05/10/2026
మొగరాల పంచాయతీలో పర్యటించిన ఎమ్మెల్యే పులివర్తి నాని
పాకాల మండలం మొగరాల పంచాయతీలో ఎమ్మెల్యే పులివర్తి నాని గారు పర్యటించారు. ఈ సందర్భంగా మండల స్థాయి అధికారులు, కూటమి ప్రభుత్వం నాయకులు, కార్యకర్తలు ఆయనకు ఘన స్వాగతం పలికారు.
మొగరాల గ్రామ సమీపంలోని చెరువు కట్టపై వీబిజీ రామ్‌జీ పథకం ద్వారా సుమారు రూ.1 కోటి వ్యయంతో నిర్మించనున్న సీసీ రోడ్డుకు ఎమ్మెల్యే నాని గారు భూమిపూజ నిర్వహించారు. అనంతరం జేసీబీ వాహనంపై ఎక్కి పనులను ప్రారంభించారు.
ఎన్నికల సమయంలో గ్రామ ప్రజలకు ఇచ్చిన హామీని నేడు అమలు చేస్తూ, ఏళ్లుగా ఉన్న రహదారి సమస్యను పరిష్కార దిశగా తీసుకెళ్లారు. దీంతో గ్రామస్తులు ఎమ్మెల్యే నానికి ప్రత్యేక ధన్యవాదాలు తెలిపారు.
పనుల్లో నాణ్యతకు రాజీపడకుండా, త్వరితగతిన పూర్తి చేయాలని కాంట్రాక్టర్‌ను ఎమ్మెల్యే ఆదేశించారు.
ఈ కార్యక్రమంలో అధికారులు, కూటమి నాయకులు, కార్యకర్తలు పాల్గొన్నారు.
