CITU Tamilnadu, A Nallasivam Ninaivagam, 13, Mosque Street Chepauk, Chennai (2026)

08/10/2026

மக்களும் உலகமும் தொடர் 269. தோழர் ஆர்.சிங்காரவேலு.

08/10/2026

தொழிற்சங்கம் பதிந்தது சங்கம் வென்றது
--------------------
செய்யார் அமரராஜா சொல்யூஷன் சர்குலர் நிறுவனத்தில் தொழிற்சங்கம் பதிவு செய்யப்பட்டது தொழிலாளர் துறை இன்று அறிவிப்பு
-------------
தொழிற்சாலைகள் குவி மையமாக உள்ள திருவண்ணாமலை மாவட்டம் செய்யார் மாங்கால் கூட்ரோடு பகுதியில் அமைந்துள்ள செய்யார் அமரராஜா சொல்யூஷன் சர்குலர் நிறுவனத்தில் இரண்டு மாதங்களுக்கு முன்பு சங்கம் அமைக்கப்பட்டது

சங்கத்தை அமைக்க கூடாது என்றும் பதிவு செய்ய விடாமல் தடுக்கப்பட வேண்டும் என்று நிர்வாகம் பல தடைகளை ஏற்படுத்தியது

பேரவை நடத்த அனுமதி கோரப்பட்ட தனியார் மண்டபத்தை காவல்துறை மூலமாக மண்டபம் அனுமதி மறுக்கப்பட்டது

சிபிஎம் அலுவலகத்தில் பேரவை நடந்தது

தொழிற்சாலைக்குள் சங்க நிர்வாகிகளுக்கு எதிராக பழிவாங்கல் நடவடிக்கை பல வகைகளில் நிர்வாகம் எடுத்தது

இடமாற்றம் சம்பள மறுப்பு ஆபத்தான பகுதிகளில் சங்க நிர்வாகிகள் பணி செய்ய கட்டாயப்படுத்தியது வீடுகளுக்கு சென்று அச்சுறுத்தல் பிரச்சாரம் செய்யப்பட்டன

பொய் குற்றச்சாட்டு அடிப்படையில் தூசி காவல் நிலையத்தில் நான்கு தொழிலாளர்களுக்கு எதிராக குற்றவியல் வழக்கு பதிவு செய்யப்பட்டன

அதை எதிர்த்து 30. 9. 2026 தேதி முதல் வேலை நிறுத்த போராட்டம் நடைபெற்று வரும் பின்னணியில்

சங்கத்தை பதிவு செய்வதற்காக அனைத்து ஆவணங்களையும் வேலூர் தொழிற்சங்க பதிவாளர் அவர்களிடம் ஆன்லைன் மூலம் சமர்ப்பிக்கப்பட்டன நேரடியாகவும் வழங்கப்பட்டன

ஆவணங்கள் ஆய்வு செய்வதற்கான விசாரணையும் நடந்து முடிந்தது

அனைத்து ஆவணங்களும் சரியாக இருந்த போதிலும் கூட தொழிற்சங்கம் பதிவு செய்வதற்கு தொழிலாளர் துறை காலதாமதம் செய்தது

இந்த காலகட்டத்தை பயன்படுத்தி நிறுவனம் போட்டி சங்கத்தை நிர்வாகமே ஒன்று உருவாக்கி அவர்களும் பதிவுக்கு முறையிட்டார்கள்

ஒரு நிறுவனத்தில் இரண்டு சங்கம் என்கிற முறையில் நமது சிஐடியூ சங்க உறுப்பினர்களை நிர்வாகத்தின் போட்டி சங்க உறுப்பினர்கள் என்று போலியான ஒரு ஆவணத்தை சமர்ப்பித்தது நிறுவனத்துக்கு ஆதரவாக இதை காரணம் காட்டி நேற்று வரை சங்கம் பதிவு செய்ய இயலாது என்று காலதாமதம் செய்யப்பட்டது

அத்தனை தொழிலாளர்களையும் தொழிலாளர் துறைக்கு நேரில் வர வேண்டும் என்று தொழிற்சங்க பதிவு சட்டத்துக்கு எதிராக தொழிலாளர் துறை நிபந்தனை விதித்தது

தொழிலாளர் துறையின் இந்த சங்கப் பதிவுக்கு எதிரான நடவடிக்கையை எதிர்த்து 15.10. 2026 அன்று அனைத்து சங்க உறுப்பினர்களும் வேலூர் தொழிலாளர் துறை அலுவலகம் முன்பு போராட்டத்தில் ஈடுபடுவது என்று முடிவு செய்தோம்

தொழிலாளர் துறையின் நியாயமற்ற இந்த நடவடிக்கைகளை

தொழிலாளர் துறையின் அனைத்து அதிகாரிகளுக்கும்
தமிழக தொழிலாளர் துறை செயலாளர் ஐ ஏ எஸ் திரு.வீரராகவலு அவர்களுக்கும் இணையதளம் முகநூல் உள்ளிட்ட சமூக வலைதளங்களிலும் நியாயம் கேட்டு கடிதங்கள் அனுப்பப்பட்டன

சாம்சங் தொழிற்சாலையில் எப்படி சங்கம் பதிவு செய்யாமல் நிறுவனத்துக்கு ஆதரவாக தொழிலாளர் துறையும் தமிழக அரசும் நடந்து கொண்டதோ சாம்சங் தொழிற்சாலை எப்படி தொழிற்சங்க பதிவுக்கு எதிராக தன் பலத்தை பயன்படுத்தி தடை செய்ய முயற்சித்ததோ

அதே போன்ற ஃபார்முலாவை அமரராஜா நிறுவனமும் தொழிலாளர் துறையின் ஒரு சில அதிகாரிகளும் மேற்கொள்ள முயற்சித்தார்கள்

வேறு வழியில்லாமல் நேரடியாக சங்க உறுப்பினர்கள் அனைவரும் (தொழிலாளர்கள்) வேலூர் தொழிலாளர் துறை அலுவலகத்திற்கு நேரில் ஆஜராக வேண்டும் என்று கோரிக்கை வைத்தது தொழிலாளர் துறை

தொழிற்சங்க பதிவு சட்டத்தில் இல்லாத இந்த நடைமுறை

தொழிற்சங்க வரலாற்றில் இதுவரையிலும் சங்க உறுப்பினர்கள் அனைவரும் நேரில் வந்தால் தான் பார்த்த பிறகு தான் பதிவு செய்வோம் என்கிற இந்த புதிய அணுகுமுறை ஆச்சரியத்தை ஏற்படுத்தியது

ஆயிரம் பேர் உள்ள ஒரு நிறுவனமாக இருந்தால்
ஆயிரம் உறுப்பினர்களும் நேரடியாக தொழிலாளர் துறை முன்பு ஆஜராக முடியுமா? அனைவருக்கும் நிர்வாகம் விடுமுறை கொடுக்குமா?இவை நடைமுறை சாத்தியமா?

சட்டத்தில் இல்லாத ஒரு வழிமுறையை தொழிலாளர் துறை அதிகாரிகள் இந்த பதிவு பிரச்சனையில் முன் வைத்தார்கள்

வேலை நிறுத்த போராட்டத்தில் இருந்ததால் அத்தனை உறுப்பினர்களும் தொழிலாளர் துறை பதிவாளர் முன்பு வர தயார் என்று அறிவித்தோம்

அச்சமடைந்த தொழிலாளர்துறை யாரும் வர வேண்டாம் சங்கத்தை உடனே பதிவு செய்கிறோம் என்று
8.10.2026 அன்று இன்று பகல் 2 மணி அளவில் தொழிற்சங்க பதிவு செய்யப்பட்டதாக பதிவு சான்றிதழ் பதிவாளர் கையொப்பமிட்டு இணையதளத்தில் தொழிலாளர் துறை வெளியிட்டது.
பதிவு செய்ததற்கான. ஆவணங்களையும் தகவல்களையும் சங்கத்தலமைக்கு தொழிலாளர் துறை தெரிவித்தது
இது ஒரு மாபெரும் வெற்றி

தொழிற்சங்க இயக்க வரலாற்றில் புதிய லேபர் கோட் அறிவிக்கப்பட்டு நடைமுறைக்கு வந்த பிறகு நடைபெறும் தொழிற்சங்க பதிவு சான்றாகும்

சங்க பதிவுக்கான போராட்டத்தில் தடைகள் புதிது அதை எதிர்கொள்ள நாம் கையாண்ட அணுகுமுறைகளும் புதிது

அனுபவங்களும் புதிது
அடக்கு முறையும் புதிது
அதை கடந்து வெற்றி பெற்றிருப்பதும் புதிது

தடைகளை ஏற்படுத்தி பதிவு சான்று கொடுத்த தொழிலாளர் துறை
பதிவாளருக்கும் நன்றி நன்றி
சிஐடியூ
செய்யார் அமரராஜா சொல்யூஷன் சர்குலர் தொழிலாளர்கள் சங்கம்

08/10/2026

*மாநகராட்சி, நகராட்சி, பேரூராட்சிகளில் அவுட்சோர்சிங் முறையை கைவிட வேண்டும் என வலியுறுத்தி ஊரக வளர்ச்சி உள்ளாட்சித் துறை ஊழியர் சங்கம் சிஐடியு சார்பில் ஆர்ப்பாட்டம் நாமக்கல் மாவட்ட ஆட்சியர் அலுவலகம் முன்பு சிஐடியு நாமக்கல் மாவட்ட ஊரக வளர்ச்சி உள்ளாட்சித் துறை ஊழியர் சங்கம் சார்பில் பல்வேறு கோரிக்கைகளை வலியுறுத்தி ஆர்ப்பாட்டம் நடைபெற்றது*

தமிழக தவெக அரசு
மாநகராட்சி, நகராட்சி, பேரூராட்சிகளில் அவுட்சோர்சிங் முறையை கடைப்பிடிப்பதை கைவிட வேண்டும்.
தூய்மை பணி, குடிநீர், ஓட்டுநர், டிபிசி ஊழியர்களை பணி நிரந்தரம் செய்ய வேண்டும்.
குறைந்தபட்ச ஊதியம் அரசாணை 2[10]-62 நாள்: 11-10-2017ன் படி ரூ.26,000/- வழங்க வேண்டும்.
PF மற்றும் ESI திட்டத்தை முழுமையாக செயல்படுத்த வேண்டும்.
8.33% குறைந்தபட்ச போனஸ் மற்றும் சம வேலைக்கு சம ஊதியம் வழங்க வேண்டும். சம்பளத்துடன் கூடிய வார விடுமுறை, தேசிய விடுமுறை வழங்க வேண்டும்.
8 மணி நேரத்துக்கு மேலான வேலைக்கு இரட்டிப்பு சம்பளம் வழங்க வேண்டும்.
காலை உணவுக்கு பதிலாக உணவுப் படியாக ரூ.100/- வழங்க வேண்டும்.

வேலை நேரத்தில் நடைபெறும் விபத்திற்கு முழுமையான மருத்துவ உதவி மற்றும் இழப்பீட்டு தொகை வழங்க வேண்டும்.
என பல்வேறு கோரிக்கைகளை வலியுறுத்தி தமிழகம் முழுவதும் நடைபெற்று வருகிறது.

*நாமக்கல் மாவட்ட ஆட்சியர் அலுவலகம் முன்பு நடைபெற்ற ஆர்ப்பாட்டத்திற்கு சங்கத்தின் மாவட்ட தலைவர் வி. கண்ணன் தலைமை வகித்தார். சங்க மாவட்ட பொருளாளர் கு.சிவராஜ் கோரிக்கைகளை விளக்கி பேசினார்.
சிஐடியு மாவட்ட உதவி செயலாளர் சு.சுரேஷ் நிறைவுரை ஆற்றினார்.
மோட்டார் சங்க மாவட்ட குழு உறுப்பினர் ஈஸ்வரன். சண்முகம் உள்ளிட்ட பங்கேற்றனர்.

08/10/2026

கரூர் மாவட்டம் புகழுர் நகராட்சியில் ஊரக வளர்ச்சி உள்ளாட்சி துறை ஊழியர் சங்கத்தின் சிஐடியு சங்க கொடி கம்பம் மற்றும் பெயர் பலகையை அகற்ற முயன்ற நகராட்சி நிர்வாகத்தை கண்டித்து 07.10.2026 அன்று வேலாயுதம்பாளையத்தில் ஊரக வளர்ச்சி உள்ளாட்சி சங்கத்தின் மாவட்டத் தலைவர் தோழர் மு.சுப்பிரமணியன் தலைமையில் கண்டன ஆர்ப்பாட்டம் நடைபெற்றது. வணக்கத்திற் குரிய மதுரை (பொறுப்பு) மேயர் நாகராஜன் அவர்கள் சங்கப்பலகை மற்றும் கொடி அகற்ற முயற்சித்த இடத்தை பார்வையிட்டதோடு நகராட்சி ஆணையரையும் சந்தித்து புகளூர் நகராட்சியில் மட்டும் CITU கொடியினை அகற்ற முயற்சித்த செய்கை ஏற்புடையதல்ல என்பதனை தெளிவுபடுத்தியதோடு கண்டன ஆர்ப்பாட்டத்தில் பங்கு பெற்று கண்டண உரையாற்றினார் மார்க்சிஸ்ட் கட்சியின் மாவட்ட செயலாளர் மா.ஜோதிபாசு சிஐடியு மாவட்ட துணை தலைவர் ஜி.ஜீவானந்தம்,
சிஐடியு மாவட்ட தலைவர் சி.ஆர்.ராஜாமுகமது, CPI(M) ஒன்றிய செயலாளர், சி.முருகேசன் சங்கத்தின் மாவட்ட செயலாளர் கே.வி.கணேசன் மாவட்ட பொருளாளர் எம்.ராஜேந்திரன், கரூர் மாநகராட்சி மாமன்ற உறுப்பினர் எம்.தண்டபாணி சிஐடியு மாவட்ட துணைச் செயலாளர்
டி என் பி எல் C.அரவிந்த், புகளூர் நகராட்சி மாமன்ற உறுப்பினர் அ.இந்துமதி, உள்ளிட்டோர் கண்டன உரை நிகழ்த்தினார்கள் கட்சியின் மாவட்டக்குழு உறுப்பினர்
ஆர்.ஹோச்சுமின், S. P.ஜீவானந்தம், போக்குவரத்து பாலசுப்ரமணியன், அங்கன்வாடி என்.சாந்தி, பரீதா, மாதர்சங்கம் சுமதி, கரூர் ஒன்றியக் குழ உறுப்பினர்கள் , நடராஜன், உள்ளிட்ட 300க்கும் மேற்பட்டோர் கலந்து கொண்டனர்

07/10/2026

07.10.2026
பத்திரிக்கை செய்தி பிரசுரிப்பதற்காக / ஆசிரியர்
ஸ்மார்ட் மீட்டர் திட்டத்தை கைவிடுக
தமிழ் நாடு மின்சார வாரியம் சென்னை, கோவை, திருச்சி, மதுரை உள்ளிட்ட மாநகராட்சியில் உள்ள மின் இணைப்புகளில் ஸ்மார்ட் மீட்டர் பொருத்த ஒப்பந்தம் கோரியுள்ளது. இந்த ஒப்பந்தத்தின் மூலம் தனியார் நிறுவனங்களே மின் இணைப்புகளில் மீட்டர் பொருத்தி பராமரிப்பார்கள். எதிர் காலத்தில் மின் கட்டணத்தை கணக்கீடு செய்து வசூலிப்பார்கள்.
மின்சார சட்டம் 2003ன் அடிப்படையில் ஏற்கனவே மாநில மின்வாரியங்களை சிதைத்து தனித்தனி கம்பெனிகளாக உருவாக்கிவிட்டனர். தற்பொழுது மாநில அரசு பொது தனியார் கூட்டுடன் மின் உற்பத்தி நிலையங்களை உருவாக்கவும் திட்டமிட்டுள்ளது. இது முழுக்முழுக்க மின் துறையை தனியார் மயப்படுத்தும் நடவடிக்கை தான். பல்வேறு மாநிலங்களில் ஸ்மார்ட் மீட்டர் பொருத்தும் திட்டத்தை கைவிட மின் ஊழியர்கள் பொதுமக்கள் போராடியதின் விளைவு அரசாங்கம் இந்த திட்டத்தை கைவிட்டுள்ளது. தமிழகத்திலும் முந்தைய திமுக அரசு இந்த முயற்சியை எடுத்த பொழுது அதை எதிர்த்து தொழிற்சங்கங்களும், பொதுமக்களும் போராடியதின் விளைவாக தமிழகத்தில் பல ஆண்டுகளாக நிறுத்தப்பட்டது.
மேற்கு வங்கத்தில் ஊழியர்களின் போராட்ட காரணத்தால் பிஜேபி அரசாங்கம் இந்த திட்டத்தை கைவிட்டுவுள்ளது. ஆனால் தமிழகத்தில் தவெக அரசு பிஜேபியின் திட்டத்தை முழுமையாக அமுல்படுத்திட நடவடிக்கை எடுக்கிறது.
ஸ்மார்ட் மீட்டர் மின் இணைப்புகளில் பொருத்தப்பட்டால் மின் நுகர்வோருக்கு மிகப்பெரிய சுமை ஏற்படும். மிட்டர் கட்டணம், உச்சபட்ச நேரம் மின் பயனீட்டிற்கான கூடுதல் கட்டணம் போன்றவற்றாலும், மின் துண்டிப்பு ஏற்பட்டால் அதற்கான கட்டணம் உள்ளிட்டவைகளால் பாதிப்புக்கு உள்ளாவர்கள். எதிர்காலத்தில் ஃப்ரிப்பேயிடூ மீட்டராக மாற்றப்படும். பணம் இருந்தால் மட்டுமே மின்சாரம் கிடைக்கும்.
மின்வாரியத்தில் நிரந்தர தன்மை வாய்ந்த பணிகள் காலியாகும். இதன் மூலம் படித்த இளைஞர்களுக்கு வேலை வாய்ப்பு பறிபோகும். எதிர்காலத்தில் விவசாய மின் இணைப்புகள், குடிசை மின் இணைப்புகள், சிறு-குறு தொழில்கள் என அனைத்தும் பாதிப்புக்குள்ளாகும். எனவே, மக்களை பாதிக்கும், இளைஞர்களின் வேலை வாய்ப்பை பாதிக்கும் இத்திட்டத்தை தவெக அரசு மீண்டும் கொண்டுவர நினைப்பதை இந்திய தொழிற்சங்க மையம் கண்டிக்கிறது. மேலும் ஸ்மார்ட் மீட்டர் பொருத்தும் திட்டத்தை கைவிட வேண்டும்மென சிஐடியு கேட்டுக்கொள்கிறது.

தோழமையுடன்
(எஸ்.கண்ணன்),
சிஐடியு மாநில பொதுச்செயலாளர்.

07/10/2026

பிரபஞ்ச ரகசியம்! கண்ணுக்குத் தெரியாத மர்ம துகள்கள்.. நோபல் பரிசு பெற்ற francis halzen!

2026-ஆம் ஆண்டுக்கான இயற்பியலுக்கான நோபல் பரிசு, பெல்ஜியம்-அமெரிக்க விஞ்ஞானி ஃபிரான்சிஸ் ஹால்சனுக்கு அறிவிக்கப்பட்டிருக்கிறது. ஐஸ்கியூப் நியூட்ரினோ ஆய்வகத்திற்கான அவரது தீர்மானகரமான பங்களிப்பு மற்றும் வானியல் மூலத்திலிருந்து வரும் உயர் ஆற்றல் நியூட்ரினோக்களின் கண்டுபிடிப்புக்காக இந்த விருது வழங்கப்பட்டுள்ளது. அப்படி... அவர் மேற்கொண்ட ஆய்வு என்ன? இந்த ஆய்வு ஏன் இவ்வளவு முக்கியத்துவம் பெற்றது என்பதைப் பார்க்கலாம்.

நம்மைச் சுற்றிலும்... ஏன், நம் உடலுக்குள்ளேயே கூட ஒவ்வொரு நொடியும் ஏராளமான நியூட்ரினோக்கள் கடந்து செல்கின்றன! ஆனால், இந்தத் துகள்கள் இருப்பதையே நம்மால் உணர முடியாது. அவை எங்கிருந்து வருகின்றன... எப்படி உருவாகின்றன... போன்ற பல கேள்விகளுக்கு நீண்ட காலமாக விடை தேடப்பட்டு வந்தது. அப்படிப்பட்ட மர்மமான துகள்களான நியூட்ரினோக்களை ஆய்வு செய்வதன் மூலம், பிரபஞ்சத்தின் ஆழத்தில் நடைபெறும் மிகப்பெரிய ஆற்றல் கொண்ட நிகழ்வுகளைப் புரிந்துகொள்ளும் புதிய வழியை உருவாக்கியவர்தான் ஃபிரான்சிஸ் ஹால்சன்.

நியூட்ரினோ என்பது மின்சுமை இல்லாத, மிகக் குறைந்த நிறை கொண்ட அடிப்படைத் துகள். இவை பொருளுடன் மிகவும் அரிதாகவே வினைபுரிவதால், ஏராளமான நியூட்ரினோக்கள் நம்முடைய உடலையும், பூமியையும் கடந்து செல்கின்றன. இதனால்தான், நியூட்ரினோக்களை நேரடியாகக் கண்டறிவது விஞ்ஞானிகளுக்கு மிகப்பெரிய சவாலாக இருந்தது. ஆனால், ஃபிரான்சிஸ் ஹால்சன் ஒரு முக்கியமான யோசனையை முன்வைத்தார்...

பூமியின் தென்துருவத்தில் இருக்கும் மிகப்பெரிய பனிப்பரப்பையே ஒரு பிரம்மாண்டமான நியூட்ரினோ கண்டறியும் கருவியாகப் பயன்படுத்த முடியும் என்ற யோசனையை முன்மொழிந்தார்...இந்த யோசனையின் அடிப்படையில்தான் அண்டார்டிகாவில் ஐஸ்கியூப் நியூட்ரினோ ஆய்வகம் உருவாக்கப்பட்டது.

சுமார் ஒரு கன கிலோமீட்டர் அளவிலான அண்டார்டிகா பனிக்கட்டிக்குள் ஆயிரக்கணக்கான ஒளி உணரிகளைக் கொண்ட கருவிகள் பொருத்தப்பட்டுள்ளன. ஒரு நியூட்ரினோ அரிதாக பனியில் உள்ள அணுக்களுடன் வினைபுரியும்போது, உருவாகும் ஒளியை இந்தக் கருவிகள் பதிவு செய்கின்றன. அதன்மூலம், அந்த நியூட்ரினோ எங்கிருந்து வந்தது என்பதையும், அது உருவான பிரபஞ்ச நிகழ்வு குறித்த தகவல்களையும் விஞ்ஞானிகள் கண்டறிய முடிகிறது.

அதாவது... தொலைதூர பிரபஞ்சத்தில் இருக்கும் மிகப்பெரிய ஆற்றல் கொண்ட விண்வெளி நிகழ்வுகள் குறித்த தகவல்களை, ஒளியின் மூலம் மட்டுமல்லாமல் நியூட்ரினோக்கள் மூலமாகவும் அறிந்துகொள்ள முடிகிறது. உதாரணமாக, மிகப்பெரிய கருந்துளைகள், செயலில் உள்ள விண்மீன் மண்டலங்கள் போன்ற வானியல் மூலங்களிலிருந்து வரும் உயர் ஆற்றல் நியூட்ரினோக்களை ஐஸ்கியூப் ஆய்வகம் தொடர்ந்து தேடி வருகிறது. இதன்மூலம், பிரபஞ்சத்தைப் புரிந்துகொள்வதற்கும் ஆய்வு செய்வதற்கும் ஒரு புதிய வழி திறக்கப்பட்டுள்ளது. இதற்காகவே ஃபிரான்சிஸ் ஹால்சனுக்கு 2026-ஆம் ஆண்டுக்கான இயற்பியலுக்கான நோபல் பரிசு வழங்கப்பட்டுள்ளது.

07/10/2026

பணி நீக்கம் செய்யப்பட்ட 17 தொழிலாளர்களுக்கு மீண்டும் வேலை வழங்கக் கோரி போராடிய தொழிலாளர்களை கைது செய்ததற்கு கண்டனம்!
சென்னை கிழக்கு கடற்கரை சாலை, திருவான்மியூரில் உள்ள ஜெப்ட்டோ (ZEPTO) அலுவலகம் முன்பு, பணி நீக்கம் செய்யப்பட்ட 17 தொழிலாளர்களுக்கும் மீண்டும் வேலை வழங்க வேண்டும் என வலியுறுத்தி, சிஐடியு மாநிலச் செயலாளர் கே.சி.கோபிகுமார் தலைமையில் தொழிலாளர்கள் இன்று ( அக். 7 ) கண்டன ஆர்ப்பாட்டத்தில் ஈடுபட்டனர்.
தொழிலாளர்களின் நியாயமான கோரிக்கையை நிறைவேற்றுவதற்குப் பதிலாக, தங்களது வாழ்வாதாரத்திற்காக அமைதியான முறையில் போராடிய தொழிலாளர்களை காவல்துறை கைது செய்திருப்பது வன்மையாகக் கண்டிக்கத்தக்கது.

தொழிலாளர்களை அச்சுறுத்தி போராட்டத்தை ஒடுக்குவதற்கு பதிலாக, ஜெப்ட்டோ நிர்வாகம் உடனடியாக 17 தொழிலாளர்களின் பணி நீக்கத்தை ரத்து செய்து, அவர்களுக்கு மீண்டும் வேலை வழங்க வேண்டும். மேலும், தொழிலாளர்களின் பிரச்சினைகளை சுமூகமாக பேச்சுவார்த்தை மூலம் தீர்க்க வேண்டும்.

தொழிலாளர்களின் சங்க உரிமை, வேலை பாதுகாப்பு மற்றும் வாழ்வாதார உரிமையை பாதுகாக்கும் வகையில் தமிழக அரசு மற்றும் தொழிலாளர் துறை உடனடியாக தலையிட்டு நடவடிக்கை எடுக்க வேண்டும். தொழிலாளர்களை கைது செய்ததை சிஐடியு மத்திய சென்னை மாவட்டம் சார்பில் வன்மையாகக் கண்டிக்கிறோம்.

17 தொழிலாளர்களுக்கும் உடனடியாக மீண்டும் வேலை வழங்குக!
தொழிலாளர் உரிமைகளை பாதுகாத்திடுக!
கைது செய்யப்பட்ட தொழிலாளர்களை உடனடியாக விடுதலை செய்க!

07/10/2026

தர்மபுரி ஒகேனக்கல் பரிசல் தொழிலாளர்கள் ஆர்ப்பாட்டம்

07/10/2026

செப்டோ நிறுவனம் 17 தொழிலாளர்களை வேலை நீக்கம் செய்ததை கண்டித்து அவர்களுக்கு மீண்டும் வேலை வழங்க வேண்டும் தொழிலாளர்கள் ஏற்கனவே பெற்று வந்த ஊதியத்தை மீண்டும் வழங்க வேண்டும் என்று வலியுறுத்தி சிஐடியு தென் சென்னை மாவட்டம் மற்றும் தமிழ்நாடு உணவு மற்றும் இதர பொருட்கள் விநியோகிப்போர் சங்கம் சார்பாக நிறுவனம் முன்பு கண்டன ஆர்ப்பாட்டம் நடைபெற்றது

07/10/2026

பணி நீக்கம் செய்யப்பட்ட 17 தொழிலாளர்களுக்கு மீண்டும் வேலை கேட்டு சென்னை கிழக்கு கடற்கரை சாலை திருவான்மியூரில் உள்ள ஜெப்ட்டோ ZEPTO அலுவலகம் முன்பு சிஐடியு தலைமையில் தொழிலாளர்கள் ஆர்ப்பாட்டம் - கைது.

சங்கத்தின் தலைவர் தோழர் கே.சி.கோபிகுமார் பத்திரிக்கையாளர் பேட்டி

CITU Tamilnadu

08/10/2026

08/10/2026

08/10/2026

08/10/2026

07/10/2026

07/10/2026

07/10/2026

07/10/2026

07/10/2026

07/10/2026

Address

Telephone

Website

Alerts

Contact The Organization

Shortcuts

Share

Category

Listing takedown request