपले विचार परखडपणे जनते समोर मांडायचे.
त्यांचे भाषण व्हायचे असे गणेशोत्सवातील काही कार्यक्रमातील राष्ट्रसंतांच्या चिंतनातून काही वेचे इथे देत आहे.
राष्ट्रसंत म्हणतात..
चातुर्मास्यात धार्मिक कार्यक्रमांना सगळीकडेच भरते येत असते. त्यातल्या त्यात गणपतीउत्सवासारख्या उत्सवामुळे तर समाज अगदी बहरून येतो. सगळीकडे*
कार्यक्रमांचा धूमधडाका सुरु होत असतो. हजारो रुपयांचा खर्च करून लोक आरास करतात, मिरवणुकी काढतात आणि रंगीत-संगीत कार्यक्रम घेतात.मनुष्य
हा उत्सवप्रिय प्राणी असल्याने या गोष्टीची काही प्रमाणात आवश्यकताही असतेच.
परंतु जो खर्च आणि जी धडपड आपण करतो, त्यांच्या मोबदल्यात तितकेच
समाजाचे हित किंवा लोककल्याण त्यापासून घडायला पाहिजे, हे विसरून चालणार नाही.
आजच्या परिस्थितीत ज्या सुधारणा घडवून आणायच्या आहे. व जनतेच्या अंध रुढ्यामधून बाहेर काढायचे आहे त्या साठी आजचा द्रष्टा युगपुरुष राष्ट्रसंत श्री तुकडोजी महाराजांनी युगप्रवर्तक युगग्रंथ ग्रामगीता' ग्रंथाची रचना केली. त्यातील अध्याय २३ मध्ये- सणोत्सव सुद्धा आजच्या परिस्थितीत कसे करायचे या साठी विस्तृत लेखन केले आहे.
आता वाचा ग्रामगीता

पूर्वी घरोघरी गणेशोत्सव। | नाना रूढ्यांचे उपद्रव। लोकमान्यांनी आणिले महत्त्व । राष्ट्रीय रूपे तयासि। गावाचा एकचि गणपती | सर्वांसाठी कार्यक्रम होती।
जेणे वाढेल राष्ट्रीय वृत्ति । ऐसी असावी धारणा ।। तोचि उत्तम सण, उत्सव दिन । जो राष्ट्रीय वृत्तीने पूर्ण । हेचि घडावया महाकारण । संती बोधिले।।
राष्ट्रोन्नतीचा ध्यास असलेले राष्ट्रसंत श्री तुकडोजी महाराजांनी देशातील सर्व सणाला राष्ट्रीयतेतून विचार करायला भाग पाडले आहे. राष्ट्रसंतांनी हा एकात्मिक विचार मांडताना लोकमान्य टिळकांनी सुद्धा हाच विचार गृहीत धरला पाहिजे असे सांगितले आहे.
लोकमान्य टिळकांसारख्यांनी गणेशोत्सवाला राष्ट्रीय स्वरूप दिले,त्यात त्यांचा उद्देश तरी हाच नव्हता का ? परंतु आज लोकांची रुचि आणि पद्धति पहावी,
तर नेमका त्याच्या विरउत्सवातूनही *अधिक येतो. ना खरी धार्मिकता अन् ना, पुरी राष्ट्रीयता ! उथळ मनोरंजन, गैरशिस्त धामधूम, पैशाचा व्यर्थ चुराडा' आणि संघटनेच्या नावाखाली समाजाची कमालीची फाटाफूट, तसेच नाचतमाशे आणि मानपानांचे झगडे, ह्याच गोष्टी असल्या महत्वाच्या उत्सवातूनही विशेषकरून नजरेत येतात.
या गणेशोत्सवाचं वारं अंगात भरते ते युवकांमध्ये.
राष्ट्रसंत श्री तुकडोजी महाराजांनी युवकांकडून
समाजाच्या विकासासाठी धार्मिक महात्म्यांनी सुरु केलेले हे उपक्रम अशा रीतीने अवनतीस कारण होत असलेले पाहून, त्यांना सुधारण्याची स्फूर्ती आमच्या नवयुवकात संचरायला पाहिजे. असा आशावाद प्रगट केला. .धर्माच्या नावांवर चाललेल्या सर्वच अवडंबरांचा निषेध करण्याची वेळ आता आली आहे. खोट्या धर्माने देशात फारच मोठा घोटाळा ( गोंधळ ) माजला आहे.
तत्वे लोपली, तात्त्विकता पळाली व त्यातल्या लहान गोष्टीनाच अवास्तव महत्व.
धर्मातील शृंगारमय, दिखाऊ व भांडणे लावणाऱ्या बाबी तेवढ्या आमच्याआठवणीत अधिक राहिल्या. खुळ्या धर्मभावनांवरच लोकांचे लक्ष केंद्रीभूत झाले. वास्तविक धर्म हा राष्ट्राच्या विकासाचा मार्ग आहे, धर्मातून चटकन राष्ट्रीयतेवर दृष्टी खिळली, तरच तो जागृत धर्म ! धर्मात राष्ट्रीयता नसेल तर कोणतेही बडे राष्ट्र अवनतीच्या गर्तेत जाईल हे निश्चित. दुर्दैवाने आपल्या देशात अनावश्यक
त्याच बाबीकडे धर्मपूजकांचे ' लक्ष लागले. सुशिक्षितांनी तरी यात काही उचित
परिवर्तन करावे; परंतु तसेही दिसून येत नाही. ही स्थिती अशीच राहू दिल्यास त्यात खात्रीने धोका आहे.
नुसते उत्सव साजरे करणे व त्यात डीजे सारखे ध्वनी प्रक्षेपण करण्यात येते. या मुद्यावर तर सरकार आणि जनता व डिजे चे मालक यांच्यात वादंग झाले. या कर्णकर्कश आवाजाचा लहान मोठ्यांवर, हृदयाचे ठोके वाढून कोणाचे जीव जातील याचा कोणी विचार करू नये काय❓
माणसाचे जीवन पाच लाख देऊन लोकांचे आक्रोश थांबतात काय❓ जीवन कुणाचे एवढे स्वस्त झाले आहेत काय❓एवढे हे जर आपण थांबवू शकत नसला तर
गणपती आपणास प्रसन्न होईल काय❓म्हणून राष्ट्रसंत श्री तुकडोजी महाराज आपणास आवर्जून सांगतात की..
उत्सवात आता नवी दृष्टी घेतली पाहिजे. नुसता उत्सव साजरा करण्यात सगळी शक्ती खर्च करणे, हा निष्क्रिय लोकांचा स्वभाव ! ते त्यांचे भडक असे दिखाऊ प्रचारतंत्र आहे. ते आपण झुगारून दिले पाहिजे ! आपली शक्ती विशिष्ट मार्गांनी राष्ट्रकार्यात खर्च झाली पाहिजे.. पाच मिनिटांसाठी सारा पसारा करून बोध मात्र शून्य घ्यायचा, हा प्रघात आता अनाठायी आहे; विघातक आहे. तीस जणांची भाषणं झाली. लाडवांची पंगत उठली, विनोदाची बहार आली, ह्या बांह्मांग
आठवणी घेऊनच का उत्सवातून बाहेर पडायचे ? एखादी संघटीत शक्ती विशिष्ट केंद्राभोवती केंद्रीत करण्यासाठी उत्सव
असतात; त्याचसाठी पुण्यात्म्यांचे' पुण्यस्मरण असते. अनावश्यक भावना दुर्लक्षून अफाट जनशक्तीचा ओघ आवश्यक बाबींच्या केंद्राकडे वळविला जाण्याचे हे स्थान किंवा साधन असते. धर्माच्या किंवा देशाच्या नावाने सत्य, सेवा, त्याग इत्यादी गोष्टीकडे आमची दृष्टी वळावी हा या आयोजनांचा हेतु असतो. परंतु ही
दृष्टी नष्ट झाली व त्यामुळे ती शक्तीही खुरटली. खोटे काम करणाऱ्या माणसावर तुटून पडेल तो खरा राष्ट्रीय ! वाईट दशा पाहून बेचैन होणारा, सक्रियतेने पुढे
धजणारा तो खरा धार्मिक ! ही गोष्ट लोक विसरून गेले. राष्ट्रसंत श्री तुकडोजी महाराज यांची दृष्टी देशातील आपत्कालीन परिस्थिती वर सुद्धा खिळून असायची. आज देश भर पावसाने हाहाकार केला आहे. कुठे अतोनात पाऊस तर कुठे पावसाळ्याही तो दडी मारुन बसला. शेतकरी हतबल झाले. शेतकरी शेताच्या बांधावर बसून ढाय मोकलून रडतो आहे. कुठेही या वेळी कुणाच्या चेहर्यावर आनंद ओसंडून वाहताना दिसत नाही. आपल्या शेजारचे राष्ट्र नेपाळ मध्ये निसर्गाने थैमान घातले हे आपणास दिसत नाही काय❓आम्ही या देशाला मानवतावादी देश समजतो. कुठेही जगात घडले असेल तसे कधीकाळी आमच्या देशातही घडू शकते. याची प्रत्येकाने जाणीव असू द्या. त्यांना ही मदतीचा हात दिला पाहिजे. हे समजावून सांगताना द्रष्टा युगपुरुष राष्ट्रसंत म्हणतात..
गणपती उत्सव हा देशामधील उणीवा भरून काढण्यासाठी केलेला उत्सव आहे. सर्वांचे भले व्हावे, सर्वात समृद्धी व्हावी, सर्वांनी प्रेमाने वागावे याचे शिक्षण देणारी देवता म्हणजे गणपती.
गणपती उत्सवाच्या निमित्ताने आजचे कर्तव्य सांगताना राष्ट्रसंत म्हणतात..
'अशा उत्सवाच्या निमित्ताने आपण लाखो रुपये बरबाद करतो. गणपती उत्सव जर केवळ करमणुकीसाठी असेल तर तो
देशाचा फार मोठा तोटा होय. आज देशाला कवडी-कवडीची गरज आहे. हा सारा पैसा आपण राष्ट्रसंरक्षणाच्या कामी खर्च केला
पाहिजे. खूप उत्पादन वाढवून त्याचा काटकसरीने वापर करणे हा आजचा पवित्र आचार आहे. गणपती उत्सवातून ही गोष्ट आपण शिकली पाहिजे. ही गोष्ट जर आपण करणार नाही, शिकून घेणार नाही, तर कोणाताही देश आणि देव तुमच्यावर प्रसन्न होणार नाही.
चिंतनाशिवाय , दृष्टी शिवाय देवतेची पूजा केली तर ती मृतवत् असून दुःखात पडलेल्या पीडितांना साह्य करणे हे तिचे कर्तव्य आहे. अशा वेळी गणेश भक्तांनी नाच तमाशे व नाटके यात किंवा सीन-सिनेरीत अमाप पैसा खर्च न करता तो जिथे कुठे हाहाकार असेल मदत म्हणून हा पैसा मदतीसाठी गेला पाहिजे. केवळ रुढीसाठी शौक म्हणून हा उत्सव साजरा करायचा काय❓माणुसकीने जगा आणि इतरांना जगवा हाच त्याचा संदेश आहे.
या *उत्सवांच्या
निमित्ताने*
तो सत्यधर्म जनतेला समजावून देणे हे लाखमोलाचे विकासकार्य आपणापुढे आहे.
देवळात घंटे बडवून किंवा कोरी भजने गाऊन गोंधळ माजविण्याचे दिवस आता उरले नाहीत. संघटित प्रयत्नांनी जनतेतील कुप्रवृती नष्ट करण्याचा चंग धार्मिक म्हणविणार्यांनी बांधला पाहिजे.
आजची ही देशातील भयावह परिस्थिती पाहून राष्ट्रसंत श्री तुकडोजी महाराज गणपतीला आपल्या भजनातून साकडं घालतात -

मंगल कर मंगल देवा
गणराया घे मम सेवा

काय तुज झाले म्हणूनी
सुख रूप नाही भारत जननी
दे तिजला शांती विसावा

अन्न वस्त्र दे विद्या बल दे
घरोघरी सुविचारशील दे
तुकड्यादासा दे पदी ठावा
मंगल कर मंगल देवा
-------------------------------
कृपया प्रकाशनार्थ

15/09/2026

जागतिक लोकशाही दिनाच्या हार्दिक शुभेच्छा! 🇮🇳

लोकशाही म्हणजे केवळ सत्ता नव्हे, तर स्वातंत्र्य, समानता, न्याय आणि मानवतेवर आधारित विचारांची ताकद.
पक्ष, पंथ, जात अथवा धर्मांधतेच्या पलीकडे जाऊन शुद्ध विचार आणि मानवतावादी लोकशाहीची मूल्ये जपूया.

लोकशाही सक्षम करूया, मानवता समृद्ध करूया! 🙏

#जागतिकलोकशाहीदिन #लोकशाही #समानता #स्वातंत्र्य #मानवता #लोकशाहीमूल्ये

14/09/2026

गणेशोत्सव म्हणजे केवळ उत्सव नाही, तर समाजाला एकत्र आणणारी राष्ट्रीय एकतेची प्रेरणा आहे.

लोकमान्य टिळकांनी दिलेल्या या सार्वजनिक गणेशोत्सवाच्या विचाराला पुढे नेत, सर्व धर्म, सर्व समाज एकत्र येऊन राष्ट्रभावना अधिक दृढ करूया.

श्री गणरायाच्या कृपेने समाजात एकता, सद्भावना आणि सकारात्मक विचार सदैव नांदो. 🙏🌺

गणपती बाप्पा मोरया!

#गणेशोत्सव #गणेशचतुर्थी #गणपतीबाप्पामोरया #लोकमान्यटिळक #राष्ट्रीयएकता #सामाजिकएकता #राष्ट्रभावना

13/09/2026

माणसापासून देवापर्यंत जाण्याचा राजमार्ग सामुदायिक प्रार्थना
प्रार्थनाप्रेमी उपासकांनो,
हा सामुदायिक प्रार्थनेचा धर्म व्यक्तिधर्मापासून समाजधर्मापर्यंत
समाजधर्मापासून राष्ट्रधर्म व विश्वधर्मापर्यंत आणि त्या पलिकडेही परमेश्वरापर्यंत नेण्याचा राजमार्ग आहे.
मित्रांनो, आपला संसार नीट साधता आला की मग सामाजाचा राष्ट्राचा, विश्वाचा संसार करायला शिकले पाहिजे. आपल्याच संसारात गुरफटण्याने आत्म्याचा विकास होणार नाही. तुम्हा जाणत्या लोकावर फार मोठी जबाबदारी आहे. अशी ही विश्वाचा संसार सांभाळण्यापर्यंताची मजल तुम्हाला मारावयाची असल्यामुळे विश्रांती न घेता पुढे चालत राहिले पाहिजे.
भजन, पोथी, प्रार्थना ही प्राथमिक पायरी होय. संताचे मार्गदर्शन घ्या. देशाचे नाव घ्या. पण *ज्या आत्मबोधरूप** *गुरूची तुम्ही पूजा* ,करता त्या गुरुत्वापर्यंत
तुम्हाला पोचायचे आहे*. त्याशिवाय या साधनेची पूर्णता होणार नाही. देवाची
*पूजा केली, तीर्थयात्रा केली की संपले सारे. हे ढोंग आहे.* बद्रिनारायणाला
गेल्याने जन्ममरणाची आणि दारिद्रयाची चिंता मिटली असती तर कितीतरी
लोकांचे कल्याण झाले असते. परंतु तसे होत नासते. गंगेत वावरणारे खेकडे मासे कधी उध्दरतात का ? अशी कल्पना करणेच चूक आहे. कशीचे जे महात्म्य आहे ते एकेकाळी ज्ञानदानाचे केंद्र होते म्हणून, त्यावेळी तेथे त्यागी, संन्यासी, विद्वान राहत. ते आल्या गेल्याला आत्मज्ञानाचा मार्ग सांगत.या सर्वाचा उपयोग माणसाचे मन विशाल होण्याकडे होत असतो. ज्याचे व्यक्तित्व समाजाची काळजी वाहण्याइतके विशाल झाले असे समजावे. तो समाजाधर्मास योग्य झाला असे समजावे. ज्याच्या चित्तात राष्ट्राचा पात्रता आली त्याला राष्ट्रधर्म कळला अशी ही पायरी आहे. विश्वाकार होईपर्यंत मानसिक तयारी करावयास पाहिजे. असा प्रयत्न याच मनुष्य जन्मात शक्य आहे.
चित्त शुद्धीचे कार्य प्रार्थनेद्वाराच शक्य आहे.
संसार चालविण्याची चित्त विश्वाकार होईपर्यंत साधना हवी
मित्रांनो, आपला संसार नीट साधता आला की मग सामाजाचा राष्ट्राचा, विश्वाचा संसार करायला शिकले पाहिजे. आपल्याच संसारात गुरफटण्याने आत्म्याचा विकास होणार नाही. तुम्हा जाणत्या लोकावर फार
मोठी जबाबदारी आहे. अशी ही विश्वाचा संसार सांभाळण्यापर्यंताची मजल
तुम्हाला मारावयाची असल्यामुळे विश्रांती न घेता पुढे चालत राहिले पाहिजे.
भजन, पोथी, प्रार्थना ही प्राथमिक पायरी होय. संताचे मार्गदर्शन घ्या. देशाचे नाव घ्या. पण ज्या आत्मबोधरूप गुरूची तुम्ही पूजा करता त्या गुरुत्वापर्यंत
तुम्हाला पोचायचे आहे. त्याशिवाय या साधनेची पूर्णता होणार नाही. देवाची
पूजा केली, तीर्थयात्रा केली की संपले सारे हे ढोंग आहे. बद्रिनारायणाला
गेल्याने जन्ममरणाची आणि दारिद्रयाची चिंता मिटली असती तर कितीतरी
लोकांचे कल्याण झाले असते. परंतु तसे होत नासते. गंगेत वावरणारे खेकडे मासे कधी उध्दरतात का ? अशी कल्पना करणेच चूक आहे. काशीचे जे महात्म्य आहे ते एकेकाळी ज्ञानदानाचे केंद्र होते म्हणून, त्यावेळी तेथे त्यागी, संन्यासी, विद्वान राहत. ते आल्या गेल्याला आत्मज्ञानाचा मार्ग सांगत.या सर्वाचा उपयोग माणसाचे मन विशाल होण्याकडे होत असतो. ज्याचे व्यक्तित्व समाजाची काळजी वाहण्याइतके विशाल झाले असे समजावे. तो समाजाधर्मास योग्य झाला असे समजावे. ज्याच्या चित्तात राष्ट्राचा संसार चालविण्याची पात्रता आली त्याला
राष्ट्रधर्म कळला अशी ही पायरी आहे. विश्वाकार होईपर्यंत मानसिक तयारी करावयास पाहिजे. असा प्रयत्न याच मनुष्य जन्मात शक्य आहे.
चित्त शुद्धीचे कार्य प्रार्थनेद्वाराच शक्य आहे.

*चित्तशुध्दीचे कार्य* *प्रार्थनेव्दारा*होऊ शकते* *
यासाठी सामुदायिक प्रार्थनेत चित्त शुध्द करायला शिकले पाहिजे.
'चित्त शुध्द तरी शत्रु मित्र होती
व्याघ्रही न खाती सर्प तया' अशा शुद्धचिताचा महिमा आहे. केवळ बाह्य देखाव्यावरून चित्ताची शुध्द अशुध्दता कळत नाही. कपडे पांढरे असतील पण त्या आत मलीन अत:करण असू शकेल. तर एखादा घोंगडी धारण करणारा बाबा कमलीवाला
पुरुष आणि गाडगे महाराजांसारखा अंगावर चिंध्या पांघरलेला संत शुद्ध चित्ताचा
राहू शकेल.या वेषामुळे बाबा कमालीवाल्यांना एकदा कलकत्त्यात तीर्थयात्रेसाठी एक पैसाही मिळाला नाही. पण जेव्हा त्यांनी घोंगडीवर बसून गंगासागर पार करण्याची आश्चर्यकारक गोष्ट केली तेव्हा रूपयांचे ढीग पडले. तात्पर्य असे
की चित्त शुध्द असलेला मनुष्य शुत्रूवरही प्रेम करु शकतो, तो शत्रुला म्हणेल.
'मित्रा तू वाईट नाहीस. तुझे मन वाईट आहे. 'असा मनुष्य ईशधर्मापर्यंत आपली
प्रगति करू शकतो.' असे *चित्तशुध्दीचे प्रार्थना एक स्थान आहे
३१/८/५८

10/09/2026

कष्टकरी शेतकऱ्याचा सच्चा साथीदार, बैलराजाला मनःपूर्वक नमन! 🐂🌾
पोळा सणाच्या हार्दिक शुभेच्छा! 🙏

#पोळासण #पोळ्याच्या_हार्दिक_शुभेच्छा #बैलपोळा #शेतकरी #बळीराजा #ग्रामीणसंस्कृती #महाराष्ट्र

08/09/2026

📚 ज्ञानाची ज्योत पेटवूया, शिक्षणाचा प्रकाश सर्वदूर पोहोचवूया!

आंतरराष्ट्रीय साक्षरता दिनानिमित्त प्रत्येकाला शिक्षणाची संधी, ज्ञानाची ताकद आणि उज्ज्वल भविष्याचा मार्ग मिळो, हीच सदिच्छा. ✨

“शिका, वाचा, वाढा — घडवा उज्ज्वल भारत!” 🇮🇳

#आंतरराष्ट्रीयसाक्षरतादिन #साक्षरतादिन #शिक्षण #ज्ञान #शिका #उज्ज्वलभारत

08/09/2026

आंतरराष्ट्रीय साक्षरता दिनाच्या हार्दिक शुभेच्छा!

शिक्षण म्हणजे केवळ अक्षरज्ञान नव्हे,
तर विचार करण्याची, स्वप्न पाहण्याची आणि स्वतःचे भविष्य घडवण्याची ताकद आहे.

“शिका, वाचा, वाढा आणि घडवा - उज्ज्वल भारतासाठी!”

#आंतरराष्ट्रीयसाक्षरतादिन #साक्षरतादिन #शिक्षण #ज्ञान #साक्षरभारत #शिक्षणाचेमहत्त्व

05/09/2026

📚 शिक्षक दिनाच्या हार्दिक शुभेच्छा! 🌸

विद्यार्थ्यांना केवळ ज्ञान देणारे नव्हे, तर त्यांच्या आयुष्याला योग्य दिशा देणारे प्रत्येक शिक्षक हा समाजाच्या भविष्याचा शिल्पकार असतो.
शिक्षकांच्या ज्ञानाला, संस्कारांना आणि समर्पणाला मनःपूर्वक नमन! 🙏

“शिक्षक घडवतात विद्यार्थी… आणि विद्यार्थी घडवतात उद्याचे भविष्य!”

#शिक्षकदिन #शिक्षकदिनाच्या_हार्दिक_शुभेच्छा

04/09/2026

श्रीकृष्णाच्या भक्तीत मन रमू दे,
त्यांच्या विचारांनी जीवनाला नवी दिशा मिळू दे.
प्रेम, कर्तव्य आणि भक्तीचा संदेश देणाऱ्या
श्रीकृष्ण जन्माष्टमीच्या हार्दिक शुभेच्छा!

॥ जय श्रीकृष्ण ॥

#श्रीकृष्ण #जन्माष्टमी #कृष्णजन्माष्टमी #जयश्रीकृष्ण #भक्ती #तुकडोजीमहाराज #जन्माष्टमीशुभेच्छा

28/08/2026

रक्षाबंधन म्हणजे केवळ राखीचा धागा नाही, तर प्रेम, विश्वास आणि आयुष्यभर जपलेल्या नात्याची आठवण आहे. ❤️

संत तुकडोजी महाराजांच्या विचारांतून नात्यांमधील जिव्हाळा, काळजी आणि संरक्षणाचा खरा अर्थ समजतो.

रक्षाबंधनाच्या हार्दिक शुभेच्छा! 🌸🙏

#रक्षाबंधन #संततुकडोजीमहाराज #तुकडोजीमहाराज #नाते #बंध #प्रेम #विश्वास #आपुलकी

Rashtrasant Tukdoji Maharaj

18/09/2026

15/09/2026

14/09/2026

13/09/2026

10/09/2026

08/09/2026

08/09/2026

05/09/2026

04/09/2026

28/08/2026

Address

Telephone

Website

Alerts

Contact The Organization

Shortcuts

Share

Category

Listing takedown request