19/09/2026
സിപിഐ പ്രതിഷേധ മാർച്ച് സംഘടിപ്പിച്ചു.
ചേർത്തല: സംസ്ഥാനത്തെ വൈദ്യുതി പവർകട്ടിനും വൈദ്യുതി മേഖലയിലെ കടുകാര്യസ്ഥതയ്ക്കുമെതിരെ സിപിഐ ചേർത്തല സൗത്ത് മണ്ഡലം കമ്മിറ്റിയുടെ നേതൃത്വത്തിൽ തണ്ണീർമുക്കം കെഎസ്ഇബി സെക്ഷൻ ഓഫീസിലേക്ക് പ്രതിഷേധ മാർച്ച് സംഘടിപ്പിച്ചു.
തുടർന്ന് നടന്ന പ്രതിഷേധയോഗം സി.പി.ഐ സംസ്ഥാന കമ്മിറ്റി അംഗം കെ ബി ബിമൽറോയ് ഉദ്ഘാടനം ചെയ്തു.
ജില്ലാ കൗൺസിൽ അംഗം കെ ബി ഷാജഹാൻ അധ്യക്ഷത വഹിച്ചു.
മണ്ഡലം സെക്രട്ടറി ബൈരഞ്ജിത്ത് സ്വാഗതം പറഞ്ഞ യോഗത്തിൽ സാംജു സന്തോഷ് , സുജിത്ത് രാമചന്ദ്രൻ ,ഡി സുഭദ്ര തുടങ്ങിയവർ സംസാരിച്ചു. അസിസ്റ്റൻറ് സെക്രട്ടറി സി ഡി വിശ്വനാഥൻ നന്ദി പറഞ്ഞു.
തണ്ണീർമുക്കം ക്ഷേത്രത്തിന് സമീപത്തുനിന്നും ആരംഭിച്ച പ്രതിഷേധ പ്രകടനത്തിന് സി കെ സത്യൻ, സി എം ചന്ദ്രബോസ്, പി എസ് വേണുഗോപാൽ, ഇ.ആർ ഗിരിജ, കെ. ആർ. യമുന തുടങ്ങിയവർ നേതൃത്വം നൽകി.
