𝐍𝐢𝐬𝐢𝐦 𝐓𝐡𝐚𝐳𝐚

I hihna Banga Nuntak Ngamna Thupi

khat lai-in English Political Leader le Military khat ahi Oliver Cromwell in ama lim(a mel, a maitang) suaisak dingin limsuaih siampa kiangah hong pai hi.

Limsuaih siampa in Oliver kiangah, "Na maitang a, a bawk, a ton, a etlawm lote kilang lo dingin, na mai a maam zialzial, a etlawm hiuhiau dingin hong suaihsak ning maw," a ci hi.

in "A bawkna, a tonna a omte ahi bangbang in a kilang sinsen dingin hong suai zaw in. Ka hihna bangin kilangsak nuam zaw ing...Tua banga nong suaihsak kei leh limsuaih man hong pia lo ding hing," a ci hi.

> Tua ciangin limsuaih siampa in ahi bangbang in a suai hi.

huai

> Kineih tawmna tawh i nuntak hangin a taktak hun ciang kilangkhia veve ahih manin ih hihna bangbang in nuntak ngam ding thupi zaw hi.
> Buan nawi lakah a om zongin suangmanpha pen suangmanpha mah hilel hi.
> Van dawn ah a leng tuaituai zongin leivui pen leivui mah ahi hi.
> Mite maipha ngahnopna le mite hoih muh ding utna bek tawh kineih tawmin nungta lo zaw in, ihihna i dinmun siang gen ngamna in mi thupi ihihna hong kilangsak zaw hi.

Credit;

Chin State khuapi Khalkha in a ngahna Thu
Gelh: Dr. Vumson

Dr. Vumson in Manglai tawh a gelh hi.
Sia Zam Sian Sum in Zolai in hong lehkhiat ahihi.

Haka in Zogam khuapi angahna (or) Zogam khuapi Haka ah akituahna tawh kisai mimal kingawhna leh kimawh sakna zong om zeuhzeuh hi. Atheician pawlkhat omding a, atelcianlo zong ki-om theiding ahih manin hong suaksak hi-ing. Pu Moong (Col. Khen Za Moong) nangawn in hihvai tampi nagen lo hi. Banghang hiam cihleh tuahun laitak in amah hihvaisai pawl ah nakihel lo, mundang ah na om ahih man ahi hi.

Kei theih batna ciang ah Haka pen 1964 k*m masiah Zogam khuapi suak ngeilo hi. Mangkangte'n Zogam honglak ciangin Thangmual ah phualsat masa uh hi. Sihzang leh akim apam teng hongzawh ciangun amakai galkapmaang Gen. White kici pa' min tamsak in Thangmual pen Fort White naci uh hi. Tua Fort White pen Sihzang kual sungah om hi.

1892 k*min Sihzang leh Tedim lam ukpi makaite kipawlin honguk Mangkang Ulian Carey nasuamsawm uh hi. Tuavai ah mapangpite in Kaptel pan Thuam Thawng leh atapa Pau Dal, Heilei pan Khan Dal leh Sihzang ukpite ahi uh hi.

Mangkangte in aphualpi uh Falam ah tuahto uh a, Zogam khuapi nasuak hi. Tualaitak in Zogam (Chin Hills District) pen Tedim, Falam leh Haka gamteng huam hi. Falam ah Laito, Sikkhau zum leh Palik lente kilam hi. Tua ahih manin Falam pen 1892 k*mpan in Zogam khuapi nasuak hi.

Kawlgam suahtakna ngah ciangin Matupi, Mindat, Pakokku knawksung a om Kanpetlet leh Arakan gam a om Paletwa te Zogam ah hong kigawm hi. Hihteng kigawm pen 'Chin Special Division' nakici masa a, akhuapi dingin Falam mah na kizang hi.
1958 k*m ciangin AFPFL party te hong kitamh in pawlnih hongsuak uh a, Stable AFPEL te in mitam ngahzaw uh hi. Tua manin Haka tualsuak Pu Ral Hmung pen Zogambup makaipi hongsuak hi. Makaipi asuahphet in Zogam khuapi Haka ah tuah dingin thu napia hi. Akituah ma-in Gen. Ne Win in thei ahih manin nang thu in tawpnuam zawmaw, ken hong tawpsak zawding naci lian hi. Tua ciangin Pu Ral Hmung zong amathu in tawppah a, Zogam khuapi zong Haka ah kituah nawnlo phot hi.

Gen. Ne Win in 1962 k*m ciangin aana hongluah a, Zogam makai ding zong adehideih hong teelpah hi. Zogam makaipi dingin Major Son Kho Lian na teel hi. Pu Son Kho Lian inzong Zangkong tawh kizopna alemthei pending, Kale-Kabaw-Myttha-Gangaw kuamteng tawh zonglah kiphakna alemtaang pending ci-in Kawlpi (Kalaymyo) ah zum nakoih hi.

Tua ciangin Kawlpi a teeng Kawlte pawlkhat in Ne Win kiangah 'Kawlpi pen Shan-le-Kawlte' khua hi, Zomite' a hilo hi' ci-in nakhia uh hi. U Ne Win in meeting sampah a, tualai ah Pu Son Kho Lian leh makai pawlkhat, Kawlgam saklam galkap phualpi pan alian pen Colonel Lun Tin, alian nihna Colonel Van Kulh, Chin Council Secretary Pu Tuang Hmung, Secretary nihna Pu Ngun To te kihel uh hi.

Tua Meeting ah U Ne Win in Pu Son Kho Lian kiangah Zozum pen amun dangah natuah dinguh deih ing ci hi. Tua ciangin Pu Son Kho Lian leh apawlte inzong koilai ah tuahleng lempen ding hiam ci-in hong khinkhai uh hi.

Tua Meeting manciangin Col. Lun Tin in Pu Son Kho Lian kiangah lunghimawh ngaihsut kei-in hih hiat hiat lel in, hih putekpa (Ne Win) pen alungsim hong kikhel kik lelding hi ci-in hehnem hi.
Col. Lun Tin zong agalkap phualpi ahi Mandalay atunzawh tawlkhat khit ciangin mundangah vazin hi. Tuakal in Col. Van Kulh in Pu Ngun To tawh naki gulluk in 'banghun ciang Zogam khuapi Haka ah tuahleng lemding hiam' cih nageel sim uh hi. Van Kulh leh Ngun To pen Haka tualsuak tuak ahi uh hi.

Tualeh Col. Lun Tin leh Pu Tuang Hmung akhualzin hun uh hong kituak khageih hi. Tualian leh, Van Kulh inzong amau galkap phualpi panin Kawlpi Zozum ah sikkhau saat (Telegram) pah in, Haka ah Zozum natuah un ci-in thupia hi. Tua sikkhau angah phet in Ngun To zong atungsiahpa omloh kal ahih mah bangin amathu in asun azan cilo in Zozum Haka ah natuah phangphang pah hi.

Tuahun pen Zogamah khualzin gamvakna ahaksat pen hun tuuklai tak ahi hi. Col. Lun Tin in tuathu atheih ciangin Kawlpi sikkhau saatpah hi. Tua sikkhau la pen Ngun To in nasel cip in, Zozum kituah amansiang d**g kuamah lak lo hi.
Tualaitak Kawlgam lokhawh singpuak nalam vaisai (Agricultural Department) te golhguk vai-in mindai uh a, tuavai ah Col. Lun Tin zong kihelkha citciat hi. Galkap sungpan Col. Lun Tin kikhawlsak ahih manin Zozum vai (Zogam khuapi kituahvai) zong kikan nawnlo, mitcip suak hi.

Hihbang teng hangin Haka in Zogam khuapi ngahkha a, Zomite in ipu ipate Shan te tawh anateen khopna gamnuam kikhahsuah taanlawh ta hi.

Athupi pen ah, tuahun masiah Haka ah Zozum kituah lo banah, Dr. Lian Hmung Sakhong gelh bangin Mangkangte hong tuncil pan Haka pen Zogam khuapi asuak hi peuhmah lo hi.

By: Dr.

Lungkia Ken!

Mihing khat na hihmanin leitung haksatnate na thuak ding mah hi.... Lungkia ken!

A beisa na nuntakna hangin minsiat, mindai, maizuumna thuak kha mah ni teh.... Lungkia ken!

Na neihloh man, na zawnluat manin na tha nem kha mah in teh... Lungkia ken!

Na pilloh man, na siamloh manin maizumna thuak kha mah ni teh... Lungkia ken!

Tulaitak na ma bing sa-in lamet bei kha mah ni teh... Lungkia ken!

Na ginatlohna hangin mite'n hong neu-et in, kithuahpih dingin zong hong deih kei kha mah inteh... Lungkia ken!

Na dinmun ngaihsun in nang le nang zong na thanem hun om kha mah inteh... Lungkia ken!

Lungkia ken! Lungkia ken! Nang adingin hun manpha tampi om lai a, gualzawhna in hong ngak lai hi!

Lungkia ken! Lungkia ken! Nang adingin Pasian om den hi!

Lungkia ken! Lungkia ken! Lungkia ngei kei in!

"Na Khempeuh Lengla Hi Lel Hi"

1. Haksatna ih cih zong lengla bang bek hi lel.

2. Lungkhamna ih cih zong lengla bang bek hi lel.

3. Guallelhna ih cih zong lengla bang bek hi lel.

4. Nopsakna ih cih zong lengla bang bek hi lel.

5. Langpanna ih cih zong lengla bang bek hi lel.

6. Hauhna ih cih zong lengla bang bek hi lel.

Na khempeuh lengla bang bek lel ahih manin ki phatsak nading omlo a, ki lungneusak nading zong om tuanlo hi. Na khempeuh lengla hi lel hi.


**gmung

"Hong Theisiam O"

1). I kiho nop mahmah laitak kong hopih man nawn keileh, nang sanga thupi ka sakzawk khat ii phone hong lut hi ei...Na theisiam o.

2). Nong laikhakte hong lut mah e, kong etsak noploh le kong thukkik keileh, nang sang ka simsak nop le ka thukkik nopzawk mi khat a dawng hi-ing...Na theisiam o.

3). Kei lampan kong gengen pong hangin, kei gen bangin na tungah kong gamtat noploh khakna bel, thupi ka sak zawk khat a om man hi. Na theisiam o.

theisiam o
thupisak zawk a om mah bangin kei zong hong om lua peuhmah ding; tua ciang na theisiam o.
manlah kisak hun a om bangin kei zong hong om kha ding; tua ciang na theisiam o.
buai kisa lua a, na manlah hun om lua tham, tua banglian in kei zong hong om kha thei; tua ciang na theisiam o.

leh kimuhmawh bawlna pen i kithupi simloh man leh i ki-awlmawl luatloh man hilel hi.
ah bangzah takin i manlah zongin i thupi ngaihsut leh i thupi sim mihing le na khat peuhpeuh adingin hun kipiazo lua mahmah lel hi.
-a i vawh bangin a phual teekteek pan i at kei zongin mundang pan ki-at kha thei hi. Tua hun ciang kitheihsiam ding mah hong hita ve maw.

👉Nong kisap ciang_ Ka manlah leh_ Hong theisiam o.
👉Nong zatnop ciang_Ka buai leh_Hong theisiam o.
👉Nong sawlnop ciang_Ka om kei leh_Hong theisiam o.

;

"Hazatna Thaman"
Rev. ​Job Thawngno

Lungdam kipak thei lo hi.

Lunggim denden uh hi.

Mi' lungdamna ah heh hi.

Maitai cih om ngeilo hi.

Amah bekbek tangtat hi.

Itna nei thei vetlo hi.

Muhdahna nei den hi.

Mite thapia theilo hi.

Mit leh lungsim gim hi.

Mi' neihsa mu leh heh hi.

Ama vai bek gen nuam hi.

Mi khempeuh nuai-et hi.

Amah bek kisangsak hi.

Mi kiphat leh heh pah hi.

Amah kiphatpen leh ut hi. Mi' hoihna mu thei vetlo hi.

Mite vai kan den keei hi.

Ama innkuan bek thusim hi.

Ka tua cih leh cih zang hi.

Kei hi leng cih kam zang hi.

By Job Thawngno

😭SISAN KIKO HI😭
( Sia Do Khup)

Kua lam kua lam nahi zongun mihing sisan tawh kimawl kha kei un, Pasian heh mahmah ta hi. Gamdang panin na vaihawm, na thugente uh hangin laizomte kithatthat uh hi. No mimal kilem lohna, kidem kitona, thangpaihnate mipi in kithuak hi.

Pasian lang a pang dingin nang bang hilel nahi hiam? Gamdang a om teng kilem le uh cin Zomi 70% lepsa hilel ei. Innkuan ciat zong nong vak uh hi mawk ahih manin no gen bangbang a kigamta ciat hi lel hi. Zomi a tamzaw pen gamdangte thuneihna nuai ah kiom hi.

Gam sunga leptuah a kul 30% khawng bel kilem loh a phatmawh hun hong tung ding ahih manin lem toto lel ding hi.

SISAN KIKO HI
“Topa in, “Bang hangin hici gamtat na hi hiam? Na sanggampa’ sisan, leilak panin kei tungah hong kiko hi. Na sanggampa’ sisan a hup dingin a kam a ka leitang tungah tu-in nang hong kisamsiat hi.”
PIANCILNA 4:10-11 TDB

Zingsang thusuak hi. Kikhel sawm ciat ni. Pasian maipha zong ciat ni.

Tulai tak min thabg vangvang ei ei.

UZO Miss USA

Nunga Lamka leh Aizawl Kikal a lei kotan pen.

Note: Lei akitan hang nuamtak in ki pai thei veve hi.