07/10/2026
இந்திய யூனியன் முஸ்லிம் லீக் மாநில துணை தலைவர் - வஃக்ப் வாரிய தலைவர் - இராமநாதபுரம் நாடாளுமன்ற உறுப்பினர் கே.நவாஸ்கனி எம்பி பரமக்குடி அரசு மாவட்ட தலைமை மருத்துவமனையில் கடந்த 26.09.2026 அன்று மேற்கொண்ட ஆய்வில் அங்கு சிகிச்சை பெற்று வரும் நோயாளிகள், மருத்துவர்கள், மருந்துவ பணியாளர்கள் ஆகியோரிடம் குறைகளை கேட்டறிந்தார்.
அதனை தொடர்ந்து இன்று (07.10.2026) புதன்கிழமை தலைமை செயலகத்தில் மருத்துவம் மற்றும் மக்கள் நல்வாழ்வுத்துறை அமைச்சர் அருண்ராஜை சந்தித்து ஆய்வில் கண்டறிந்த தேவைகளை கீழ்க்கண்ட கோரிக்கைகள் அடங்கிய கோரிக்கை மனுவாக வழங்கினார்.
பரமக்குடி மாவட்ட அரசு மருத்துவமனை, தற்போது மாவட்ட மருத்துவமனைக்கு உரிய முழுமையான வசதிகள் இல்லாமல், தாலுகா மருத்துவமனை தரத்திலேயே செயல்பட்டு வருகிறது.
மருத்துவமனைக்கு ஏற்கனவே 400
படுக்கைகளுக்கு (Beds) அனுமதி வழங்கப்பட்டுள்ளது. பொதுமக்களின் தேவையை கருத்தில் கொண்டு, கூடுதலாக 100 படுக்கைகள் ஒதுக்கீடு செய்யப்பட வேண்டும்.
*மருத்துவர்கள் பற்றாக்குறை*
அனுமதிக்கப்பட்டுள்ள 21 மருத்துவர்களில் 19 மருத்துவர்கள் தற்போது பணியாற்றி வருகின்றனர். மீதமுள்ள 2 மருத்துவர்கள் மாற்றுப் பணியாக (Deputation) திருவாடானை மருத்துவமனைக்கு அனுப்பப்பட்டுள்ளனர்.
மருத்துவமனையின் தேவையை கருத்தில் கொண்டு, கூடுதலாக மயக்கவியல் நிபுணர் (Anaesthetist), அறுவை சிகிச்சை நிபுணர் (Surgeon), பொது மருத்துவ நிபுணர் (General Medicine), எலும்பியல் நிபுணர் (Orthopaedics), தோல் மருத்துவ நிபுணர் (Dermatology), நரம்பியல் நிபுணர் (Neurology), மகப்பேறு மற்றும் மகளிர் மருத்துவ நிபுணர் (Obstetrics & Gynaecology) உள்ளிட்ட 15 சிறப்பு மருத்துவர்கள் உடனடியாக நியமிக்கப்பட வேண்டும்.
*செவிலியர்கள் பற்றாக்குறை*
தற்போது 46 செவிலியர்களில் 23 பேர் நிரந்தர செவிலியர்களாகவும், 23 பேர் தற்காலிக செவிலியர்களாகவும் பணியாற்றி வருகின்றனர். மருத்துவமனையின் படுக்கை எண்ணிக்கை மற்றும் நோயாளிகளின் எண்ணிக்கையை கருத்தில் கொண்டு, கூடுதலாக 40 செவிலியர்கள் உடனடியாக நியமிக்கப்பட வேண்டும்.
*மருத்துவ உபகரணங்கள் மற்றும் தொழில்நுட்ப பணியாளர்கள்*
மருத்துவமனையில் நோயாளிகளுக்கு மேம்பட்ட சிகிச்சை வழங்குவதற்காக புதிய CT Scan இயந்திரம் மற்றும் புதிய X-Ray இயந்திரம் (300 mA) ஆகியவை வழங்கப்பட வேண்டும். மேலும், LAP Technician / Lab Technician – 3 பேர் கூடுதலாக நியமிக்கப்பட வேண்டும்.
பரமக்குடி மாவட்ட அரசு மருத்துவமனையை முழுமையான மாவட்ட மருத்துவமனை தரத்திற்கு உயர்த்தி, தேவையான மருத்துவர்கள், செவிலியர்கள், சிறப்பு மருத்துவர்கள் மற்றும் நவீன மருத்துவ உபகரணங்களை உடனடியாக வழங்க நடவடிக்கை எடுக்க வேண்டும்.
மருத்துவமனைக்கு வரும் நோயாளிகள் மற்றும் அவர்களுடன் வரும் பொதுமக்களின் வசதிக்காக 100 நாற்காலிகள் வழங்க நடவடிக்கை எடுக்க வேண்டும்.
மருத்துவமனையில் நோயாளிகள் மற்றும் பணியாளர்களின் எண்ணிக்கை அதிகரித்து வருவதைக் கருத்தில் கொண்டு, CT Scan, கண் மருத்துவப் பிரிவு, மகப்பேறு பிரிவு, நவீன சமையலறை, CSSD, பிணவறை, நிர்வாக அலுவலகம், விபத்து மற்றும் அவசர சிகிச்சைப் பிரிவு உள்ளிட்ட அனைத்து பிரிவுகளையும் இணைக்கும் வகையில் Approach Road அமைக்க வேண்டும்.
*ஆக்சிஜன் வசதிக்கான கூடுதல் நிதி:*
மருத்துவமனையில் உள்ள 500 LPM PSA Oxygen Plant, 333 LPM PSA Oxygen Plant மற்றும் 3 KL LMO Tank ஆகியவற்றின் மூலம் மருத்துவப் பயன்பாட்டிற்கு தேவையான ஆக்சிஜன் வசதியை உறுதி செய்ய, தேவையான கூடுதல் நிதி ஒதுக்கீடு வழங்க வேண்டும்.
*பிணவறை மற்றும் சுற்றுச்சுவர்:*
புதிய பிணவறை கட்டிடத்தின் அருகில் குடியிருப்பு பகுதிகள் அமைந்துள்ளதால், பிணவறை கட்டிடத்திற்கும் குடியிருப்பு பகுதிகளுக்கும் இடையிலுள்ள சுற்றுச்சுவரின் உயரத்தை அதிகரித்து, பொதுமக்களின் பாதுகாப்பு மற்றும் தனியுரிமையை உறுதி செய்ய நடவடிக்கை எடுக்க வேண்டும்.
மேற்கொண்ட கோரிக்கைகளை விரைந்து நிறைவேற்றி தரும்படி நவாஸ்கனி எம்.பி அமைச்சரிடம் வலியுறுத்தினார்.
