https://www.facebook.com/377605189664425/

Gorkha Janmukti Morcha, Singamari, P. O. North Point, Darjeeling (2026)

08/10/2026

‘अल इन्डिया गोर्खा फुटबल टुर्नामेन्ट’ सफल बनाउन सहयोग गर्ने सम्पूर्णप्रति आयोजक समिति द्वारा आभार व्यक्त।

कालेबुङ, ८ अक्टोबर: गोर्खा जनमुक्ति मोर्चा पार्टी अध्यक्ष श्री बिमल गुरुङको पहलमा आयोजित ‘अल इन्डिया गोर्खा फुटबल टुर्नामेन्ट’ सफलतापूर्वक सम्पन्न भएको अवसरमा आयोजक पक्षद्वारा धन्यवाद साथै आभार सभा सम्पन्न गरिएको छ।
आपास होटलको प्रेक्षागृहमा आयोजित उक्त सभामा प्रतियोगितालाई सफल, व्यवस्थित र मर्यादित रूपमा सञ्चालन गर्न प्रत्यक्ष अनि अप्रत्यक्ष रूपमा सहयोग पुर्‍याउनुहुने सम्पूर्ण व्यक्ति अन संघ संस्थाहरू प्रति आयोजक पक्षले हार्दिक धन्यवाद एवं आभार व्यक्त गरेको छ।

विशेषगरी कालेबुङ खेलकुद संघ, कालेबुङका विभिन्न विद्यालयका शिक्षक एवं विद्यार्थी, कालेबुङ रेफरी एसोसिएसन, बार एसोसिएसन अफ कालेबुङ अनि विभिन्न सञ्चारमाध्यममा आबद्ध पत्रकार एवं सञ्चारकर्मीहरू साथै विभिन्न भ्लगरहरु लगायत प्रतियोगितालाई सफल बनाउन सहयोग गर्नुहुने सम्पूर्णप्रति आयोजक पक्षले कृतज्ञता प्रकट गरेको छ।

गोर्खा जातिमा खेलकुदको विकास, युवा प्रतिभाको पहिचान तथा नयाँ पुस्तालाई सकारात्मक दिशातर्फ अघि बढाउने उद्देश्यले आयोजित यस प्रतियोगिताको सफलताले खेलकुद क्षेत्रप्रति युवाहरूमा थप उत्साह र ऊर्जा पैदा गरेको आयोजक पक्षले जनाएको छ। कार्यक्रममा गोर्खा जनमुक्ति मोर्चा कालेबुङ जिल्ला समिति संयोजक निमा तामाङ, युवामोर्चा केन्द्रीय महासचिव बालकृष्ण थापा, जिल्ला सचिव सुरज बाग्दास, दिप थापा, सुमन थापा, ज्ञानेन्द्र छेत्री अनि उत्तम छेत्री लगायतको उपस्थिति रहेको थियो।

आयोजक पक्षले प्रतियोगिताको सफल आयोजनामा सहयोग गर्नुहुने खेलाडी, प्रशिक्षक, रेफ्री, शिक्षक,शिक्षिका, संघ-संस्था, सञ्चारकर्मी, स्वयंसेवक अनि सम्पूर्ण शुभेच्छुकहरूलाई पुनः हार्दिक धन्यवाद व्यक्त गर्दै आगामी दिनमा पनि यस्तै सहयोग, सहकार्य र सद्भावको अपेक्षा गरेको छ।

आयोजक पक्ष
अल इन्डिया गोर्खा फुटबल टुर्नामेन्ट
एवं गोर्खा जनमुक्ति मोर्चा कालेबुङ जिल्ला समिति

08/10/2026

प्रेसविज्ञप्ति

"अध्यक्ष बिमल गुरुङको नेतृत्वमा इन्टरलोकुटर पंकज कुमार सिंह अनि गृह मन्त्रालयको टोलीसँग महत्वपूर्ण बैठक सम्पन्न"

दार्जिलिङ, ८ अक्टोबर:
गोर्खा जनमुक्ति मोर्चा अध्यक्ष श्री बिमल गुरुङको नेतृत्वमा पार्टीको प्रतिनिधिमण्डलले आज दार्जिलिङमा भारत सरकारद्वारा नियुक्त इन्टरलोकुटर श्री पंकज कुमार सिंह अनि गृह मन्त्रालयको टोलीसँग महत्वपूर्ण बैठक सम्पन्न गरेको छ। बैठकमा भारत सरकारका एम० एच० ए० जोइन्ट सेक्रेटरी अनि पश्चिम बंगाल सरकारका गृहसचिव समेतको उपस्थिति रहेको थियो।

बैठकका क्रममा विशेषगरी तराई अनि डुवर्स क्षेत्रसँग सम्बन्धित ३९६ मौजा, ११ जातगोष्ठीलाई जनजातिको दर्जा दिनुपर्ने, सीमा सम्बन्धी संवैधानिक समाधान लगायतका महत्वपूर्ण विषयहरूमा विस्तृत छलफल भएको थियो। गोर्खा जनमुक्ति मोर्चाको प्रतिनिधिमण्डलले तराई तथा डुवर्स क्षेत्रका विभिन्न समस्या, जनसरोकारका विषय साथै लामो समयदेखि उठ्दै आएका जनताको मुद्दाहरूलाई बैठकमा प्राथमिकताका साथ प्रस्तुत गरेको थियो। साथै, पहाड, तराई र डुवर्ससँग सम्बन्धित विषयहरूलाई समग्रतामा लिएर दीर्घकालीन समाधानको प्रक्रिया अघि बढाउन आवश्यक संवाद, पहल तथा राजनीतिक प्रक्रियाका विषयमा समेत छलफल भएको थियो।

बैठकलाई गोर्खा जनमुक्ति मोर्चाले पहाड, तराई तथा डुवर्सका जनताका विषयहरूलाई सरकारसमक्ष प्रस्तुत गर्दै समाधानको दिशामा संवादलाई निरन्तरता दिने महत्वपूर्ण पहलका रूपमा लिएको छ।

गोर्खा जनमुक्ति मोर्चा
केन्द्रीय कार्यालय
सिंहमारी, दार्जिलिङ

08/10/2026

"स्थापना दिवसपछि सरसफाइमा जुटे तकभर समष्टिका कार्यकर्ता"

दार्जिलिङ: ७ अक्टोबर, गोर्खा जनमुक्ति मोर्चाको २०औँ स्थापना दिवस कार्यक्रम भव्य रूपमा सम्पन्न भएपछि तकभर समष्टिका कार्यकर्ताहरू कार्यक्रम स्थल नर्थ पोइन्ट स्कुल ग्राउन्डको सरसफाइमा जुटेका छन्।

स्थापना दिवस कार्यक्रम सफल बनाउन सक्रिय रूपमा खटिएका कार्यकर्ताहरूले कार्यक्रम सम्पन्न भएपछि पनि आफ्नो जिम्मेवारीलाई निरन्तरता दिँदै मैदान अनि आसपासको क्षेत्रमा सरसफाइ गरेका हुन्। कार्यक्रम स्थललाई सफा, सुन्दर र व्यवस्थित अवस्थामा राख्ने उद्देश्यले गरिएको उक्त सरसफाइ अभियानले कार्यकर्ताहरूको अनुशासन, सेवाभाव, जिम्मेवारीबोध र सामाजिक उत्तरदायित्वलाई उजागर गरेको छ।

“स्वच्छता नै हाम्रो मूल मन्त्र हो” भन्ने भावनाका साथ गरिएको यस पहलमार्फत कार्यक्रम आयोजना गर्नु मात्र नभई कार्यक्रमपछि स्थलको संरक्षण र सरसफाइ गर्नु पनि आफ्नो दायित्व भएको सन्देश कार्यकर्ताहरूले दिएका छन्।

तकभर समष्टिका कार्यकर्ताहरूको यस पहललाई स्थानीय स्तरमा समेत सकारात्मक र अनुकरणीय कदमका रूपमा हेरिएको छ।

08/10/2026

२० औं स्थापना दिवस समारोह ७ अक्टोबर २०२६ दार्जीलिङ्ग

08/10/2026

गोर्खा जनमुक्ति मोर्चाको २०औँ स्थापना दिवस कार्यक्रमलाई सफलभूत बनाउन प्रत्यक्ष तथा अप्रत्यक्ष रूपमा योगदान पुर्‍याउनुहुने दार्जिलिङ पहाड, तराई तथा डुवर्सका सम्पूर्ण आम जनता, पार्टीका नेतृत्व, कार्यकर्ता, शुभेच्छुक, समर्थक, स्वयंसेवक, सञ्चारकर्मी, पत्रकार, दार्जीलिङ पुलिस प्रशासन, दार्जीलिङ चालक दाजु - भाईहरू अनि सम्पूर्ण सहयोगी महानुभावहरूप्रति हार्दिक धन्यवाद एवं आभार व्यक्त गर्दछौँ।

यहाँहरूको साथ, सहयोग, सहभागिताले स्थापना दिवस कार्यक्रमलाई सफल बनाउन महत्वपूर्ण भूमिका निर्वाह गरेको छ।

विनिता रोकम
मुख्य कार्यक्रम संयोजक
गोर्खा जनमुक्ति मोर्चा

08/10/2026

गोर्खा जनमुक्ति मोर्चाको २०औँ स्थापना दिवसलाई भव्य, सभ्य एवं ऐतिहासिक रूपमा सफल बनाउन कार्यक्रमको प्रत्यक्ष अनि अप्रत्यक्ष रूपमा मिडिया कभरेज गरी जनता समक्ष पुर्‍याउनुहुने सम्पूर्ण सञ्चारकर्मी, पत्रकार साथै सञ्चारमाध्यमहरूप्रति गोर्खा जनमुक्ति मोर्चा मिडिया सेल हार्दिक धन्यवाद अनि आभार व्यक्त गर्दछ।
स्थापना दिवसका सम्पूर्ण गतिविधि, कार्यक्रम साथै सन्देशलाई व्यापक रूपमा सम्प्रेषण गरी जनताको घरघर सम्म पुर्‍याउन यहाँहरूले निर्वाह गर्नुभएको महत्वपूर्ण भूमिकाको हामी उच्च सम्मान गर्दछौँ।

"आगामी दिनहरूमा पनि यहाँहरूको निरन्तर साथ, सहयोग र सहकार्यको अपेक्षा राख्दछौँ।"

मिडिया सेल
गोर्खा जनमुक्ति मोर्चा
केन्द्रीय कार्यालय
सिँहमारी, दार्जिलिङ

08/10/2026

गोर्खा जनमुक्ति मोर्चाको २०औँ स्थापना दिवसलाई भव्य, सभ्य र ऐतिहासिक रूपमा सफल बनाउन प्रत्यक्ष अनि अप्रत्यक्ष रूपमा योगदान पुर्‍याउनुहुने सम्पूर्ण दार्जिलिङ पहाड, तराई अनि डुवर्सका आम जनता, पार्टीका नेता, कार्यकर्ता, शुभेच्छुक, समर्थक तथा माटोप्रेमी दाजुभाइ, दिदीबहिनीहरूमा हार्दिक आभार अनि धन्यवाद व्यक्त गर्दछु।

यस ऐतिहासिक अवसरमा राज्यका मुख्यमन्त्री माननीय शुभेन्दु अधिकारीज्यू, माननीय पहाड मामिला मन्त्री विशाल लामाज्यू अनि माननीय सांसद राजु विष्टज्यू , दार्जिलिङका विधायक नोमन राई लगायत सम्पूर्ण विशिष्ट अतिथिहरूप्रति हार्दिक कृतज्ञता व्यक्त गर्दछु।

२०औँ स्थापना दिवसमा तपाईंहरू सबैले देखाउनुभएको उत्साह, सहभागिता, अनुशासन, एकता र सद्भावले कार्यक्रमलाई सफल बनाउन महत्वपूर्ण योगदान पुर्‍याएको छ। कार्यक्रमलाई सफल बनाउन दिनरात खट्नुहुने पार्टीका सम्पूर्ण नेता, कार्यकर्ता, स्वयंसेवक, व्यवस्थापन टोली, सहयोगी संस्था अनि शुभेच्छुकहरूप्रति पनि विशेष धन्यवाद व्यक्त गर्दछु।

यो स्थापना दिवस केवल एउटा उत्सव मात्र नभई विगत दुई दशकको हाम्रो राजनीतिक यात्रा, संघर्ष र अनुभवलाई स्मरण गर्दै आगामी दिनका लागि नयाँ संकल्प र जिम्मेवारीका साथ अघि बढ्ने अवसर पनि हो।

जनताको विश्वास, साथ र सहभागितालाई आत्मसात् गर्दै आगामी दिनमा पनि गोर्खा जनमुक्ति मोर्चाले जनताको भावना, अधिकार र आकांक्षालाई केन्द्रमा राखेर आफ्नो राजनीतिक यात्रालाई अझ जिम्मेवार, संयमित र परिणाममुखी ढंगले अघि बढाउने प्रतिबद्धता व्यक्त गर्दछ।
२०औँ स्थापना दिवसलाई भव्य रूपमा सफल बनाउन साथ, सहयोग, शुभेच्छा र सहभागिता जनाउनुहुने सम्पूर्णमा पुनः हार्दिक धन्यवाद तथा आभार व्यक्त गर्दछु।

बिमल गुरुङ
अध्यक्ष
गोर्खा जनमुक्ति मोर्चा

07/10/2026

Glimpse of today 20th Foundation of day of Gorkha Janmukti morcha

Gorkha Janmukti Morcha

08/10/2026

08/10/2026

08/10/2026

08/10/2026

08/10/2026

08/10/2026

08/10/2026

07/10/2026

Address

Website

Alerts

Contact The Organization

Shortcuts

Share

Category

Listing takedown request