SheikShahid

02/10/2026

29/09/2026

കഴിഞ്ഞ മാസം ഓഗസ്റ്റ് ൽ നടന്ന മന്കിബാത് പരിപാടി കോഴിക്കോട് റൂറൽ ജില്ലയിൽ ഏറ്റവും കൂടുതൽ പരിപാടി നടന്ന നമ്മുടെ ചേളന്നൂർ മണ്ഡലത്തിനു ജില്ല കമ്മിറ്റി യുടെ സ്നേഹോപഹാരം ജില്ല പ്രസിഡന്റ്‌ ടി ദേവദാസ് മാസ്റ്ററിൽ നിന്നും മണ്ഡലത്തിലെ നേതാക്കൾ ഏറ്റുവാങ്ങി...
ഇതിനായി പ്രവർത്തിച്ച എല്ലാ നേതാക്കൾക്കും അഭിനന്ദനങ്ങൾ 🎉🎉

17/09/2026

രാഷ്ട്രത്തിന്റെ പുരോഗതിക്കായി സ്വയം സമർപ്പിച്ച കർമ്മയോഗി, ഭാരതത്തിന്റെ പ്രധാനസേവകൻ, ശ്രീ നരേന്ദ്ര മോദിജിക്ക് ജന്മദിനാശംസകൾ.

അദ്ദേഹത്തിന്റെ ദീർഘവീക്ഷണവും നിസ്വാർത്ഥ സേവനവും വികസിത ഭാരതമെന്ന ലക്ഷ്യത്തിലേക്ക് നമ്മെ ധീരമായി നയിക്കുന്നു…

25/08/2026

ഏവർക്കും ഹൃദയം നിറഞ്ഞ നബിദിനാശംസകൾ!

മാനവികതയുടെയും നീതിയുടെയും സന്ദേശം പകർന്ന പ്രവാചക വചനങ്ങളെ ചേർത്തുപിടിച്ച്, പരസ്പര സ്നേഹത്തോടും സഹവർത്തിത്വത്തോടും കൂടി നമുക്ക് മുന്നോട്ട് പോകാം.

നന്മയും സമാധാനവും നമ്മുടെ മനസ്സുകളിലും വീടുകളിലും നിറയട്ടെ.

17/08/2026

Congratulations Shri Kunwar Basit Aliji for being appointed as National President Minority Morcha.

14/08/2026

1896 ൽ കോൺഗ്രസിന്റെ കൽക്കട്ട സമ്മേളനത്തിൽ രവീന്ദ്രനാഥടാഗോർ ആലപിച്ചതോടുകൂടി ശ്രദ്ധയാകർഷിക്കപ്പെട്ട ദേശഭക്തിഗാനമാണ് വന്ദേമാതരം.സ്വാതന്ത്ര്യത്തിനുവേണ്ടി പടപൊരുതിയ മനുഷ്യർക്ക് വീറും വീര്യവും ആവേശവും പകർന്ന ഗാനം തന്നെയായിരുന്നു ഇത്.എന്തൊക്കെ വിമർശനങ്ങൾ ഉണ്ടെങ്കിലും ഇന്ത്യൻ സ്വാതന്ത്ര്യ സമരത്തിൻ്റെ ആത്മാവുമായി ചേർന്ന് നിന്ന ഗാനമാണ് വന്ദേമാതരം എന്നത് നിസ്തർക്കമായ കാര്യമാണ്.1905 ലെ കഴ്സൺ പ്രഭുവിന്റെ ബംഗാൾ വിഭജനത്തിനെതിരെ ബാരിസാലിൽ നടന്ന പ്രക്ഷോഭത്തിൽ പതിനായിരക്കണക്കിന് ഹിന്ദുക്കളും മുസ്ലീങ്ങളും ഒരുമിച്ച് വന്ദേമാതരം പാടിയാണ് ബ്രിട്ടീഷുകാർക്കെതിരെ മാർച്ച് ചെയ്തത്.പിന്നീട് 1930 കളിലാണ് ജിന്നയും ജിന്നയുടെ ലീഗുമൊക്കെ ഇതിലെ മതപരമായ വാക്കുകളെ ചൊല്ലി തർക്കങ്ങൾ ഉന്നയിക്കുന്നതും കോൺഗ്രസ് അനുരഞ്ജനത്തിൻ്റെ ഭാഗമായി ആദ്യഭാഗം മാത്രം സ്വീകരിക്കുന്നതും.

വാസ്തവത്തിൽ "വന്ദേമാതരം" എന്ന ഗാനം ഒരു മതപരമായ ഗാനമോ പ്രാർത്ഥനയോ അല്ല.അത് അടിമുടി സ്വന്തം ദേശത്തോടുള്ള അഭിനിവേശത്തെ പ്രകടിപ്പിക്കുന്ന,പ്രചോദിപ്പിക്കുന്ന ഒന്നാണ്.അതിലെ അഞ്ചാം ഖണ്ഡത്തിലെ;

"ത്വം ഹി ദുർഗാ ദശപ്രഹരണ ധാരിണീ
കമലാ കമലദള വിഹാരിണീ
വാണീ വിദ്യാദായിനീ,നമാമി ത്വാം
നമാമി കമലാം അമലാം അതുലാം
സുജലാം സുഫലാം മാതരം........"

[അർത്ഥം: പത്ത് ആയുധങ്ങൾ ധരിച്ച ദുർഗ നീ തന്നെ.താമര ഇതളിൽ വസിക്കുന്ന ലക്ഷ്മി നീ തന്നെ.വിദ്യ നൽകുന്ന സരസ്വതി നീ തന്നെ.നിന്നെ ഞാൻ നമിക്കുന്നു.നിർമലയും അതുല്യയുമായ ലക്ഷ്മിയെ നമിക്കുന്നു.നല്ല ജലവും ഫലവും ഉള്ള അമ്മേ നിന്നെ ഞാൻ വണങ്ങുന്നു]- ഈ ഭാഗത്തോടാണ് പ്രധാനമായും വിയോജിപ്പുകൾ ഉയർന്നത്.

എന്നാൽ ഈ ഗാനം മൊത്തത്തിൽ പ്രകീർത്തിക്കുന്നത് ഏതെങ്കിലും മതത്തെയോ മതത്തിലെ ദൈവങ്ങളെയോ അല്ല.ഇന്ത്യ എന്ന രാജ്യത്തെ മാതാവായി സങ്കൽപ്പിച്ച് ആ രാജ്യത്തോടുള്ള സ്നേഹവും ആദരവുമാണ് പ്രകടിപ്പിക്കുന്നത്.ആ സ്നേഹത്തിന്റെയും ആദരവിന്റെയും ആഴവും പരപ്പും വ്യക്തമാക്കാൻ ഉപയോഗിച്ച ഉപമകളും രൂപകങ്ങളും അലങ്കാരങ്ങളുമാണ് ഈ വരികളിലെ ദുർഗയും,ലക്ഷ്മിയും, സരസ്വതിയുമൊക്കെ.ഇത് ആ ദൈവ സങ്കല്പങ്ങളെ ആരാധിക്കലല്ല,അവരോളം മഹത്വം തന്റെ ദേശത്തിനുണ്ട് എന്ന് വർണിക്കലാണ്.താൻ കൈമാറാൻ ആഗ്രഹിക്കുന്ന വികാരത്തെ പരിപൂർണ്ണതയിലെത്തിക്കാൻ ഏതു സാഹിത്യകാരനും ഉപയോഗിക്കുന്ന വർണ്ണനാപരമായ അടയാളങ്ങളാണ്.ആ വർണ്ണനകൾക്ക് വ്യക്തികളുടെയും ദേശത്തിന്റെയും സംസ്കൃതിയുടെ സ്വഭാവം ഉണ്ടാവുന്നത് സ്വാഭാവികമായ കാര്യമാണ്..ഉദാഹരണമായി, അല്ലാമ മുഹമ്മദ് ഇഖ്ബാൽ എഴുതിയ "സാരേ ജഹാം സേ അച്ഛാ" എന്ന ദേശഭക്തിഗാനത്തിൽ "ഗുൽശൻ ഹൈ ജിൻ കേ ദം സേ/റഷ്‌ക് എ ജിനോം ഹമാരാ" എന്നൊരു വരിയുണ്ട്.ഇന്ത്യ സ്വർഗത്തേക്കാൾ മനോഹരമാണ് എന്നാണ് ഇതിനർത്ഥം.സ്വർഗ്ഗസങ്കല്പം സെമിറ്റിക് മതങ്ങളുടേതാണ്,ആ വർണ്ണന എനിക്ക് പറ്റില്ല എന്നൊരാൾ പറഞ്ഞാൽ എങ്ങനെയിരിക്കും??!!

കവിതകളിലും ഗാനങ്ങളിലും കഥകളിലുമൊക്കെ കാണുന്ന ഇത്തരം ഉപമകളും രൂപകങ്ങളും അലങ്കാരങ്ങളുമൊക്കെ കീറിമുറിച്ച് പരിശോധിച്ച് സ്വന്തം മതവിശ്വാസത്തിന്റെ ഉരക്കല്ലിലുരച്ച് തീർച്ചപ്പെടുത്തിയതിന് ശേഷമൊക്കെ ഒരു സമൂഹത്തിന് മുന്നോട്ട് പോകാൻ സാധിക്കുമോ??എത്രമേൽ വരണ്ടൊരു മാനസികാവസ്ഥയാണത്??!ജനഗണമനയും വന്ദേമാതരവും സാരേ ജഹാം സെ അച്ഛാ യുമൊക്കെ സൃഷ്ടിക്കുന്ന ദേശീയ ഐക്യബോധത്തെ ഉൾക്കൊള്ളേണ്ടതിന് പകരം ഉപമയും ഉൾപ്രേക്ഷയുമൊക്കെ മതകണ്ണടയിലൂടെ വിശകലനം ചെയ്യാൻ നടക്കുന്നത് മരം തിരഞ്ഞ് തിരഞ്ഞ് കാട് കാണാതാകുന്ന അന്ധതയാണ്.ഈ ഗീതങ്ങളെയൊക്കെ ആദരിക്കുക എന്നതിനർത്ഥം നാം ഇന്ന് അനുഭവിക്കുന്ന സ്വാതന്ത്ര്യത്തിനായി ചോരചിന്തിയ മനുഷ്യരെ ആദരിക്കുക എന്ന് കൂടിയാണ്.ഇതൊന്നും ആരുടെയും മതവിശ്വാസത്തെ റദ്ദ് ചെയ്യുന്ന കാര്യങ്ങളല്ല .സങ്കുചിത മനോഭാവത്തിനപ്പുറത്ത് കാര്യങ്ങളെ മനസ്സിലാക്കാനുള്ള വിവേകമാണ് കാലം ആവശ്യപ്പെടുന്നത്.

വന്ദേ മാതരം 🇮🇳❤️