Dipr champhai

02/09/2026

Electric Veng, Champhai huam chhunga Sapsakeilamlian kawng khar (block) chungchang mipuite hriattirna

01/09/2026

District Transformation Programme hnuaia Project pakhat, Project LEAD hnuaiah National Nutrition Month pualin School Nutrition Garden kalpui mek a ni a. Champhai District-a Elementary School hrang hrangah Nutrition Garden 100 buatsaih niin, naupang ten thlai tharlam leh hrisel an ei theihnan leh, zirlaibu piah lama hmasawnna an neih theihnan nasa takin a pui mek a ni.

01/09/2026

28/08/2026

Champhaiah District Level Narco Coordination Centre (NCORD) Committee ṭhukhawm

Dated Champhai, the 28th August, 2026 : Vawiin khan DC Conference Hall Keifangtlangah Champhai District Level Narco Coordination (NCORD) Committee chu Deputy Commissioner Pu Mohammad Aaquib kaihhruaina hnuaiah an ṭhukhawm.

Chairman chuan ṭhutkhawmnaah hian member kalkhawmte chu Border District kan nih anga NCORD chu ngai pawimawh thar ṭheuh turin a sawm a.Thawktu ṭheuhten chak taka hma an lak zarah ruihhlo tam tak man a ni ṭhin chu lawmawm a tih thu sawiin, hmabak ko tak ala awm avangin theihtawp chhuah chhunzawm zel turin thawktute a sawm bawk a ni.

NCORD thutkhawmnaah hian Police, Excise & Narcotics, Assam R***e leh member dangte hnen aṭangin report ngaihthlak a ni a. SP Pu Gavit Gogna chuan Champhai Police in hma an lakna hrang hrang te a tarlang a : August 1-27 chhungin He**in gram 863, Cheng Vaibelchhe 1.72 (Rs. 1,72,60,000) man hu man tawhin, Methamphetamine - Kg 34.852, cheng vaibelchhe 27.88 (Rs. 27,88,16,000) man hu leh lirthei pariat an man tawh a. Heng an thil man bakah hian Champhai, Dungtlang, Zokhawthar, Farkawn leh Hnahlan Police Station-te chuan awareness campaign an kalpui tawh thu a sawi bawk a ni.

Excise & Narcotics pawhin August 1-26 chhungin He**in gram 295.96 an man tawh a, lirthei pathum man tawh bawkin, NDPS Act’ 1985 hnuaiah mi sâwm pathum (13) an man tawh a, case registered tawh pariat (8) a awm bawk a ni. Drugs Awareness Programme hi Govt. Vengthlang Middle School-ah neih a ni tawh bawk a. Assam R***e pawhin August 1-27 chhung hian he**in Hawng 15 (gram 181.93 ) Cheng Vaibelchhe 1.36 ( Rs 1,36,44,750) man hu an man tawh bawk a ni.

Meeting-ah hian District Social Welfare Office, Health department leh Agriculture lamin Champhai District chhunga ruihhlo dona leh leiṭha tawlhrukna lama hmasawnna te leh an hmalakna hrang hrang report an pe bawk a ni.

Champhai SP Pu Gavit Gogna chuan Narcotics Control Bureau (NCB) in India ram pumpuia ruihlo dona tura hmalakna thar a rawn neih te kalkhawm te hmaah hian a tarlang a, Champhaiah pawh zawm ve ngei tur a nih thu sawiin, Chairman hian NCORD ṭhutkhawm leh hmasak berah chuan NCB kaihhruaina ang chuan hmalakna nei t

28/08/2026

Champhaiah DIG (Eastern Range) chhunga Ruihhlo donaa thawk ṭha Police te chawimawi

Dated Champhai, the 28th August, 2026: Vawiin khan Champhai District Executive Force buatsaihin DIG (Eastern Range) hnuaia Champhai District chhunga Ruihlo dona kawnga Police thawk ṭhate chawimawina hun chu Champhai Vengsang YMA Hall-ah hman a ni a. DIG (ER) Pu C.Lalnunpuia, Champhai DC Pu Mohammad Aaquib leh Champhai SP, Pu Gavit Gogna te chuan an hmanpui.

DIG ( Eastern Range ) Pu C.Lalnunpuia chuan kalkhawmnaah hian thu a sawi a. Hetiang ang hun hman a ni thei hi lawmawm a tiin, chawimawi tur an awm zel a beisei thu a sawi bawk. Eastern Range-in a hna an thawh chu ropui a ti hle a, chawimawina dawngtute pawhin an phu tak zet a tih thu a sawi bawk a ni. Zirlai sawm bikte pawh Drug free generation siam theitu an nih thu hrilhin, k*t tling lova sum lâkluh hmanga lan ropuina awt ngai lo tur leh, rinawm taka mahni thawhchhuah ngaihlu zawk turin a fuih a ni.

Deputy Commissioner, Champhai District pawhin thu a sawi a, Police Department hmalakna leh hnathawh chu a ropui a ti tak zet a. Champhaiah ngei pawh ruihhlo tam tak man a nih thin thu leh, hmabak tam tak a la awm thu a sawi a, tha thlah lo a theihtawp chhuah chhunzawm zel turin thawktute a sawm nghal bawk a ni. Superintendent of Police Champhai District pawhin chawimawina dawngtute chu an phu a tih thu a sawi a, an thawhrimna mipuite pawhin hriatpui a, an theihna apianga police-te chu lo thawhpui ṭhin turin a sawm bawk a ni.

Sawm bikte hnen atangin thusawi ngaihthlak bawk niin, Champhai SDPO, Pu Alan Hmangaihsanga'n lawmthu sawiin hun a khar a ni.

Eastern Range chhunga Ruihhlo donaa thawk tha chawimawite chu hengte hi an ni :

I. ND&PS Case Investigation

1. SI.C.Lalsangliana (Champhai DEF)

2. SI C.Biakthianghlima ( Khawzawl DEF)

II. ND&PS Detection & Seizure

1. ASI Jonathan Lalbiakkima (Champhai DEF)

2. ASI H.Lalpekhlua (Saitual DEF)

3. ASI Lalneihsanga ( Khawzawl DEF)

III. ND&PS Detection (Other Ranks)

1. CUB/17107 Romel Hruaisangliana (Champhai DEF)

2. CAB/16006 Zorama, 2nd IR Bn. Attached to Champhai DEF

3. CUB/20143 Samuel Ngurthanzuala (Saitual DEF)

4. CUB/19520 T.Lalhruaitluanga ( Sai

27/08/2026

Champhaiah CHANEM Management Authority ṭhukhawm

Dated Champhai, the 27th August, 2026: Vawiin khan DC Conference Hall, Keifangtlangah CHANEM Management Authority chu Deputy Commissioner Mohammad Aaquib kaihhruaina hnuaiah an ṭhukhawm a, CHANEM building chei ṭhat tur chungchang sawihona neih a ni.

Thutkhawmnaah hian District Urban Development Officer Pu Ngulzaṭhuama chuan tun dinhmuna CHANEM building function dan a sawifiah a. CHANEM building chei ṭhat dan tur hi Project Consultant Pu Hmangaihzuala'n sawifiahna hun a hmang bawk. Tun dinhmunah CHANEM-ah hian sawrkar office leh mimal dawr luahtu 52 awmin, regular taka inhawng ṭhin hi 23 an awm a, a chhawng hnuai ber hi Sumo Counter anga hman mek a ni.

Ṭhutkhawmna ah hian CHANEM Management Authority member kalkhawmte hnen aṭangin CHANEM chei ṭhat chungchanga an ngaihdante sawihona hun hman a ni a, an harsatna hrang hrang te sawiin, ṭhutkhawm leh hmasak berah awmze nei zawka hmalak dan tur ngaihtuah a nih theihna turin, member te hma la ṭheuh turin Chairman hian a chah bawk a ni.

27/08/2026

Champhaiah Destination Management Committee ṭhukhawm

Dated Champhai, the 27th August, 2026: Vawiin khan Champhai DC Conference Hall, Keifangtlangah Destination Management Committee chu Champhai DC Mohammad Aaquib kaihhruaina hnuaiah an ṭhukhawm.

Thutkhawmnaah hian Keilungliah, Zote, Ngur leh Mualbuhvum chei ṭhat dan tur thlirhona neih a ni a. Consultant Firm, ARDECO Design Build ten survey hrang hrang an neih atanga heng hmun chei that dan tur PowerPoint presentation hmanga tarlangin, component hrang hranga sum awm dan leh hman dan turte pawh an thlirho nghal bawk a ni.

Member kalkhawmte hnen aṭanga zawhna awm hrang hrangte chu Tourism department hotute leh ARDECO Design Build a mithiamte'n chhanna hun an hmang nghal bawk a ni.

25/08/2026

Champhaiah District Water & Sanitation Mission Committee ṭhukhawm

Dated Champhai, the 25th August, 2026: Vawiin khan Champhai DC Conference Hall, Keifangtlangah District Water & Sanitation Committee chu Additional DC Pu Lalbiakfela kaihhruaina hnuaiah an ṭhukhawm.

Thutkhawmnaah hian Champhai District-a PHED Sub Division pathum: Hnahlan, Khawbung leh Champhai aṭang tein tuihna humhalhna kawnga an hmalakna hrang hrang leh an harsatna tawhte report ngaihthlak a ni a. Khaw thenkhat in a Operation & Maintenance (O&M) an kalpui dan te ngaihthlak niin, hmalak zel dan tur sawihona hun hman nghal a ni bawk.

Department hrang hrang atanga member kalkhawmten tuihna leh ramngaw humhalhna lam hawia hma an lak dan theuhte ngaihthlak ni bawkin, PHED te nen a an thawhho zel theih dan tur rawtnate an siam bawk a. Chairman chuan department hrang hranga member-te chu covergence ngai pawimawh a, an theihna anga inpui tawn zel turin a chah bawk a ni.

20/08/2026

Champhaiah District Task Force for Immunisation (DTFI) ṭhukhawm

Dated Champhai, the 20th August 2026 : Vawiin khan DC Conference Hall Keifangtlangah, District Task Force for Immunisation chu Additional DC Pu Lalbiakfela kaihhruaina hnuaiah an thukhawm.

DTFI ṭhukhawm hian Quarter hnuhnung bera an hmalak tawhna te thlirletna hun an hmang a. Deputy CMO Dr. Lalramhluna hnen atangin vaccine pekchhuah a nih tawh dan report ngaihthlak a ni a. National Immunization Day hlawhtling taka hman a nih tawh dan te , Measles Rubella darh tur beihlet a nih tawh dan te ngaihthlak nghal bawk niin, Universal Immunisation Programme U-Win hnuaiah Champhai District chuan target a khum tawh a, naupang za zela 95.6-te hnenah vaccine pek ni tawhin, HPV Vaccine pawh a dawng thei tur bithliah atanga target khûmin, za zelah 109.9 hnenah pek chhuah tawh a ni bawk a ni.

Member kalkhawmte chuan sawrkar laipui-in a beisei angin Sub-National Immunisation Day chu Champhai District Hospital-ah September ni 23-ah hman ngei ni se ṭha an ti a. Intensified Pulse Polio Immunisation programme kalpui leh dan tur sawiho nghal niin, vaccine petu turte chu zirtina ṭha tak pek ngei ni se ṭha an ti bawk a ni.

Thutkhawmnaah hian member kalten zawhna an neih ang ang te damdawi lama mithiamten chhanna hun an hmang a. Member kalkhawmte chu vaccine chungchang leh a chhehvela thudik lo thehdarhtu nilo a, thu dik tawklo beihletna kawnga hmalak puitu ni ṭheuh turin an sawm bawk a ni.