Jalal Uddin

07/10/2026

প্ৰেছ বিবৃতি

হিমাশ্ৰী বড়োৰ ৰহস্যজনক বিয়োগৰ নিৰপেক্ষ তদন্তৰ দাবী MSUA-ৰ

গুৱাহাটী, ৭ অক্টোবৰ ২০২৬:

বহিঃৰাজ্যত অসমৰ যুৱতী তথা ছাত্ৰী হিমাশ্ৰী বড়োৰ ৰহস্যজনক বিয়োগৰ খবৰে সমগ্ৰ অসমবাসীক গভীৰভাৱে মৰ্মাহত কৰিছে। অন্ধ্ৰপ্ৰদেশৰ পৰা গুৱাহাটী অভিমুখী ৰে’লত যাত্ৰা কৰাৰ সময়ত হিমাশ্ৰী বড়ো নিৰুদ্দেশ হোৱাৰ পাছত অন্ধ্ৰপ্ৰদেশৰ এটা স্থানত তেওঁৰ মৃতদেহ উদ্ধাৰ হোৱাৰ ঘটনাই ৰে’লযাত্ৰীৰ সুৰক্ষা ব্যৱস্থাক লৈ গুৰুতৰ প্ৰশ্ন উত্থাপন কৰিছে।

মুছলিম ছাত্ৰ সন্থা, অসম (MSUA)-এ ঘটনাটোৰ এক নিৰপেক্ষ, স্বচ্ছ আৰু উচ্চ পৰ্যায়ৰ তদন্তৰ দাবী জনাইছে।

হিমাশ্ৰী বড়ো ৰে’লত যাত্ৰা কৰি থকা অৱস্থাত নিৰুদ্দেশ হোৱাৰ পাছত পৰিয়ালৰ ফালৰ পৰা আৰক্ষীক অৱগত কৰা হৈছিল বুলি জানিব পৰা গৈছে। এনে পৰিস্থিতিত সংশ্লিষ্ট ৰে’ল কৰ্তৃপক্ষ, ৰে’ল আৰক্ষী আৰু অন্যান্য দায়িত্বশীল সংস্থাই সময়মতে কি কি পদক্ষেপ গ্ৰহণ কৰিছিল, সেই বিষয়ে স্পষ্টতা প্ৰকাশ কৰাটো অত্যন্ত জৰুৰী।

MSUA-ৰ দাবীসমূহ—

1. হিমাশ্ৰী বড়োৰ বিয়োগৰ ঘটনাৰ নিৰপেক্ষ আৰু উচ্চ পৰ্যায়ৰ তদন্ত কৰা হওক।
2. ৰে’লত নিৰুদ্দেশ হোৱাৰ পৰা মৃতদেহ উদ্ধাৰ হোৱালৈকে সমগ্ৰ ঘটনাক্ৰম তদন্তৰ আওতালৈ অনা হওক।
3. ৰে’ল কৰ্তৃপক্ষ আৰু সংশ্লিষ্ট আৰক্ষী সংস্থাই গ্ৰহণ কৰা পদক্ষেপসমূহ ৰাজহুৱা কৰা হওক।
4. কোনো ধৰণৰ গাফিলতি বা দায়িত্বহীনতা প্ৰমাণিত হ’লে সংশ্লিষ্ট ব্যক্তিৰ বিৰুদ্ধে আইন অনুসৰি কঠোৰ ব্যৱস্থা গ্ৰহণ কৰা হওক।
5. পৰিয়ালবৰ্গক তদন্তৰ অগ্ৰগতি আৰু ঘটনাৰ সত্যতা সম্পৰ্কে নিয়মীয়াকৈ অৱগত কৰা হওক।
6. দেশৰ ৰে’লত, বিশেষকৈ বহিঃৰাজ্যলৈ যাত্ৰা কৰা অসমৰ যুৱক-যুৱতী আৰু ছাত্ৰ-ছাত্ৰীসকলৰ সুৰক্ষা অধিক শক্তিশালী কৰা হওক।

MSUA-ৰ সভাপতি জালাল উদ্দিনে কয়, “হিমাশ্ৰী বড়োৰ বিয়োগ কেৱল এটা পৰিয়ালৰ বেদনা নহয়; এই ঘটনাই সমগ্ৰ ৰে’ল সুৰক্ষা ব্যৱস্থাৰ ওপৰত প্ৰশ্ন উত্থাপন কৰিছে। আমি কোনো পক্ষক আগতীয়াকৈ দোষী সাব্যস্ত কৰিব বিচৰা নাই, কিন্তু ঘটনাটোৰ প্ৰতিটো দিশৰ সত্য আৰু নিৰপেক্ষ তদন্ত বিচাৰোঁ। পৰিয়ালটোৱে ন্যায় আৰু প্ৰতিটো প্ৰশ্নৰ উত্তৰ লাভ কৰিব লাগিব।”

মুছলিম ছাত্ৰ সন্থা, অসমে শোকসন্তপ্ত পৰিয়ালবৰ্গলৈ গভীৰ সমবেদনা জ্ঞাপন কৰাৰ লগতে হিমাশ্ৰী বড়োৰ বিদেহ আত্মাৰ সদ্গতি কামনা কৰিছে।

হিমাশ্ৰীৰ বাবে ন্যায় লাগে।
পৰিয়ালক উত্তৰ লাগে।
আৰু প্ৰতিগৰাকী ৰে’লযাত্ৰীৰ সুৰক্ষাৰ নিশ্চয়তা লাগে।

With regards,
Jalal Uddin
President
Muslim Students Union of Assam (MSUA)
Zubeen GargMiarul IslamSahidul IslamMoznur HussainJalal UddinCMO Assam PMO India

29/09/2026

Best song of Zubeen Garg

21/09/2026

#মুছলিম Sahidul IslamJalal UddinMiarul IslamMoznur Hussain

21/09/2026

মহাপুৰুষ শ্ৰীমন্ত শংকৰদেৱৰ পৱিত্ৰ জন্মতিথি উপলক্ষে সমূহ অসমবাসীলৈ আন্তৰিক শুভেচ্ছা আৰু শুভকামনা জ্ঞাপন কৰিলোঁ।

অসমীয়া জাতি আৰু সমাজ জীৱনলৈ মহাপুৰুষ শ্ৰীমন্ত শংকৰদেৱে আগবঢ়াই যোৱা একতা, ভাতৃত্ববোধ, মানৱতা, সমন্বয় আৰু আধ্যাত্মিক চেতনাৰ মহান আদৰ্শ যুগ যুগ ধৰি আমাৰ সমাজক আলোকিত কৰি আহিছে।

গুৰুজনাৰ অমূল্য সৃষ্টি-ৰাজি, আদৰ্শ আৰু মানৱতাবাদী চিন্তা চিৰকাল অমৰ হৈ থাকক আৰু নৱপ্ৰজন্মক সদায় সত্য, ন্যায়, শান্তি আৰু ভাতৃত্ববোধৰ পথেৰে আগুৱাই লৈ যাওক—তাৰে আন্তৰিক কামনা কৰিলোঁ।

শ্ৰীমন্ত শংকৰদেৱৰ পৱিত্ৰ জন্মতিথিত গুৰুজনাৰ শ্ৰীচৰণত গভীৰ শ্ৰদ্ধাঞ্জলি।

#জালাল উদ্দিন
#সভাপতি
#মুছলিম ছাত্ৰ সন্থা, অসম (MSUA)

19/09/2026

প্ৰেছ বিবৃতি

জুবিন গাৰ্গৰ প্ৰথম মৃত্যু বাৰ্ষিকী উপলক্ষে অসমৰ কেইবাখনো জিলাত MSUA-ৰ নাহৰ পুলি ৰোপণ

অসমৰ জনপ্ৰিয় শিল্পী তথা সাংস্কৃতিক জগতৰ উজ্জ্বল নক্ষত্ৰ জুবিন গাৰ্গৰ প্ৰথম মৃত্যু বাৰ্ষিকী, অৰ্থাৎ ‘জুবিন দিৱস’ উপলক্ষে মুছলিম ছাত্ৰ সন্থা, অসম (MSUA)-এ পূৰ্বে ঘোষণা কৰা কাৰ্যসূচী অনুসৰি অসমৰ কেইবাখনো জিলাত নাহৰ পুলি ৰোপণ কাৰ্যসূচী ৰূপায়ণ কৰে।

জুবিন গাৰ্গে তেওঁৰ সংগীত আৰু সৃষ্টিশীলতাৰ জৰিয়তে অসমৰ সমাজ-সংস্কৃতিৰ লগতে সম্প্ৰীতি, ভাতৃত্ববোধ আৰু মানৱীয় মূল্যবোধক শক্তিশালী কৰি গৈছে। তেওঁৰ স্মৃতি সজীৱ কৰি ৰখাৰ উদ্দেশ্যে আৰু সেউজ-সুন্দৰ অসম গঢ়াৰ সংকল্পৰে MSUA-এ এই নাহৰ পুলি ৰোপণ কাৰ্যসূচী গ্ৰহণ কৰে।

ইয়াৰ উপৰিও, জুবিন গাৰ্গৰ আত্মাৰ শান্তি আৰু মাগফিৰাত কামনা কৰি যোৱা কালি জুম্মাৰ নামাজৰ পিছত অসমৰ বিভিন্ন স্থানত সমূহীয়া দোৱা অনুষ্ঠিত কৰা হয় বুলি জানিবলৈ দিয়ে মুছলিম ছাত্ৰ সন্থা, অসমৰ সভাপতি জালাল উদ্দিনে।

সভাপতি জালাল উদ্দিনে কয় যে, জুবিন গাৰ্গ কেৱল এগৰাকী শিল্পী নাছিল; তেওঁ অসমৰ মানুহৰ হৃদয়ত এক বিশেষ স্থান দখল কৰি যোৱা এগৰাকী সাংস্কৃতিক প্ৰতীক। তেওঁৰ স্মৃতিৰ প্ৰতি সন্মান জনাই MSUA-এ সামাজিক সম্প্ৰীতি, মানৱীয়তা আৰু পৰিৱেশ সুৰক্ষাৰ ক্ষেত্ৰত বিভিন্ন কাৰ্যসূচী গ্ৰহণ কৰি যাব।

জালাল উদ্দিন
সভাপতি
মুছলিম ছাত্ৰ সন্থা, অসম (MSUA)

15/09/2026

13/09/2026

Part 2

13/09/2026

Rest in peace