11/10/2026
அண்ணாமலை VS அபிஜித் தீப்கே 🔥
We The Leaders 🆚 காக்ரோச் ஜனதா பார்ட்டி
ஒருபுறம் சமூக சேவை… மறுபுறம் அரசியல் போராட்டங்கள்!
இன்றைய சமூக வலைதள உலகில் ஒரு கசப்பான உண்மை என்னவென்றால், மக்களுக்கு நன்மை செய்பவர்களின் செயல்பாடுகளைவிட, சர்ச்சைகளையும் போராட்டங்களையும் உருவாக்குபவர்களின் காணொளிகளுக்கே அதிக முக்கியத்துவம் கிடைக்கிறது!
தமிழ்நாட்டில் திரு. அண்ணாமலை அவர்கள் முன்னெடுக்கும் We The Leaders அமைப்பின் சார்பில் ஏரிகள், குளங்கள், ஆறுகள் மற்றும் கடற்கரைகளைச் சுத்தம் செய்தல், சுற்றுச்சூழலைப் பாதுகாத்தல், பொதுமக்களுக்கு மரக்கன்றுகள் வழங்குதல் போன்ற பல்வேறு சமூக நலப் பணிகள் மேற்கொள்ளப்படுகிறது.
இத்தகைய பணிகள் இயற்கையைப் பாதுகாப்பதோடு மட்டுமல்லாமல், அடுத்த தலைமுறைக்கு ஆரோக்கியமான சுற்றுச்சூழலை உருவாக்கும் உயரிய நோக்கத்தையும் கொண்டுள்ளன. ஆனால், மறுபுறம், இந்தியாவில் காக்ரோச் ஜனதா பார்ட்டி என்று குறிப்பிடப்படும் அமைப்பைச் சேர்ந்த அபிஜித் தீப்கே மற்றும் அவரது கூட்டாளிகள் மேற்கொள்ளும் போராட்டங்கள், சர்ச்சைக்குரிய செயல்பாடுகள் மற்றும் அவை தொடர்பான காணொளிகள் சமூக வலைதளங்களில் பெரும் கவனத்தைப் பெறுவதாக விமர்சிக்கப்படுகிறது.
இத்தகைய போராட்டங்களால் அரசுத் துறைகளின் நேரமும் வளங்களும் செலவாகின்றது பொதுமக்களின் இயல்பு வாழ்க்கை பாதிப்பு அடைகிறது
Facebook, Instagram, YouTube போன்ற சமூக வலைதளங்களில் சர்ச்சைக்குரிய காணொளிகள் வேகமாகப் பகிரப்படுகின்றன; சில ஊடகங்களும் அவற்றுக்கு அதிக முக்கியத்துவம் அளிக்கின்றன. இந்தியாவைத் தாண்டி பாகிஸ்தான், பங்களாதேஷ் உள்ளிட்ட நாடுகளிலும், உலகின் பல்வேறு பகுதிகளிலும் இத்தகைய காணொளிகள் பகிரப்படுவதாகக் கூறப்படுகிறது.
ஆனால், ஏரிகளையும் குளங்களையும் சுத்தம் செய்வது, மரக்கன்றுகளை நடுவது, மக்களிடையே சுற்றுச்சூழல் விழிப்புணர்வை ஏற்படுத்துவது போன்ற ஆக்கப்பூர்வமான பணிகளுக்குச் சமமான அளவில் கவனம் கிடைக்கிறதா என்ற கேள்வி எழுகிறது. எதிர்மறையான செய்திகள் சில நொடிகளில் ஆயிரக்கணக்கான பகிர்வுகளைப் பெறுகின்றன;
அதே நேரத்தில், சமூகத்திற்குப் பயனளிக்கும் நல்ல செயல்கள் பல நேரங்களில் கவனிக்கப்படாமல் போகின்றன. அரசியல் கட்சிகளும் ஆதரவாளர்களும் தங்களுக்கு விருப்பமானவர்களின் காணொளிகளைப் பகிர்வதில் காட்டும் ஆர்வத்தை, சமூக நலப் பணிகளைப் பகிர்வதிலும் காட்டினால், நல்ல செயல்கள் இன்னும் பலரிடம் சென்றடையும்.
ஒரு தலைவரின் அரசியல் கொள்கைகளை ஆதரிக்கிறோமா, எதிர்க்கிறோமா என்பது வேறு; அவர் முன்னெடுக்கும் ஒரு நல்ல சமூகப் பணியை அங்கீகரிப்பது என்பது வேறு. நல்லது செய்பவர் எந்தக் கட்சியைச் சேர்ந்தவராக இருந்தாலும், அந்தச் செயல் மக்களுக்குப் பயனளிக்கிறது என்றால் அதைப் பாராட்டுவதில் என்ன தவறு இருக்கிறது?
ஒரு போராட்டத்தின் நோக்கம் என்ன, அதன் விளைவுகள் என்ன என்பதையும் ஆராயாமல், காக்ரோச் ஜனதா பார்ட்டி இன் காணொளி தொடர்ந்து பகிர்வது ஆரோக்கியமான சமூக ஊடகப் பண்பாடாகாது.
நமக்குத் தேவையானது சர்ச்சைகளை மட்டுமே கொண்டாடும் சமூக வலைதளக் கலாச்சாரம் அல்ல; சமூகத்திற்குப் பயனளிக்கும் செயல்களையும் சமமான ஆர்வத்துடன் முன்னிறுத்தும் கலாச்சாரம்! ஒரு ஏரியைச் சுத்தம் செய்வது நூற்றுக்கணக்கான மக்களுக்குப் பயன் தரலாம்; ஒரு மரக்கன்று எதிர்காலத்தில் பலருக்கு நிழல் தரலாம்;
சுற்றுச்சூழலைப் பாதுகாக்கும் ஒரு சிறிய முயற்சிகூட மிகப்பெரிய மாற்றத்திற்கான தொடக்கமாக அமையலாம். எனவே, அரசியல் வேறுபாடுகளைத் தாண்டி நல்ல செயல்களைப் பகிர்வோம், சமூக நலப் பணிகளை ஊக்குவிப்போம், உண்மையான தகவல்களைச் சரிபார்த்துப் பரப்புவோம். சர்ச்சையைப் பகிர்வது சில நொடிகளில் புகழைக் கொடுக்கலாம்; ஆனால் நல்ல செயல்களைப் பகிர்வது ஒரு தலைமுறையின் சிந்தனையையே மாற்றக்கூடும்!